|
Хулара
 cheb-centr.soc.cap.ru сӑнӳкерчӗкӗ Шупашкарти халӑхӑн социаллӑ ыйтӑвӗсене тивӗҫтерекен комплекслӑ центрти стационар уйрӑмӗнче пурӑнакансен ҫӳҫне кастарма яланах специалистсене чӗнеҫҫӗ. Социаллӑ центр «Аспект» вӗренӳпе меслетлӗх центрӗпе туслӑ ҫыхӑну тытнӑ май унта парикмахера вӗренекенсене йыхравлать. Социаллӑ центр ӗҫченӗ Олеся Рубцова пӗлтернӗ тӑрӑх, стажерсем ватӑсене каять тесе ӗҫлемеҫҫӗ, чунтан тӑрӑшаҫҫӗ. Вӗсен ӗҫне производство вӗрентӗвӗн ӑсти Анастасия Якимчева та тӗрӗслесе тӑрать. «Эпӗ ҫӳҫе карелле кастарма хӑнӑхнӑ. Паян та ҫавӑн пекех касса ячӗҫ. Парикмахерские ҫитсе килме йывӑр. Питӗ пысӑк тав», - тенӗ социаллӑ учрежденире пурӑнакан 88 ҫулти Галина Демьянова. Хыпар ҫӑлкуҫӗ:
|
|
Пӑтӑрмахсем
 cap.ru сайтри сӑн Шупашкарти Хусан ҫыранӗ ҫывӑхӗнче кимӗ ҫаврӑнса ӳкнӗ. Кун пирки ҫӑлав службине утӑ уйӑхӗн 20-мӗшӗнче каҫхине хыпар ҫитнӗ. Кимӗре ҫынсем пулнӑ. Телее, никам та шар курман. Ҫӑлавҫӑсем вырӑна ҫитсе вӗсене шыраса тупнӑ та пулӑшнӑ, ҫынсене катерпа ҫыран хӗррине илсе тухнӑ. Ҫӑлавҫасем кимме те ҫыран хӗррине илсе тухма пулӑшнӑ. Хыпар ҫӑлкуҫӗ:
|
|
Вӗренӳ
 cap.ru сӑнӳкерчӗкӗ Авӑн уйӑхӗн 1-мӗшӗнчен Шупашкарти шкулсенче апатлану хакӗ ӳсет. Хушӑва хула пуҫлӑхӗ Владимир Доброхотов алӑ пуснӑ. 1-4 классем валли ирхи апат 40-рен 49 тенке ҫитӗ, кӑнтӑрлахи – 90-ран 110 тенке. 5-11-мӗш классенче вӗренекенсем ирхи апатшӑн 50 мар, 61 тенкӗ тӳлеме тытӑнӗҫ. Кӑнтӑрлахи апатшӑн 100 тенкӗ вырӑнне 122 тенкӗ кӑларса хума тивӗ. Палӑртмалла: пӗлтӗрхи вӗренӳ ҫулӗпе танлаштарсан, хаксем 49-74 процент ӳснӗ. Хыпар ҫӑлкуҫӗ:
|
|
Сывлӑх
 "Контактри" сӑн Шупашкарти пульницӑра 35 ҫулти арҫынна инсульт хыҫҫӑн каялла йӗркеллӗ пурнӑҫа таврӑнма пулӑшаҫҫӗ. Андрей Шишкинӑн ишеми инсульчӗ пулнӑ. Тухтӑрсенчен вӑхӑтра пулӑшу ыйтнипе вӑл часах реабилитаци тухма тытӑннӑ. Халӗ вӑл мультидисциплинарлӑ бригада сӑнаса тӑнипе комплекслӑ сиплев витӗр тухать: физиосиплев, массаж, сиплев физкультури, медикаментозлӑ терапи. Тухтӑрсем унӑн сывлӑхӗнче лайӑх улшӑнусем пулнине палӑртаҫҫӗ. «Тухтӑрсем патне килнӗшӗн ӳкӗнмерӗм. Кунта мана пулӑшаҫҫӗ, ӑнланаҫҫӗ», – ҫапла палӑртнӑ Андрей. Хыпар ҫӑлкуҫӗ:
|
|
Хулара
 gettyimages.fr сайтри сӑн Шупашкарта пурӑнакан арҫын ултавҫӑсене 3 миллион тенкӗ ытла куҫарса панӑ. Полицие вӑл мар, унӑн тӑванӗсем шӑнкӑравласа пулӑшу ыйтнӑ. 50 ҫулти арҫын патне ҫӗртме уйӑхӗнчех пӗр хӗр шӑнкӑравланӑ. Укҫа ӗҫлесе илмелли мел пур тесе сӗннӗ. Арҫын килӗшнӗ те телефонне лешӗ каланӑ сарӑма вырнаҫтарнӑ. Укҫа ӗҫлесе илес тесе 3 миллион та 150 пин тенкӗ инвестици хывнӑ. Ку укҫана вӑл банкран кредит илнӗ. Анчах арҫын кайран укҫана тавӑрас тенӗ — май килмен, счета блокировка тунӑ. Хыпар ҫӑлкуҫӗ:
|
|
Хулара
