|
Персона
 cheb-centr.soc.cap.ru сӑнӳкерчӗкӗ Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта уйрӑм пуҫлӑхӗнче ӗҫлекен Татьяна Ильина паян 60 ҫул тултарнӑ. Татьяна Викентьевӑна социаллӑ сферӑна нуша илсе ҫитернӗ тесен те йӑнӑш мар. 1995 ҫул. Республикӑра, ҫӗршыври пекех, йывӑр лару-тӑру хуҫаланнӑ, шӑпӑрлансем сахал пирки ача пахчисене хупма тапранса кайнӑ. Психолог-педагога вӗренсе тухнӑ хӗрарӑм ӗҫсӗр тӑрса юлнӑ, ҫав вӑхӑтра ӑна ачасен реабилитаци центрне ӗҫе йыхравланӑ. Унта пилӗк ҫул ӗҫлесен вӑл халӑха социаллӑ пулӑшу паракан центра куҫнӑ. Халӗ Татьянга Викентьевна хӑйне урӑх сферӑра курмасть те ӗнтӗ. Унта — унӑн юратнӑ ӗҫ вырӑнӗ, ӗҫтешӗсем, пулӑшу кӗтекен ватӑсем. Хыпар ҫӑлкуҫӗ:
|
|
Пӑтӑрмахсем
 https://forum.na-svyazi.ru сайтра вырнаҫтарнӑ сӑнӳкерчӗк Шӑмӑршӑ районӗн пуҫлӑхӗ Сергей Галкин (ӑна ватӑ ҫынна канашлу вӑхӑтӗнче ҫапнӑ тесе айӑпласшӑн) федераци каналӗсенчен пӗрин журналисчӗсене кӳреннӗ. Вал шухӑшланӑ тӑрӑх, журналистсем ун пӳлӗмне асӑрхаттармасӑр кӗрсе тӑнӑ ҫеҫ мар, ун пирки начар шухӑшлаҫҫӗ. «Федераци каналӗсенчен пӗрин журналисчӗсем паян ман пӳлӗме, шел пулин те, асӑрхаттармасӑр кӗрсе тӑчӗҫ. Вӗсене факт кӑсӑклантармасть пек туйӑнчӗ», — тесе шӑрҫаланӑ ӗнер тӳре-шара Телеграмри хӑйӗн страницинче. Галкин ӗнентернӗ тӑрӑх, вӑл никама та хӗнемен, ҫав пӑтӑрмаха курнисем кун пирки судра каласа парӗҫ. «Ҫыхӑнура» форумра пӗлтернӗ тӑрӑх, кӑҫалхи пуш уйӑхӗн 22-мӗшӗнче иртнӗ канашлура вӑл 70 ҫулти сунарҫӑна малтан хулӗнчен тӗкнӗ, унтан ватӑ ҫине чышкӑпа ыткӑннӑ-мӗн. Хыпар ҫӑлкуҫӗ:
|
|
Пӑтӑрмахсем
 t.me/gibdd121 сӑнӳкерчӗкӗ Ӗнер, юпа уйӑхӗн 31-мӗшӗнче, Шупашкар районӗнчи Атайкасси ялӗ тӗлӗнче ҫул ҫинче инкек пулса иртнӗ. 67 ҫулти хӗрарӑм каҫхи ултӑ сехетре ҫул урлӑ чупса каҫма тӑнӑ. Ҫуран ҫӳрекенсене каҫмалли вырӑнпах каҫнӑ-ха вӑл. Ҫав вӑхӑтра ун ҫине «Тойота Альфард» пырса кӗнӗ. Машина рульне тытса пынӑ 38 ҫулти арҫынна тӗрӗсленӗ те вӑл урах пулни палӑрнӑ. Машина айне пулнӑ ватӑ хӗрарӑм инкек вырӑнӗнчех куҫне ӗмӗрлӗхе хупнӑ. Вӑл Атайкассинче пурӑнаканскер пулнӑ. Хыпар ҫӑлкуҫӗ:
|
|
Персона
 Алексей Рюмин страницинчен тата Ҫамрӑксен театрӗн сайтӗнчен илне сӑнӳкерчӗксемпе уса курнӑ Чӑваш Ен Элтеперӗн юпа уйӑхӗн 30-мӗшӗнчи Хушӑвӗпе килӗшӳллӗн республикӑри икӗ артиста тава тивӗҫлӗ ят пама йышӑннӑ. Чӑваш патшалӑх оперӑпа балет театрӗн балет артистне Алексей Рюмина «хорегорафи ӳнерӗнчи тава тивӗҫлӗ ӗҫсемшӗн тата пултарулӑхра нумай ҫул тӑрӑшнӑшӑн», Чӑваш патшалӑх ҫамрӑксен театрӗн артистне Владимир Свинцова «театр ӳнерӗнчи тава тивӗҫлӗ ӗҫсемшӗн тата нумай ҫул тухӑҫлӑ ӗҫленӗшӗн» «Чӑваш Республикин тава тивӗҫлӗ артисчӗ» ят панӑ. Хыпар ҫӑлкуҫӗ:
|
|
