|
Спорт
 «Контактри» сӑн Чӑваш Енри спорт гимнастки Елена Герасимова студентсен хушшинче иртнӗ Пӗтӗм Раҫҫейри ӑмӑртура виҫӗ медаль ҫӗнсе илнӗ. Пирӗн ентеш Краснодар крайӗнче иртнӗ турнирта чи вӑйлисен хушшинче палӑрнӑ. Ӑмӑртӑва Раҫҫейри 15 аслӑ шкулти 100 яхӑн спортсмен хутшӑннӑ. Елена тӗрлӗ ҫӳллӗшри бруссем ҫинче чи лайӑх кӑтартупа палӑрса ылтӑн медале тивӗҫнӗ. Ҫавӑн пекех пӗрене ҫинче хӑнӑхтарусем туса тата командӑпа тупӑшса кӗмӗл медальсем ҫӗнсе илнӗ. Хыпар ҫӑлкуҫӗ:
|
|
Вӗренӳ
 «Контактри» сӑн «Ҫулталӑкри вӗрентекене» палӑртнӑ. Ку ята Куславккари Алевтина Алексеева тивӗҫнӗ. Кӑҫал конкурса 1000 ытла ҫын хутшӑннӑ, 218 специалист куҫӑн майпа иртнӗ тӗрӗслев витӗр тухнӑ. «Ҫулталӑкри воспитатель» — Дарья Жгарь (Шупашкар), «Чи лайӑх класс ертӳҫи» — Юлия Дельян (Ҫӗнӗ Шупашкар), «Ҫулталӑкри педагог-психолог» - Татьяна Анилина (Куславкка районӗнчи Тӗрлемес шкулӗ), «Ҫулталӑкри социаллӑ педагог» - Яна Молодцева (Шупашкар), «Чи лайӑх учитель-дефектолог» - Татьяна Гаранина (Ҫӗнӗ Шупашкар), «Чи лайӑх тӑван чӗлхе учителӗ» - Ираида Матьянова (Шупашкар), «Сывлӑх енчен хавшак ачасемпе ӗҫлекен чи лайӑх педагог» - Ирина Петрова (Йӗпреҫри интернат шкул), «Ҫулталӑкри чи лайӑх тьютор» - Наталия Прагуськина (Шупашкар), «Ҫулталӑкри чи лайӑх методист» - Ксения Коллэ (Шупашкар), «Педагогика дебючӗ» - Игорь Ятмаскин (Шупашкар). Хыпар ҫӑлкуҫӗ:
|
|
Ҫутҫанталӑк
 Синоптиксем пӗлтернӗ тӑрӑх, кӗҫӗх ҫӗмӗрт сивви иртсе каять те… сирень сивви килет. Халӗ ҫил кӑнтӑр-хӗвеланӑҫ енчен самай вӑйлӑ вӗрет. Ыран, шӑматкун, лӑпланӗ, сывлӑш 19-24 градус таран ӑшӑнӗ. Вырсарникун 30 градуса яхӑн ӑшӑ пулӗ. Анчах кӑнтӑрла хыҫҫӑн пӗлӗтленӗ. Ҫӗрле тата тунтикун кӑнтӑрлаччен ҫумӑр ҫӑвӗ. Аслати авӑтма пултарать. Эрне тӑршшӗпех ҫумӑр ҫукалӗ. Ытларикун каллех ҫил вӑйланӗ, ҫавна май ӑшӑрах тумланма тивӗ. Телее, синоптиксем пӗлтернӗ тӑрӑх, тӑм ӳкмӗ. Хыпар ҫӑлкуҫӗ:
|
|
Ял хуҫалӑхӗ
 "Контактри" сӑн ЧР Ял хуҫалӑх министерстви аграрисем валли чат-бот хута янӑ. Ҫапла аграри хыпарӗсене телеграмри чат-ботра пӗлме пулать. Фермерсем @agro21bot урлӑ уй-хирти хыпарсене пӗлтерме, кулленхи ӗҫсем пирки каласа кӑтартма, сӗнӳсемпе, сӑнӳкерчӗксемпе, видеосемпе пайланма пултараҫҫӗ. Хыпар ҫӑлкуҫӗ:
|
|
Республикӑра
 Следстви комитечӗ тунӑ сӑн Муркаш округӗн администрацийӗн пуҫлӑхӗ тӗлӗшпе пуҫиле ӗҫ пуҫарнӑ. Следстви версийӗ тӑрӑх, вӑл 2020 ҫулхи пуш-нарӑс уйӑхӗсенче администраци пуҫлӑхӗн пӗрремӗш ҫумӗ – тӗплӗ строительство пайӗн пуҫлӑхӗ пулнӑ чухне тивӗҫлипе тӗрӗслемесӗр тата экспертиза тумасӑр Мӑн Сӗнтӗрте хваттере муниципалитет харпӑрлӑхне илнӗ. Хваттер вара санитари тата техника нормисемпе килӗшсе тӑман. Кайран ӑна тӑлӑхсен черетӗнче тӑракан хӗрарӑма панӑ. Следстви малалла пырать. Хыпар ҫӑлкуҫӗ:
