|
Политика
 cap.ru сӑнӳкерчӗкӗ Ыран, пушӑн 12-мӗшӗнче, ЧР Пуҫлӑхӗ Олег Николаев пресс-конференци ирттерет. Унта федерацири, республикӑри, округсенчи массӑллӑ информаци хатӗрӗсен 80 ытла журналисчӗ регистрациленнӗ. Ҫав шутра - ҫӗршыври ҫӗнӗ регионсенчисем те. Хальхинче пресс-конференцире республикӑри ҫынсен ыйтӑвӗсене те парӗҫ. Иккӗмӗш ҫул ӗнтӗ журналистсем ыйтӑвӗсене электрон черетпе параҫҫӗ Унта вара куар-кодпа лекме пулать. Пресс-конференцие Олег Николаевӑн телеграм-каналӗнче, «Контактри» «Олег Николаев» страницӑра курма пулать. Вӑл 10 сехетре пуҫланӗ. Хыпар ҫӑлкуҫӗ:
|
|
Республикӑра
 baikal24.ru сайтри сӑн Красноармейскинче ҫапкаланчӑк йытӑсем ачана тапӑннӑ икӗ тӗслӗхе шута илнӗ. Пӗри Ленин урамӗнче пулнӑ, тепри — Слукин урамӗнче. Ачасене кун хыҫҫӑн тухтӑрсен пулӑшӑвӗ кирлӗ пулнӑ. Кам айӑплӑ? Килсӗр чӗрчунсемшӗн вырӑнти администраци яваплӑ. Ҫавӑнпа прокуратура округ администрацийӗнчен кашни ача валли 20-шер пин тенкӗ шыраса илме тавӑҫ тӑратнӑ. Хальхи вӑхӑтра ӑна пӑхса тухаҫҫӗ. Хыпар ҫӑлкуҫӗ:
|
|
Вӗренӳ
 cheb.ws сайтри сӑн Паян Шупашкарти «Садовый» микрорайонти ҫӗнӗ шкула ачасем вӗренме кайнӑ. Ку – пӗрремӗш кун! Ҫынсем ачасем шкула утнине видео ӳкерсе халӑх тетелне вырнаҫтарнӑ. Хальлӗхе унта миҫемӗш классем вӗреннине каламан. Аса илтерер: микрорайонти 1650 вырӑнлӑх шкул 64-мӗш шкулӑн корпусӗ пулса тӑнӑ. Хальлӗхе шкула уҫни пирки официаллӑ информаци пулман. Палӑртмалла: ку шкула 2020 ҫулта тума пуҫланӑ. Унтанпа темиҫе подрядчик те улшӑннӑ. Хыпар ҫӑлкуҫӗ:
|
|
Ҫутҫанталӑк
 Хальлӗхе ку уйӑхра юр-ҫумӑр нормӑран сахалрах ҫунӑ. Ҫитес вӑхӑтра пирӗн республикӑна циклон килӗ. Паян каҫхине юр ҫума тытӑнӗ, ыран та чарӑнмӗ. Шупашкарта 2 сантиметр таран хулӑнӑш юр ҫӑвӗ. Ҫил вӑйланнипе ҫил-тӑман вӗҫтерӗ. Кӗҫӗр ҫанталӑк ӑшӑтӗ, ыран кӑнтӑрла 0-рен ытларах пулӗ. Эрне варринче антициклон килӗ, ытларикун ҫӗрле 10 градус таран сивӗтӗ. Кӑнтӑрла вара хӗвел ӑшши самаях туйӑнӗ. Эрнекун чи ӑшӑ кун пулӗ. Ҫил вӑйлӑ пулнипе кӑна сивӗрех пек туйӑнӗ. Шӑматкун йӗпе юр ҫӑвӗ. Вырсарникун ҫил лӑпланӗ. Сывлӑш температури 0-рен ытларах пулӗ. Ҫитес эрне пуҫламӑшӗнче кӑштах сиветӗ. Уйӑх вӗҫӗччен уяртарах ҫанталӑк тӑрӗ. Юр майӗпен ирӗлӗ. Хыпар ҫӑлкуҫӗ:
|
|
Персона
