|
Персона
 «Контактри» сӑн Хӗрлӗ Чутай округӗнчи Денис Лобастов ача чухнех вӗлле хурчӗсемпе кӑсӑкланнӑ. Халӗ вара ку унӑн ӗҫӗ те, чун киленӗҫӗ те пулса тӑнӑ. Паянхи кун Денис 250 вӗлле тытать. Унӑн 6 утарӗ Сӑр юханшывӗ хӗрринче вырнаҫнӑ. Кунсӑр пуҫне вӑл Хӗрлӗ Чутайра, Етӗрнере, Шупашкарта лавккасем тытать. Денис ҫӗнӗ тухнологисемпе усӑ курать. Вӑл вӗлле хурчӗсене ҫӑка пылӗ тума та «вӗрентет», дрессировка тӑвать. Лайӑх сӗнӳ парать вӑл: сахӑра пылпа улӑштармалла, шывра пыл ирӗлтерсе ӗҫмелле. Хыпар ҫӑлкуҫӗ:
|
|
Ял пурнӑҫӗ
 "Контактри" сӑн Етӗрне округӗнчи Талуй ялӗнче «Ялти чи лайӑх пулӑҫ» конкурс иртнӗ. Ӑна пӗрремӗш хут йӗркеленӗ. Чи нумай пулӑ тытакансем Демид Васильев тата Даниил Голицын пулнӑ. Вӗсен вӑлтине 13 пулӑ ҫакланнӑ. Иккӗмӗш вырӑнта – Татьяна Григорьева. Виҫҫӗмӗш вырӑна вара Даниил Яковлев. Ҫӗнтерӳҫӗсене спонсорсенчен парнесем лекнӗ. Хыпар ҫӑлкуҫӗ:
|
|
Спорт
 "Контактри" сӑн Чӑваш Енри ҫӑмӑл атлетка Дина Александрова «Каҫхи Хусан» чупура ҫӗнтернӗ. Вӑл 10 ҫухрӑм чупса ытти хӗрарӑмран чи малтан фириша ҫитнӗ. Унӑн кӑтартӑвӗ – 33 минут та 5 ҫеккунт. Ҫав кун Динӑн ҫуралнӑ кунӗ пулнӑ. Ылтӑн медаль ҫӗнсе илни уншӑн – чӑн-чӑн парне. Вӑл тортран та, салам сӑмахӗсенчен те хаклӑрах. Хыпар ҫӑлкуҫӗ:
|
|
Раҫҫейре
 "Контактри" сӑн Чӑваш Енри ӑста повар Александр Гониашвили «Профессире — чи лайӑххи» Пӗтӗм Раҫҫейри конкурсра палӑрнӑ. Вӑл Вологда хулинче иртнӗ, тупӑшӑва тӗрлӗ регионти 15 повар хутшӑннӑ. Вологда облаҫӗнчи Константин Балдышев ҫӗнтерӳҫӗ ятне тивӗҫнӗ. Ӑна 1 миллион тенкӗпе хавхалантарнӑ. Свердловск облаҫӗнчи Михаил Осовалюк 500 пин тенке тивӗҫнӗ. Александр Гониашвили вара виҫҫӗмӗш вырӑна тухнӑ. Ӑна 300 пин тенкӗ парса чысланӑ. Хыпар ҫӑлкуҫӗ:
|
|
Республикӑра
 Владимир Викторовӑн ТГ-каналӗнчен илнӗ сӑнӳкерчӗк Шупашкар районӗнчи Ҫырмапуҫ ялӗнче республикӑри тӳре-шара пуҫтарӑннӑ. Унта муниципалитет служащийӗсемпе муниципалитет пуҫлӑхӗсен кунӗ иртнӗ. Республикӑри мероприяти хӑйсем патӗнче иртнишӗн Шупашкар тӑрӑхӗ хӑнасене хӑпартланса та савӑнса кӗтсе илнӗ. Тӳре-шара тӗрлӗ енӗпе ӑмӑртнӑ. Утӑ ҫулакансен конкурсӗнче вара Шупашкар тӑрӑхӗн пуҫлӑхӗ Владимир Михайлов ҫӗнтернӗ. Хыпар ҫӑлкуҫӗ:
|
|
Республикӑра
