Сайта кӗр | Регистраци | Сайта кӗрсен унпа туллин усӑ курма пулӗ
 +11.3 °C
Чӑхӑ пӗрчӗн сӑхсах тутӑ пулать.
[ваттисен сӑмахӗ: 2394]
 

Хыпарсем

Ҫул-йӗр
cap.ru сӑнӳкерчӗкӗ
cap.ru сӑнӳкерчӗкӗ

Шупашкарпа Ҫӗнӗ Шупашкар хушшинче тепӗр троллейбус кӗҫех ярасси пирки пӗлтернӗччӗ. Ун чухне ку хӑҫан пуласси паллӑ марччӗ.

Халӗ паллӑ: 61-мӗш маршрута нарӑсӑн 21-мӗшӗнче ҫула ярӗҫ. Вӑл Шупашкарти Гладков урамӗнчен Трактор тӑвакансен проспекчӗпе Ҫӗнӗ Шупашкарти «Иваново» микрорайона ҫитӗ.

Аса илтерер: икӗ хула хушшинче 2024 ҫулхи ҫулларанпа 62-мӗш троллейбус ҫӳрет.

Хыпар ҫӑлкуҫӗ: https://vk.com/wall-143818234_420081
 

Персона
cap.ru сӑнӳкерчӗкӗ
cap.ru сӑнӳкерчӗкӗ

Шупашкарта пурӑнакан ветеран Василий Акулов 101 ҫул тултарнӑ.

Василий Дмитриевич Пенза облаҫӗнче 1924 ҫулта ҫуралнӑ. 1941 ҫултанпа вӑл Мускаври кирпӗч савутӗнче ӗҫленӗ. Утпнах ӑна фронта илсе кайнӑ. Вӑл танк полкне лекнӗ, оруди командирӗ пулнӑ.

Василий Дмитриевич Харьков ҫывӑхӗнче ҫапӑҫнӑ, Курск пӗккинче пулнӑ. Аманнӑ, госпитальте сипленсен каллех строя тӑнӑ.

Вӑрҫӑ хыҫҫӑн ветеран Шупашкара куҫнӑ. Мӑшӑрӗпе 4 ачана ура ҫине тӑратнӑ.

Василий Дмитриевича II степень Тӑван ҫӗршыв вӑрҫин орденӗпе, «Германие ҫӗнтернӗшӗн» медальпе тата ытти наградӑпа чысланӑ.____

Хыпар ҫӑлкуҫӗ: https://t.me/chuvashiya_capru
 

Политика
cap.ru сӑнӳкерчӗкӗ
cap.ru сӑнӳкерчӗкӗ

ЧР ял хуҫалӑх министрӗн ҫумне Ольга Егоровӑна ӗҫрен кӑларнӑ. Хушӑва ЧР Элтеперӗ Олег Николаев алӑ пуснӑ.

Министр ҫумне ӗҫен мӗншӗн кӑларнине уҫӑмлатман.

Палӑртса хӑварар: Ольга Егоровӑна министр ҫумне 2023 ҫулхи нарӑс уйӑхӗнче ҫирӗплетнӗ.____

 

Пӑтӑрмахсем

Шупашкарта пурӑнакан пӗр учитель ултавҫӑҫене ӗнӗнсе хӑйӗн пӗртен-пер хваттерне сутса янӑ, укҫана вӑл вӗсене куҫарса панӑ. Пилӗк миллиона яхӗн тенкӗ.

67 ҫулти хӗрарам патне пӗр уйӑх каярах мессенджерсенчен пӗринче шкул директорӗн ячӗпе шӑнкӑравланӑ. «Директор» хӗрарӑмран юлашки виҫӗ уйӑхри расчёт хучӗсен сӑнӳкерчӗкне ыйтнӑ, вӑл Украинӑна укҫа куҫарса панине, унпа Федерацин хӑрушсӑрлӑх службин ӗҫчене кӗҫӗх ҫыхӑнассине систернӗ.

