Сайта кӗр | Регистраци | Сайта кӗрсен унпа туллин усӑ курма пулӗ
 -14.0 °C
Тимӗре хӗрнӗ чух туптаҫҫӗ.
[ваттисен сӑмахӗ]
 

Хальтерехри статьясем

 
 

Чи нумай ҫыракансем

 

354 ҫыру
 
 
 
 
 
 
 
 
 

Асар — казахсен паллӑ йӑли

 

Чӑвашсене хӑшӗ-пӗри ниепле те тӗрӗксен йышне кӗртесшӗн мар. Пире Европа енне те, ҫармӑссем енне те туртакансем сахал мар.

Кунта ӗнтӗ, паллах, чи пысӑк сӑлтавсенчен пӗри тӗн ыйтӑвӗ тӑрать. Ара, пур тӗрӗксем те вӗт-ха, ытларах енӗпе мӑсӑльмансем — тутарӗсем те, пушкӑрчӗсем те, казахӗсем те, Китайри уйгурсем те. Азербайджансемпе турккӑсем пирки калаҫу та ҫук. Хӑшӗ-пӗри вӗсемпе пире нимӗн те ҫыхӑнтарма пултараймасть тесе ӗнентересшӗн.

Паян пӗр термин пирки пӗлтӗм. Иккен, казахсен йӑла пур — асар ятлӑ. Пирӗн чӗлхери хӑш сӑмахпа тӳр килет тесе шутлатӑр? «Ниме»-не пӗлтерет иккен! Терминӗ те самаях сарӑлнӑ, пирӗн ниме пирки пӗлсех каймаҫҫӗ пулсан, асар пирки пӗлеҫҫӗ — имӗш ку тухӑҫ халӑхӗсен йӑли.

Этимологи

Ятарласах этимологи сӑмахсарӗсене тишкертӗм — ара, тӗрӗк чӗлхи шутне кӗретпӗр пулин те мӗншӗн терминӗ расна-ши текен ыйту канӑҫ памарӗ. Федотов ниме пирки шарламасть. В. Г. Егоровӑн словарӗнче вара пур. Ак ҫапла ӑна ӑнлантарнӑ:

НИМЕ, диал. ВИМЕ уст. «помочь», «бесплатная общественная помощь», «работа миром для односельчанина за угощение» (жатва, молотьба, перевозка купленного сруба из соседней деревни и пр.)»; «нечто вроде субботника»; др. тюрк., МК (I,85), туркм., казах. ӳме, башк., тат. öмә «бесплатная коллективная трудовая помощь», «артельная работа за угощение»; тур. нимет «благодеяние», «милость»; азерб. имәчилик «помощь», «субботник»; ср. араб. и перс. (не́мäт) «благодеяние», «дар», «милость»; ср. санскр ита (ума) «помогающий», «защищяющий»; ота (ома) «благоволение».

Куратӑр ӗнтӗ, казахсенех пирӗнешкел «ниме» термин пулнӑ, анчах ун вырӑнне халь урӑххи усӑ курӑнать пулас. Хӑй терминӗ те, унпа пӗрлех йӑли те, тӗрӗк чӗлхинче анлӑ сарӑлнӑ — вӑл пирӗнпе кӳршӗллӗ тутарсен те, инҫетри турккӑсен те пур (вӗсен пире ҫывӑхрах илтӗнет пулас).

Казахсен мӗншӗн «Асар» термин вӑй илсе тепӗрне хупласа хуни пирки казахӗсенчен ыйтмалла пулӗ. Те вӑл вӗсен халӑхне ҫывӑхрах пулнӑ («ӳме» термин, тен, арабсенчен килнӗрен пӑрахӑҫа тухнӑ), те каярах вӑй илсе малтанхине сирсе кӑларнӑ.

