|
Пӑтӑрмахсем
 Прокуратура архивӗнчи сӑн Паян 11 сехет те 25 минутра Муркаш округӗнчи Кашмаш шкулӗнче 8-мӗш класра вӗренекен ача иккӗмӗш хутри чӳречерен тухса ӳкнӗ (е хӑй сикнӗ). Ку виҫҫӗмӗш урок вӑхӑтӗнче пулса иртнӗ. Арҫын ача чӳречерен сиксе тӑпра ҫине ӳкнӗ, ура ҫине тӑрайман. Ӑна медпулӑшу кирлӗ пулнӑ. Арҫын ачана васкавлӑ медпулӑшупа Шупашкара Республикӑри ача-пӑча пульницине илсе ҫитернӗ. Халӗ Муркаш округӗн прокуратури тӗрӗслев ирттерет. Хыпар ҫӑлкуҫӗ:
|
|
Культура
 Чӑваш патшалӑх оперӑпа балет театрӗн видеовӗнчен илнӗ сӑнӳкерчӗк Юпа уйӑхӗн 26-мӗшӗнче Чӑваш патшалӑх оперӑпа балет театрӗнче блокадӑри Ленинградра ӗҫлесе пурӑннӑ ӳнер ӗҫченӗсене халалланӑ «Так хочется жить!» спекталь-концерт кӑтартӗҫ. Ку спектакль Ленинградри пултарулӑх интеллигенцийӗн – музыкантсен, театр артисчӗсен, Эрмитажпа ытти музей ӗҫченӗсен, искусствоведсемпе архитекторсен, поэтсемпе писательсен, художниксен, ученӑйсен — кун-ҫулӗпе паллаштарӗ. Шӑпапа паллаштаракан кашни новелла – ҫав ҫынсем дневниксенче ҫырса хӑварнӑ чӑн историсем. Мероприятие Росконцерт йӗркелет. Спектакле Раҫҫей халӑх артисчӗ Артём Каминский, Раҫҫей тава тивӗҫлӗ артисчӗ Анна Большова, театрпа кино актёрӗ Андрей Пляскин хутшӑнӗҫ. Хыпар ҫӑлкуҫӗ:
|
|
Хулара
 atomic-energy.ru сайтри сӑн Ҫӗнӗ Шупашкар хулинче пурӑнакан 66 ҫулти хӗрарӑм ултавҫӑсен серепине лекнӗ. Вӑл вӗсене 3 миллион тенкӗ куҫарса панӑ. Ун патне икӗ уйӑх каялла палламан ҫын шӑнкӑравланӑ. Хайхискер хӑйӗнпе «банк ӗҫченӗ» тесе паллаштарнӑ, такамсем унӑн укҫине вӑрлама хӑтланнине ӗнентернӗ, укҫана ҫӑлас тесен ӑна «хӑрушсӑр счет» ҫине куҫарма ӳкӗтленӗ. Тивӗҫлӗ канури хӗрарӑм палламан ҫынна ӗненсе вӑл хушнине пурнӑҫланӑ та нимсӗр-мӗнсӗр тӑрса юлнӑ. Унӑн полицирен пулӑшу ыйтма тивнӗ. Хыпар ҫӑлкуҫӗ:
|
|
Персона
 Комсомольски округӗнчи Владимир Мунтайкина «Чӑваш Республикин тава тивӗҫлӗ механизаторӗ» хисеплӗ ят панӑ. Ку наградӑна вӑл ял хуҫалӑх тытӑмӗнче нумай ҫул тӑрӑшса ӗҫленӗшӗн тивӗҫнӗ. Шӑпа ӑна ҫамрӑк чухнех механизатор профессийӗ патне илсе ҫитернӗ – 1977 ҫулта «Урожай» колхозра ӗҫлеме тытӑннӑ. Канашри училищӗре професси илсен, салтака кайса килсен хӑйӗн пурнӑҫне ял хуҫалӑхӗпе ҫыхӑнтарнӑ. Халӗ кашни ир вӑл уя тухать, сехечӗ-сехечӗпе руль умӗнче ларать. Ака-суха-и, тыр-пул пухса кӗртмелле-и, выльӑх апачӗ хатӗрлемелле-и – йӑлтах лайӑх пурнӑҫлать Владимир Васильевич. Хыпар ҫӑлкуҫӗ:
|
|
Республикӑра
 Пӑрачкаври хӗрарӑм йытӑ ҫурине путарса вӗлернӗшӗн суд сакки ҫинче явап тытнӑ. Ӑна тӗрмене хупмасӑр 3 ҫуллӑха айӑпланӑ. Ку пуш уйӑхӗн 13-мӗшӗнче Пӑрачкавра пулнӑ. Хӗрарӑм килти икӗ йытӑ ҫурине, икӗ уйӑхрискерсене, миххе чикнӗ те Сӑр юханшывӗ патне вӗсене путарма кайнӑ. Ҫакна 13 ҫулти икӗ арҫын ача курнӑ, вӗсем хӗрарӑма йытӑ ҫурисене пама ыйтнӑ. Анчах лешӗ чӗрчунсене шыва ывӑтнӑ. Арҫын ачасенчен пӗри пушмакне хывса, шӑлавар пӗҫҫине тавӑрса пӑрлӑ шыва кӗнӗ. Анчах вӑл пӗр йытӑ ҫурине кӑна ҫӑлса ӗлкӗрнӗ, тепри вилнӗ. Хӗрарӑм судра айӑпне йышӑннӑ. Хыпар ҫӑлкуҫӗ:
