|
Ҫутҫанталӑк
 Ҫулла вӗҫленчӗ, ҫанталӑк вара ҫаплипех ҫуллахи пек ӑшӑ-ха. Синоптиксем пӗлтернӗ тӑрӑх, паян кунӗпех уяр пулӗ, ҫӗрле тата ыран ирхине ҫумӑр ҫӑвӗ, аслати авӑтма пултарӗ. Ыран термометр 20-25 градус ӑшӑ кӑтартӗ. Юнкун вара пӗлӗтленӗ, ҫумӑрлӑ ҫанталӑк пуҫланӗ, ҫил вӑйланӗ, ҫавна май 11-13 градус ӑшӑ пек кӑна туйӑнӗ. Канмалли кунсенче ҫумӑр ҫума чарӑнӗ, хӗвел тухӗ, 17-22 градус таран ӑшӑтӗ. Ахӑртнех, «карчӑк ӑшши» пуҫланӗ, вӑл авӑн уйӑхӗ варриччен тӑсӑлӗ. Хыпар ҫӑлкуҫӗ:
|
|
Культура
 chgign.ru сӑнӳкеочӗкӗ Юнкун, авӑн уйӑхӗн 3-мӗшӗнче, Чӑваш патшалӑх гуманитари ӑслӑлӑхӗсен институчӗ 95 ҫул тултарнине паллӑ тӑвӗ. Ларура институт директорӗ Юрий Исаев заведени утса тухнӑ кун-ҫулпа паллаштарӗ. Юбилейпа саламлама республика Элтеперӗ Олег Николаев, Патшалӑх Думин депутачӗсем Анатолий Аксаков тата Алла Салаева; чӑваш парламенчӗн спикерӗ Леонид Черкесов, Чӑваш Енӗн вӗренӳ министрӗ Дмитрий Захаров, культура министрӗ Светлана Каликова; И.Н. Ульянов ячӗллӗ ЧПУ ректорӗ Андрей Александров пырса ҫитӗҫ. Савӑнӑҫлӑ лару 14 сехетре пуҫланӗ. Мероприяти Чӑваш патшалӑх гуманитари ӑслӑлӑхӗсен институчӗн Никольский залӗнче иртӗ. Хыпар ҫӑлкуҫӗ:
|
|
Пӑтӑрмахсем
 21.мвд.рф сӑнӳкерчӗкӗ Паян ҫӗрле, 1 сехет те 25 минутра, «Кӳкеҫ – Тутаркасси – Ҫӗнӗ Шупашкар» автоҫул ҫинче инкек пулнӑ. ГАЗель машина ҫын ҫине пырса кӗнӗ. Шупашкар районӗнче пурӑнакан 26 ҫулти арҫын каланӑ тӑрӑх, тӗксӗм ҫипуҫ тӑхӑннӑ арҫын кӗтмен ҫӗртен ҫул ҫине сиксе тухнӑ. Вӑл Шупашкарта пурӑнакан 46-ри арҫын пулнӑ. Аманнӑскере пульницӑна илсе кайнӑ. ГАЗель водителӗ урах пулнӑ. Хыпар ҫӑлкуҫӗ:
|
|
Пӑтӑрмахсем
 forum.na-svyazi.ru сӑнӳкерчӗкӗ Шӑматкун, ҫурла уйӑхӗн 30-мӗшӗнче, Шупашкарти аэропортра пӗр пӑтӑрмах пулса иртнӗ. Минеральные Воды хулинчен Шупашкара вӗҫсе килнӗ самолетра кардиологсен пулӑшӑвӗ кирлӗ 60 ҫулсенчи арҫын пулнӑ. Сывлӑх енчен хавшак пирки ун патне васкавлӑ пулӑшу машини илме пынӑ, мӗншӗн тесен ун пек пациент килессине тухтӑрсем малтанах пӗлнӗ-мӗн. Анчах аэропортри хуралҫӑсем реанимаци машинине территорие кӗртме килӗшмен. Чирлӗ ҫын урама утса тухнӑ. Ӑна япӑх пулса кайнӑран пульницӑра тӳрех реанимаци уйрӑмне вырттарнӑ. Хыпар ҫӑлкуҫӗ:
|
|
Экономика
 glava.cap.ru сӑнӳкерчӗкӗ Шупашкарта вырнаҫнӑ «Агромаш» завод Китай лицензийӗпе трактор кӑларма пуҫлӗ. Коммуналлӑ урамра вырнаҫнӑ асӑннӑ предприятире иртнӗ эрнере Олег Николаев Элтепер пулнӑ. Предприятин гендиректорӗ Алексей Яковлев пӗлтернӗ тӑрӑх, Китайра ял хуҫалӑх техникине туса кӑларакан производительпе пӗлтӗр килӗшӳ тунӑ. Ҫавна май Чӑваш Енри завод «Агромаш-Lovol TD904» туса кӑларма пуҫласшӑн. Малтанласа машина комплекчӗсене пухасшӑн, кайран пӗтӗмпех кунта туса кӑларасшӑн. Хыпар ҫӑлкуҫӗ:
|
|
Пӑтӑрмахсем
