|
Республикӑра
 «На связи» форумри сӑн Мускавра ҫанталӑк япӑхланнӑран Шереметьево аэропорчӗ вӑхӑтлӑха самолетсене йышӑнма чарӑннӑ. Авиакомпани расписание улшӑнусем кӗртет. Пассажирсем рейссем пулнипе пулманни пирки контакт-центрсенче тата авикомпанисемпе аэропортӑн коммуникаци каналӗсемпе пӗлме пултараҫҫӗ. Сӑмах май, паян ирхине «Победа» авиакомпанин рейсӗ Мускава (Шереметьево) вӗҫмен, пӗр сехет ҫурӑ тытӑнса тӑнӑ. Хыпар ҫӑлкуҫӗ:
|
|
Хулара
 miloserdie.ru сайтри сӑн Шупашкарти 15 ҫулти хӗрача ултавҫӑсене 370 пин тенкӗ куҫарса панӑ. Йӑлтах палламан ҫын шӑнкӑравланинчен пуҫланнӑ. Ҫак арҫын сим-карттӑ срокӗ тухнӑ, ӑна тӑсмалла тесе ӗнентернӗ, смс-ҫырупа килнӗ кода калама хушнӑ. Хӗрача пӗтӗмпех пӗлтернӗ. Ҫав кунах ун патне «Чӑваш Енри Тӗп ҫар округӗн Ҫар прокуратурин юстици советникӗ» шӑнкӑравланӑ, унччен шӑнкӑравланӑ палламан арҫын ултавҫӑ пулнине, вӑл хӗрача ячӗпе счет уҫнине, унти ҫур миллион тенке Украина ҫарӗсем валли куҫарма хӑтланнине пӗлтернӗ. Куншӑн хӗрачана явап тыттараҫҫӗ тесе хӑратнӑ. Анчах кун пирки никама та калама хушман. Хӗрача хӑраса ӳкнӗ, палламан ҫын хушнине пурнӑҫласа пынӑ — амӑшӗ ҫывӑрнӑ вӑхӑтра унӑн телефонӗ урлӑ онлайн майпа 370 пин тенкӗ кредит илнӗ, ӑна тӗрлӗ счет ҫине куҫарнӑ. Аферистсем юлашкинчен хӗрачана тур паллисем тӑрӑх биометри тумалла тесе ӗнентернӗ, тумне хывса камера умӗнче ҫаврӑнма хушнӑ. Хыпар ҫӑлкуҫӗ:
|
|
Чӑвашлӑх
 «Контактри» сӑн Питӗрте пурӑнакан чӑвашсем Сурхури уявне паллӑ тунӑ. Вӗсем ку мероприятие «Хамӑрӑн йӑла-йӗркене упратпӑр» проектпа килӗшӳллӗн йӗркеленӗ. Уява вырӑнти чӑвашсен наципе культура автономийӗн хастарӗсем, артистсем, ӳнерҫӗсем хутшӑннӑ. Пухӑннисем Сурхури уявӗ пирки калаҫнӑ. Ирина Кондакова Сурхури сӑввисемпе паллаштарнӑ. Екатерина Павлова тата «Юрату» фольклор ансамблӗн солисчӗсем вара халӑх юррисемпе савӑнтарнӑ. Хыпар ҫӑлкуҫӗ:
|
|
Республикӑра
 pravdapfo.ru сайтран илнӗ сӑнӳкерчӗк Чӑваш Енӗн транспорт управленийӗ «Скорпион» ятлӑ ятарлӑ автомобиль туяннӑ. Ӑна Ӗпхӳри трамвайпа троллейбус управленийӗ туса кӑларать иккен. Машинӑна предприяти 16,9 млн тенкӗ парса илнӗ. «Скорпион» автомобильте мастерской пур, вӑл троллейбуссене ҫӳреме кирлӗ лини ванса кайсан юсама май парать. Автомобиль 40 градус сивӗрен пуҫласа 40 градус шӑрах таран ӗҫлеме пултарать. Хыпар ҫӑлкуҫӗ:
|
|
Пӑтӑрмахсем
