|
Афиша
 cap.ru сӑнӳкерчӗкӗ Ҫу уйӑхӗн 8-мӗшӗнче Шупашкарта Хӗрлӗ тӳремре «Ясна кӗвӗ» этнофестивалӗн гала-концерчӗ пулӗ. Унта чӗрӗ юрӑ-кӗвӗ янӑрӗ. Этнофестивале фольклор юрри-кӗввине хальхи аранжировкӑпа халӑх инструменчӗсемпе усӑ курса юрлакансем хутшӑнаҫҫӗ. Фестивале малтан «Ясна» этнокомплексра хатӗрленнӗ, унтах ӑсталӑх класӗсем, лекцисем, тӗлпулусем иртнӗ. Гала-концертра конкурсӑн 3 ҫӗнтерӳҫине палӑртӗҫ, кашнин валли видеоклип ӳкерӗҫ. Ку вӗсене хӑйсен юрри-кӗввине малалла аталантарма пулӑшӗ. Палӑртмаллӑ: ҫак фестиваль иккӗмӗш ҫул иртет. Концерта тӳлевсӗрех кӗртеҫҫӗ. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ ЧР Элтеперӗ Олег Николаев Тӑван ҫӗршывӑн Аслӑ вӑрҫин ветеранӗпе Александр Корниловпа тӗл пулнӑ, сӗтел хушшинче пӗрле чей ӗҫнӗ. 97 ҫулти ветеран Шупашкарта пурӑнать. Олег Алексеевич ӑна ҫывхарса килекен Ҫӗнтерӳ кунӗ ячӗпе саламланӑ, ӑшӑ жилет парнеленӗ. Вӗсем сӗтел хушшинче республикӑри, ҫӗршыври лару-тӑрӑва сӳтсе явнӑ. Палӑртмалла: Александр Егорович вӑрҫӑра минометчик пулнӑ, Хӗвеланӑҫ Украинӑра банформированипе кӗрешнӗ. Ветеран каланӑ тӑрӑх, вӑл бандеровецсем ҫынсене хӑратса ҫуртсене ҫунтарнине паянхи кун пек астӑвать. Хыпар ҫӑлкуҫӗ:
|
|
Харпӑр шухӑш
Чӑвашлӑх
«Критики у нас, чувашей, не существует…» А.С. Пушкин «Туслӑха ҫухатас тесен – тӗрӗсне кала» Халӑх сӑмахлӑхӗ
Паллах ӗнте, Чӗмпӗр хулинче «Еткер» телепередача тухма пуҫлани – Раҫҫейри ку таранччен пулман пулӑм пулса юлчӗ. Тутарсемпе пӗрле ятлӑ Республика тулашӗнче тӑван чӗлхепе тухакан кӑларӑмсем ку таранччен пулманччӗ Раҫҫей Федерацинче. Куншӑн, паллах, ку ӗҫе пуҫарса яракан хастарсене тав тумалла. Сӑмах май, ирҫе-мӑкшӑсем, вӗсене валли те бюджетран укҫа-тенкӗ те, эфира тухма вӑхӑт та уйӑрса панӑ пулин те, пӗр кӑларӑм та йӗркелеймерӗҫ. Олег Мустаевпа Рамис Сафин пек пултаруллӑ ҫамрӑксем (ҫуллисем те) тупӑнмарӗҫ пулас… Чӑвашсене (Чӗмпӗр ен тӑрӑхӑнчисене кӑна мар), чӑннипех те, турра шӗкӗр, ӑнчӗ, маттур та пултаруллӑ Олег Мустаев тележурналист «Еткер» каларӑма ертсе пыма пуҫлани. Ку кӑларӑм паян кунччен те унӑн ячӗпе ҫыхӑнать пирӗн астӑвӑмра. Аса илтерес килет, ун чух (иртӗ ӗмӗрти 90-мӗш ҫулсенче) пирӗн сенкер экрансем ҫинче хальхи пек виҫҫӗр ытла канал мар, икӗ канал кӑна пулнӑ, ҫавӑнпа та вырӑнти хыпарсен кӑларӑмӗсем сисӗнмесӗр иртме пултарайман. |
