|
Культура
 ЧПГӐИ сӑнӳкерчӗкӗ Чӳк уйӑхӗн 11-мӗшӗнче Чӑваш патшалӑх гуманитари ӑслӑлӑхӗсен институтӗнче учёнӑйсен канашӗн ларӑвӗ иртнӗ. Унта пуҫтарӑннисем ӑслӑлӑх проекчӗсене пӗтӗмлетнӗ, ӑслӑлӑхпа тӗпчев литератури пичетлесе кӑларассине тата ытти ыйтӑва сӳтсе явнӑ. Мероприятие учёнӑй канашӗн председателӗ, ЧПГӐИ директорӗ Юрий Исаев уҫнӑ. Институтӑн аслӑ ӑслӑлӑх ӗҫченӗ Димитрий Егоров «Мифология чувашей» (чӑв. Чӑвашсен мифологийӗ) проекта епле пурнӑҫлани тата коллективлӑ монографи кӑларасси ҫинчен каласа кӑтартнӑ. Ӑна Чӑваш кӗнеке издательствипе пӗрле 2026 ҫулта кун ҫути кӑтартасшӑн. Хыпар ҫӑлкуҫӗ:
|
|
Ҫурт-йӗр
 forum.na-svyazi.ru сайтран илнӗ сӑнӳкерчӗк Паян Шупашкарти Ҫурҫӗр-Хӗвеланӑҫ районӗнчи 68 ҫурт вӗри шывсӑр тата ӑшӑсӑр тӑрса юлнӑ. Ҫавӑн сӑлтавӗ Павлов мичман урамӗнчи коммуналлӑ инкекпе ҫыхӑннӑ. 15 сехет тӗлне нумай хваттерлӗ 68 ҫуртра, 7 ача пахчинче, 3 шкулта, 3 больницӑра тата ача-пӑча пултарулӑхӗн ҫуртӗнче ӑшӑсӑр тата ӑшӑ шывсӑр ларнӑ. Асӑннӑ ҫуртсем ҫак адрессемпе вырнаҫнӑ: Павлов мичман урамӗнчи 24, 26, 28, 30, 31, 32, 34, 35, 36, 37, 38, 40, 42, 46, 48, 52, 54, 56, 58, 60, 62, 66, 68; Гузовский урамӗнчи 1, 3, 3/1, 5, 7, 9, 11, 13; Элкер урамӗнчи 1, 2, 4, 5, 6, 8, 9, 10, 12, 14, 16; Университет урамӗнчи 9, 9/1, 11, 13, 15, 17, 19, 21, 23, 25, 27, 29, 31, 33, 35; Стрелоксен 149-мӗш дивизийӗнчи 4, 6, 8, 10, 13, 16, 18, 20, 22; Ахазов урамӗнчи 2, 6-мӗш ҫуртсем. Хыпар ҫӑлкуҫӗ:
|
|
Культура
 ЧРГӐИ сӑнӳкерчӗкӗ Нумаях пулмасть Чӑваш патшалӑх ӳнер музейӗнче Чӑваш патшалӑх гуманитари ӑслӑлӑхӗсен институчӗн ертсе пыракан ӑслӑлӑх ӗҫченӗн, истори наукисен кандидачӗн Николай Мясниковӑн лекцийӗ иртнӗ. Ӑна вӑл Апаш археологи культурин 100 ҫулхине халалланӑ. Докладчик «Абашево. Край разукрашенных женщин и обезглавленных мужчин» темӑпа тухса калаҫнӑ, Апаш тӗмескисем ҫинчен каласа кӑтартнӑ. Хыпар ҫӑлкуҫӗ:
|
|
Персона
 Чӑваш патшалӑх гуманитари ӑслӑлӑхӗсен институчӗн сӑнӳкерчӗкӗ Чӳк уйӑхӗн 12-мӗшӗнче Чӑваш патшалӑх гуманитари ӑслӑлӑхӗсен институтӗнче чӑваш литературин паллӑ романисчӗпе Николай Максимов ҫыравҫӑпа тӗл пулу иртнӗ. Кун пирки институт халӑх тетелӗнчи страницинче пӗлтернӗ. Калаҫӑва институт директорӗ Юрий Исаев, литература пӗлӗвӗн пай ӗҫтешӗсем, «Тӑван Атӑл» журналӑн редакторӗ тата паллӑ чӑваш прозаикӗ Людмила Сачкова хутшӑннӑ. Унта Н. Максимовӑн 2024 ҫулта Саранск хулин кӗнеке издательствинче пичетленсе тухнӑ «Спасение Европы» тата унӑн маларах пичетленнӗ «Шур акӑш ҫулӗ», «Майра патша парни» историлле романӗсем тавра йӗркеленнӗ. Автор ҫак хайлавсене ҫырнӑ май мӗнле материалсемпе паллашни, хӑйӗн пултарулӑх вӑрттӑнлӑхӗсем пирки каласа панӑ. Писатель ҫавӑн пекех хӑйӗн нумаях пулмасть вырӑсла пичетленсе тухнӑ «Дар императрицы» кӗнекипе тата малалла ҫырма шутласа хунӑ романсен кӗске сюжечӗсемпе паллаштарнӑ. Хыпар ҫӑлкуҫӗ:
|
|
Культура
