21.мвд.рф сайтри видеоран илнӗ сӑнӳкерчӗк

Шупашкарти таксист кинемее ултавҫӑсенчен ҫӑлса хӑварнӑ.

Утӑ уйӑхӗн пуҫламӑшӗнче унӑн Шупашкартан Хусана япаласем илсе кайса пама заказ тупӑннӑ. Клиент каланӑ тӑрӑх, вӑл командировкӑна кайна, анчах кирлӗ хӑш-пӗр Шупашкарта асламӑшӗ патӗнче тӑрса юлнӑ.

Таксист япала патне пырса ҫитсен кинемей илсе тухнӑ япаларан тӗлӗнсех кайна. Вата ҫын керен рюкзак тата минтер парса янӑ.

Водителе ҫакӑ сисчӗвлентернӗ, Хусана вӗҫтерес вырӑнне вӑл полицие васканӑ. Йӗрке хуралҫисем япаласене пӑхма пуҫланӑ та минтерте 2,2 миллион тенкӗ укҫа тупнӑ.

Кинемей патне маларах ултавҫӑсем шӑнкӑравланӑ иккен, ӑна вӗсем укҫана Хусана илсе кайса декларацилемелле, тепӗр талӑкран укҫана тавӑрса парасси пирки ӗнентернӗ.

Хусанта заказа 15 тата 16 ҫулти икӗ яш илсе юлмалла пулнӑ.

«Контактри» сӑн

Ҫӗмӗрлери комплекслӑ центр «Мобильлӗ вулавӑш» проекта пурнӑҫлама тытӑннӑ. Ӑна аслӑ ӳсӗмри вулакансене пулӑшас тӗллевпе йӗркелеҫҫӗ.

Проектпа килӗшӳллӗн, кӗнекесене ватӑ ҫынсене килех пырса каяҫҫӗ. Килтен тухса ҫӳрейменнисем патне те кӗнекесем йӑтса пыраҫҫӗ. Паллах, вӗсем куншӑн савӑнаҫҫӗ.

Татьяна Егоровна та ав хӗпӗртет. Вӑл кӗнеке тата тӗн литературине вулама юратать. Халӗ ӑна кӗнекесене килех пырса параҫҫӗ.

Инкеклӗ лару-тӑру министерстви тунӑ сӑн

Ҫӗнӗ Шупашкарта путакан икӗ ҫынна ҫӑлнӑ. Пӗр арҫын Атӑл урлӑ ишсе каҫма шухӑшланӑ. Анчах вӑл юраман вырӑна кӗрсе кайнӑ та путма тытӑннӑ. Телее, иртсе пыракан ҫынсем ӑна асӑрханӑ та часрах ҫӑлавҫӑсене чӗннӗ. Вӗсем ӑна пулӑшнӑ.

39 ҫулти хӗрарӑм вара шыва кӗме юраман ҫӗрте чӑмпӑлтатнӑ. Ӑнсӑртран путма пуҫланӑ, юрать-ха, ӑна Андрей Александров матрос-ҫӑлавҫӑ пулӑшнӑ. Вӑл ӑна шывран туртса кӑларнӑ та ӗҫтешӗ Михаил Даудов кимӗпе киличчен тытса тӑнӑ. Кайран тӑнне ҫухатнӑ хӗрарӑма тухтӑрсем патне илсе кайнӑ.

pravdapfo.ru сӑнӳкерчӗкӗ

Шупашкарти «Спартак» стадиона укса тӳлесе кӗмелле. Чупма юратакансем унччен тӳлевсӗрех кӗнӗ, чун каниччен чупма пултарнӑ. Халӗ вара 1 сехетшӗн 130 тенкӗ тӳлемелле.

Ҫӗнӗ йӗрке ута уйӑхӗн 7-мӗшӗнчен вӑя кӗнӗ. Стадиона чупма пырас тесен малтан регистрациленмелле тата укҫа тӳлемелле иккен.