|
Хулара
 cap.ru сӑнӳкерчӗкӗ Ҫу уйӑхӗн 9-мӗшӗнче, Ҫӗнтерӳ кунӗнче, Шупашкарта салют пулмӗ. Ун вырӑнне тӳпере прожекторсем ялкӑшӗҫ. Ҫапла иртӗ «Ҫӗнтерӳ пайӑркисем» патриотлӑх акцийӗ. Ҫав кун прожекторсем тӳпене каҫхи 8 сехетрен пуҫласа 11-ччен ҫутатӗҫ. Прожекторсене «Ҫӗнтерӳ» паркӗнче тата Ленин проспектӗнче ларакан «Ӗҫ паттӑрлӑхӗн хули» стелла патӗнче вырнаҫтарӗҫ. Аса илтерер: каҫал «Вилӗмсӗр полк» акци те парад та иртмӗҫ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Паян ҫӗрле, ҫур ҫӗр иртсен, Канаш хулинче кӑвакарчӑнсен пӳрчӗ ҫунса кайнӑ. Ҫулӑм виҫӗ хутлӑ тимӗр ҫуртӑн пӗрремӗш хутӗнчи хуҫалӑх блокне ярса илнӗ. Пушара сӳнтерсен 55 ҫулти арҫын виллине тупнӑ. Унсӑр пуҫне 60 кӑвакарчӑн вилли пулнӑ. Халӗ ӗҫ-пуҫа тӗпчеҫҫӗ. Малтанлӑха пӗлтернӗ тӑрӑх, пушар пирус туртнине пула тухнӑ. Хыпар ҫӑлкуҫӗ:
|
|
Ҫутҫанталӑк
 Ҫанталӑк хӑҫан ӑшӑтать? Синоптиксем лӑплантаракан хыпар пӗлтермеҫҫӗ: «ҫӗмӗрт сивви» икӗ эрнене тӑсӑлӗ. Кӗҫӗр 5 градус таран сивӗтӗ. Канмалли кунсенче кӑнтӑрла 7-12 градус ӑшӑ пулӗ. Вырсарникун кӑнтӑрла хыҫҫӑн ҫумӑр ҫума тытӑнӗ, тунтикун та чарӑнмӗ. Ытларикун каҫхине каллех шӑнтӗ. Ҫитес эрнере кӑнтӑрла 5-10 градус кӑна ӑшӑ тӑрӗ, каҫсерен – 0-рен пуҫласа 2 градус таран сивӗ. Йӗпе юр та ҫукалӗ. Хӑҫан ӑшӑтӗ? Малтанлӑха пӗлтернӗ тӑрӑх, ҫу уйӑхӗн варринче кӑна. Хыпар ҫӑлкуҫӗ:
|
|
Спорт
 t.me/chuv_kray каналтан илнӗ сӑнӳкерчӗк Ҫӗнӗ Шупашкар каччи, Илья Фёдоров, воллейбол енӗпе Раҫҫей чемпиоантӗнче ҫӗнтернӗ. Каччӑ Хусанти «Зенит» командӑра вылять. Хусанти команда Мускаври «Динамӑна» ҫӗнтернӗ. Илья — 21 ҫулта. Хусанти «Зенит» йышӗнче вӑл 2017 ҫултанпа вылять. Унччен маларах каччӑ командӑпа пӗрлРаҫсей кубокӗнче ҫӗнтернӗ кӑна мар, Ҫамрӑксен хушшинче Европа чемпионӗ пулса тӑнӑ. Хыпар ҫӑлкуҫӗ:
|
|
Пӑтӑрмахсем
