|
Республикӑра
 dzen.ru сайтри сӑн Ака уйӑхӗн 25-мӗшӗнче республикӑра «Ҫӗнтерӳ диктанчӗ» акци иртӗ. Вӑл ҫиччӗмӗш хут пулӗ. Кӑҫал «Асра юлмашкӑн пӗлмелле!» девизпа килӗшӳллӗн иртнӗ. Диктант ҫырнӑ чухне пӗлӳ шайне тӗрӗслени чи пӗлтерӗшли мар. Чи кирли - историе асра тытни. Пӗтӗмпе 30 ыйтӑва хуравлама тивӗ. Вӗсенчен 5-шӗ - регионпа ҫыхӑннисем. Чӑваш Енре 600 ытла лапам пулӗ. Вӗсем вӗренӳ заведенийӗсенче, вулавӑшсенче, культура ҫурчӗсенче, тӗрлӗ предприятипе организацире пулӗҫ. Малтанлӑха палӑртнӑ тӑрӑх, акцие 20 пине яхӑн ҫын хутшӑнӗ. Ҫав кун «Ҫӗнтерӳ диктанчӗ» акци Раҫҫейӗпех иртӗ. Хыпар ҫӑлкуҫӗ:
|
|
Культура
 Раҫҫейӗн тӗрленӗ картти Никита Михалкова Раҫҫейӗн театр атласне йӗркелеме хавхалантарнӑ. Мускаври «Россия сегодня» (чӑв. Раҫҫей паян) пӗтӗм тӗнчери мультимеди центрӗнче Хальхи вӑхӑтри музыка карттине сӳтсе явнӑ. Унта РСФСР халӑх артисчӗ Никита Михалков режиссёр хӑйӗн ҫӗнӗ проекчӗ ҫинчен каласа кӑтартнӑ. Вӑл — «Атлас театральной России» (чӑв. Театр Раҫҫейӗн атласӗ) фестиваль. Ҫавӑн чухне ҫӗршыври регионсенчи театрсем тата пултарулӑх коллективӗсем Никита Михалковӑн «Мастерская «12» сцени ҫинче хӑйсен чи лайӑх ӗҫӗсемпе паллаштарӗҫ. «Пӗтӗмпех Раҫҫӗйӗн тӗрленӗ карттинчен пуҫланчӗ, вал мана хавхалантарчӗ», — палӑртса хӑварнӑ Никита Михалков. Хыпар ҫӑлкуҫӗ:
|
|
Пӑтӑрмахсем
 «Чебоксары в курсе» пабликри сӑнӳкерчӗк Шупашкарта Чӑваш Ен Элтеперӗ Олег Николаев инкеке лекнӗ. Республика ертӳҫи ӗҫре усӑ куракан «Genesis» шурӑ «Маздӑпа» пырса ҫапӑннӑ. Инкек Максим Горький проспектӗнче пулса иртнӗ. Олег Николаев ҫав вӑхӑтра арӑмӗпе хыҫалти ларкӑч ҫинче ларса пынӑ. Руль умӗнче Элтеперӗн водителӗ пулнӑ. Инкекре никам та шур курман. Малтанласа палӑртнӑ тӑрӑх, пӑтӑрмах пулса тухнишӗн «Мазда» рулӗ умӗнчи хӗр айӑплӑ. Хыпар ҫӑлкуҫӗ:
|
|
Хулара
 Шупашкарта халӗ кӑвакарчӑнсене ҫитермелли ятарлӑ вырӑн пур. Ӑна Афанасьев урамӗнчи чарӑнуран инҫех мар вырнаҫтарнӑ. Кун пекки хулара – пӗрремӗш хут. Кайӑксене ҫитермелли вырӑн ҫине ҫаплах ҫырса хунӑ та. Сӑмах май, унччен ҫынсем кӳлмекри акӑшсене ҫитерме юратнӑ. Унта катамаранпа ярӑнмалли вырӑн туса хунӑран акӑшсем хӑраса хӑмӑш хушшине пытанма, чирлеме тытӑннӑ. Халӗ вӗсем паркра пурӑнаҫҫӗ. Хыпар ҫӑлкуҫӗ:
|
|
Республикӑра
 autosprite.ru сайтри сӑн Вӑрмар округӗнче пурӑнакан каччӑ ултавҫӑсен аллине ҫакланнӑ. Вӑл ӗненсе 300 пин тенкӗсӗр юлнӑ. Ун патне хӑйӗнпе «ҫыхӑну операторӗ» тесе паллаштарнӑ палламан ҫын шӑнкӑравланӑ. Хайхискер сим-карттӑпа усӑ курмалли вӑхӑт вӗҫленнине, килӗшӳ тумаллине пӗлтернӗ. Кайран смс-ҫырупа килнӗ кодсене калама ыйтнӑ. 17 ҫулти яш вӗсене йӑлтах ӗненнӗ, ҫапла темиҫе ҫул пухнӑ укҫана куҫарса панӑ. Хӑйне улталанине ӑнлансан вӑл полицие кайнӑ. Хыпар ҫӑлкуҫӗ:
|
|
Ял пурнӑҫӗ
