Ҫӗрпӳ районӗнчи прокуратура ялсенче плотинӑсене епле тытса тӑнине тӗрӗсленӗ.

Пакунлисем палӑртнӑ тӑрӑх, Мӑнҫут, Сунтал, Ҫатра Вӑрманкас, Пайкилт ялӗсенчи ҫак сооруженисене тивӗҫлипе тытса тӑманнине тупса палӑртнӑ. Вырӑнти хӑйтытӑмлӑх органӗсем ку ӗҫ ҫине ал сулнӑ тейӗн, плотинӑсемпе хӑрушсӑр усӑ курассипе яваплисене те палӑртман.

Плотинӑсен тӑпри япӑхса кайнӑ, тӑпрана тӗрлӗ чӗрчун чавса пӗтернӗ. Плотина ҫинче йывӑҫ-тӗм ӳснӗ. Шыв шахтисене йӑлари ҫӳп-ҫапран тасатман.

21.мвд.рфсайтри видеоран илнӗ сӑнӳкерчӗк

Паян, ҫӗртме уйӑхӗн 27-мӗшӗнче, ирхи 7 сехет те 30 минутра Шупашкарти Мускав проспектӗнче инкек пулса иртнӗ.

Ҫӗнӗ Шупашкарти 37 ҫулти хӗрарӑм-водитель сулахаялла пӑрӑннӑ чухне тепӗр транспорта ҫул паман. Ҫапла вара хӗрарӑмӑн «Фольксваген Поло» автомобилӗ «Хонда» мотоциклпа ҫапӑннӑ.

Вӑрнар тӑрӑхӗнчи 25 ҫулти водителӗн «А» категориллӗ водитель прави пулман. Анчах ҫакӑ ун ҫине пырса кӗмеллине пӗлтермест-ха.

Шар курнӑ мотоциклиста тухтар пулӑшӑвӗ кирлӗ пулса тухнӑ.

Шупашкарта пурӑнакан 76 ҫулти кинемее килте нумай укҫа упрама юрамасть тесе хӑратнӑ. Пӑтармах вара ҫапларах пуҫланнӑ.

Ун патне палламан арҫын шӑнкӑравласа стационар телефонӗпе усӑ курнишен схаалтарах укса тӳлеттерӗпӗр тесе суйса савӑнтарнӑ. Ҫав сын унран СНИЛ номерне ыйтнӑ. Карчӑк каланӑ. Кӑштахран ун патне Федерацин хӑрушсӑрлӑх службин ӗҫченӗ текен ҫын шӑнкӑравланӑ. Вал ӑна унччен ултавҫӑпа калаҫни, вӑл карчӑкӑн укҫине вӑрлама пултарать тесе пӗлтернӗ. Ан вӑрлатӑр тесен банкри укҫана илмелле тесе каланӑ.

Ватӑ ҫын 10 ҫул пухса пынӑ 470 пин тенке кайса илнӗ. Кӑштахран ӑна килте 100 пин тенкӗрен ытла упрама юрамасть, укҫана Мускаври е Хусанти учреждение ҫитсе декларацилемелле тесе ӗнентернӗ. Карчӑк унта ҫити кайса ҫӳреме йывӑр тесе курьер урлӑ парса яма килӗшнӗ. Лешӗ ӑна талӑкран укҫана тавӑрса пама шантарнӑ.

freepik.com сайтри сӑн

Чӑваш Енре нумай функциллӗ центрсенчи терминалсемпе сайтсенче чӑвашла калаҫакан ИИ-пулӑшуҫӑ хута ярасшӑн. Ку ӗҫе икӗ ҫулта тума палӑртнӑ.

Ку сервис ҫынсене онлайн-режимра консультаци пама пултарӗ. Вӑл ҫынсенчен килнӗ ыйтусене хӑйех тӗрӗслӗ. Ку вӑхӑта перекетлеме май парӗ.

Кунсӑр пуҫне искусствӑлла технологисемпе центрӑн пӗрлехи колл-центрӗнче калаҫӑва чӑвашла куҫарнӑ ҫӗрте те усӑ курӗҫ.

www.cap.ru/ сӑнӳкерчӗкӗ

Чӑваш Енри санаторисемпе тата курортсемпе паллашма аякри регионсенчи хӑнасем килӗс. Инҫе ҫула ҫывӑхлатса пирӗн патӑмӑра Иркутск, Тӗмен, Курган облаҫӗсенчен, Ханты-Манси автономи округӗнчен тата Ямалтан килсе ҫитӗҫ. Хӑнасем пирӗн патра ҫу уйӑхӗн 1-2-мӗшӗсенче пулӗҫ.

Делегатсем - асӑннӑ регионсенчи пысӑк производствӑсенче ӗҫлекенсем тата профсоюз хастарӗсем.

Икӗ кун хушшинче вӗсем Чаваш Енри санаторисемпе паллашӗҫ, номерсене кӗрсе курӗс, медицина бази тата сывлӑх программисем пирки пӗлӗҫ.

forum.na-svyazi.ru сайтран илне сӑнӳкерчӗк

Тӑвай округӗнчи Енӗш Нӑрваш шкулӗнчи пӑтӑрмах пирки Чӑваш халах сайчӗ унччен пӗлтернӗччӗ-ха. Аса илтерер: унти юлашки шӑнкӑрав вӑхӑтӗнче 10-мӗш класра вӗренекен пӗр хӗрача тухса калаҫнӑ чухне ӑна директор тата хӑш-пӗр учитель кӳрентернине пӗлтернӗ. Видеона тӗнче тетелне вырнаҫтарнӑ хыҫҫӑн шкулта прокуратура тӗрӗслев пуҫарнӑ.