 tribunapracy.by сайтри сӑн Шупашкарти арҫын ача онлайн-вӑйӑ вылянӑ чухне амӑшӗн картти ҫинчи укҫана куҫарса панӑ. Сахал мар – 230 пин тенкӗ. Амӑшӗ дебет тата кредит карттисем ҫинче укҫа ҫуккине асӑрханӑ та мӗн пулнине тӗпчеме тытӑннӑ. 3-мӗш класри ывӑлӗ вӑйӑ вылянӑ чухне виртуаллӑ валюта туянма тӑнӑ иккен. Палламан ҫын унпа мессенджер урлӑ ҫыхӑннӑ. Арҫын ача вал каланине итлесе ӑна 230 пин тенкӗ куҫарса панӑ. Ача вара вӑйӑ бонусӗсемсӗрех тӑрса юлнӑ. Ачан амӑшӗ полицие кайса пулӑшу ыйтнӑ. Хыпар ҫӑлкуҫӗ:
|
|
Спорт
 «Контактри» сӑн Чӑваш Енри спортсменка Дина Александрова Мускавра иртнӗ «Пысӑк чупу фестивалӗнче» ҫӗнтернӗ. Вӑл 15 ҫухрӑма 50 минут та 57 ҫеккунтра парӑнтарса финиша пӗрремӗш ҫитнӗ. Дина — вӑтам тата вӑрӑм дистанцисене чупакан спортсменка. Вӑл кросс енӗпе Раҫҫей чемпионкин, Раҫҫей спорт мастерӗн ятне ҫӗнсе илнӗ. Дина кӑҫалхи ака уйӑхӗнче Швейцарири Цюрих хулинче иртнӗ марафонра та ҫӗнтернӗ. Палӑртма кӑмӑллӑ: «Пысӑк чупу фестивалӗнче» ҫӗнтернӗшӗн ӑна «Москвич» машина парнеленӗ. Хыпар ҫӑлкуҫӗ:
|
|
Пӑтӑрмахсем
 vk.com/mintrud_21 сӑнӳкерчӗкӗ Йӗпреҫ районӗнчи Хурамал ялӗнче пурӑнакан Николай Кузнецов патшалӑх укҫипе вӗлле хурчӗ ӗрчетет. Вӑл 2025 ҫул пуҫламӗшӗнче Социаллӑ пулӑшу паракан центр ҫумӗнчи ведомствӑсем хушшинчи комиссие социаллӑ контракт илме ыйтса заявка тӑратнӑ. Лайӑх смета хатӗрленӗскере комисси патшалӑх укҫине уйӑрса пама йышӑннӑ. «Аякри ялсенче пурӑнакансене социаллӑ контракт пурнӑса лайӑхлатма пулӑшать. Эпир вӗлле хурчӗсен ҫемйи шутне ӳстертӗмӗр, ҫӗнӗ вӗллесем тата кирле инвентарь туянттӑмӑр», — тенӗ Николай Васильевич. Хыпар ҫӑлкуҫӗ:
|
|
Культура
 Культурӑпа ӳнер институчӗн сӑнӳкерчӗкӗ Ӗнер Чӑваш Ене Атӑлҫи тӑрӑхӗнчи культурологсем килсе ҫитнӗ. Кун пирки Чӑваш Енӗн Культурӑпа ӳнер институчӗ халӑх тетелӗнчи старницӑра хыпарланӑ. Экспедиципе ҫула тухнӑ культурологсем Шупашкарпа тата маларах эпир асӑнса хӑварнӑ аслӑ шкулпа паллашнӑ. Хӑнасене халӑх художество пултарулӑхӗн кафедри уйрӑмах кӑсӑклантарнӑ. Хӑнасем института этнос енчен капӑрлатнине хакланӑ, Креативлӑ индустри шкулне пахаланӑ. Вӗсем наци сӑн-сӑпатне ӳнерпе дизайнри хальхи вӑхӑтри ҫӗнӗлӗхсене тӗпе хурса усӑ курма пӗлнине ырланӑ. Хыпар ҫӑлкуҫӗ:
|
|
Чӑвашлӑх
 culture.cap.ru/press_center сӑнӳкерчӗкӗ «Трактор тӑвакансен культура керменӗ» республикӑри халӑх пултарулӑх ҫурчӗ федераци укҫине 1 миллион тенкӗ выляса илнӗ. Гранта «Знаки рода: платки-обереги» (чӑв. Йӑх-несӗл палли: тутӑр-хӳтлӗхҫӗ) проекта пурнӑҫа кӗртме тӑкаклӗҫ. Ҫавна май салтак тутрине тӗрлеме вӗрентекен ӑсталӑх сехечӗсем йӗркелӗҫ. Проект авторӗсем шухӑшланӑ тӑрӑх, тӗрлеме пӗлекен ӑстасем пур чухне ҫавна вӗренсе юлмалла. Ӑсталӑх сехечӗсене 25 ҫула ҫитичченхи ҫамрӑксене явӑҫтарӗҫ. Проекта пурнӑҫланӑ вӑхӑтра вӗрентмелли видеороликсем, ҫутӗҫ фильмӗсем те хатӗрлӗҫ. Кайран салтак тутрисен куравне йӗркелӗҫ. Хыпар ҫӑлкуҫӗ:
|
+17.3 °C