Сайта кӗр | Регистраци | Сайта кӗрсен унпа туллин усӑ курма пулӗ
 +13.3 °C
Кушака — кулӑ, шӑшие — вилӗм.
[ваттисен сӑмахӗ]
 

Хыпарсем

Чӑвашлӑх
Кристина Макосеева архивӗнчи сӑн
Кристина Макосеева архивӗнчи сӑн

Мускавра иртекен Мода эрнинче Чӑваш Енри ылтӑн алка-эреш брендне, «Виҫӗ хӗвеле», курма пулать. Бренд йӗркелӳҫи - пултаруллӑ дизайнер Кристина Макосеева.

Кристинӑшӑн чӑваш эрешӗллӗ эреш-алка тӑвасси - чун киленӗҫӗ. «Сӗтел хушшинчен темиҫе сехет тӑмасӑр ирттерме пултаратӑп», - тет вӑл.

Кристина алка-эреш кӑна мар, хӑйне евӗр стильлӗ тата меллӗ тумтир те шухӑшласа кӑларать.

Хыпар ҫӑлкуҫӗ: https://vk.com/wall-194537172_17513
 

Ҫутҫанталӑк

Кӑҫал хӗлле ҫанталӑк мӗнле пулӗ? Синоптиксем пӗлтернӗ тӑрӑх, чӳк уйӑхӗ кӑна ӑшӑ пулӗ. Раштавпа пуш уйӑхӗсем климатпа килӗшӳллӗн пулӗҫ. Кӑрлачпа нарӑс нормӑран 2 градус сивӗрех килӗҫ.

Кӑрлачра 30 градус сивӗ пуласси 80 процентпа танлашма пултарать, раштавра _ 40 процент, нарӑсра – 20 процент.

Юр сахалрах пулӗ. Унӑн хулӑнӑшӗ 45 сантиметра кӑна ҫитӗ: иртнӗ хӗллехинчен 20-25 сантиметр сахалрах.

Хӗл пуҫламӑшӗнче ҫанталӑк улшӑнса тӑрӗ: ӑшӑтӗ, сивӗтӗ, юр ҫӑвӗ, ирӗлӗ. Сивӗ кунсем раштав варринче пулӗҫ. Ҫав вӑхӑталла юр та ларӗ.

Ҫуркунне, ахӑртнех, ир килмӗ. Ака уйӑхӗ нормӑран 1 градус сивӗрех килме пултарӗ.

 

Хулара
moneyman.ru сайтри сӑн ӳкерчӗ
moneyman.ru сайтри сӑн ӳкерчӗ

Шупашкарти 24 ҫулти медсестра ултавҫӑсене 2,8 миллион тенкӗ куҫарса панӑ.

Ун патне палламан ҫын шӑнкӑравланӑ та сим-карттӑн срокне тӑсмалли пирки каланӑ. Вӑл вӗсене ӗненнӗ, смс-ҫырупа килнӗ парольсене каланӑ. Ҫапла вӑл «Госуслуги» портала кӗрейми пулнӑ.

Кайран ун патне татах шӑнкӑравланӑ. Хальхинче унӑн ячӗпе такамсем кредит илме, пухнӑ укҫине вӑрлама пултарнине каланӑ. Ӑна хайне кредит илсе пӗтӗм укҫана «хӑрушсӑр счет» ҫине куҫарма хушнӑ. Ҫапла вӑл 2,8 миллион тенкӗ ҫухатнӑ.

 

Сывлӑх
dzhmao.ru сайтри сӑн
dzhmao.ru сайтри сӑн

Чӑваш Енре малярипе чирленӗ тӗслӗхе тупса палӑртнӑ. Вӑл ӑна Кӑнтӑр Судана командировкӑна кайсан ертсе килнӗ.

