Чӑваш чӗлхи
«Конактри» сӑн Шупашкарти 62-мӗш шкулта чӑваш чӗлхипе литературине вӗрентекен Людмила Николаева Хусанта иртекен «Тӑван чӗлхепе тӑван литературӑн чи лайӑх вӗрентекенӗ» Пӗтӗм Раҫҫейри конкурсӑн финалне хутшӑнать. Людмила Петровна – ЧР тава тивӗҫлӗ учителӗ, аслӑ категориллӗ педагог. Вӑл унӑн урокӗсем ачасене савӑнӑҫ кӳччӗр тесе тӑрӑшать. Мӗнех, ӑнӑҫу сунатпӑр! Ҫӗнтерӳҫӗ ячӗсем авӑн уйӑхӗн 21-мӗшӗнче паллӑ пулӗҫ. Хыпар ҫӑлкуҫӗ:
|
Персона
«Контактри» сӑн Тӑвай округӗнчи Татьяна Юркина сыр пӗҫерес енӗпе чӑн-чӑн ӑста. Качотта, сулугуни, халуми, ламбер… Тӗрлӗрен сыр хатӗрлет вӑл. Татьяна Пӗтӗм Раҫҫейри «Ӗҫ ҫыннисем» конкурса хутшӑнма заявка панӑ. Вӑл «Ӗҫлӗ хӗрарӑм» номинацире тупӑшӗ. Татьяна Юркина хӑйӗн ӗҫне аталантарма патшалӑхран пулӑшу илнӗ. 2023 ҫулта унӑн предприятийӗнче 800 килограма яхӑн сыр тунӑ. Кӑҫал вара ку кӑтартӑва тата пысӑклатасшӑн. Унӑн сырӗсене Вӑрмар, Тӑвай, Канаш Ҫӗрпӳ, Патӑрьел округӗсенче, Шупашкарта, Ҫӗнӗ Шупашкарта пурӑнакансем юратса ҫиеҫҫӗ. Хыпар ҫӑлкуҫӗ:
|
Чӑвашлӑх
«На связи» форумри сӑн Шупашкарти кӳлмекре чӑваш кӗпине тӑхӑннӑ хӗрӗн мини-скульптури вырӑн тупнӑ. Хула 555 тултарнине халалласа ултӑ кӳлепе вырнаҫтарма палӑртнӑ. Ку – вӗсенчен пӗри. Статуэтка тӗп пляж ҫывӑхӗнче ларать. Ӑна бетон карта ҫумне ҫирӗплетнӗ. Вӑл «Чиперук Пӑлаки» (вырӑсла «Красавица Плаги») ятлӑ. Ун ҫумӗнче QR-код пур, ун ҫине телефон камерипе тӗллесен вӑл чӑваш юмахӗнчи сӑнар пулнине пӗлме май пур. Кӳлмекре мини-статуэткӑсем татах пур: Уйӑх ҫинчи хӗр, Нарспи тата Сетнер, Тилӗ. Хыпар ҫӑлкуҫӗ:
|
Пӑтӑрмахсем
"Подслушано Новый город" пабликири сӑн Ӗнер, авӑн уйӑхӗн 17-мӗшӗнче, Шупашкарти «Ҫӗнӗ хула» микрорайонта хӗр 15-мӗш хутран ӳкнӗ. Шел те, 16 ҫултискер вилнӗ. Ку инкек Шупашкар проспектӗнчи 17-мӗш ҫуртӑн 1-мӗш корпусӗнче каҫхи 10 сехетре пулнӑ. Халӗ ӗҫ-пуҫа уҫӑмлатаҫҫӗ. Хыпар ҫӑлкуҫӗ:
|
Персона
cap.ru сӑнӳкерчӗкӗ Етӗрнере пурӑнакан ветеран Надежда Танина 100 ҫул тултарнӑ. 18 ҫул тултарсанах ӑна Хӗрлӗ Ҫара илнӗ, хӗр зенитчицӑна вӗреннӗ хыҫҫӑн Мускаври фронта лекнӗ. Вӑрҫӑ пӗтсен кӑна киле таврӑннӑ вӑл. Унӑн мӑшӑрӗ те Федор Танин Тӑван ҫӗршывӑн Аслӑ вӑрҫине хутшӑннӑ, Берлина ҫитнӗ. Вӗсем вӑрҫӑ хыҫҫӑн пӗрлешнӗ, икӗ хӗр ҫуратса ӳстернӗ. Надежда Танина II степень Тӑван ҫӗршыв вӑрҫин орденне, «Германие ҫӗнтернӗшӗн» медале тивӗҫнӗ. Хыпар ҫӑлкуҫӗ:
|
Республикӑра