|
|
Хулара
 «Контактри» сӑн Ҫак кунсенче Ҫӗнӗ Шупашкарта байкерсем пӗрлешнӗ. Вӗсен туйне хӑнасем мотоциклпа пынӑ. 35 ҫулти Николай тата Ольга Ефимовсен туйӗнче байкерсем пулнӑ. Вӗсем хӑйсем – «Ночные Волки» тата «Ночные Валькирии» мотоклуб пайташӗсем. «Оля «А» категорие вӗреннине курсан эпӗ вӑл манӑн шӑпа пулнине ӑнлантӑм», – ҫапла каланӑ Николай. Вӑл мотоциклсемпе интересленет, ҫавӑнпа пулас мӑшӑрӗ те унӑн кӑсӑкланӑвне пайлани пӗлтерӗшлӗ пулнӑ уншӑн. Ольӑна байкер пурнӑҫӗ килӗшнине курсан Николай унпа ҫывӑхрах туслашнӑ. Туслӑх юратӑва куҫнӑ. Акӑ халӗ ҫамрӑксем пӗрлешнӗ. Хыпар ҫӑлкуҫӗ:
|
|
Сывлӑх
 https://yandex.ru/images/search?img_url=https%3A%2F%2Favatars.dzeninfra.ru сӑнӳкерчӗкӗ Пирӗн ҫӗршыври ученӑйсем ракран вакцинӑпа сиплеме пуҫласшӑн. Ракран туса кӑларнӑ мРНК-вакцинӑпа тепӗр 1-1,5 уйӑхран усӑ курма пуҫлӗҫ. Ӑна Гамелея ячеллӗ центр Мускаври Герцен ячӗллӗ ӑслӑлӑхпа тепчев онкологи институчӗпе, Блохин ячӗллӗ онкологи центрӗпе пӗрле шухӑшласа кӑларнӑ. Вакцинӑна кашни пациент валли уйрӑм кӑлараҫҫӗ-мӗн. Хальлӗхе вакцинӑна сӑнавлӑ меслетпе меланомӑпа чирлисене сиплӗҫ. Хыпар ҫӑлкуҫӗ:
|
|
Ял хуҫалӑхӗ
 cap.ru сӑнӳкерчӗкӗ Чӑваш Енӗн Гостехнадзорӑн тата Патшалӑхӑн автоинспекцийӗн ӗҫченӗсем «Лайӑх тракторист» операцие пӗтӗмлетнӗ. Ҫурла уйӑхӗн 20-мӗшӗнчен пуҫласа 20-мӗшӗччен инспекторсем хӑй тӗллӗн ҫӳрекен техникӑпа водительсем епле усӑ курнине тӗрӗсленӗ. Пӗтӗмпе 222 водителе тӗрӗсленӗ. Вӗсенчен 48-шӗнне кӑлтӑк тупса палӑртнӑ. Чылайӑшӗн обязательнӑй страхованийӗн полисӗ пулман. 12,5 проценчӗн тракторист прави пулман. Хыпар ҫӑлкуҫӗ:
|
|
Культура
 cap.ru сӑнӳкерчӗкӗ Чӑваш патшалӑх культурӑпа ӳнер институтӗнче «Выдающиеся личности в становлении и развитии профессионального театра и кинематографа Чувашии» (чӑв. Чӑваш Енри профессилле театрпа кинематографи йӗркеленсе кайнипе тата аталаннипе ҫыхӑннӑ паллӑ ҫынсем) ятпа ҫавра сӗтел иртнӗ. Ӑна актер ӑсталӑхӗн тата режиссурин кафедринче йӗркеленӗ. Мероприятие Культура институчӗн чӗрӗк ӗмӗрне тата культура колледжӗн 80 ҫулхине халалланӑ. Маларах асӑннӑ кафедра заведующийӗ Лия Чернова ҫамрӑк специалистсемпе студентсене вӗренӳ заведенийӗпе ҫыхӑннӑ сумлӑ ҫынсемпе паллаштарас ӗмӗтлине палӑртса хӑварнӑ. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ Шупашкарти электроаппаратура завочӗ япаласене авма робот техники туяннӑ. Вӑл 50 килограмм таран йӑтса илеет. Унтан ӑна хӑех авать. Унччен ҫав операцие оператор пурнӑҫланӑ пулсан халӗ робот самантрах тӑвать. Ҫитменнине тата ҫыннӑн пресс хушшине алла чиксе яма тивнӗрен аманас хӑрушлӑх та пулнӑ. Халӗ заводра тӑрӑшакансем робота ӗҫлеттерсе яма ҫеҫ хутшӑнаҫҫӗ. Хыпар ҫӑлкуҫӗ:
|
+6.3 °C