Пӑтӑрмахсем
 forum.zarulem.ws форумар вырнаҫтарнӑ сӑнӳкерчӗк Ӗнер, юпа уйӑхӗн 31-мӗшӗнче, Муркаш районӗнче пулса иртнӗ инкекре 32 ҫулти водитель пурнӑҫӗ татӑлнӑ. Патшалахӑн автоинспекцийӗнче пӗлтернӗ тӑрӑх, «М-7» федераци ҫулӗ ҫинче «Lada Kalina» хирӗҫ килекен ҫул ҫине тухса кайса «Volkswagen Teramont» машинӑпа пырса ҫапӑннӑ. Инкекре «Лада» водителӗ вырӑнтах вилсе кайнӑ. Хыпар ҫӑлкуҫӗ:
|
|
Сывлӑх
 cap.ru сайтри сӑн Ҫӗнӗ Шупашкарти тухтӑрсем арҫыннӑн организмӗнчен 25 сантиметр тӑршшӗ пӑрӑх туртса кӑларнӑ. Ӑна васкавлӑн операци тунӑ. Арҫын хӑй каланӑ тӑрӑх, вӑл хӗрӗнкӗ чухне нӳхрепе ӳкнӗ те пӑрӑх ҫине тӑрӑннӑ. Анчах кун хыҫҫӑн медпулӑшу чӗнмен, пульницӑна кайман. Виҫӗ кунран вара вӑл хӑйне питӗ япӑх туйма пуҫланӑ, васкавлӑ медпулӑшӑва шӑнкӑравланӑ. Хирург операци тунӑ чухне организмӗнчен 25 сантиметр тӑршшӗ пӑрӑх татӑкӗ кӑларнӑ. Тухтӑрсем каланӑ тӑрӑх, арҫын кипкепе ҫуралнӑ. Тимӗр вуник пумӑклӑ пырша кӑна сиенлетнӗ, ытти пӗлтерӗшлӗ органа пырса тивмен. Хыпар ҫӑлкуҫӗ:
|
|
Персона
 mvprint.ru сайтри сӑн Чӑваш эстрада юрӑҫине Алексей Московские «Чӑваш Республикин культурӑн тава тивӗҫлӗ ӗҫченӗ» ята панӑ. Хушӑва ЧР Элтеперӗ Олег Николаев ӗнер алӑ пуснӑ. Алексей Московский 1981 ҫулхи ҫӗртмен 14-мӗшӗнче Елчӗкре ҫуралнӑ. Хӑй каланӑ тӑрӑх, ача чухне вӑл тытӑнчӑклӑн калаҫнӑ, урокра ытлах сӑмах хушман. Хыпар ҫӑлкуҫӗ:
|
|
Ял хуҫалӑхӗ
 «Контактра» халӑх тетелӗнчи сӑн Ксения Викторова Мускавра юристра ӗҫленӗ, халӗ вара Чӑваш Ене таврӑннӑ, Муркашра кайӑк-кӗшӗк усрать. Ксения Викторова – икӗ ача амӑшӗ, шавлӑ хулара пурӑнса йӑлӑхсан тӑван тӑрӑха таврӑннӑ. Чӑваш Енре вӑл хӑйӗн ӗмӗтне пурнӑҫланӑ. Халӗ Ксения кайӑк-кӗшӗк усрать. Ҫулталӑк пуҫламӑшӗнче вӑл соцконтракт алӑ пуснӑ. Патшалӑх панӑ укҫапа ҫамрӑк хӗрарӑм инкубаторсем, кайӑк-кӗшӗк ҫӑмартисем туяннӑ. Халӗ унӑн хуҫалӑхӗнче – ӑратлӑ чӑхсем: бентамкӑсем, брамӑсем, виандотсем. Хыпар ҫӑлкуҫӗ:
|
|
Республикӑра
 today.29ru.net Чӑваш Енре 3 уйӑхра 11 суя укҫа тупса палӑртнӑ. 5 пин тенкӗлли – 5, 1 пин тенкӗлли – 4, 10 тенкӗлли – 2. Сӑмах май, кӑҫал ака-ҫӗртме уйӑхӗсенче 9 суя укҫа тупнӑ: 5 пин тенкӗлли – 7, 1 пин тенкӗлли – 2. Укҫа иккӗлентерсен мӗн тумалла-ха? Ӑна тӗрӗслеттерме пӗр-пӗр коммерци банкне каймалла. Хыпар ҫӑлкуҫӗ:
|
|
Республикӑра
 cap.ru сайтри сӑн 2026 ҫулта Республика кунӗ йӑлана кӗнӗ тӑрӑх Шупашкарта тата пӗр-пӗр округра иртӗ. Ҫитес ҫул уяв мероприятийӗсем Шупашкар округӗнче пулӗҫ. Хушӑва республика Элтеперӗ Олег Николаев алӑ пуснӑ. Ҫывӑх вӑхӑтра Республика кунне мӗнле паллӑ тӑвассине сӳтсе явса программа хатӗрлӗҫ. Сӑмах май, иртнӗ ҫул уяв Шупашкарта тата Етӗрне округӗнче иртнӗ. Хыпар ҫӑлкуҫӗ:
|
-5.7 °C