 fi.pinterest.com сайтри сӑн Шупашкарта пурӑнакан тивӗҫлӗ канури хӗрарӑм Атӑл леш енне хура ҫырла пуҫтарма кайсан кашкӑра курнӑ. Мария Капитонова ҫырла татнӑ чухне шӑв-шав илтнӗ – пӑши чупса иртсе кайнӑ. Хӗрарӑм пуҫне пӑрнӑ та 2 метр аякра кашкӑр тӑнине курнӑ. Вӗсем пӗр-пӗрин ҫине темиҫе минут пӑхса тӑнӑ. Унтан тискер чӗрчун ҫаврӑнса кайнӑ. Хӗрарӑм шикленнӗ паллах. Анчах кашкӑр кайсан 150 метр аяккарах кайнӑ та малалла ҫырла пуҫтарнӑ. Тепӗр эрнерен вӑл ӳпки шыҫнипе пульницӑна лекнӗ. Ахӑртнех, стреса пула чирленӗ. Анчах вӑрмана кайма пӑрахман вӑл. Хыпар ҫӑлкуҫӗ:
|
|
Спорт
 «Контактри» сӑн Ҫурла уйӑхӗн 16-20-мӗшӗсенче ҫемье командисен хушшинче Пӗтӗм Раҫҫейри ГТО фестивалӗ иртӗ.Чӑваш Ен чысне Йӗпреҫ округӗнчи Ефимовсем хӳтӗлӗҫ Фестиваль Шупашкарта «Атӑл» физкультурӑпа сывлӑха ҫирӗплетмелли комплексра иртӗ. Ӑна савӑнӑҫлӑ лару-тӑрура 13 сехетре уҫӗҫ. Ӑмӑртӑва ҫӗршыври тӗрлӗ регионти ҫемьесем хутшӑнӗҫ. Ӳсӗмӗ - 8-69 ҫулсенчисем. Вӗсем ГТО дисциплинисенче тупӑшӗҫ. Хыпар ҫӑлкуҫӗ:
|
|
Персона
 Элтияр Александров архивӗнчи сӑн «Пуринчен малтан» телеграм-канал пӗлтернӗ тӑрӑх, Чӑваш наци радиовӗн ӗҫченӗ Элтияр Александров ӑслӑлӑх кандидачӗ пуласшӑн. Ҫак кунсенче вӑл аслӑ шкула аспирантурӑна вӗренме кӗнине халӑх тетелӗнчи страницинче пӗлтернӗ. Теле- тата радиоертӳҫӗ экзаменра 100 балл пухнӑ. Унсӑр пуҫне вӑл Раҫҫейри наукӑсен академийӗнче ӗҫленӗ тапхӑрта ҫырнӑ статьясене те шута илнӗ, вӗсемшӗн ӑна 13 балл хушса панӑ. Элтияр лингвистика енӗпе вӗренӗ. Ҫав вӑхӑтрах тепӗр аслӑ пӗлӳ илӗ - Чӑваш патшалӑх культурӑпа искусствӑсен институтӗнче юрлас ӑсталӑха аталантарӗ. Хыпар ҫӑлкуҫӗ:
|
|
Раҫҫейре
 «Контактри» сӑн Шупашкарти трактор историйӗн музейӗ Ленинград облаҫӗнче чӑн-чӑн шоу кӑтартнӑ. Унта сухалас енӗпе Раҫҫейӗн уҫӑ чемпионачӗ иртнӗ. Шупашкарти музей 22 раритет трактор тата ӗҫ хатӗрӗ кӑтартнӑ. Элӗк округӗнчи «Валинкке» халӑх ансамблӗн артисчӗсем вара юрӑ-ташӑпа савӑнтарнӑ. Вӗсем костюм тӑхӑнса пирӗн йӑх-несӗлсем ҫурлапа, кӗреплепе епле ӗҫленине кӑтартса панӑ. Паша Ангелина ячӗллӗ хӗрарӑмсен трактор бригадине куракансем уйрӑмах хапӑлласа йышӑннӑ. Хӗрарӑмсем техникӑна «итлеттернӗ» май юрланӑ та, ташланӑ та. Хыпар ҫӑлкуҫӗ:
|
|
Политика
 «Контактри» сӑн Етӗрне муниципалитет округӗн пуҫлӑхӗ Станислав Трофимов отставкӑна кайнӑ. Ҫапла пӗлтерет «Контактри» халӑх тетелӗнчи «Чӑваш Ен хыпарӗсем» (выр. «Вести Чувашии») ушкӑн. «Пирӗн информаци тӑрӑх, вӑл Шупашкар хулин пуҫлӑхӗн Владимир Анатольевич Доброхотовӑн вырӑнне йышӑнать» - ҫапла хыпарланӑ ушкӑн. Хыпар ҫӑлкуҫӗ:
|
+17.3 °C