Хӗрарӑма Шупашкарти Васкавлӑ медпулӑшу пульницине илсе килнӗ. Ун чухне унӑн сывлӑхӗ йывӑр пулнӑ: ӳт температури хӑпарнӑ, пуҫӗ вӑйлӑ ыратнӑ. Вӑл тухтӑрсене пӗлтӗртенпе Кӑнтӑр Суданра командировкӑра пулнине каласа кӑтартнӑ. Шупашкара таврӑнма тухсан чир паллисем палӑрнӑ, вӑл Африкӑрах туяннӑ эмелсене ӗҫме пуҫланӑ. Анчах ку пулӑшман, сывлӑхӗ япӑхлансах пынӑ. Шупашкара ҫитсенех вӑл тухтӑрсене чӗннӗ. Анализсем унӑн маляри пулнине палӑртнӑ.

Тухтӑр тӗрӗс препарат ӗҫме хушсан унӑн сывлӑхӗ лайӑхланма тытӑннӑ.

 

Спорт
"Контактри" сӑн
"Контактри" сӑн

В.С.Соколов ячӗллӗ спорт шкулӗнче ӑсталӑхне туптакан Семен Мареев Краснодар крайӗнче йывӑр атлетика енӗпе иртнӗ Раҫсей первенствинче палӑрнӑ. Ӑмӑртӑва 500 ытла атлет пухӑннӑ.

Семен 109 килограмм таран таякансен виҫе категорийӗнче вӑй виҫнӗ. Вӑл икӗ енлӗ кӗрешӳре, штангӑна тертсе тата йӑтса малти вырӑнсене йышӑннӑ.

Хыпар ҫӑлкуҫӗ: https://vk.com/wall-194537172_17477
 

Культура
Чӑваш кӗнеке издательствин сӑнӳкерчӗкӗ
Чӑваш кӗнеке издательствин сӑнӳкерчӗкӗ

Чӑваш кӗнеке издательствин редакторӗ, РФ Журналистсен тата Писательсен союзӗсен пайташӗ Галина Антонова (литературӑри псевдонимӗ — Галина Матвеева) Канаш районӗнчи Ушанарти библиотекӑра тӗлпулу ирттернӗ.

Ҫыравҫӑпа тӗл пулма Ушанарта, Малти Тукайра, Ҫӗнӗ Чалкассинче тата Иккӗмӗш Хурамалта пурӑнакансем пуҫтарӑннӑ. Галина Алексеевна хӑйӗнпе кӗскен паллаштарнӑ.

 

Культура
"Пуринчен малтан" каналтан илнӗ сӑнӳкерчӗк
"Пуринчен малтан" каналтан илнӗ сӑнӳкерчӗк

Чӑваш кӗнеке издательствинче Владимир Андреевӑн «Ачалӑх сӑввисем» кӗнеки кун ҫути курнӑ.

Поэт вырӑс ҫыравҫисен хайлавӗсене те чӑвашла куҫарать. 2022 ҫулта унӑн пӗрремӗш кӗнеки «Ура утать – ҫул юлать» ятпа кун ҫути курнӑ.

Ҫӗнӗ кӑларӑма кӗнӗ ача-пӑча сӑввисенчен нумайӑшӗне вӗрентекенсемпе ача сачӗн воспитателӗсем ыйтнипе е шкулта, садикра ирттерекен тӗрлӗ уяв-конкурс валли ятарласа ҫырнӑ.

Кӗнеке тиражӗ – 500 экземпляр.

 

Вӗренӳ
"Пуринчен малтан" каналтан илнӗ сӑнӳкерчӗк
"Пуринчен малтан" каналтан илнӗ сӑнӳкерчӗк

Хальлӗхе ку ыйту татӑлман-ха. Шаманӑн тата Олег Газмановӑн юррисене шкул программине кӗртесшӗн.

Кун пирки РФ Патшалӑх Думин депутачӗ Сергей Колунов хӑйӗн шухӑшне пӗлтернӗ. Вӑл шухӑшланӑ тӑрӑх, патриот туйӑмне ҫуратакан юрӑсене шкулсен вӗренӳ программине кӗртмеллех. Депутат сӗннине итлесен шкул ачисем Шаман тата Олег Газманов юррисене музыка урокӗсенче юрлӗҫ.

