|
Культура
 ВКонтакте сӑнӳкерчӗкӗ Юпа уйӑхӗн 11-мӗшӗнче Ҫӗрпӳ хулинчи М.В. Силантьев герой ячӗллӗ 1 номерлӗ шкулта «Пурӑн, пирӗн Ҫеҫпӗл!» — «Живи, наш Сеспель!» ятлӑ поэзи уявӗ иртӗ. «Вӗрентекенсене, библиотека ӗҫченӗсене, кӑмӑл тата вӑхӑт тупакансене пурне те уява йыхравлаҫҫӗ», — тесе пӗлтернӗ Лидия Филиппова журналист мессенджерсенчен пӗринчи ушкӑнра. Мероприятие Чӑваш халӑх поэчӗ Юрий Сементер, Лидия Филиппова, Василий Захаров, Любовь Петрова, Николай Ишентей, Георгий Хавал, Ортем Гали, Роза Беляева, Геронтий Никифоров хутшӑнӗҫ. |
|
Ҫул-йӗр
 pikabu.ru сӑнӳкерчӗкӗ Федерацин хӑрушсӑрлӑх службин погранподразделенийӗ Шупашкарти аэропортра ют ҫӗршыври рейссене йышӑнма хатӗр. Кун пирки республикӑн влаҫ органӗсен офицаллӑ порталӗнче пӗлтернӗ. Пассажирсемпе тиевсене тӗрӗслемелли пункта 2025 ҫул пуҫламӑшӗнче ӗҫлеттерсе ярасшӑн. Кун пирки Раҫҫейӗн Федерацин хӑрушсӑрлӑх службин Сарту тата Самар облаҫӗсенчи Пограничник управленийӗн пуҫлӑхӗ Юрий Урванов Чӑваш Ен Элтеперӗпе Олег Николаевпа тӗл пулсан пӗлтернӗ. Элтепер каланӑ тӑрӑх, ҫитес ҫул Шупашкартан Турцие авиайрессем уҫасшӑн. Хыпар ҫӑлкуҫӗ:
|
|
Республикӑра
 saratov.sledcom.ru сайтри сӑн Улатӑрта пурӑнакан 21 ҫулти хӗрарӑма 2-ри тата 3-ри хӗрӗсене хӗненӗшӗн айӑпланӑ. Ӑна тӗрмене хупмасӑр 3 ҫул та 1 уйӑхлӑха айӑпланӑ. Кунсӑр пуҫне унӑн 10 пин штраф тӳлемелле. Суд палӑртнӑ тӑрӑх, хӗрарӑм ҫу уйӑхӗн 4-25-мӗшӗсенче пӗчӗк ачисене пӗрре мар хӗненӗ. Вӑл амӑшӗн тивӗҫӗсене йӗркеллӗ пурнӑҫламан. Следстви вӑхӑтӗнче хӗрарӑм айӑпне йышӑннӑ. Следстви пынӑ вӑхӑтра ачасем ашшӗпе пурӑннӑ тесе каланӑччӗ унччен. Халӗ вӗсем социаллӑ учрежденире. Хыпар ҫӑлкуҫӗ:
|
|
Республикӑра
 www.cap.ru сӑнӳкерчӗкӗ Чӑваш Ен Элтеперӗ Олег Николаев вӑтам професси вӗренӗвӗн кунӗпе саламланӑ. «Эсир, хастар чунлӑ та пултаруллӑ педагогсемпе наставниксем, хӑвӑрӑн тарӑн пӗлӗвӗрпе паха опытӑра ҫитӗнекен ӑрӑва парса, экономика отраслӗсене пысӑк ӑсталӑхлӑ кадрсемпе тивӗҫтерсе ҫӗршывӑмӑрӑн пуласлӑхне хывас ӗҫре пӗлтерӗшлӗ вырӑн йышӑнса тӑратӑр. Сирӗн ӗҫӗр – професси ҫеҫ мар, чун туртни те. Эсир студентсене ҫи-тӗнӳсем тума хавхалантаратӑр, вӗсене хӑйсен пултарулӑхне туллин уҫса пама тата пурнӑҫра ӑнӑҫуллӑ пулма пулӑшатӑр», — тенӗ Элтепер республикӑн влаҫ органӗсен официалла порталӗнче вырнаҫтарнӑ саламра. Сӑмах май каласан, паянвӑтам професси вӗренӗвӗн тытӑмӗнче 1500 ытла преподавательпе производство вӗрентӳҫи вӑй хурать иккен. Хыпар ҫӑлкуҫӗ:
|
|
Республикӑра
