Раҫҫейпе Узбекистан хушшинчи регионсем хушшинчи II канаш вӑхӑтӗнче Чӑваш Ен Элтеперӗ Олег Николаев «Узмахсуссувтаъмиртаъминот» предприяти тата «Шупашкарти электромашиностроени завочӗн ертӳҫисемпе тӗл пулнӑ.

«Чӑваш Енпе пирӗн ӑшӑ ӗҫлӗ хутшӑнусем йӗркеленчӗҫ. Ҫулталӑк ҫурӑ вӑхӑтӗнче самай ӗҫ туса иртетреме май килчӗ», — тенӗ Узбекистан предприятийӗн генеральнӑй директорӗн пӗрремӗш ҫумӗ Салахиддин Шохрухбек Абдумумин угли.

Инвесторсем Ҫӗне Шупашкарти ятарлӑ экономика зонинче энергетика комплексӗн, хими, нефтьпе газ, металлурги отраслӗсен, строительство тата машиностроени предпряитийӗсем валли продукци туса кӑларма тытӑнасшӑн. Инвесторсем производствӑна 588 миллиона яхӑн тенкӗ хывасшӑн-мӗн.

Чӑваш Енӗн Культура министерстви вырнаҫтарнӑ сӑнӳкерчӗк

Юпа уйӑхӗн 21-мӗшӗнче Чӑваш патшалах академи юрӑпа ташӑ ансамблӗ черетлӗ, 102-мӗш, сезона уҫнӑ. Филармони залне ҫав каҫ пуҫтарӑннисем «Чӑваш тӗнчи» программӑна курса савӑннӑ. Ӑна «Культура.РФ» порталта тӳрӗ эфирта кӑтартнӑ.

Ҫӗнӗ программӑна ансамблӗн ылтӑн фондӗнчи номерсем те, ҫӗнӗ постановкӑсем те кӗнӗ. Тӗп вырӑнта Улӑп сӑнарӗ пулнӑ. «Чӑваш юррисен кӑшӑлӗ», «В узенький проулочек», «Через реченьку мосток» хор хайлавсем те программӑна илем кӳнӗ.

23 ҫулти каччӑ тату тутарнӑ хыҫҫӑн С гепатит ҫаклатнӑ.

Малтанах каччӑ вӑй чакнине туйма пуҫланӑ, унӑн куҫӗ саралма тытӑннӑ. Ҫакӑ мӗн амакӗ иккенне пӗлес тесе вӑл Шупашкарти тӗп хула больницине кайнӑ.

Тухтӑр каччӑна биохими анализӗ тума направлени панӑ, ҫав шутра вирус гепатитне тӗрӗслеттерме те. Диагностика хыҫҫӑн С гепатитпа чирлине ҫирӗплетсе панӑ.

Каччӑна малтан гастроэнтерологи уйрӑмӗнче сипленӗ, кайран ӑна хулари 1-мӗш клиника больницине куҫарнӑ.

Чире каччӑ тату-салонта тату тутарнӑ хыҫҫӑн ҫаклатнӑ иккен.

раження й ві stock.adobe.com сайтри сӑн

Ҫитес ҫултан Чӑваш Енре яла ӗҫлеме каякан тренерсене хавхалантарма тытӑнӗҫ: вӗсене 1 миллион тенкӗ парӗҫ.

2026 ҫултан Чӑваш Енре «Земство тренерӗ» программ ӗҫлеме пуҫлӗ. Унпа килӗшӳллӗн, 50 пин ҫынран сахалрах пурӑнакан ял-салана ӗҫлеме каякан тренерсене патшалӑх 1 миллион тенкӗ парӗ.

Ку программӑпа усӑ курас тесен условисем пур: тренерӑн физкультурӑпа спорт енӗпе аслӑ е вӑтам професси пӗлӗвӗ пулмалла. Юлашки курсра вӗренекен студентсем те вӗренӳ заведенийӗ ходатайство тунипе ку программӑпа килӗшӳллӗн яла ӗҫлеме каймашкӑн пултараҫҫӗ. 1 миллион тенке илнӗ специалистӑн ялта сахалтан та 5 ҫул ӗҫлеме тивӗ.

culture.ru сайтри сӑн

Статистика Чӑваш Енре ВИЧпа ытларах камсем чирленине палӑртнӑ: арҫынсем тата хулара пурӑнакансем.

Хальхи вӑхӑтра республикӑра ВИЧ-инфекциллӗ 3483 ҫын пулнине палӑртнӑ. Вӗсенчен чылайӑшӗ – арҫынсем тата хуласенче пурӑнакансем.

ВИЧ ытларах ар ҫыхӑнӑвӗ урлӑ ернине палӑртнӑ. Унсӑр пуҫне наркотикпа айкашакансен йышӗнче чирлисем пур.

Иртнӗ уйӑхра кӑна 15 ҫынна шута илнӗ. Ку йышра - Ҫӗнӗ Шупашкарта, Шупашкарта, Ҫӗрпӳ тата Элӗк округӗсенче пурӑнакансем.

cap.ru сайтри сӑн

Паян ЧР ҫутҫанталӑк министрӗн пӗрремӗш ҫумне ӗҫрен кӑларнӑ. Хушӑва ЧР Министрсен Кабинечӗн председателӗ Сергей Артамонов алӑ пуснӑ.