Росгварди тунӑ сӑн Атӑл леш енче Сосновка поселокӗпе юнашар вӑрманта тутӑхнӑ виҫӗ мина тупнӑ. Кун пирки Росгвардин дежурнӑй чаҫне авӑнӑн 13-мӗшӗнче шӑнкӑравласа пӗлтернӗ. Вырӑна ОМОН тухнӑ. Вӗсем кусем 82 миллиметрлӑ миномет минисем пулнине палӑртнӑ. Минӑсем тутӑхнӑ. Йӗрке хуралҫисемпе пӗрле ятарласа вӗрентнӗ йытӑпа кинолог та пулнӑ. Йытӑ сирпӗнекен хатӗр пуррине систернӗ. Росгварди ӗҫченӗсем минӑсем хӑрушлӑх кӑларса тӑратманнине палӑртнӑ. Хыпар ҫӑлкуҫӗ:
|
Хулара
takt-tv.ru сайтри сӑн Шупашкарти косметолог Патшалӑх пулашӑвӗсен порталӗн ӗҫченӗпе калаҫатӑп тесе ӗненнӗ. Ҫапла вӑл пысӑк укҫа ҫухатнӑ. Хайхискер 50-ри хӗрарӑма страхлав полисне пластикпа ылмаштарма сӗннӗ. Калаҫнӑ вӑхӑтра Шупашкар хӗрарӑмӗ телефон ҫине килнӗ кода пӗлтернӗ, ҫапла ултавҫӑ порталти унӑн харпӑр кабинетне кӗнӗ. Кайран ӑна ултавҫӑсем унӑн счетне хапсӑннине, кредит илме хатӗрленнине пӗлтернӗ. Хӗрарӑма пухнӑ укҫине йӑлтах «хӑрушсӑр счет» ҫине куҫарма хушнӑ. Ҫапла туса вӑл 7,5 миллион тенкӗ ҫухатнӑ. Хыпар ҫӑлкуҫӗ:
|
Спорт
"Контактри" сӑн Чӑваш Енӗн парабадминтон енӗпе пӗрлештернӗ команди Пӗтӗм Раҫҫейри ӑмӑртусенче палӑрнӑ. Вӑл Пермь хулинче хусканупа тӗрев енчен сусӑр спорсменсен хушшинче иртнӗ. Татьяна Гуреева уйрӑмах палӑрнӑ. Вӑл тӳрех виҫӗ ылтӑн медаль ҫӗнсе илнӗ. Павел Попов кӗмӗл тата пӑхӑр медальсене тивӗҫнӗ. Антон Иванов – кӗмӗл медаль, Илья Прагеев ылтӑн медаль илнӗ. Вита Вимба та икӗ медальлӗ пулнӑ: ылтӑн тата пӑхӑр ҫӗнсе илнӗ Хыпар ҫӑлкуҫӗ:
|
Хулара
ШӖМ тунӑ сӑн Шупашкарта полицейскисен служба йытти велосипед вӑррине тытса чарма пулӑшнӑ. Йытӑ Порш-Кайен ятлӑ. Алексей Пятаков кинолог унпа велосипед ҫухалнӑ вырӑна килнӗ. Йытӑ варӑ йӗрӗ ҫине ӳксе преступление тума пултарнӑ ҫыннӑн автомобилӗ чарӑннӑ ҫӗре илсе ҫитернӗ. Вӑрра тытнӑ. Вӑл – Чӗмпӗрте пурӑнакан 52 ҫулти арҫын. Вӑл Шупашкара пӗлӗшӗ патне пахчара пулӑшма килнӗ. Велосипеда ҫул укҫине саплаштарас тесе вӑрланӑ-мӗн. Хыпар ҫӑлкуҫӗ:
|
Чӑвашлӑх
Музей эскизн Шупашкарта Хӗрлӗ тӳремре Раҫҫейӗн тӗрленӗ карттине тума 52 миллиона яхӑн тенкӗ уйӑрма хатӗр. Аукционра малтанхи хака палӑртнӑ: 51 миллион та 934,9 пин тенкӗ. Саккас параканни - Чӑваш наци музейӗ. Аукционра ҫӗнтернӗ подрядчикӑн музея чӳк уйӑхӗн 10-мӗшӗччен туса пӗтермелле. Унӑн лаптӑкӗ 250 тӑваткал метр пулӗ. Сӑмах май, чӳкӗн 26-мӗшӗнче республикӑра Чӑваш тӗррин кунне паллӑ тӑваҫҫӗ. Хыпар ҫӑлкуҫӗ:
|
Шупашкарта ҫывӑх вӑхӑтра (22.12.2024 15:00) тӗтреллӗ ҫанталӑк, атмосфера пусӑмӗ 751 - 753 мм, -1 - 1 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.
| Кӑрмӑш гербне йышӑннӑ. | ||
| Вӑта Тимӗрҫен шкулне уҫнӑ. | ||
| Аслут Александр Николаевич, чӑваш сӑвӑҫи, ҫыравҫи ҫуралнӑ. | ||
Пулӑм хуш... |