|
Персона
 vk.com/gov_cap_ru сӑнӳкерчӗкӗ Муркаш районӗнчи Владимир Осетров водителе «Чӑваш Республикин ял хуҫалӑхӗн тава тивӗҫлӗ ӗҫченӗ» ята панӑ. Хушӑва республика Элтеперӗ алӑ пуснӑ. Владимир Аркадиевич 40 ҫул ытла Муркаш районӗнчи кайӑк-кӗшӗк фабрикинче ӗҫлет. 1984 ҫулта вӑл унта слесарь пулса вырнаҫнӑ, кайран водительте тимлеме пуҫланӑ. Халӗ вӑл грузовиксемпе те ҫӳрет, кӑткӑс ял хуҫалӑх техникине те ҫӑмӑллӑнах итлеттерет. Хӑйӗн опычӗпе ҫамрӑк специалистсене те паллаштарать. Хыпар ҫӑлкуҫӗ:
|
|
Персона
 Литература музейӗн сӑнӳкерчӗкӗ Чӑваш халӑх поэтне Юрий Сементере 85 ҫул тултарнӑ ятпа К.В. Иванов ячӗллӗ Литература музейӗнче те саламланӑ. Паллӑ кун ячӗпе музей «Сӑввӑмсем – ҫӗр ҫитмӗл туйӑм кӗввисем» ятпа курав уҫнӑ. Унта поэтӑн докуменчӗсемпе, кӗнекисемпе, алҫырӑвӗсемпе, сӑнӳкерчӗкӗсемпе, Литература музейне Юрий Сементер парнеленӗ ытти япалапа паллашма пулать. Пултарулӑх каҫне Улькка Эльмен, Анатолий Кибеч, Василий Захаров, Галина Матвеева тата ытти ҫыравҫӑ хутшӑннӑ. Саламлакансен йышӗнче «Трак Ен» ентешлехӗн председателӗ Иван Архипов та пулнӑ. Хыпар ҫӑлкуҫӗ:
|
|
Хулара
 ШӖМ тунӑ сӑн Шупашкарта 22 ҫулти воспитатель ултавҫӑсен аллине лекнӗ. Вӑл вӗсене 1 млн тенкӗ ытла куҫарса панӑ. Палламан ҫын ун патне шӑнкӑравласа унӑн сим-карттӑпа усӑ курмалли вӑхӑт вӗҫленнине пӗлтернӗ. Килӗшӗве тӑсмалла тесе смс-ҫырупа килнӗ кода калама ыйтнӑ. Унтан пикепе воспитательпе банк тата ФСБ «ӗҫченӗсем» ҫыхӑннӑ. Такам унӑн ячӗпе кредит илнӗ-мӗн, укҫана Украинӑна куҫарасшӑн имӗш. Палламан ҫын укҫана сыхласа хӑвармали мел пирки те каланӑ, ҫапла воспитатель микрозаймсем тата пӗлӗшӗсенчен кивҫен илнӗ, ҫав укҫана пӗтӗмпех ултавҫӑсем каланӑ счетсем ҫине куҫарнӑ. Ултав серепине лекнине ӑнлансан вӑл полицие кайнӑ. Хыпар ҫӑлкуҫӗ:
|
|
Ҫутҫанталӑк
 pxhere.com сайтри сӑн «Ҫанталӑк 21» сайт пӗлтернӗ тӑрӑх, кӗҫӗр республикӑра 25-30 градус сивӗ пулӗ, айлӑмлӑ вырӑнсенче 35 градус таранах сивӗ пулӗ. Нарӑсӑн 3-4-мӗшӗсенче ирхине Шупашкарта термометр 27-29 градус кӑтартӗ — хӗл пуҫланнӑранпа хулара кун пек сивӗ ҫанталӑк пулман. Кӑнтӑрла 20-25 градус сивӗ пулӗ. Уяр ҫанталӑк тӑрӗ, юнкун вара ҫил вӑйланӗ, ҫавна май тата сивӗрех пек туйӑнӗ. Малтанлӑха пӗлтернӗ тӑрӑх, эрнен иккӗмӗш ҫурринче ӑшӑтӗ, 10-15 градус кӑна сивӗ пулӗ. Анчах ӑшӑтсан татах юр ҫума тытӑнӗ. Ҫапах та хальхинчи пек вӑйлах ҫуса-вӗҫтерсе лартмӗ, канмалли кунсенче юр хулӑнӑшӗ 5-10 см хулӑнӑш таран ӳсме пултарӗ. Кайран вара каллех ҫанталӑк сивӗтӗ. Хыпар ҫӑлкуҫӗ:
|
|
Сывлӑх
 «Контактри» сӑн Кӑмӑллӑ хыпар: Чӑваш Енре пурӑнакан Марина Исаевӑпа Артем Румянцев Пӗтӗм Раҫҫейри «Будем жить» премие тивӗҫнӗ. Ӑна онкологипе кӗрешекенсене тата чире парӑнтаракансене параҫҫӗ. Марина Исаевӑна «Чи лайӑх медицина сестри» ята панӑ. Вӑл Республикӑри онкологи диспансерӗнче 10 ҫул ытла ӗҫлет. Артём Румянцев вара «Пациентӑн хӑйне евӗрлӗ историйӗ» номинацире мала тухнӑ. Саламлатпӑр ентешсене! Хыпар ҫӑлкуҫӗ:
|
|
Раҫҫейре
 «Контактри» сӑн Кӑрлач уйӑхӗн 31-мӗшӗнче «Живая Планета» телеканалпа пирӗн ентеш Анастасия Коваль ертсе пыракан «Заповедные миры» проект старт илнӗ. Анастасия «Сӑрҫум» заповедникре ӗҫлет, вӑл — зоолог. Пӗрремӗш кӑларӑма вӑл Кӑнтӑр Ҫӗпӗре халалланӑ, куракансене Тувари тайгапа, пӑлан тытакансемпе, Азас юхан шывӗпе паллаштарнӑ. Кӑларӑма Тувара кӑна мар, Кавказра та, Калмӑкра та ӳкернӗ. Палӑртма кӑмӑллӑ: Чӑваш Енри «Присурский» заповедникри пейзажсем те кадра лекнӗ. Хыпар ҫӑлкуҫӗ:
|
|
Культура
 Пирӗн республикӑра Чӑваш музыкин XV фестивалӗ иртессине эпир унччен пӗлтернӗччӗ-ха. Вӑл Чӑваш патшалӑх оперӑпа балет театрӗнче (халӗ ӑна «Атӑл Опера» теҫҫӗ) уҫӑлнӑ. Фестиваль программине Фёдор Васильевӑн «Шывармань» оперипе уҫнӑ. Нарӑс уйӑхӗн 19-мӗшӗнче Григорий Хирпӳн «Нарспи» оперине кӑтартӗҫ, 27-мӗшӗнче — А. Галкинӑн «Аттила. Рождение легенды» балетне, 28-мӗшӗнче гала-концерта чӗнеҫҫӗ. Хыпар ҫӑлкуҫӗ:
|
|
Персона
 Виталий Михайлов страницинчен илнӗ сӑнӳкерчӗк Красноармейскинчи вулавӑшра Владимир Константинов таврапӗлӳҫӗне 75 ҫул тултарнӑ ятпа саламланӑ. Владимир Константинов Красноармейски районӗнчи Анат Типҫырма ялӗнче ҫуралнӑ. Вӑл - журналист, педагог, таврапӗлӳҫӗ, халӑх академикӗ, Раҫҫей журналисчӗсен пӗрлешӗвӗн членӗ, 10 кӗнеке авторӗ, М. Тинехпи тата Н. Янкас премийӗсен лауреачӗ. Вырӑнти хастар, Виталий Михайлов халӑх тетелӗнчи хӑйӗн страницинче пӗлтернӗ тӑрӑх, юбилейпа ентешне «Ял пурнӑҫӗ» хаҫат редакцийӗн ӗҫченӗсем, Трак вӑтам шкул педагогӗсем, Трак енри шкулсенче чӑваш чӗлхипе литератури вӗрентекенсем, Нестер Янкас ячӗллӗ пӗрлӗх правленийӗн председателӗ Иван Прокопьев, ЧНКан Трак енри ӳйрӑмӗн ертӳҫи Зинаида Михайлова тата Нестер Янкас ячӗллӗ пӗрлӗх пайташӗсем саламланӑ. Хыпар ҫӑлкуҫӗ:
|
|
Пӑтӑрмахсем
 forum.na-svyazi.ru сайтра вырнаҫтарнӑ сӑнӳкерчӗк Шупашкарта йӗрке хуралҫисем «Ночной город» (чӑв. Каҫхи хула) оперативлӑ профилактика мероприятийӗ ирттернӗ. Тӗрӗслевпе вӗсем кӑрлач уйӑхӗн 30-31-мӗшӗсенче хула тӑрӑх ҫӳренӗ. Каҫхи 10 сехет хыҫҫӑн урамра аслисемсӗр ҫӳрекен 7 ачана тытса чарнӑ, вӗсенчен виҫҫӗшӗ ӳсӗр пулнӑ. 16 ҫулти икӗ ӳсӗр яша хулари Ленин проспектӗнче тытса чарнӑ, 17-рине — Гастелло урамӗнче. Хыпар ҫӑлкуҫӗ:
|
|
Пӑтӑрмахсем
 t.me/chuv_prok каналти видеоран илнӗ сӑнӳкерчӗк Улатӑр хулинче 3-мӗш шкул ҫивиттийӗ сиенленнӗ. Пӑтӑрмах, малтанласа палӑртнӑ тӑрӑх, ҫивитти ҫинчи юра тасатманран сиксе тухнӑ. Инкек вӑхӑтӗнче шкулта ачасем пулман. Ҫивиттие юсанӑ вӑхӑтра ачасене урӑх шкулта вӗрентӗҫ, хӑшӗсене инҫет ҫыхӑну мелӗпе вӗрентӗҫ. Чӑваш Енӗн прокуратуринче пӗлтернӗ тӑрӑх, шкула 2023 ҫулта юсанӑ. Пӑтӑрмах тӗлӗшпе прокуратура тӗрӗслев пуҫарнӑ. Хыпар ҫӑлкуҫӗ:
|
-4.7 °C