|
Политика
 cap.ru сӑнӳкерчӗкӗ Ӗнер, ака уйӑхӗн 11-мӗшӗнче, ЧР Элтеперӗ Олег Николаев строительство министрне хушу алӑ пусса ҫирӗплетнӗ. Ку должноҫе Владимир Максимов йышӑннӑ. Вӑл - 40 ҫулта, 4 ача ашшӗ. 2007 ҫултанпа Вӑрмар районӗн администрацийӗнче ӗҫленӗ, 2011 ҫулта Строительство министерствине куҫнӑ. Кайран министр ҫумӗ пулнӑ. 2018 ҫултанпа – пӗрремӗш ҫум. Кӑҫал кӑрлачранпа министр тивӗҫне пурнӑҫласа пынӑ. Аса илтерер: унччен министр пулнӑ Михаил Коледана Элтепер шанчӑкран тухнӑ тесе ӗҫрен кӑларнӑ. Владимир Максимов пирки тӗплӗнрех РУВИКИн чӑвашла уйрӑмӗнче вуласа пӗлме пулать. Хыпар ҫӑлкуҫӗ:
|
|
Чӑваш чӗлхи
 «Яндекс» ярса панӑ тав хучӗ Нумай пулмасть «Яндекс» компанийӗн Шырав, Реклама тата Карттӑ енӗпе патшалӑх органӗсемпе ҫыхӑнса ӗҫлекен директор А. В. Болховитянов Чӑваш патшалӑх гуманитари ӑслӑлӑхӗсен институтӗнче тӑрӑшакан ӗҫтешсене Тав хучӗпе чысланӑ. Тав сӑмахне институтӑн филологи енӗпе ӗҫлекен ертсе пыракан ӑслӑлӑх ӗҫченӗ Геннадий Дегтярёв тата ӑслӑлӑх ӗҫченӗ Денис Леонтьев тивӗҫнӗ. Аса илтеретпӗр, пӗлтӗр «Яндексӑн» хӑш-пӗр продукчӗсенче (клавиатурӑра тата куҫаруҫӑра) сасса уйӑрса илме пулӑшакан тата текста сасӑпа калама май паракан хатӗрсем хушӑннӑ. «Яндекс» ҫак пуҫарупа гуманитари ӑслӑлӑхӗсен институтне ҫырупа тухсан ку ӗҫе ертсе пыма Геннадий Дегтярёва шанса панӑ. Текстсене сасӑпа вулама тата сасӑпа каланине хак пама 30 ытла ҫынна явӑҫтарнӑ. Пилӗк уйӑх хушши пынӑ ӗҫ хӑйӗн ҫимӗҫне панӑ — хальхи вӑхӑтра Яндекс.Тӑлмачра сасӑпа каласа текст ҫырма пулать тата текста сасӑпа калаттарма май пур. |
|
Вӗренӳ
 Ҫӗнӗ Шупашкарти 6-мӗш гимназире 11-мӗш класра вӗренекен Дмитрий Николаев физикӑпа иртнӗ Пӗтӗм Раҫҫейри олимпиадӑра ҫӗнтернӗ. Вӑл сӑнав тата теори пайӗсене ӑнӑҫлӑ пурнӑҫланӑ. Олимпиадӑна 500 яхӑн шкул ачи хутшӑннӑ. Дмитрий чӑннипех те маттур! Вӑл пӗлтӗр те олимпиадӑсенче палӑрнӑ - физикӑпа тата географипе. Ҫапла Дмитрий Раҫҫейри кирек хӑш аслӑ шкула ҫак профильсемпе тӳлевсӗрех вӗренме кӗме пултарать. Хыпар ҫӑлкуҫӗ:
|
|
Культура
 Ольга Иванова сӑнӳкерчӗкӗ Чӑваш Енӗн Наци вулавӑшӗн «Варкӑш» литература клубӗн черетлӗ ларӑвӗнче «Асамлӑ ачалӑх» кӗнеке пуххине хакланӑ. Асӑннӑ кӑларӑм Чӑваш кӗнеке издательствинче 2024 ҫул вӗҫӗнче пичетленсе тухнӑ. Кун пирки издательство ӗҫченӗ Ольга Иванова пӗлтернӗ. «Кӑларӑмра XXI ӗмӗр пуҫламӑшӗнчи чӑваш литературинче ырми-канми тӑрӑшакан ҫыравҫӑсем – пурӗ вӑтӑр ҫичӗ автор – ачалӑхне, асра юлнӑ вӗрентекенӗсене, пӗрремӗш хайлав ҫырнине, вӑл хӑҫан кун ҫути курнине аса илеҫҫӗ», — хыпарланӑ вӑл. |
|
Ҫутҫанталӑк
 Канмалли кунсенче ҫанталӑк каллех пӑсӑлӗ. Шӑматкун ҫумӑр ҫӑвӗ, хушӑран – вӑйлах. Ҫав вӑхӑтрах ҫил те вӑйланӗ. Шӑматкун ҫӗрле тата вырсарникун ирхине юр ҫукалӗ, сывлӑш 0 градус патнелле пулӗ. Кӑнтӑрла – 2-7 градус ӑшӑ. Тунтикун ҫанталӑк лайӑхланма тытӑнӗ, уяртӗ. Эрне варринче 15-20 градус таран ӑшӑтӗ. Ҫӗрле те 5-10 градус ӑшӑ пулӗ. Малтанлӑха пӗлтернӗ тӑрӑх, чи ӑшӑ кунсем акан 18-19-мӗшӗсенче пулӗҫ. Мӑнкунра вара каллех сивӗтме пуҫлӗ. Хыпар ҫӑлкуҫӗ:
|
|
Персона
 t.me/chuv_kray каналтан илнӗ сӑнӳкерчӗк Тӑвай тӑрӑхӗнчи Элпуҫ ялӗнчи Агафия Алексеева 100 ҫул тултарнӑ. Кинемее ҫав кунпа саламлама вырӑнти тӳре-шара пырса ҫитнӗ. Вӗсем Раҫҫей Президенчӗн Владимир Путинӑн салам открыткине те илсе пынӑ, парнепе савӑнтарнӑ. Укахви 16 ҫулта амӑшӗсӗр тӑрса юлнӑ. Колхозра ӗҫленӗ, окоп чавма тухса кайнӑ. Унтан кайӑк-кӗшӗк фабрикинче, типографире тӑрӑшнӑ, колхоз садӗнче бригадирта тимленӗ, ҫӑкӑр пӗҫерекен те пулнӑ. Агафия Ильиничнӑн икӗ ача, 5 мӑнук, мӑнукӗсен сакӑр ача. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ Республикӑра Чӑваш автономи облаҫӗ йӗркеленнӗренпе 105 ҫул ҫитнине паллӑ тума хатӗрленеҫҫӗ. Ҫавна май тӗрлӗ мероприяти ирттерме палӑртнӑ. Кӑҫал «Земля вкуса» гастрономи фестивалӗ пӗрремӗш хут иртӗ. Малтанлӑха палӑртнӑ тӑрӑх, унта 40 регионти производительсем хутшӑнӗҫ. Ҫавӑн пекех «Руҫ ӑстисем», «Раҫҫейӗн симӗс ылтӑнӗ», «Раҫҫей ҫӑлкуҫӗсем», «Раҫҫей чунӗ. Атӑлҫи» фестивальсем иртӗҫ. Ҫырла фестивалӗ те пулӗ. Аса илтерер: кӑҫал Республика кунӗ Шупашкарта тата Етӗрне округӗнче иртӗ. Етӗрнере уявра хӑмла музейӗ уҫӑлӗ. Хыпар ҫӑлкуҫӗ:
|
|
Республикӑра
 "Контактри" сӑн Хӗрлӗ Чутай округӗн хаҫачӗ «Пирӗн пурнӑҫ» 95 ҫулхи юбилейне паллӑ тунӑ. Хаҫатӑн пӗрремӗш номерӗ 1930 ҫулхи ака уйӑхӗн 6-мӗшӗнче кун ҫути курнӑ. Хаҫат редакцине ЧР Элтеперӗ Олег Николаев саламланӑ. ЧР цифра аталанӑвӗн министрӗ Михаил Степанов та салам сӑмахӗсене илсе ҫитернӗ. Хыпар ҫӑлкуҫӗ:
|
|
Чӑвашлӑх
 culture.cap.ru сӑнӳкерчӗкӗ Ӗнер, ака уйӑхӗн 9-мӗшӗнче, Чӑваш патшалӑх культурӑпа ӳнер институтӗнче «Тӑван сӑмах – халӑх хӑвачӗ» ӑслӑлӑхпа практика конференцийӗ иртнӗ. Ӑна тӑван чӗлхепе чӑваш халӑхӗн хӑйне евӗр культурине упраса хӑварас ыйтӑва халалланӑ. Мероприятие Чӑваш чӗлхе кунӗ умӗн йӗркеленӗ. Конференцие Культура институчӗн, Гуманитари ӑслӑлӑхӗсен институчӗн, Чӑваш Енӗн Наци вулавӑшӗн ӗҫченӗсем, чӑваш чӗлхипе литература учительсем, студентсем хутшӑннӑ. Хыпар ҫӑлкуҫӗ:
|
|
Хулара
 21.мвд.рф сайтри сӑнӳкерчӗк Паян, ака уйӑхӗн 10-мӗшӗнче, Шупашкарти хӑна ҫурчӗсенче мигрантсене тӗрӗсленӗ. Ҫак ӗҫе миграци енӗпе ӗҫлекен специалистсемпе полицин участокри уполномоченнӑйӗсем пурнӑҫланӑ. Йӗрке хуралҫисем хулари 8 хӑна ҫуртне ҫитме ӗлкӗрнӗ. Миграци саккунне пӑсакансем Шупашкарта та пур иккен. Сӑмахран, Туркменистан ҫынни пирӗн ҫӗршыва вӗренме тесе килнӗ. Анчах ӑна Ҫӗнҫӗпӗтри аслӑ шкултан кӑларса янӑ, анчах вӑл тӑван ҫӗршывне каяс вырӑнне Шупашкара килнӗ. Полицейскисем ӑна виҫӗ кунта пирӗн ҫӗршывран тухса каймалли пирки асӑрхаттарнӑ. Шри-Ланкӑран кунта вӗренме килнӗ виҫӗ ҫын миграци учетӗнче кӑтартнӑ адреспа пурӑнман. В хостеле в новоюжном микрорайоне Чебоксар полицейские обнаружили приезжего из Узбекистана, включенного в реестр контролируемых лиц. Для разбирательства мужчина доставлен в подразделение по вопросам миграции. Мероприятия по проверке иностранных граждан продолжаются. Хыпар ҫӑлкуҫӗ:
|
+19.3 °C