|
|
Пӑтӑрмахсем
 warball.ru сӑнӳкерчӗкӗ «Оздоровление Волги» наци проекчӗ пирки хӑй вӑхӑтӗнче хавхалантарса пӗлтернине журналистсем астӑваҫҫех. Асӑннӑ проектпа килӗшӳллӗн тунӑ 132 объекта Росприроднадзор тӗрӗсленӗ те экологи енчен 1471 хутчен пӑснине тупса палӑртнӑ, ҫав шутра шывпа ҫыхӑнни – 418. Вӑтамран кашни объектпа – вуншар ҫитменлӗх. Ҫитменлӗхсем енӗпе уйрӑмах палӑрнӑ топ-3 регион шутӗнче: Ярославль облаҫӗнче – 173; Самар облаҫӗнче – 54; Чӑваш Енре – 50. Хыпар ҫӑлкуҫӗ:
|
|
Персона
 «Контактри» сӑн Раҫҫейри велоҫулҫӳревҫӗ Алексей Ильмухин Питӗртен Владивостока ҫитме палӑртнӑ. Унӑн 11 пин ҫухрӑма парӑнтармалла. Хӑйӗн ҫулҫӳревне вӑл Ҫӗнтерӳ пулнӑранпа 80 ҫул ҫитнине халалланӑ. Ҫула май Алексей Чӑваш Ене кӗрсе тухнӑ. Ахальтен мар. Унӑн ашшӗ тата аслашшӗ – Улатӑр тӑрӑхӗнчи йӑхран. Алексей Шупашкарта «Ӗҫ мухтавӗн хули» стела патӗнче чарӑнса сӑн ӳкерӗннӗ. Хостелта ҫӗр каҫнӑ хыҫҫӑн вӑл каллех ҫула тухнӑ: Урал, Ҫӗпӗр урлӑ — Инҫет Хӗвелтухӑҫне. Хыпар ҫӑлкуҫӗ:
|
|
Политика
 ЧР Министрсен Кабинечӗн председателӗн хушӑвӗпе килӗшӳллӗн, ЧР ӗҫлев министрӗн пӗрремӗш ҫумне ӗҫрен кӑларнӑ. Ку должноҫре Лариса Арсентьева 8 ҫул ӗҫленӗ. Ку должноҫре вӑл 2017 ҫултанпа вӑй хунӑ. Унччен маларах ҫулталӑк ытла вӑл ЧР Элтеперӗн администрацийӗн ертӳҫин пӗрремӗш ҫумӗ пулнӑ. Тата кӑшт маларах вара Шупашкар район администрацийӗнче ӗҫленӗ. Хыпар ҫӑлкуҫӗ:
|
|
Республикӑра
 Прокуратура архивӗнчи сӑн Муркаш округӗнче пурӑнакан 51 ҫулти хӗрарӑм упӑшки пулнӑ арҫыннӑн тумтирӗ ӑшне итлемелли хатӗр лартнӑ. Куншӑн унӑн явап тытма тивӗ. Прокуратура пӗлтернӗ тӑрӑх, 2024 ҫулхи авӑнран пуҫласа кӑҫалхи нарӑсчен вӑл калаҫӑва итлемелли ятарлӑ хатӗр туяннӑ та ӑна малтан упӑшкин кӗсйине хунӑ. Кайран ӑна ҫухи ӑшне ҫӗлесе хунӑ. 55-ри арҫын диктофона ӑнсӑртран курткӑна тӑхӑннӑ чухне асӑрханӑ. Вӑл кун пирки тӳрех йӗрке хуралне пӗлтернӗ. Хӗрарӑм тӗлӗшпе пуҫиле ӗҫ пуҫарнӑ. Кӗҫех ӑна суд пӑхса тухӗ. Хыпар ҫӑлкуҫӗ:
|
|
Раҫҫейре
 Яндекс Карты сӑнӳкерчӗкӗ 2026 ҫулхи пуш уйӑхӗн 1-мӗшӗнчен пуҫласа таксире хамӑр ҫӗршывра туса кӑларнӑ машинӑсене ҫеҫ ӗҫлеттересшӗн. Кун пек саккун проектне Раҫҫейӗн Патшалӑх Думи иккӗмӗш тата виҫҫӗмӗш вулавра йышӑннӑ. Кун пек саккуна йышӑнассине тӗрлӗрен йышӑнакансем пур. Пӗрисем шухӑшланӑ тӑрӑх, АвтоВАЗа пулӑшмалла, теприсем вара ӑна пулӑшса ҫитереймӗн тесе шухӑшлаҫҫӗ. Хыпар ҫӑлкуҫӗ:
|
+12.3 °C