Паян Лапсар тӑкӑрлӑкӗнче 52-мӗш маршрутпа ҫӳрекен автобус шӑтӑк-путӑка кӗрсе ларнӑ. Унта вӗсен бази вырнаҫнӑ.
Пӗлетӗр ӗнтӗ: унта шӑтӑк нумай, асфальт питӗ начар. Ҫумӑр ҫунипе лупашка мӗн тарӑнӑшне пӗлме те ҫук.
Ҫула хӑҫан юсӗҫ? Ку ӗҫе ҫитес ҫула куҫарнӑ. Ӑна суд йышӑнӑвӗпе килӗшӳллӗн юсамалла. Приставсем нимӗн те туманшӑн тӳре-шарана икӗ хутчен штрафланӑ.
Реконструкци 2-3 тапхӑрпа иртмелле. Кашниех 2-3 ҫула тӑсӑлӗ. Хальлӗхе ку ӗҫсене 1,5 миллиард тенкӗпе пурнӑҫлама палӑртнӑ.
Шупашкар мэрӗпе Олег Кортуновпа ыран, ҫурла уйӑхӗн 24-мӗшӗнче, Шупашкарти Яков Ухсай ячӗллӗ культура керменӗнче 11-12:30 сехетсенче сывпуллашӗҫ. Унтан, 13 сехетре, Татиана соборӗнче кӗлӗ ирттерӗҫ.
Аса илтерер: Олег Кортунов ӗнер , ҫурлан 22-мӗшӗнче, каҫхине вилнӗ. Малтанлӑха пӗлтернӗ тӑрӑх, вӑл чӗре чирне пула сывлама пӑрахнӑ.
Шупашкарта маршруткӑсен йышне чакарасшӑн. Пассажирсене хальхи вӑхӑтра турттаракансенчен ҫиччӗшӗн ҫу уйӑхӗнче килӗшӳ вӑхӑчӗ вӗҫленет. Ун хыҫҫӑн вӗсен вӑхӑтне тӑсмасан та пултарассине Чӑваш Енӗн патшалӑх телерадиокомпанийӗ хыпарланӑ. «За рулем» (чӑв. Руль умӗнче) порталта пӗлтернӗ тӑрӑх, сӑмах 60, 60К, 48, 49, 51, 56, 59 маршруткӑсем пирки пырать.
Маршруткӑсем сахалтарах пулсан пассажирсем троллейбуспа ытларах ҫӳреме пуҫласса шанаҫҫӗ. Троллейбус управленийӗнче лару-тӑру ҫӑмӑл маррине шута илсен маршруткӑсене сирсе хӑварни муниципалитетӑн унитарлӑ предприятине усӑ кӳме пултарать.
«За рулем» портал 49-мӗш маршуртпа ӗҫленӗ Валерий Захаров усламҫӑ пирки аса илтерет. Хула пуҫлӑхӗсем унпа пӗрлехи транспорт карттипе ЕТКпа ӗҫлеме килӗшменшӗн килӗшӗве татнӑ. Ҫакӑнпа килӗшмесӗр лешӗ суда панӑ. Ӗҫе ҫу уйӑхӗн 30-мӗшӗнче пӑхса тухмалла.
Шупашкар хула администрацийӗн пуҫлӑхӗ Алексей Ладыков раштав уйӑхӗн 21-22-мӗшӗсенче суту-илӳ вырӑнӗсене тӗрӗслеме хушнӑ. Икӗ кунра 1365 «фанфурик» тата 160 суя эрех туртса илнӗ.
Суту-илӳ вырӑнӗсене полицейскисемпе пӗрле хула администрацийӗн ӗҫченӗсем те тӗрӗсленӗ. Вӗсем 93 предприятие ҫитнӗ. Вӗсенчен 9-шӗнче «фанфурик» документсӑр сутнӑ. Кунсӑр пуҫне акциз маркисӗр сутнӑ эрехсене туртса илнӗ.
Сӑмах май, раштавӑн 21-мӗшӗнчен пуҫласа хулара «хӗрӳ лини» ӗҫлет. Унта «фанфурик» сутни пирки шӑнкӑравласа пӗлтерме юрать. Ку таранччен ку тӗлӗшпе 20 ҫӑхав ҫитнӗ. Унта 23-50-57 тата 23-50-58 номерсемпе шӑнкӑравлама пулать.
ЧР Информаци политикипе массӑллӑ коммуникацисен министерствинче — каллех улшӑнусем. Министр ҫумӗн пуканне Юлия Стройкова йышӑннӑ.
Хушӑва ӗнер, ҫӗртмен 1-мӗшӗнче, Министрсен Кабинечӗн председателӗ Иван Моторин алӑ пуснӑ. Юлия Викторовна Стройкова унччен ЧР Наци телерадиокомпанийӗн директорӗн ҫумӗ пулнӑ.
Аса илтерер: юлашки уйӑх ҫурӑра ЧР Информаци политикипе массӑллӑ коммуникацисен министерствинче министрӑн икӗ ҫумне должноҫран хӑтарнӑ. Хӑшӗ-пӗри пӗлтернӗ тӑрӑх, Алексей Новиков хӑйӗн ирӗкӗпе кайнӑ. Светлана Каликова вара ЧР Элтеперӗн Михаил Игнатьеван пулӑшуҫин должноҫне йышӑннине пӗлтернӗччӗ.
+2.3 °C