 Культура институчӗн сӑнӳкерчӗкӗ Паян, чӳк уйӑхӗн 14-мӗшӗнче, «Пирӗн юрӑсем» концерт иртӗ. Вӑл Чӑваш патшалӑх культура институтӗн концерт залӗнче пулӗ. Программӑна Чӑваш Енри композиторсен организацийӗн 85 ҫулхине халалланӑ. Концертра аслӑ ӑрури тата хальхи вӑхӑтри композиторсен хайлавӗсем янӑрӗҫ: Василий Воробьёвӑн, Федор Павловӑн, Григорий Хирпӳн, Герман Лебедевӑн, Александр Васильевӑн, Александр Осиповӑн, Лолита Чекушкинӑн. Хыпар ҫӑлкуҫӗ:
|
|
Пӑтӑрмахсем
 ҪҪХПИ тунӑ сӑн Ҫӗнӗ Шупашкарта 10-ри ачана таптаса кайнӑ троллейбус водителӗ тӗлӗшпе уголовлӑ ӗҫ пуҫарнӑ. Аса илтерер: инкек чӳк уйӑхӗн 12-мӗшӗнче 16 сехетре Винокуров урамӗнчи 103-мӗш ҫурт ҫывӑхӗнче пулнӑ. Малтанлӑха пӗлтернӗ тӑрӑх, ача телефонпа калаҫса утнӑ хушӑра светофор хӗрлӗ ҫутӑ ҫутнӑ чухне ҫул урлӑ каҫма тӑнӑ. Ун ҫине троллейбус пырса кӗнӗ. Троллейбус рулӗ умӗнче 38 ҫулти хӗрарӑм ларнӑ. Унӑн водитель стажӗ — 1 ҫултан сахалрах. Хыпар ҫӑлкуҫӗ:
|
|
Республикӑра
 «Контактри» сӑн Чӑваш Енри ҫамрӑксем Пӗтӗм Раҫҫейри «Ял лидерӗсем» конкурс финалисчӗсен йышне лекнӗ. Палӑртмалла: ку конкурса ҫамрӑк ертӳҫӗсене тупас тӗллевпе йӗркелеҫҫӗ. Чӑваш Енрен финала Канаш округӗн пуҫлӑхӗн ҫамрӑксемпе ӗҫлекен канашҫи Ольга Медведева тата Муркаш округӗн пуҫлӑхӗн ҫамрӑксемпе ӗҫлекен канашҫи Михаил Николаев тухнӑ. Финал раштав уйӑхӗн 3-6-мӗшӗсенче Мускавра пулӗ. Хыпар ҫӑлкуҫӗ:
|
|
Культура
 cap.ru сайтри сӑн К.В.Иванов ячӗллӗ Чӑваш патшалӑх драма театрӗнче ССССР Халӑх артисткине Вера Кузьминана халалланӑ Регионсен хушшинчи наци театрӗсен «Чӗкеҫ» фестивалӗ пырать. Кӑҫалхи тема — «Хӗрарӑм – искусствӑра». Сцена ҫине Раҫҫейӗн тӗрлӗ регионӗнчен килнӗ пултарулӑх коллективӗсем тухаҫҫӗ: Калмӑкран, Алтайран, Мари Элтен, Пермь крайӗнчен, Якутирен. Ҫакна та палӑртса хӑвармалла: Алтай Республикинчи Павел Кучияк ячӗллӗ наци драма театрӗ Вера Кузьминан тӑван тӑрӑхӗнче – Тӑвайра – спектакль кӑтартӗ. Фестиваль чӳк уйӑхӗн 16-мӗшӗччен пырӗ. Хыпар ҫӑлкуҫӗ:
|
|
Республикӑра
 cap.ru сайтри сӑн Тӑвай округӗнчи Тӑрмӑш ялӗнчи Димитриевсем 70 ҫул пӗрле пурӑннине паллӑ тунӑ. Александр Димитриевичпа Ефросиния Степановна ҫавӑн чухлӗ ҫул пӗр сукмакпа килӗштерсе утаҫҫӗ. Александр Димитриевич ялти клуб ертӳҫинче нумай ҫул ӗҫленӗ. Ефросиния Семеновна колхозра вӑй хунӑ, почтамт ертӳҫинче тӑрӑшнӑ. Димитриевсем 5 ача ҫуратса ӳстернӗ. 90 ҫултан иртнӗ пулсан та вӗсем халӗ те ӗне усраҫҫӗ, пахчара ӗҫлеме те ӳркенмеҫҫӗ. Хыпар ҫӑлкуҫӗ:
|
|
Культура
 Чӑваш Ен ПТРК видеовӗнчен илнӗ сӑнӳкерчӗк 2000-мӗш ҫулта Чӑваш патшалӑх культурӑпа ӳнер институчӗ Ҫеҫпӗл Мишши ячӗллӗ Ҫамрӑксен театрӗ валли артистсем хатӗрлекен пӗрремӗш курс уҫнӑ. Курса Вячеслав Оринов ертсе пынӑ. Унтан 12-ӗн вӗренсе тухнӑ, Кун пирки Чӑваш Енӗн ПТРК корреспонденчӗ Екатерина Фомина пӗлтернӗ. Ҫавӑн чухне вӗренсе тухнӑ 12 ҫамрӑкран улттӑшӗ пурнӑҫне театрпа ҫыхӑнтарнӑ. Сцена ҫине тухнӑранпа 25 ҫул ҫитнӗ ятпа артистсем хӑйне евӗр уяв каҫӗ ирттернӗ. Вӗсем: Наталья Ахмед, Алевтина Семёнова, Леонид Яргейкин, Дмитрий Михайлов, Дмитрий Петров тата Николай Тарасов. Хыпар ҫӑлкуҫӗ:
|
-3.7 °C