 Красноармейски районӗнче нумай хваттерлӗ ҫуртсен картишне юртан йӗркеллӗ тасатса тӑман. Ҫавна май ҫурт умӗсем пӑрлакланса ларнӑ. Кӑлтӑка прокуратура тӗрӗслев вӑхӑтӗнче тупса палӑртнӑ. Тротуарсемпе нумай хваттерлӗ ҫуртсен картишӗсене тытса тӑрассишӗн «Чӑваш Республикин ипотека корпорацийӗ» управляющи компани яваплӑ иккен. Анчах ӗҫе вӑл йӗркеллӗ пурнӑҫласа пыман. Директор ячӗпе прокуратура асӑрхаттару хучӗ ҫырса панӑ. Хыпар ҫӑлкуҫӗ:
|
|
Пӑтӑрмахсем
 Телеграмри t.me/ufsin21 каналтан илне сӑнӳкерчӗк Чӑваш Енри 1-мӗш следстви изоляторӗнче ларакан упӑшкине унӑн арӑмӗ сигаретпа наркотик пама тӑнӑ. Наркотиклӑ хӗрарӑма ҫав япалана тупса палӑртма хӑнӑхтарнӑ «Альфа» ятлӑ йытӑ пулӑшнӑ. Халӗ пӑтӑрмах тӗлӗшпе РФ Пуҫиле кодексӗн 228-мӗш пайӗн 1-мӗш пайӗпе пуҫиле ӗҫ пуҫарма пултараҫҫӗ. Тӗрӗслев малалла пырать. Хыпар ҫӑлкуҫӗ:
|
|
Ял хуҫалӑхӗ
 forum.na-svyazi.ru сӑнӳкерчӗк Кӑрлач уйӑхӗн 22-мӗшӗнче Россельхознадзор управленийӗн ӗҫченӗсем «Шупашкар-Сурски» ҫул ҫинче качакапа ҫула тухнӑ ҫынна тытса чарнӑ. Мӑйракаллӑ пӗчӗк выльӑха пӗр ҫын Муркаш районӗнчен Патӑрьел районне турттарса каясшӑн пулнӑ. Анчах выльӑхӑн ветеринари докуменчӗ пулман. Надзор ведомствин инспекторӗсем качака хуҫине асӑрхаттару хучӗ ҫырса панӑ. Хыпар ҫӑлкуҫӗ:
|
|
Пӑтӑрмахсем
 Шупашкар хулинчи Мускав районӗн прокуратури «Ҫамрӑксен пуҫарӑвӗн центрӗ» учреждени ҫамрӑксен фестивальне ирттернӗ вӑхӑтра укҫана саккуна пӑсса тӑкакланине тупса палӑртнӑ. 2024 ҫулта ирттернӗ ҫав мероприяти валли учреждени коммерци организацийӗсемпе арт-объектсем хатӗрлеме тата вӗсене турттарса пырса пама 6 контракт алӑ пуснӑ. Ӗҫшӗн 1 миллион тенкӗ ытла тӳленӗ. Тӗрӗссипе вара нимле арт-объект та туса паман. Халӗ надзор органӗ РФ Пуҫиле кодексӗн 160-мӗш статйипе пуҫиле ӗҫ пуҫарнӑ. Хыпар ҫӑлкуҫӗ:
|
|
Республикӑра
 ШӖМ тунӑ сӑн Сӗнтӗрвӑрри хулинче 15-ри каччӑ машинӑпа полицейскисенчен тарса юр купи ҫине пырса кӗнӗ. Ку Лазо урамӗнче пулнӑ. Ҫӗрле ҫул-йӗр инспекторӗсем «Лада» машина хӑрушӑ маневрсем туса пынине асӑрханӑ. Пакунлисем ӑна чарӑнма ыйтнӑ, анчах водитель тарма пуҫланӑ. Анчах та инҫе каяйман – ҫул хӗрринче купаланса выртакан юр ӑшне кӗрсе ларнӑ. Паллӑ ӗнтӗ: ҫул ҫитмен каччӑн водитель прави ҫук. Хыпар ҫӑлкуҫӗ:
|
|
Спорт
 «Контактра» халӑх тетелӗнчи сӑн Шупашкарти 12 ҫулти спортсменка Елизавета Никитина Пӗтӗм Раҫҫейри ӑмӑртура фристайл енӗпе тупӑшса икӗ ылтӑн медаль ҫӗнсе илнӗ. Вӑл 2013-2014 ҫулсенче ҫуралнӑ хӗрачасен ушкӑнӗнче биг-эйр тата слоупстайл дисциплинӑсенче тупӑшнӑ. Палӑртса хӑварар: Лиза 5-мӗш гимназире вӗренет, ӑсталӑхне Олимп резервӗсен 2-мӗш спорт шкулӗнче туптать. Унӑн тренерӗсем – Валерий Васильев тата Михаил Михайлов. Хыпар ҫӑлкуҫӗ:
|
-10.7 °C