fotobus.me сайтри сӑн

Шупашкартан Ҫӗнӗ Лапсар поселокне ҫӳрекен 46-мӗш маршрут юлашки чарӑнӑва ҫити кайма пӑрахӗ. Хӑраса ан ӳкӗр, ку ҫӗртме уйӑхӗн 10-мӗшӗнчен пуҫласа авӑн уйӑхӗн 30-мӗшӗччен кӑна пулӗ.

Ҫакӑ ӑшӑ сечӗсене юсанипе ҫыхӑннӑ. Юсав планпа килӗшӳллӗн пулӗ. Ҫавна май Ҫӗнӗ Лапсар поселокӗнчи Совхоз урамӗнче транспорта ытлах ҫӳреттермӗҫ.

Юсав пынӑ вӑхӑтра 46-мӗш автобус «Акаци» культура ҫурчӗ» чарӑнӑва ҫитӗ те каялла ҫаврӑнса кайӗ. Ҫавӑн пекех ку 153-мӗш маршрута та пырса тивет. Вӑл та ҫак чарӑнӑва кӑна кӗрсе тухӗ.

Шупашкар хула администрацийӗ пӗлтернӗ тӑрӑх, ӑшӑ сечӗсене ӑшӑ памалли сезон ҫитиччен юсаҫҫӗ.

#Шупашкар, #автобуссем, #Ҫӗнӗ Лапсар