|
Персона
 Чӑваш академи драма театрӗн сӑнӳкерчӗкӗ Паян Иван Мучи актер, писатель-сатирик ҫуралнӑранпа 130 ҫул ҫитнӗ. Кун пирки Чӑваш патшалӑх академи драма театрӗ халӑх тетелӗнчи хӑйӗн страницинче аса илтерет. «Иван Мучи – Иван Илларионов ҫыравҫӑн хушма ячӗ. Пурнӑҫ ҫулӗ вӑрӑмах пулман унӑн. Апла пулин те ячӗ-сумӗ халӑхра, республика пичетӗнче лайӑх ҫирӗпленсе юлнӑ. Граждан вӑрҫи хыҫҫӑн вӑл Хусанти пӗрремӗш чӑваш театрӗнче артист пулса ӗҫленӗ. 1922 ҫулта театрпа пӗрле Шупашкара куҫса килнӗ. Пӗр вӑхӑт «Канаш» хаҫат редакцийӗнче вӑй хунӑ. И.Мучи чӑвашсен сатира журналне, «Капкӑна», пуҫласа яраканӗ», — аса илтернӗ хыпарта. Хыпар ҫӑлкуҫӗ:
|
|
Пӑтӑрмахсем
 cap.ru сӑнӳкерчӗкӗ Тухтӑрсем хура ҫӗлен ачан пурнӑҫне ҫӑлнӑ. Ӗҫ-пуҫ ҫапларах пулса иртнӗ; 12 ҫулти ача уҫӑлса ҫӳренӗ чухне ҫӗлен курнӑ та ӑна тытса пӑхас тесе аллине тӑснӑ. Ҫӗлен ӑна пӳрнинчен сӑхнӑ. Ачан ашшӗпе амӑшӗ тӳрех васкавлӑ медпулӑшу чӗннӗ. Арҫын ачана Шупашкара Республикӑри ача-пӑча клиника пульницине илсе ҫитернӗ. Хальхи вӑхӑтра вӑл унта сипленет. Унӑн сывлӑхӗ лайӑхах, ҫапах тухтӑрсем ӑна кӑштах сӑнаса тӑмаллине пӗлтернӗ. Хыпар ҫӑлкуҫӗ:
|
|
Пӑтӑрмахсем
 Инкелӗ лару-тӑру министерстви тунӑ сӑн Ҫӗнӗ Шупашкарти Юханшыв урамӗнчи 6-мӗш ҫуртра паян ирхине пушар тухнӑ – иккӗмӗш хутри хваттер ҫунма тытӑннӑ. Ҫулӑм икӗ пӳлӗмри япаласене, сӗтел-пукана ярса илнӗ. Пушарнӑйсем арӑмӗпе упӑшкине урама чӳречерен пусма тӑрӑх тухма пулӑшнӑ. Вӗсен тӑватӑ ачине (чи асли 20 ҫулта, чи кӗҫӗнни 5 уйӑхра) урама йӑтса тухнӑ. Ҫавӑн пекех пушарнӑйсем кӳршӗ хваттерсенчи 8 ҫынна эвакуациленӗ, ҫав шутра – 3 ачана. Аслӑ ӳсӗмри 3 ҫын тата 10 ача пульницӑна лекнӗ. Хыпар ҫӑлкуҫӗ:
|
|
Республикӑра
 Прокуратура архивӗнчи сӑн Патӑрьел округӗнче арҫын арӑмне сӑнчӑрта тытнӑшӑн судра явап тытнӑ. Суд палӑртнӑ тӑрӑх, 46-ри упӑшки арӑмне эрех ӗҫме ярас мар тесе ӑна кӑҫал сахалтан та икӗ хутчен сӑнчӑрпа кӑкарса лартнӑ: акан 15-мӗшӗнче тата ҫӗртмен 9-мӗшӗнче. Ҫапла хӗрарӑм 3 тата 8 сехет ларнӑ, ҫав вӑхӑтра упӑшки ӗҫре пулнӑ. Кун