Елена Хомченко министрӑн пӗрремӗш ҫумӗнче 2021 ҫулхи нарӑс уйӑхӗнченпе ӗҫленӗ. Ҫапла вӑл ку должноҫра 4,5 ытла ҫул вӑй хунӑ. Министерствӑна киличчен Госохотрыбслужбӑра аслӑ инспекторта ӗҫленӗ, ваккат та пулнӑ.

Хальхи вӑхӑтра ҫутҫанталӑк министрӗн 3 ҫум юлнӑ: Елена Дымза, Татьяна Лукина тата Николай Охотин.

Литература музейӗн сӑнӳкерчӗкӗ

Шупашкарти К.В. Иванов ячӗллӗ Литература музейӗнче культура учрежденийӗн 85 ҫулхине халалласа пуҫтарӑннӑ. Унта поэтсемпе писательсем пынӑ.

Вӗсем музея кӗнекесемпе сӑнӳкерчӗксем, документсемпе сувенирсем парнеленӗ. Музей фондне библиографи кӑларӑмӗсемпе тата кӗнекесемпе Юрий Сементер, Раиса Сарпи, Денис Гордеев, Альбина Юрату, Лидия Филиппова, Светлана Гордеева тата ыттисем пуянлатнӑ.

Музея 1940 ҫулхи юпа уйӑхӗнче уҫнӑ, чӑваш классикӗ Константин Иванов ҫуралнӑранпа 80 ҫул ҫитнӗ ҫул музея поэт ятне панӑ.

Ача-пӑча вулавӑшӗн сӑнӳкерчӗкӗ

Чӑваш Енӗн Ача-пӑчапа ҫамрӑксен вулавӑшӗнче Раиса Сарпин ҫӗнӗ кӗнекипе паллаштарнӑ.

«Саплӑклӑ шӑлавар. Штанишки в заплатках» кӑларӑмпа паллашма Шупашкарти 41-мӗш вӑтам шкулта тӑваттӑмӗш класра вӗренекенсене йыхравланӑ.

Ҫӗнӗ кӗнеке кун ҫути курнӑ ятпа вулавӑш директорӗ Татьяна Вашуркина Чӑваш Енӗн Хӗрарӑмсен канашӗн председателӗ Наталья Николаева ячӗпе мӑйӗ ҫине пӗчӗк пурҫӑн тутӑр ҫыхса янӑ.

Ҫӗнӗ кӗнекепе вулавӑшӑн краеведени тата наци литературин пайӗн заведующийӗ Эвелина Малеева паллаштарнӑ май «Саплӑклӑ шӑлавар» калав пирки вӑл уйрӑмах тӗплӗн каласа кӑтартнӑ.

«Контактри» сӑн

Пирӗн ентеш, 61 ҫулти Елизавета Ларионова, Пӗрремӗш каналпа пыракан «Модный приговор» кӑларӑма хутшӑннӑ.

Вӑл – Куславкка округӗнчи Анат Шуршу ялӗнчен. Елизавета 30 ҫул ытла ӗнтӗ ача пахинче воспитательте ӗҫлет. 9 ҫул каялла вӑл Подольска куҫса кайнӑ, унта ӗҫ тата савни тупнӑ.

Малтанах Елизавета секонд-хендра пӗр-икӗ япала туяннӑ. Кайран вара тӑтӑшах лосина, балахон, ҫат тытакан кофта тӑхӑнса ҫӳреме пуҫланӑ. Савнийӗ вара ҫын умӗнче унран вӑтанма тытӑннӑ. Ҫапла хӗрарӑм «Модный приговор» кӑларӑмран пулӑшу ыйтнӑ.

«Королева пулас килет!» - тенӗ вӑл. Стилистсем унӑн ӗмӗтне пурнӑҫланӑ: хӗрарӑм илемне кӑтартакан, ӳсӗмӗпе килӗшсе тӑракан тумтир суйланӑ. Капла вӑл савнине, тӑванӗсене те килӗшет.

«Контактри» сӑн

Чӑваш Енри тренер Александр Тимофеев Пӗтӗм Раҫҫейри конкурсра мала тухнӑ. Саламлатпӑр!

Вӑл «Быть, а не казаться» конкурсра ҫӗнтернӗ. Ӑна наставниксем валли Раҫҫей Президенчӗн пуҫарӑвӗпе йӗркеленӗ. Унта 70 пин ҫын хутшӑннӑ, вӗсенчен 100-шӗ ҫӗнтерӳҫе пулнӑ. Ҫав шутра — Александр Тимофеев та.

Вӑл — самбо енӗпе 1-мӗш спорт шкулӗн тренерӗ. Александр «Наставник-лидер» номинацире палӑрнӑ. Вӑл ытти ҫӗнтерӳҫӗпе пӗрле Раҫҫей тӑрӑх ҫул ҫӳревре пулӗ. Унсӑр пуҫне вӑл Роспатриотцентрта пӗлӗвне анлӑлатӗ.