 Видеоран илнӗ скриншот Паян, пуш уйӑхӗн 11-мӗшӗнче, Чӑваш Енри паллӑ балалайка ӑсти, музыкант, дирижёр, педагог Эдуард Борисов 85 ҫул тултарнӑ. Эдуард Борисов — Чӑваш АССРӗн тата Раҫҫей Федерацийӗн культурӑн тава тивӗҫлӗ ӗҫченӗ. Пулас музыкант Ижевскра ҫуралнӑ, Хусанти патшалӑх консерваторийӗнче вӗреннӗ. 1966 ҫулта Шупашкарти Ф.П. Павлов ячӗллӗ музыка училищинче преподавательте ӗҫлеме тытӑннӑ. Унта вӑл балалайка класне пуҫарса янӑ, халӑх инструменчӗсен оркестрӗн ертӳҫи тата дирижёрӗ пулнӑ. Пӑнтӑртаттарса каламалли халӑх инстурменчӗсен уйрӑмӗнче ӗҫленӗ. 1999-2017 ҫулсенче училищӗн симфони оркестрне ертсе пынӑ. Хыпар ҫӑлкуҫӗ:
|
|
Чӑвашлӑх
 2024 ҫулхи Трак ен пики - Анастасия Ершова Красноармейски салин культура ҫуртӗнче, Ҫемье ҫулталӑкне тата Хӗрарӑмсен кунне халалласа, йӑлана кӗнӗ «Трак ен пики» конкурс иртнӗ. Кӑҫалхи тупӑшӑва сакӑр пике хутшӑннӑ. Тупӑшӑва хутшӑннӑ пикесен малтанах хӑйсемпе паллаштарчӗҫ, унтан вӗсен Чӑваш ен историне, культурине, йӑли-йӗркине пӗлнине кӑтартма тивнӗ тата пултарулӑх конкурсӗ витӗр тухнӑ. Хӗрсем чӑваш нацин пӗр-пӗр апат-ҫимӗҫне хатӗрлесе унӑн вӑрттӑнлӑхӗсем ҫинчен те каласа кӑтартнӑ. Юлашкинчен вӗсем наци тумне тӑхӑнса хӑйсен илемлӗхӗпе тыткӑнланӑ. Пикесен ӑсталӑхне ятарлӑ жюри хак панӑ. Ҫивӗч тупӑшура «Трак ен пики-2024» ята Анастасия Ершова (Трак вӑтам шкулӗ) ҫӗнсе илнӗ. «Вице-Трак ен пики-2024» — Анна Жидова (Упи вӑтам шкулӗ). «Ҫивӗч ӑс-тӑнлӑ пике» - Ирина Степанова (Красноармейски вӑтам шкулӗ), «Сӑпайлӑ пике» - Карина Родионова (Еншик Чуллӑ территории пайӗ), «Хӳхӗм пике» - Инна Андреева (Алманч вӑтам шкулӗ), «Тарават пике» - Агния Егорова (Чатукасси территори уйрӑмӗ), «Пултаруллӑ пике» - Карина Федотова (Упи вӑтам шкулӗ), «Илӗртӳллӗ пике» - Кристина Иванова (Красноармейски вӑтам шкулӗ) номинацисенче палӑрнӑ. «Куракансем кӑмӑлланӑ пике» ята вара Карина Федотова (Упи вӑтам шкулӗ) ҫӗнсе илнӗ. Хыпар ҫӑлкуҫӗ:
|
|
Персона
 nasledie.nbchr.ru сӑнӳкерчӗкӗ Пуш уйӑхӗн 7-мӗшӗнче РСФСР искусствӑсен тава тивӗҫлӗ ӗҫченӗ, РСФСР халӑх артисчӗ Борис Марков ҫуралнӑранпа 100 ҫул ҫитнӗ. Вӑл хальхи Элӗк муниципаллӑ округӗнчи Хитекушкӑнь ялӗнче 1924 ҫулта ҫуралнӑ. Чӑваш патшалӑх педагогика училищинче скрипкӑпа, гитарӑпа, мандолинӑпа тата балалайкӑпа выялма вӗреннӗ. 1945 ҫулта ӑна ГИТИСӑн Чӑваш актер студийӗн виҫҫӗмӗш курсне вӗренме илнӗ. 1947 ҫулта вӑл Чӑваш академи драма театрне ӗҫе илнӗ. Унта вӑл 1954 ҫулччен тӑрӑшнӑ. 1959 ҫулта Чӑваш академи драма театрӗн тата симфони оркестрӗн никӗсне тӗпе хурса Чӑваш патшалӑх музыкӑпа драма театрӗ (халӗ — Чӑваш патшалӑх оперӑпа балет театрӗ) уҫӑлать. Ӑна пуҫарса яраканни тата пӗрремӗш илемлӗх ертӳҫи Борис Марков пулнӑ. 1960 ҫулта Фёдор Павловӑн «Шыварманьне» лартать. Вӑл — чӑвашсен пӗрремӗш опери. Борисом Семенович 30 ытла опера, оперетта, музыка камичӗ лартнӑ. Борис Семенович пурнӑҫран 1977 ҫулхи пуш уйӑхӗн 25-мӗшӗнче уйрӑлса кайнӑ. Шупашкарта ун ячӗпе урам хисепленет. Вӑл пурӑннӑ Ленин урамӗнчи 14-мӗш ҫурт ҫине асӑну хӑми вырнаҫтарнӑ. 2010 ҫулта Эле тӑрӑхӗнчи Тавӑтри вӑтам шкула ентешӗн ятне панӑ. Хыпар ҫӑлкуҫӗ:
|
|
Персона
 www.kino-teatr.ru сӑнӳкерчӗкӗ Чӑваш АССР тава тивӗҫлӗ артисчӗ Нестор Виноградов ҫуралнӑранпа 115 ҫул ҫитнӗ. Вӑл Чӑваш патшалӑх академи драма театрӗнче ӗҫленӗ. Унпа пӗрле тӑрӑшнисем аса илнӗ тӑрӑх, артист пултарулӑхне хаклакансем ӑна урамра, театрта ӗҫченӗсем кӗрсе ҫӳремелли алӑк патӗнче, чечек ҫыххипе кӗтсе илнӗ, вӑл вылянӑ рольсене кӑмӑлтан йышӑннӑ. Пулас артист Етӗрне уесӗнчи (кайран Муркаш районне кӗнӗ) Тивӗш ялӗнче 1909 ҫулхи пуш уйӑхӗн 6-мӗшӗнче ҫуралнӑ. 1927 ҫулта Чӑваш театрӗ ҫумӗнчи театр студине вӗренме кӗнӗ. Ҫартан таврӑнсан хальхи ГИТИСра (ун чухне Театр ӳнерӗн тӗп техникумӗ шутланнӑ) вӗреннӗ. Нестор Виноградовӑн театрти пӗрремӗш ролӗ – Пётр Осиповӑн «Ылханнӑ йӑх» спектаклӗнчи Максим сӑнарӗ. Пётр Осиповӑн «Икӗ каччӑн пӗр шухӑш», «Трахом юрри», «Кушар», «Айтар» пьесисемпе лартнӑ ӗҫсенче каярах вӑл тӗп рольсене калӑпланӑ Театрта ӗҫленӗ ҫулсенче ӑна 100 ытла сӑнар шанса панӑ. Нестор Петрович 1995 ҫулхи авӑн уйӑхӗн 29-мӗшӗнче пурнӑҫран уйӑлса кайнӑ. Ӑна Шупашкарти Мухтав аллейинче пытарнӑ. Хыпар ҫӑлкуҫӗ:
|
|
Республикӑра
 rosstat.gov.ru порталтан илнӗ сӑнӳкерчӗк Чӑваш Енре пурӑнакансен уйӑхри вӑтам ӗҫ укҫи 68 пин тенкӗпе танлашнӑ. Ку вӑл — пӗлтӗрхи раштав уйӑхӗнче. Ҫак цифрӑна Росстат пӗлтернӗ. Чӑваш Енре уйӑхри вӑтам ӗҫ укҫи 68 пин те 657 тенке ларнӑ. Ку вӑл унчченхи ҫав вӑхӑтринчен 22,2 процент пысӑкрах. Уйӑхри вӑтам ӗҫ укҫипе пирӗн республика Федерацин Атӑлҫи округӗнчи ҫичӗ регионтан: Мари Элтан, Мордва тата Удмурт республикисенчен, Киров, Пенза, Саратов тата Чӗмпӗр облаҫӗсенчен. Чӑваш Енре пӗлтӗр вӑтам ӗҫ укҫи 50 пин те 186 тенкӗпе танлашнӑ. 2022 ҫулта вӑл 41,2 пин тенкӗ пулнӑ, 2021 ҫулта — 35,8 пин тенкӗ, 2020 ҫулта — 31,8 пин тенкӗ. Хыпар ҫӑлкуҫӗ:
|
|
Ҫул-йӗр
 cap.ru сӑнӳкерчӗкӗ Тӳре-шара М-7 федераци ҫулне кӑҫалах анлӑлатма тытӑнасшӑн. Ку Шупашкар ҫывӑхӗнчи 12 ҫухрӑм тӑршшӗ ҫула пырса тивет. ЧР Транспорт министерстви пӗлтернӗ тӑрӑх, ку чылай ыйтӑва татса пама пулӑшӗ. Хальхи вӑхӑтра ҫак ҫул ҫинче пӗрмай «пӑкӑ» пухӑнать. Сӑмах май, пӗлтӗр ҫулла ведомство Явӑшпа Кӳкеҫ хушшинчи ҫула реконструкци тума сахалтан та 18 млрд тенкӗ кирлине пӗлтернӗ. Унти ҫул ҫинче 4 полоса, 4 развязка, ҫӗр ҫийӗн каҫмалли 8 каҫӑ пулмалла. Хыпар ҫӑлкуҫӗ:
|
-3.7 °C