Хӑйсемпе право хуралӗн тытӑмӗн тата Росфинмониторинг ӗҫченӗсем тесе паллаштаракансене ӗненнипе хӗрарӑм банкра банкра кредит илнӗ, 20 ҫул пурӑннӑ пӗртен-пӗр хваттерне сутса янӑ.

Банкра вӑл укҫа сипленме кирлӗ тесе каланӑ, хваттер сутнине чирлӗ пӗлӗшне пӑхма Мускава тухса каяссипе сӑлтавланӑ. Кун пек суйма ӑна ултавҫӑсем вӗрентнӗ. Мӗнпур укҫана банк приложенийӗ урлӑ ултавҫӑсене куҫарса панӑ.

Ултавҫӑсем кайран та шӑнкаравлама пӑрахманнине кура хӗрарӑм хӑй улталаннине ӑнланса илнӗ те йӗрке хуралҫисенчен пулӑшу ыйтнӑ.

Хыпар ҫӑлкуҫӗ: https://t.me/mvd_chuvashia/4953
 

Сывлӑх
vk.com/gov_cap_ru сӑнӳкерчӗкӗ
vk.com/gov_cap_ru сӑнӳкерчӗкӗ

Чӑваш Енре пурӑнакан пӗр хӗрарӑмӑн кӑкӑр ракӗ тупӑннӑ. Ӑна васкавлӑн операци тумалла пулнӑ. Пӗр амакӗ ҫитмен, тепри тупӑннӑ. Хӗрарӑм чӗре чирӗпе нушаланать иккен.

Республикӑри онкологи диспансерӗн тата Республикӑри кардиологи дсипансерен врачӗсем пӗр-пӗринпе тӗплӗн канашласа пӑхнӑ хыҫҫӑн икӗ операцие пӗр харӑс тума йышӑннӑ.

Операци тӑватӑ сехете яхӑн тӑсӑлнӑ. Малтан митраль клапанне ылмаштарнӑ, унтан мастэктоми текен операцие туса ирттернӗ.

 

Пӑтӑрмахсем
t.me/chuvashia_sledcome сӑнӳкерчӗкӗ
t.me/chuvashia_sledcome сӑнӳкерчӗкӗ

Кӑҫалхи нарӑс уйӑхӗн 9-мӗшӗнче Кӳкеҫре шӑллӗ пиччӗшне хӗнесе вӗлернӗ. Шар курни тепӗр кун каҫхине куҫне ӗмӗрлӗхе хупнӑ.

Ҫав кунхине икӗ пӗр тӑван пӗрле эрех ӗҫнӗ. Кайран иккӗшӗн хушшинче тавлашу сиксе тухнӑ. Шӑллӗ пиччӗшне тапса-ҫапса пӗтернӗ.

39 ҫулти арҫын тӗлӗшпе РФ Пуҫиле кодексӗн 111 статйин 4-мӗш пайӗпе килӗшӳллӗн пуҫиле ӗс пуҫарнӑ.

Хыпар ҫӑлкуҫӗ: https://t.me/chuvashia_sledcome/2944
 

Персона
vk.com/gov_cap_ru сӑнӳкерчӗкӗ
vk.com/gov_cap_ru сӑнӳкерчӗкӗ

Чӑваш Енӗн тава тивӗҫлӗ вӑрманҫи Геннадий Хураськин вӑрман хуҫалӑхӗнче ӗҫлеме пуҫланӑранпа 40 ҫул та иртсе кайнӑ. Ӗсе вӑл Пӑрачкав тӑрӑхӗнчи вӑрман хуҫалӑхӗнче пуҫланӑ. Юлашки ҫулсенче вӑл Йӗпреҫри пушарпа хими станцийӗн пуҫлӑхӗнче тӑрӑшать. Вӑл ҫине тӑнипе атвопарка ҫӗнетнӗ, ҫӗнӗ оборудовани туяннӑ.

«Вӑрман — пирӗн иксӗлми пуянлӑх. Ӑна упарса хӑварассипе эпӗ те тӑрӑшнишӗн чунтан савӑнатӑп», — тет вӑл.