Хыпар ҫӑлкуҫӗ: https://t.me/nikamran/14590
 

Чӑваш чӗлхи
Владимир Живов страницинчен илнӗ сӑнӳкерчӗк
Владимир Живов страницинчен илнӗ сӑнӳкерчӗк

Питӗр хулинчи Киров районӗнчи халӑхӑн социаллӑ ыйтӑвӗсене тивӗҫтерекен комплекслӑ центрта паян чӑваш юрри янӑранӑ. Унти ватӑсем патне концертпа «Парне» чӑваш халӑх фольклор коллективӗ пынӑ.

Чӑваш коллективне ҫӳрекенсем тӑван халӑхӑмӑрӑн «Кӗр сӑри» йӑла-йӗркине кӑтартса панӑ. Ку уява кӗрхи ӗҫсем вӗҫленсен мӗн авалтан ирттернӗ. Ҫавӑн чухне ҫӗнӗ сӑра вӗретсе ӗҫнӗ.

Питӗрти чӑвашсен «Парне» ансамбльне 15 ҫул ытла Татьяна Ильина ертсе пырать.

Хыпар ҫӑлкуҫӗ: https://vk.com/wall68530186_5242
 

Культура
Лидия Филиппова страницинчен илнӗ сӑнӳкерчӗк
Лидия Филиппова страницинчен илнӗ сӑнӳкерчӗк

Паян, юпа уйӑхӗн 15-мӗшӗнче, И.Я. Яковлев ячӗллӗ Чӑваш патшалӑх педагогика университетӗнче Ҫеҫпӗл Мишши ҫуралнӑранпа 125 ҫул ҫитнине халалласа онлайн-викторина ирттерет.

Ӑна истори, филологи, управленипе право факультечӗ Чӑваш чӗлхипе литературин учителӗсен ассоциацийӗпе пӗрле йӗркеленӗ.

Викторина ирхи 8 сехетре пуҫланнӑ та 23 сехет те 59 минутра вӗҫленӗ. Ыйтусене ҫак каҫӑпа вырнаҫтарнӑ: https://onlinetestpad.com/fjrcoynpjpdui

 

Страницӑсем: 1 ... 205, 206, 207, 208, 209, 210, 211, 212, 213, 214, [215], 216, 217, 218, 219, 220, 221, 222, 223, 224, 225, ... 3961
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (16.08.2025 03:00) уяр ҫанталӑк, атмосфера пусӑмӗ 748 - 750 мм, 12 - 14 градус ӑшӑ пулӗ, ҫил 1-3 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ вӗренӗве тарӑнлатассипе, юридици тата ют ҫӗршыв ыйтӑвӗсемпе ҫыхӑннӑ ӗҫсене тумалли пӗлтерӗшлӗ самант. Пӗрисем унчечнхи чӑрмавсене парӑнтарӗҫ, теприсем экзамен ӑнӑҫлӑ тытӗҫ, виҫҫӗмӗшӗсем вара килӗшнӗ ҫыннӑн чӗрине ҫӗнсе илӗҫ. Чи пӗлтерӗшлӗ ӗҫе тума хатӗрленӗр. Партнерсен тупӑшлӑ сӗнӗвӗсене шута илӗр те вӗсемпе хӑвӑра кирлӗ пек усӑ курӑр.

Ҫурла, 16

1920
105
Цаплина Раиса Ионовна, чӑваш чӗлхи тӗпчевҫи ҫуралнӑ.
1935
90
Лукоянов Геральд Васильевич, чӑваш чӗлхин тӗпчевҫи ҫуралнӑ.
1945
80
Ильин Александр Моисеевич, чӑваш сӑвӑҫи ҫуралнӑ.
1966
59
Кривов Тимофей Степанович, паллӑ патшалӑх ӗҫченӗ вилнӗ.
Пулӑм хуш...Пулӑм хуш...