 mintrud.cap.ru сӑнӳкерчӗкӗ Ӗнер, Пӗтӗм тӗнчери втатисен кунӗнче, республикӑн ӗҫ тата социаллӑ хӳтлӗх министрӗ Алёна Елизарова отрасльти ветерансемпе тӗл пулнӑ. Уява халалланӑ ҫавра сӗтеле Шупашкар хулинчи халӑхан социаллӑ ыйтӑвӗсене тивӗҫтерекен комплекслӑ центрта ирттернӗ. Министр ӗҫ ветеранӗсем обществӑра пысӑк вырӑн йышӑннине палӑртса, вӗсен опычӗ социаллӑ сферӑра та кирлине асӑнса хӑварнӑ. «Эпир сирӗн эткерлӗхе хаклама тата упраса хӑварма тивӗҫ», — тенӗ министр. Хыпар ҫӑлкуҫӗ:
|
|
Республикӑра
 mintrud.cap.ru сӑнӳкерчӗкӗ Чӑваш Енре чи хастар кӗмӗл волонтерсене палӑртнӑ. Конкурса пӗтӗмпе 32 хастар ватӑ хутшӑннӑ. Вӗсене 4 номинацире хакланӑ. «Ҫӗнтерӳ волонтерӗ» номинацире Етӗрне тӑрӑхӗнчи Мария Кольцова «Хӑвӑн ӑшшуна ыттисене парнеле» программӑпа палӑрнӑ. «Волонтер-наставник» номинацире Элӗк тӑрӑхӗнчи Виталий Ефимов «Шахмат — ӑнӑҫу ҫулӗн шанчӑклӑ ҫӑлкуҫӗ» практикӑпа мала тухнӑ. Шупашкарти Ирина Александрова — чи лайӑх «Эко-волонтёр». «Социаллӑ экспресс» номинацире те Шупашкарти кинемей ҫӗнтернӗ¸ вӑл — Алевтина Степанова. Ватӑ ҫын «Ретрогварди» театр студине ҫӳрет. Ҫӗнтерӳҫӗсене кӗмӗл волонтерсен республикари форумӗнче чыслӗҫ. Вӑл авӑн уйӑхӗн 9-мӗшӗнче 11 сехетре Ҫамрӑксен театрӗнче пуҫланӗ. Хыпар ҫӑлкуҫӗ:
|
|
Раҫҫейре
 Юпа уйӑхӗн вӗҫӗнчи эрнере 6 кун ӗҫлеме тивӗ. Вӑл юпан 28-мӗшӗнче пуҫланӗ те чӳкӗн 2-мӗшӗнче, шӑматкун, вӗҫленӗ. Вӑл кӗске ӗҫ кунӗ пулмӗ. 6 кун ӗҫлесен те вырсарникунпа тунтикун кӑна канӑпӑр: чӳкӗн 3-4-мӗшӗсенче. Мӗншӗн тесен чӳкӗн 2-мӗшӗшӗн эпир ака уйӑхӗн 30-мӗшӗнче каннӑ. Ҫапах савӑнӑҫли те пур: ун хыҫҫӑнхи эрне кӗске пулӗ: чӳкӗн 5-8-мӗшӗсенче ӗҫлӗпӗр. Хыпар ҫӑлкуҫӗ:
|
|
Вӗренӳ
 sh-kyzylyurtskaya-r91.gosweb.gosuslugi.ru сайтри сӑн Авӑн уйӑхӗн 30-мӗшӗнче ЧР Элтеперӗ Олег Николаев республикӑри вӗрентекенсене награда парасси пирки хушу алӑ пуснӑ. Шупашкар округӗнчи Тутаркассинчи вӑтам шкулӗнче ӗҫлекен Альбина Ишовӑна «Чӑваш Республикин халӑх усителӗ» ят панӑ. Шупашкарти 3-мӗш лицей вӗрентекенӗ Марина Гордеева тата 62-мӗш шкулти Наталья Климова «Чӑваш Республикин тава тивӗҫлӗ учителӗ» ята тивӗҫнӗ. Хыпар ҫӑлкуҫӗ:
|
|
Ял пурнӑҫӗ
 "Контактри" сӑн Канаш округӗнчи Янкӑлч ялӗнче Пӗтӗм Раҫҫейри «Раҫҫейри шыв» акци иртнӗ. Унта Янкӑлчри шкулта 6-мӗш класра вӗренекенсем хутшӑннӑ. Ачасем таврара йӑваланакан ҫӳп-ҫапа михӗсене пуҫтарнӑ. Уйӑрса панӑ территорие вӗсем йӑлтах тасатнӑ. Пӗтӗмпе виҫӗ михӗ пухӑннӑ. Хыпар ҫӑлкуҫӗ:
|
|
Раҫҫейре
 ru.freepik.com сайтри сӑн Ҫитес ҫул нарӑс уйӑхӗн 1-мӗшӗнчен амӑшӗн капиталне индексаци тӑвӗҫ. Ҫапла вӑл 7,3 процент ӳсӗ. Ҫитес ҫул нарӑсӑн 1-мӗшӗнчен пӗрремӗш ачана ҫуратнӑшӑн паракан амӑшӗн капиталӗ 676 пин тенкӗ пулӗ. Иккӗмӗшӗшӗн параканни вара 893 пин тенке ҫитӗ. Хальхи вӑхӑтра амӑшӗн капиталӗ /пӗрремӗш ачашӑн/ 630,4 пин тенкӗпе танлашать. Иккӗмӗш ачана ҫуратсан вара 834 пин тенкӗ параҫҫӗ. Хыпар ҫӑлкуҫӗ:
|
-1.7 °C