Инкеклӗ лару-тӑру министерстви тунӑ сӑн

Пӑрачкав округӗнче пулнӑ пушарта килти выльӑх-чӗрлӗх вилнӗ: 14 сысна ҫури тата кайӑк-кӗшӗк.

Ку пушар ҫӗртме уйӑхӗн 8-мӗшӗнче Рындино ялӗнче пулнӑ. Унта пӗр ҫыннӑн кил-ҫурчӗ, хуралтӑ таврашӗсем ҫунма тытӑннӑ. Шел те, килти выльӑха ҫӑлса хӑварайман. Пушарта 14 сысна ҫури тата кайӑк-кӗшӗк ҫунса кӗлленнӗ. Ҫулӑм пӗтӗмпе 266 тӑваткал метр лаптӑк ҫинче алхаснӑ.

Палӑртса хӑварар: юлашки талӑкра республикӑра виҫӗ пушар пулнӑ. Шупашкар округӗнчи «Мечта» (чӑв. «Ӗмӗт») сад юлташлӑхӗнче тата Пӑрачкав округӗнчи Ряпино ялӗнче мунчасем ҫуннӑ.

#пӑтӑрмахсем, #Пӑрачкав районӗ, #Ряпино, #Рындино, #пушарсем, #Шупашкар районӗ