Йӑла пирки

Нимепе асар пирки калаҫнӑ май хӑй йӑли пирки те сӑмах хушмасӑр май ҫук. Паянхи кун вӑл чӑвашра манӑҫа тухнӑпа пӗрех ӗнтӗ. Сӑлтавӗ те паллӑ: пӗрре эпир кашни хӑйне хӑй ҫине ытларах шанма пуҫларӑмӑр, тепре — чухӑнлӑхран тухрӑмӑр. Ниме пек йӑла вӑл вӗт ытларах чухне чухӑн пурнӑҫпа ҫыхӑннӑ — пӗр пӗччен тума йывӑртан ыттисенчен пулӑшу ыйтма тивет. Укҫи-тенки ҫукран апат-ҫимӗҫпе хӑналама тивет (ҫапла май вӗсен ӗҫне тӳлени пулать). Ман пӗр пӗлӗшсем ялти ӗҫкӗҫсене ӗҫленӗшӗн эрехпе сӑйлаҫҫӗ — лешӗсемшӗн вара укҫӑ-тенкӗ илни мар, эрех ӗҫме май пурри пӗлтерӗшлӗрех. Кусене те лешӗсене те ҫапла май пӗтӗмпех тивӗҫтерет.

Ниме ҫухални паян тӗрлӗ хатӗр-хӗтӗрсем йышланса пынипе те ҫыхӑннӑ. Эп астӑвасса шкулта вӗреннӗ чухне (ун чухне совет саманиччӗ) пур килте те пуртӑ е кувалда ҫукччӗ. Ирӗксӗрех кӳршӗ патне ыйтма ҫӳретчӗҫ. Электричествӑпа ӗҫлекен пӑчкӑсем, саваламалли хатӗрсем ҫуккипе пӗрехчӗ. Ун чухне пире ӑсталӑх урокӗн учителӗ ӑс паратчӗ: «Чи кирли — хуҫалӑхра мӗнпур хатӗр-хӗтӗр хӑвӑн пулмалла, кӳршӗсем патне чупмалла мар». Халь вара вӗсем кашни килтех. Хӑшӗсен пӗрре ҫеҫ мар, темиҫе те. Кӳршӗ патне кайса ыйтас хуйхӑ ҫук та хутшӑнусем та вӗсемпе сайрарах пулса пыраҫҫӗ.

Тата тепӗр сӑлтав та пур ӗнтӗ — эпир паянхи кун пасар саманинче пурӑнатпӑр. Ҫапла май пур ӗҫе те укҫапа виҫетпӗр. Хам та кӳршӗсенчен мӗнпе те пулин пулӑшу ыйтсан вӗсене ӗҫшӗн укҫан тӳлетӗп. Паллах, хӑш чухне хире хирӗҫле пулӑшасси те пулкалать, анчах паянхи кун ун пеккисем сахалрах. Укҫа тӳлетӗн те ун умӗнче хӑвна ним енчен те парӑмлӑ туймастӑн.

Тӗрӗк тӗнчи

Сӑмах-юмаха тӗрӗк тӗнчи тавра пуҫларӑм. Унпах вӗҫлес. Асар е ниме йӑли пурри эпир чӑн та тухӑҫ халӑхӗ пулнине лайӑх кӑтартса парать. Анчах та паянхи кун эпир тем тесен те европӑналла туртӑнатпӑр. Чылайӑшӗн пуҫӗнче шӑп унта культура аталаннӑ, шӑп унта чи лайӑх пурнӑҫ. Унти культура пирӗн халӑхӑн тухӑҫран илсе килнӗ йӑласене сирсе пырать, вӗсем пирӗншӗн ютшӑнса пыраҫҫӗ. Анчах вӗсенче ним усалли те ҫук-ҫке. Ырри кӑна: халӑха чӑмӑртать, ӗҫ хӑвӑртланать тата ытти те.

Пирӗн халӑхӑн тӗрӗк тӗнчине те, вӑл мӑсӑльмансен тесе, сирсе яма кирлӗ мар. Европӑналла туртӑннӑ май, православи тӗнне ӗненнӗ май, ку йывӑртарах ӗнтӗ. Анчах чӑвашсем ҫав-ҫавах мӑсӑльман тӗнчипе ҫумма-ҫуммӑн сахал мар пурӑннӑ. Пирӗн культурӑра та ислам тӗнӗ сахал мар йӗр хӑварнӑ (Сехмет ячӗ Египетран те ислампа килнӗ теҫҫӗ). Нӳхреп, нухрат, нарӑс тата ытти — ку сӑмахсем пурте тенӗ пекех шӑп та шай ислам тӗнӗнчен килнӗ, вӑл вӑхӑтра чӗлхене кӗнӗ. Паллах, Европа та пирӗншӗн ют мар (Аттил вӑхӑтӗнче пирӗн ман асаттесем унта пулнӑ-ҫке!), ҫармӑссем те тӑвансем пекех ҫывӑх. Анчах тӗрӗк тӗнчине пирӗн халӑхран хӑйпӑтса илме питӗ йывӑр.