пирки арӑмӗ полицие кайса пӗлтернӗ. Кунсӑр пуҫне ҫакӑ паллӑ: ака уйӑхӗнче упӑшки арӑмне эрех ӗҫме чарӑнмасан вӗлерессипе хӑратнӑ. Судра вара арӑмӗ упӑшкине ытлашши ҫирӗп явап тыттарма ыйтман. Ара, ҫав вӑхӑталла вӗсем мирлешнӗ. Суд приговор вуланӑ: арҫыннӑн ирӗкне 1 ҫуллӑха чикӗлеме йышӑннӑ. Хыпар ҫӑлкуҫӗ:
|
|
Сывлӑх
 t.me/bbbreaking каналтан илнӗ сӑнӳкӗрчӗк Раҫҫей ҫыннисем 120 ҫула ҫитиччен пурӑнса ҫитме пултараҫҫӗ. Ҫакӑн пек шухӑшлать иккен РФ вице-премьерӗ Татьяна Голикова. «Кашни ҫыннӑн вӑй-хӑвачӗ тӗрлӗрен пулнине эпир ӑнланатпӑр-ха. Хӑшӗсем хӑвӑртрах ватӑлаҫҫӗ, теприсем — майӗпен. Майӗпен ватӑлакансен 100 ҫула, 120 ҫула пурӑнса ҫитме май пур», — тенӗ вӑл пресс-конференцсенчен пӗринче. Хыпар ҫӑлкуҫӗ:
|
|
Республикӑра
 aex.ru сайтри сӑн Ҫитес вӑхӑтра «Шупашкар – Новосибирск» авиамаршрут уҫма палӑртнӑ. Авиаперевозчик Чӑваш Ен правительстви патне ку ыйтупа тухнӑ ӗнтӗ. Новосибирск облаҫӗн правительстви вара рейс тӑкакӗсене Чӑваш Ен правительствипе пӗрле ҫурмалла саплаштарма хатӗррине пӗлтернӗ. Хальлӗхе субсидилекен маршрутсен федераци переченьне хутшӑнма авиакомпанисен заявкисене хатӗрлес ӗҫ пырать. Ҫакна каласа хӑвармалла: Новосибирск аэропортӗнчен Ҫӗпӗрти тата Инҫет Хӗвелтухӑҫӗнчи пысӑк хуласене вӗҫме пулать. Ҫавӑн пекех унтан Китая, Вьетнама, Индие, Таиланда тата Азири ытти хулана ҫитме меллӗ. Сӑмах май, Раҫҫей ҫыннисене Китая визӑсӑрах кӗртме пуҫланӑ. Ҫавна май ку маршрут питӗ кирлӗ тата меллӗ пулмалла. Хыпар ҫӑлкуҫӗ:
|
|
Пӑтӑрмахсем
 sputnikglobe.com сайтри сӑн Муркаш округӗнчи Исетерккӗ ялӗнче тыр-пул пухса кӗртнӗ вӑхӑтра хӗрарӑм сарӑмсӑр вилнӗ. Ку ҫурла уйӑхӗн 2-мӗшӗнче Чкалов ячӗллӗ ЯХПКра пулнӑ. Самосвал черетлӗ хут тырӑ тиесе килсен ӑна тӑкма тӑнӑ, каялла чакнӑ чухне унта ҫын пуррипе ҫуккине тӗрӗслемен — хыҫалта пулнӑ хӗрарӑм ҫине тырӑ тӑкнӑ. Вӑл ҫавӑнтах вилнӗ. Ку ӗҫ тӗлӗшпе тӗрӗслев вӗсленнӗ. Ку инкек Мигушов харпӑр усламҫӑ айӑпӗпе пулнӑ тесе йышӑннӑ: кооператив ӗҫе тивӗҫлипе йӗркелемен. Ҫавӑн пекех ҫакӑ паллӑ: хӗрарӑма ӗҫ сыхлавӗпе инструкцие вӗрентмесӗрех ӗҫлеме ирӗк панӑ. Хыпар ҫӑлкуҫӗ:
|
|
Ҫутҫанталӑк
 Кӗҫӗр республикӑра самая шӑнтнӑ. Синоптиксем пӗлтернӗ тӑрӑх, ҫитес икӗ каҫ та шӑнтӗ. Уйрӑмах — тунтикун каҫхине. Синоптиксем паянтан ылтӑн кӗркунне пуҫланнине пӗлтереҫҫӗ, уяр ҫанталӑк тӑрӗ. Анчах кӗҫнерникун пӗлӗтленӗ, анчах ун хыҫҫӑн каҫсерен шӑнтма пӑрахӗ. Эрнен иккӗмӗш ҫурринче республикӑна ӑшӑ килме пуҫлӗ, кӑнтӑрласерен 11-16 градус таран ӑшӑтӗ. Ҫил тӳлек вӗрӗ. Синоптиксем малтанлӑха пӗлтернӗ тӑрӑх, ылтӑн кӗркунне вӑраха тӑсӑлма пултарӗ. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ Чӑваш Енре юлашки вӑхӑтра ҫулсерен ирттерекен кӗмӗл волонтёрсен республикӑри конкурсне пӗтӗмлетнӗ. Конкурса заявкӑсене республикӑн Ӗҫ тата социаллӑ хӳтлӗх министерстви ҫурла уйӑхӗн 18-мӗшӗнчен пуҫласа пӗр уйӑх хушши йышӑннӑ. «Ҫӗнтерӳ волонтёрӗ» номинацире Шупашкарти Людмила Порфирьева ҫӗнтернӗ. Ватӑ хӗрарӑм салтаксене нумай пулашать иккен. «Наставник — волонтер» номинацире Патӑрьел районӗнчи Мидхать Шакиров ҫӗнтернӗ. Вӑл ачасене ӳнер урлӑ Тӑван ҫӗршыва юратма вӗрентет иккен. Ҫӗмӗрле тӑрӑхӗнчи Людмила Осипова — «эко-волонтер». Вӑл «ЭкоЛогики «от А до Я» ятлӑ шкул шухӑшласа кӑларнӑ. «Социаллӑ экспресс» номинацире ҫӗнтернӗ Улатӑрти Ирина Сидякина хастар пулса ӗмӗре вӑрӑмлатма вӗрентет. Ҫӗнтерӳҫӗсене кӗмӗл волонтёрсен «Кӗмӗл чун» республикӑри тӑваттӑмӗш форумӗнче чыслӗҫ. Мероприяти хальхинче Ҫӗмӗрле хулинче иртӗ. Хыпар ҫӑлкуҫӗ:
|
|
Политика
 cap.ru порталтан илнӗ скриншот Чӑваш Ен Элтеперне суйланнӑ, ятарлӑ процедура — инаугураци — витӗр тухса должноҫе йышӑннӑ Олег Николаев республика Правительствине отставкӑна янӑ. 157-мӗш номерлӗ Хушӑва Элтепер иртнӗ эрнерех, авӑн уйӑхӗн 26-мӗшӗнчех, алӑ пуснӑ. Тӗрӗссипе каласан, ку документран тӗлӗнме кирлӗ мар. Йӗрки-курки ҫавӑн пек. Асӑннӑ йышӑнӑва Олег Николаев Чӑваш Ен Конституцийӗн 72-мӗш тата 91-мӗш статйисемпе килӗшӳллӗн тунӑ. Ҫӗнӗ Правительствӑна ҫирӗплетиччен унчченхи йышӑн малтанхиллех ӗҫлемелле. Хыпар ҫӑлкуҫӗ:
|
+6.3 °C