Чӑваш Ен Патшалӑх Канашӗн депутачӗ Александр Андреев пӑтӑрмах хыҫҫӑн республикӑн Вӗренӳ министерствине ҫыру ҫырнӑ. Унтисем ӑна хуравланӑ тӑрӑх, шкул директорӗ Раиса Иллариронова ӗҫрен пӑрахма ыйтса заявлени ҫырнӑ иккен, ҫӗртме уйӑхӗн 3-мӗшӗнчен вӑл директор пуканне пушатнӑ.

10-мӗш класс хӗрачипе тата унпа пӗр класра вӗренекенсемпе калаҫу ирттернӗ-мӗн. Шкулта вӗренме ачасене хӑтлӑ пултӑр тесе ҫӗнӗ вӗренӳ ҫулӗнче те тӗрлӗ ӗҫ туса ирттересшӗн-мӗн.

medicin.cap.ru сӑнӳкерчӗкӗ

Вӑрнар тарӑхӗнчи пӗр ялта пурӑнакан 54-ри арҫынна пӗр кунхине япах пулса кайнӑ. Унӑн сылтам аллипе ури итлесшӗн пулман, чӗлхи ҫыхланма тытӑннӑ, пуҫӗ кӑштах ыратнӑ. Кил хушшинче ӗҫлекенскер мӗнпур вӑйне пухса килне кӗнӗ те тӑванне васкавлӑ пулӑшу чӗнме ыйтнӑ. Арҫыннӑн ун пекки темиҫе ҫул каялла пулнӑ иккен.

Вӑрнартан килсе ҫитнӗ васкавлӑ пулӑшу тухтӑрӗсем ӑна Ҫӗмӗрлери медицина центрне илсе ҫитернӗ, унти тухтӑр Шупашкара ӑсатма йышӑннӑ. Ҫавӑн валли вертолёт чӗнсе илнӗ. Инсульт пулнӑ арҫынна Республикӑри клиника пульницин тухтӑрӗсем пулӑшнӑ.

Синоптиксем пӗлтернӗ тӑрӑх, канмалли кунсенче ҫумӑр кӑштах тӑхтав туса илӗ.

Паян ҫумӑр ҫукалӗ, кӑнтӑрла хыҫҫӑн ҫил те вӑйланӗ. Шӑматкун та ҫил лӑпланмӗ, пӗлӗтлӗ пулӗ. Каҫхине ҫил лӑпланӗ, ҫӗрле 7-12 градус ӑшӑ пулӗ. Вырсарникун кӑнтӑрла 18-23 градус ӑшӑ тӑрӗ.

Тунтикунран вара ҫумӑр пуҫланӗ. Атмосфера пусӑме 730 мм таран анӗ, кун пекки ҫӗртме уйӑхӗнче 20 ҫул пулман. Ҫавна май эрне варриччен ҫумӑр ҫӑвӗ. Кӑнтӑрла 15-20 градус ӑшӑ пулӗ, ҫил вӑйланӗ.

Кӗҫнерникун тата эрнекун хӗвел тухма тытӑнӗ. Ҫумӑр утӑ уйӑхӗн пуҫламӑшӗнче ҫума чарӑнӗ, 21-23 градус ӑшӑ пулӗ.

Малтанлӑха пӗлтернӗ тӑрӑх, 25-30 градус ӑшӑ утӑ уйӑхӗн пӗрремӗш декади вӗҫнелле пулӗ.

о: Kia сӑнӳкерчӗке

Шупашкар районӗнчи Ҫӗнӗ Тутаркассинче 32 ҫулти хӗрарӑм хӑйӗн тусӗн машинине чӗрсе пӗтернӗ.

Пӑтӑрмах пӗлтӗрхи кӑрлач уйӑхӗнче пулса иртнӗ. Ҫав кунхине 32 ҫулти хӗрарӑм ӳсӗр пулнӑ. Хӑйӗн хӗр тусӗ пулнӑ хӗрарӑмӑн «Kia Seltos» машинине вӑл посёлокри пӗр урамра асӑрханӑ.

Унччен икӗ хӗрарӑм хушшинче тавлашу сиксе тухнӑ. Вӗсем пӗр арҫынна пайлайман. Кӗвӗҫӗве пула икӗ тус хушшинчен хура кушак каҫса кайнӑ.

Машинӑна курсан хӗрарӑм ал айне лекне япалапа чӗрсе пӗтернӗ. Шӑмӑрлӑх 68 пин тенкӗпе танлашнӑ.

Халӗ ку ӗс тӗлӗшпе суд пулнӑ. Тусне сӑтӑр тунӑ хӗрарӑмӑн тӑкака укҫан саплаштарма тивӗ.

Паян, ҫӗртме уйӑхӗн 27-мӗшӗнче, 15 сехетре Чӑваш Енӗн Наци вулавӑшӗнче «ВӐХӐТ. КИНО. ПУРӐНӐҪ» тематика каҫне йыхравлаҫҫӗ.

Вулавӑш ӗҫчене Антонина Андреева халӑх тетелӗнче пӗлтернӗ тӑрӑх, Чӑваш автономи облаҫне йӗркелесе яраканӗсенчен пӗрин, Ҫеҫпӗл Мишши, пурнӑҫӗ ҫинчен ӳкернӗ «Ҫеҫпӗл» илемлӗ фильм ӳкернӗренпе 55 ҫул пулать.

Тематика каҫне пяан ирттерме палӑртни ахальтен мар. Паян — Ҫеҫпӗл рольне калӑпланӑ Иосиф Дмитриев-Трер ҫуралнӑ кун.