 Шупашкарта пурӑнакан 2-мӗш класс хӗрачи ашшӗ-амӑшне 1,3 миллон тенкӗсӗр тӑратса хӑварнӑ. Вӑл паллӑ мар тӗрлӗ маркетплейс ҫинче QR-кодпа 15 хутчен тӳленӗ. Пӑтӑрмах пики йӗрке хуралҫисене 33 ҫулти хӗрарӑм пӗлтернӗ. Унӑн 9 ҫулти хӗрӗ ашшӗ-амӑшӗн телефонӗсемпе тата планшечӗпе усӑ курнӑ. Ют ҫынпа видеоҫыхӑну мелӗпе калаҫнӑ чух робукс (виртуаллӑ вӑйӑ валли кирлӗ хатӗр) валеҫекен ушкӑна кӗнӗ. Парнене илес тесен темиҫе ӗҫ пурнӑҫламалла пулнӑ: ашшӗ-амӑшӗн телефон экранне ӳкерсе илсе ярса памалла, банксен приложенине кӗмелле, вкладсене хупса укҫана куҫарса памалла. 9 ҫулти хӗрача QR-кодпа 11 транзакци ирттернӗ, кашнинче — 100-шер пин тенкӗлӗх. 460 пин тенкӗ ытлалӑх кредит илнӗ, кивҫен укҫапа 200 пин тенкӗ ытла тӳлеме ӗлкӗрнӗ. Хыпар ҫӑлкуҫӗ:
|
|
Пӑтӑрмахсем
 21.мвд.рф сӑнӳкерчӗкӗ Ҫу уйӑхӗн 2-мӗшӗнче, каҫхине, Вӑрнар тӑрӑхӗнче «Форд Мондео» автомобиль рулӗ умӗнче ӳс водитель ларса пыни пирки йӗрке хуралҫисене систерекен пулнӑ. Асӑннӑ хыпара тӗрӗслеме 22 сехет те 10 минутра «Никольски-Етӗрне-Нурӑс» ҫул ҫине патшалӑхӑн ҫул-йӗр хӑрушсӑрлӑхӗн Вӑрнарти пайӗн ӗҫченӗсем тухнӑ. Вӗсем машинӑна чарӑнма ыйтнине водитель пӑхӑнман. Хирӗҫ килекен ҫулпа пынӑ май йӗрке хуралҫисен машини ҫине пырса кӗнӗ. Ҫав самантра машинӑра йӗрке хуралҫи те пулнӑ. Инкек хыҫҫӑн шалти ӗҫсен пайӗн виҫӗ ӗҫченне больницӑна илсе кайнӑ, вӗсенчен пӗрне кайран киле янӑ, иккӗшне больницӑна вырттарнӑ. «Форд Мондео» автомобиль рулӗ умӗнче Патӑрьелте пурӑнакан, ниҫта та ӗҫлемен 43 ҫулти арҫын пулнӑ. Хыпар ҫӑлкуҫӗ:
|
|
Республикӑра
 mintrud.cap.ru сӑнӳкерчӗкӗ Муркаш муниципаллӑ округӗнчи Оринин ялӗнче пурӑнакан тыл ӗҫченӗ тата ӗҫ ветеранӗ Зина Саввова ал ӗҫӗпе аппаланма юратать. Хӗрарӑм асӑннӑ тӑрӑхри Ивановка ялӗнче ҫуралнӑ. Геннадий Васильевичпа ҫемье ҫавӑрнӑ хыҫҫӑн тӑватӑ ывӑлпа пӗр хӗр ҫуратса ӳстернӗ. Мӑшӑр вырӑнти «Оринино» колхозра ӗҫленӗ. Кайран Зина Якимовна Республикӑри туберкулёзпа кӗрешекен диспансерта тӑрӑшнӑ. Паян кинемей 5 мӑнукӗпе тата мӑнукӗсен 6 ачипе савӑнса пурӑнать. Ватӑ ҫын ӗҫсӗр лармасть, ҫыхма юратать. Хыпар ҫӑлкуҫӗ:
|
-8.7 °C
