Шупашкарти ача-пӑча пултарулӑхӗн керменӗ 175 пин тенкӗлӗх федераци грантне тивӗҫнӗ. Ку укҫапа «PROЧувашию» сӗтелҫи вӑййине йӗркелӗҫ.

Вӑл 40-60 минута тӑсӑлать, 6 ҫын таран хутшӑнма пултарать. Кашнине наци тумӗллӗ кӳлепе парӗҫ те вӑл республика тӑрӑх ҫула тухать. Лапам ҫинче 60 тӗрлӗ тӗслӗ тӑваткал, тӗсне кура - ыйтусен тата заданисен тематики.

Ку вӑйӑпа сӑнав шайӗнче Шупашкарти 10 шкул усӑ курӗҫ.

Кандинский нейросеть сӑнӳкерчӗкӗ

Шупашкар муниципаллӑ округӗнчи Митрофанкасси ялӗ патӗнчи пӗвере 43 ҫулти арҫын путса вилнӗ. Ӑна паян, вырсарникун, ирхине тупнӑ.

Вилене ҫӑлавҫӑсем шывран туртса кӑларнӑ. Инкек сӑлтавне тӗпчевҫӗсем палӑртӗҫ.

Инкеклӗ ӗҫсен министерстви шыв тимсӗрлӗхе каҫарманнине пӗлтерет. Ятарлӑ вырӑнсенче ҫеҫ шыва кӗме юрать. Ҫырантан шала кӗрсе каймалла мар. Ӳсӗр пуҫпа вара шыва кӗмелле мар.

Францинче Telegram йӗркелӳҫине тата генеральнӑй директорне Павел Дурова арестленӗ.

Ӑна Азербайджанран вӗҫсе ҫитсен Ле Бурже аэропортра тӳрех тытса чарнӑ. Азербайджанта самолёта ларас умӗн ӑна федераци шыравӗнче тесе пӗлтернӗ.

Павел Дурова 40-е яхӑн статьяпа айӑпласшӑн-мӗн: терроризм, наркотик, улталани, укҫана айккинелле яни, педофил контенчӗ.

Павел Дуров — Франци гражданинӗ, ҫавӑнпа ӑна ылмаштарма е Раҫҫее памӗҫ, хыпарланӑ Телеграмра Сергей Колясников.

t.me/PRoddigital сӑнӳкерчӗкӗ

RuStore хӑш ҫулти ҫынсем мобильлӗ приложенисем валли ытларах тӑкакланнине тишкернӗ.

Ку енчен Z ӑрурисем — 18 ҫултан пуҫласа 27 ҫулчченхи ҫамрӑксем — уйӑхне вӑтамран 1026 тенкӗ тӑкаклаҫҫӗ иккен. Ку вӑл миллениалсенчен (28-43 ҫултисем) 18 процент нумайрах.

Мобильлӗ контент валли X ӑрурисем (44-60 ҫултисем) вӑтамран 976 тенкӗ пӗтереҫҫӗ.

Ҫынсенчен ытларахӑшӗ пуҫватмӑшсене кӑмӑллать. Вӗсене X ӑрурисем ытларах юратаҫҫӗ. X ӑрурисемпе миллениалсем сӗтелҫи вӑййа тата карта вӑййине суйлаҫҫӗ, зумерсем — шутерсем тата симуляторсем.

Олег Николаевӑн Телеграм-каналӗнчи сӑн

Ҫурла уйӑхӗн 22-мӗшӗнче республикӑри 6 тӑлӑхшӑн чӑннипех те пысӑк савӑнӑҫ пулнӑ. Вӗсене хваттер уҫҫине панӑ.

Хваттерӗ вара питӗ хӑтлӑ та лайӑх, унта сантехника, электроплита вырнаҫтарнӑ.

Пурӑнмалли кӗтес тивӗҫнисенчен иккӗшӗ - ятарлӑ ҫар операцине хутшӑнакан салтаксем. ЧР Элтеперӗ Олег Николаев палӑртнӑ тӑрӑх, унашкаллисен хваттер черетӗнче тӑнӑ чухне ыттисенчен ытларах ҫӑмӑллӑхсем пур.

"Про Город" сайтӗнчи сӑн

Елчӗк муниципаллӑ округӗнчи Патреккел ялӗнче пурӑнакан арҫын пысӑк кӑмпа тупнӑ. Киле ҫитсен тараса ҫинче виҫсе пӑхнӑ та - 4 килограмм ытла.

Халӑх корреспонденчӗ «Про Город» хаҫата пӗлтернӗ тӑрӑх, вӑл кӑмпана ҫурла уйӑхӗн 23-мӗшӗнче тупнӑ. Ҫав кӑмпа «дождевик» ятлӑ-мӗн.

t.me/gibdd121 сӑнӳкерчӗкӗ

Паян, ҫурла уйӑхӗн 24-мӗшӗнче, правасӑр водитель инкеке лекнӗ.

Пӑтӑрмах Патӑрьел тӑрӑхӗнче пулса иртнӗ. Ирхи 2 сехет те 20 минутра Шӑхаль ялӗ патӗнче водитель ҫул айккине кӗрсе кайса ҫаврӑнса ӳкнӗ. 19 ҫулти водитель шар курман. Салонта пулнӑ пике вара аманнӑ.

Ӗнер, ҫурла уйӑхӗн 23-мӗшӗнче, Ҫеҫпӗл Мишши ҫуралнӑрпнпа 125 ҫул ҫитнине халалласа Крымра тӗлпулу иртнӗ.

Мероприятие Симферопольти крым тутарӗсен Исмаил Гаспринский ячӗллӗ вулавӑшӗнче пуҫтарӑннӑ.

Унта пултарулӑх пӗрлешӗвӗсен хастарӗсем, литераторсем пухӑннӑ.

Ирина Диарова страницинчен илнӗ сӑнӳкерчӗк

«Вӑт ку музей тӑк музей! Юлашки куна та усӑллӑ ирттерес терӗҫ те «Эткер» сменӑри ачасем — Етӗрне районӗнчи Тури Ачак ялӗнчи ӗлӗкхи чӑваш кил-ҫyртне ҫитрӗмӗр. Тӗлӗнмелли, курмалли, мӑнаҫланмалли питӗ нумай куртӑмӑр, илтрӗмӗр», — хыпарланӑ Ирина Диарова чӑваш чӗлхи вӗрентекенӗ халӑх тетелӗнчи хӑйӗн страницинче. Ачасене тырӑ авӑртмалли ал арманӗ, шут шӑрҫи, тури чӑвашсен тумӗ килӗшнӗ иккен. Вӗсем Аркадий Айдак пуканӗ ҫине ларса пӑхнӑ.

Ҫӗнӗ Шупашкар кӑҫал 64 ҫул тултарӗ. Спутник хула ҫуралнӑ кунне ыран паллӑ тӑвӗ.

Ҫӑлтӑрпа зарядка тӑвӗҫ, ГТО фестивалӗ пулӗ, ретро-машинӑсен куравне йӗркелӗҫ, «Про Город» хаҫат хаваслӑ программа хатӗрленӗ, «Пултарулӑх бульварӗ» ӗҫлӗ. Ҫавӑн пекех чӑваш эстрада артисчӗсем юрлӗҫ, троллейбуссем парада тухӗҫ. Арт-фестиваль те иртӗ.

Уяв каҫхи 9 сехетре ташӑ каҫӗпе вӗҫленӗ. Пӗлтӗрхи пекех, хула кунне Раҫҫей эстрада артистне чӗнмен.