 

Культура
"Контактри" сӑн
"Контактри" сӑн

Ҫеҫпӗл Мишши ячӗллӗ Ҫамрӑксен театрӗ йӑлана, кӗнӗ «Театра – аттепе пӗрле» акци ирттерет. Ӑна Тӑван ҫӗршыв хӳтӗлевҫин кунне халалланӑ. Акци нарӑсӑн 22-23-мӗшӗсенче иртӗ.

Ашшӗсем, аслашшӗсемпе кукашшӗсем театра мӑнукӗпе килсен спектакле тӳлевсӗр курма пултараҫҫӗ. Нарӑсӑн 22-мӗшӗнче Самуил Маршакӑн «Кошкин дом» спектаклӗ пулӗ, нарӑсӑн 23-мӗшӗнче – «Незнайка и его друзья».

Ҫавӑн пекех нарӑсӑн 23- мӗшӗнчӗ арҫынсем кинозалта Тӑван ҫӗршывӑн Аслӑ вӑрҫи пирки ӳкернӗ «Вӑрҫӑ тата музыка» фильма тӳлевсӗр курма пултараҫҫӗ.

Хыпар ҫӑлкуҫӗ: https://vk.com/wall-194537172_19692
 

Раҫҫейре
"Контактри" сӑн
"Контактри" сӑн

Чӑваш Енри студентсем те Хура тинӗсри мазута пуҫтарма пулӑшаҫҫӗ.

И.Н. Ульянов ячӗллӗ Чӑваш патшалӑх университечӗн студенчӗсем Хура тинӗс хӗррине тӗрӗслесе мазутлӑ вырӑнсене тупса тасатаҫҫӗ. Кунсӑр пуҫне ҫак инкекре шар курнӑ кайӑксене, чӗрчунсене пулӑшаҫҫӗ. Ку кӑна мар, вӗсем шар курнисен ӑшӑнмалли тата апатланмалли пунктсенчи ӗҫе те хутшӑнаҫҫӗ

Пӗр сӑмахпа, вӗсем – паттӑрсем!

Хыпар ҫӑлкуҫӗ: https://vk.com/wall-191629825_74878
 

Пӑтӑрмахсем
t.me/chuvashia_sledcome сӑнӳкерчӗкӗ
t.me/chuvashia_sledcome сӑнӳкерчӗкӗ

Улатӑр районӗнчи пушарта икӗ ача пурнӑҫӗ татӑлнӑ. Пӑтӑрмах тӗлӗшпе пуҫиле ӗҫ пуҫарнӑ.

Пушар нарӑс уйӑхӗн 16-мӗшӗнчи ҫӗрле тухнӑ. Атрать посёлокӗнчи йывӑҫ пӳртре инкек вӑхӑтӗнче 2 тата 2 ҫулти ачасем, вӗсен ашшӗ-амӑшӗ пулнӑ. Ҫунакан пӳртрен аслисем тухма пултарнӑ. Пиҫсе кайнӑскерсене пульницӑна ӑсатнӑ.

Хыпар ҫӑлкуҫӗ: https://t.me/chuvashia_sledcome/2941
 

Страницӑсем: 1 ... 25, 26, 27, 28, 29, 30, 31, 32, 33, 34, [35], 36, 37, 38, 39, 40, 41, 42, 43, 44, 45, ... 3865
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (04.04.2025 15:00) пӗлӗтлӗ ҫанталӑк, атмосфера пусӑмӗ 738 - 740 мм, 13 - 15 градус ӑшӑ пулӗ, ҫил 7-9 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 04

1882
143
Васильев Иван Васильевич, ятарлӑ вӗреннӗ пӗрремӗш чӑваш юрӑҫи ҫуралнӑ.
1943
82
Аттил Алексей Васильевич, чӑваш сӑвӑҫи ҫуралнӑ.
1963
62
Пӑртта Александр Иванович, чӑваш сӑвӑҫи, драматургӗ ҫуралнӑ.
Пулӑм хуш...Пулӑм хуш...