 21.mchs.gov.ru сӑнӳкерчӗкӗ Канашри нумай хваттерлӗ ҫуртсенчен пӗринче ҫурла уйӑхӗн 30-мӗшӗнче юсавсӑр ҫутӑ чейникне пула инкек пулнӑ. Асӑннӑ хулари Ильич урамӗнчи 7-мӗш ҫуртри икӗ пӳлӗмлӗ хваттер ҫунма тытӑннӑ. Пушар 10 тӑваткал метр лаптӑка сиенленӗ. Тӗтӗм-сӗрӗм сарӑлнӑ подъездран ҫӑлавҫӑҫем пырса ҫитиччен 20 ҫын урама тухса тӑнӑ. Пушара сӳнтерме виҫӗ техника пырса ҫитнӗ. Ҫынсем шар курман. Хыпар ҫӑлкуҫӗ:
|
|
Чӑвашлӑх
 "Контактри" сӑн Дизайнер тата ҫӗвӗҫ Вероника Павлова чӑваш наци эрешӗсем тата пуҫ хатерӗсем ӑсталать. Вӑл хӑйӗн ӗҫӗсенче йӑлана кӗнӗ эрешсемпе тата техникӑпа усӑ курма тӑрӑшать. Ҫапла ӑстаҫӑ йӑх-несӗлӗмӗрсен йӑлине кӑтартса ӑна упраса хӑварасшӑн. Унӑн ӗҫӗсемпе паллашас килет-и? «Контактра» халӑх тетелӗнче унӑн страницине кӗрсе пӑхма пултаратӑр: https://vk.com/id89724295. Хыпар ҫӑлкуҫӗ:
|
|
Республикӑра
 "Контактри" сӑн Муркаш округӗнчи Тивӗш ялӗнче пурӑнакан Красновсем туй тунӑранпа 60 ҫул ҫитнине паллӑ тунӑ. Лев Ефимович Мускаври икӗ института пӗтернӗ, Красноармейски округӗнчи «Мичуринец» колхозра тӗп инженерта ӗҫленӗ. Кайран шкулта вӑй хунӑ, физика, астрономи тата географи вӗрентнӗ, 6 ҫул шкул директорӗ пулнӑ. Зоя Ананьевна пир тӗртнӗ ҫӗрте ӗҫленӗ, вулавӑшра вӑй хунӑ, клуб директорӗ, ялти лавкка заведующийӗ пулнӑ. Красновсем халӗ те алӑ усса лармаҫҫӗ, кил хуҫалӑхне хӑтлӑх кӗртеҫҫӗ, выльӑх усраҫҫӗ. Вӗсем пӗр хӗр ӳстернӗ, паянхи кун 5 мӑнукпа, 1 кӗҫӗн мӑнукпа савӑнса пурӑнаҫҫӗ. Хыпар ҫӑлкуҫӗ:
|
|
Пӑтӑрмахсем
 www.istockphoto.com/ru сӑнӳкерчӗкӗ Питӗр хулинче пурӑнакан Шупашкар каччи, студент, ултавҫӑсене 2,5 миллион тенкӗ куҫарса панӑ. 20 ҫулти каччӑ патне тавар илсе килни шӑнкӑравланӑ. Яш хӑйӗн паспорт номерне пӗлтернӗ хыҫҫӑн ун патне право хуралӗнче тата Росфинансмониторингра ӗҫлекенсем тесе хӑйсемпе паллаштаракансем шӑнкӑравлама тапранса кайнӑ. Ӑна вӗсем каччӑ хӑйӗн укҫине Украинӑна куҫарса панӑ тесе хӑратма тапранса кайнӑ, мӗнпур кӗмӗле «декларацилеме» ӳкӗте кӗртнӗ. Каччӑ хӑйӗн 2,5 миллион тенкине ҫеҫ мар, асламӑшне те (тен, кукамӑшне-тӗр. Вырӑсла хыпарта бабушка тенӗ) ултавҫӑсене укҫа куҫарса пама ыйтма пуҫланӑ. Хыпар ҫӑлкуҫӗ:
|
|
Чӑваш чӗлхи
 Александр Степанов страницинчен илнӗ сӑнӳкерчӗк «Ми-ми-Мишки» мультфильма чӑвашла малалла куҫарма укҫа ҫитмест иккен. Кун пирки ҫак йӗркесен авторӗ Шупашкарти шкулта чӑваш чӗлхи учителӗнче ӗҫлекен Александр Степанов халӑх тетелӗнче хыпарлани тӑрӑх пӗлчӗ. Спонсорсен укҫи пӗтнӗ, ҫавна май ӗҫ чарӑнса ларнӑ-мӗн. Ку мультфильма кӑна мар, право хуҫисем ирӗк парсан «Фиксики» е «Машӑпа упа» та куҫарма пулать тесе пӗлтернӗ. Мультфильма чӑвашла куҫарма ниме майӗпе укҫа пуҫтараҫҫӗ иккен. Пухаканӗ — Владимир Андреев. Тепӗр 10 сери куҫарма 300 000 пин пухма ятарлӑ счёт уҫнӑ. Хыпар ҫӑлкуҫӗ:
|
+9.3 °C