Чӑвашла куҫарса йӗр хӑварнӑ паллах мар тӑлмачсем

«Ҫавнашкал пирӗн Ҫеҫпӗл Мишши...»

Урамсен чӑваш ячӗсем

Манӑн тӑван чӗлхи ҫинчен

Ҫӗннисем

26.02.2021 20:04Подготовка к ЕНТ — преимущества и особенности происхождения курсов

25.02.2021 19:41«Юлташ»: кто он? В.И. Иванов (Кривов) или Д.А. Демидов?

25.02.2021 19:14Милый букет с доставкой в Чебоксарах не оставит никого равнодушным

25.02.2021 18:59На что именно обратить внимание при выборе комплектов автоматики для ворот?

24.02.2021 15:45Правовое регулирование криптовалюты в РФ в 2021 году

20.02.2021 11:49Почему чаще компанию регистрируют в Венгрии

20.02.2021 11:02Большой выбор для спортсменов

20.02.2021 00:49Асар — казахсен паллӑ йӑли

19.02.2021 16:12Что такое отказное письмо и зачем его оформлять

19.02.2021 15:35ТК "Ланской" — что необходимо учитывать про товары компании на официальном сайте

Тематикӑсем

Шухӑшлаттаракансем

2941В Чебоксарах прошла большая демонстрация оппозиции

2462Боевая застава с чувашским уклоном

1870Вӗрентетпӗр-и? Ийя, вӗрентетпӗр...

1101«Ҫавнашкал пирӗн Ҫеҫпӗл Мишши...»

1061Рвутся к власти, цепляются за власть...

1060Урамсен чӑваш ячӗсем

978Автобиография в миниатюрах

872В Чувашском художественном музее открылась выставка памяти Виктора Немцева

869Полиция сорвала шествие оппозиции в Чебоксарах

720Чӑвашла куҫарса йӗр хӑварнӑ паллах мар тӑлмачсем

Orphus

Баннерсем

Шутлавҫӑсем

2 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (27.02.2021 15:00) тӗтреллӗ ҫанталӑк, атмосфера пусӑмӗ 740 - 742 мм, -11 - -13 градус сивӗ пулӗ, ҫил 5-7 м/ҫ хӑвӑртлӑхпа ҫурҫӗр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Укçа енчĕке кĕресси сирĕн хутшăнусенчен килет. Ку партнера та, ĕçтешсене те, пуçлăха та пырса тивет. Пурин патне те майне тупсан сире нихăш енчен те кÿрентермĕç.

Нарӑс, 27

1914
107
Иван Ивник, чӑваш сӑвӑҫи, ҫыравҫи, тӑлмачӗ ҫуралнӑ.
1914
107
Ивник Иван Николаевич, чӑваш сӑвӑҫи, тӑлмачӗ ҫуралнӑ.
1937
84
Шемекеев Виталий Дмитриевич, чӑваш сӑвӑҫи, ҫыравҫи ҫуралнӑ.
1939
82
Архипов Дмитрий Архипович, «Константинопольти чӑвашсем» очерка ҫырнӑ ҫыравҫӑ вилнӗ.
1944
77
Ҫитта Хветӗрӗ, чӑваш ҫыравҫи, сӑвӑҫи фронтра пуҫне хунӑ.
1970
51
Виктор Рзай, чӑваш сӑвӑҫи, ҫыравҫи, тӑлмачӗ ҫут тӗнчерен уйрӑлнӑ.
Пулӑм хуш...Пулӑм хуш...
Эпир Facebook-ра 1370+
 
 
Сайт пирки | Пулӑшу | Статистика
(c) 2005-2018 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org
Чтобы поддерживать канализацию в хорошем состоянии mario-expert.kiev.ua нужно проводить промывку