 Тури Типҫырма ялӗн халӑх тетелӗнчи страницинчен илнӗ сӑнӳкерчӗк Красноармейски тӑрӑхӗнчи Тури Типҫырма ялӗнче пурӑнакансем канмалли кун тӑван тӑрӑха тирпейлесе илемлетме ял-йышпа пӗрле урама тухнӑ. «Ял илемӗ таса пулни пӗтӗмпех хамӑртан, унта пурӑнакансенчен ҫеҫ мар, канмалли кунсенче тӑван киле килекенсенчен те нумай килет. Тури Типҫирмасем ҫакна чун-чӗререн ӗненсе тӑраҫҫӗ, тӑван яла илем кӳме пӗтӗм вӑй-халне хураҫҫӗ», — тесе хыпарланӑ ялӑн халӑх тетелӗнчи страницинче. Ял старости субботника хутшӑнакансене лотерея билечӗсем парса хавхалантарнӑ. Хыпар ҫӑлкуҫӗ:
|
|
Персона
 t.me/nikamran каналта вырнаҫтарнӑ сӑнӳкерчӗк Чӑваш ӳнерҫине Раҫҫей Президенчӗн Тав ҫырӑвӗпе хавхалантарнӑ. Ҫав хисепе Питӗр хулинче пурӑнакан Евгений Емельянов тивӗҫнӗ. Ӳнерҫе Раҫҫей Президенчӗн Администрацийӗн ертӳҫин пӗрремӗш ҫумӗ Сергей Кириенко Мускавра иртнӗ «Кино на службе Отечества» (чӑв. Ҫӗршыв хӳтлӗхӗнчи кино) фестивальте чысланӑ. Чӑваш художникӗ «Уголь земли Русской» проекта хутшӑнать иккен, салтаксен портречӗсене ӳкерет. Хыпар ҫӑлкуҫӗ:
|
|
Персона
 https://vk.com/wall-225959711?w=wall-225959711_387 страницӑран илнӗ сӑнӳкерчӗк Красноармейски тӑрӑхӗнчи Ҫӗньял Упи ялӗнче Марк Аттай сатирик, педагог ҫуралнӑранпа 120 ҫул ҫитнине паллӑ тунӑ. Кун пирки район хаҫачӗ халӑх тетелӗнчи хӑйӗн страницинче хыпарланӑ. Марк Аттай (Марк Сергеевич Терентьев) 1905 ҫулхи ака уйӑхӗн 7-мӗшӗнче ҫуралнӑ. Литературӑпа 1924 ҫулта аппаланма пуҫланӑ. Унӑн юптарӑвӗсем «Канаш» хаҫатра, «Капкӑн» журналта пичетленнӗ. Шупашкара 1926 ҫулта куҫса килсен рабочи пулса, типографире корректорта тӑрӑшнӑ. Шупашкарти рабфакран вӗренсе тухсан «Канаш» хаҫатра ӗҫленӗ, Канаш районӗнчи шкулсенче чӑваш чӗлхи вӗрентнӗ. 1927 ҫулта унӑн «Хӗрлӗ сӑнӑ» кӗнеки пичетленсе тухнӑ. Очерк тата фельетон жанрӗсемпе ӑнӑҫлӑ ӗҫленӗ. 1936 ҫулта Ҫӗпӗре тухса кайнӑ, унти шкулсенче тӑрӑшнӑ. Унӑн пурнӑҫӗ вӑрҫӑра татӑлнӑ. Хыпар ҫӑлкуҫӗ:
|
|
Ял пурнӑҫӗ
 "Контактри" сӑн Канаш округӗнчи Юмансар ялӗнче пурӑнакан ҫынсем хӑйсен укҫипе кӗпер тунӑ. Василий Сергеевич Никифоров ӑна Канаш тата Шкул урамӗсенче вырнаҫтарнӑ. Вырӑнти администраци ӑна тав тунӑ куншӑн. Василий Сергеевича Анатолий Степанов, Игорь Ложкин, Александр Ануфриев, Александр Григорьев, Андрей Степанов, Алексей Арефьев кӗпере вырнаҫтарма пулӑшнӑ. Хыпар ҫӑлкуҫӗ:
|
|
Персона
 "Контактри" сӑн Йӗпреҫ округӗнчи Вениамин Филипповичпа Клавдия Павловна пӗрле 60 ҫул килӗштерсе пурӑнаҫҫӗ. Вӗсем ӗмӗр тӑршшӗпех тӑван ялӗнче, Туҫара, ӗҫленӗ. Клавдия Павловна Канаш тӑрӑхӗнче ӳснӗ, Туҫари шкула математика предметне вӗрентме килнӗ. Каҫсерене ҫамрӑксем вӑййа тухнӑ ун чухне. Икӗ ҫамрӑк ҫавӑнта паллашнӑ та. Ильинсем виҫӗ ача ҫуратса ӳстернӗ, халӗ пилӗк мӑнукпа, икӗ кӗҫӗн мӑнукпа савӑнса пурӑнаҫҫӗ. Хыпар ҫӑлкуҫӗ:
|
+17.3 °C