Чӑваш Ен прокуратури стадион укҫа тӳлеттерме йышӑнни саккунпа килӗшӳллӗн пулса пынипе пыманнине тӗрӗслеме йышӑннӑ.

"Контактри" сӑн

Утӑ уйӑхенче«Хавал» ҫуллахи университет ӗҫлессине пӗлтернӗччӗ. Аса илтерер: вӑл утӑн 16-22-мӗшӗсенче Шупашкар округӗнчи санаторире иртӗ.

Кӑҫал унта тӗрлӗ факультетра пӗлӗве тарӑнлатма май пулӗ. Сӑмахран, куҫару, меслетлӗх, ИТ, театр, юрӑ-кӗвӗ, ӳнер факультечӗсем ӗҫлӗҫ. Экспертсем вара тӗрлӗ лекци вулӗҫ. Вӗсенчен пӗри Чӑваш наци радиовӗн ӗҫченӗ Элтияр Александров пулӗ. Вӑл чӑваш мифӗсем тата фолькор пирки каласа кӑтартӗ.

Кӑҫал университета тӗрлӗ халӑх ҫамрӑкӗсем килӗҫ, тӑван чӗлхипе паллаштарӗҫ.

21 ҫулти каччӑ пӗр каҫхине килне хӗр чӗнсе илес тенӗ. Пӗлтерӗве вӑл тӗнче тетелӗнчӗ асӑрханӑ.

Качча пӗлтерӳре кӑтартнӑ номерпе шӑнкаравланӑ. Телефона тытнӑ хӗр «пулӑшушӑн малтанах укҫа тӳлесе хумаллине пӗлтернӗ. Каччӑ вӗсен сайтӗнче пӗрремӗш хутн пулнине кура унӑн страховка та тӳлемелле тесе ӗнентернӗ.

Качча пӗтӗмпе 40 пин тенкӗ ытла куҫарса панӑ. Кӑштахрах унран тата укҫа ыйтнӑ. Тем шанчӑклах мар пек туйӑннӑран каччӑ хӗре чӗнсе илес мар тенӗ. Анчах ун пек каласан унран тата укҫа тапӑнма, ҫывӑх ҫыннисене тавӑрассипе хӑратма тапранса кайнӑ. Хӑраса ӳкнӗ каччӑ 200 пин тенкӗ ытла куҫарса панӑ.

Шупашкарта пурӑнакан 57-ри хӗрарӑм саккуна пӑсса укҫа тӑвас тенӗ. Мессенджерсенчен пӗринче вӑл хӑйӗн хваттерӗнче пропискӑна тӑратма килӗшни пирки хыпарланӑ. Унччен те, кайран-малтан та курман-илтмен ҫынсене: виҫӗ хӗре тата виҫӗ ҫамрӑк арҫынна -- Шупашкарти Чернышевский урамӗнчи хваттерне пропискӑна тӑратнӑ.

Вӗсем ӑна хӑйсен паспорчӗсен сӑнӳкерчӗкӗсене ярса панӑ, херарӑм патшалах пулӑшӑвесен порталӗ урлӑ пропискӑна тӑратнӑ. Ҫакӑн пеек туса панишӗн Раҫҫей хӑнисем укҫа тӳленӗ.

Халӗ хӗрарӑм тӗлӗшпе пуҫиле ӗс пуҫарнӑ.

Данный факт был выявлен сотрудниками Центра по противодействию экстремизму МВД по Чувашской Республике совместно с участковыми уполномоченными полиции УМВД России по городу Чебоксары. На время дознания по статье 322.3 Уголовного кодекса Российской Федерации «Фиктивная постановка на учет иностранного гражданина по месту пребывания в Российской Федерации» фигурантке избрана мера процессуального принуждения в виде обязательства о явке. Проверяется ее причастность к совершению аналогичных фактов.

Синоптиксем пӗлтернӗ тӑрӑх, ку эрнери ҫанталӑк климатпа килӗшӳллӗн пулӗ.

Кӑнтӑрласерен – 22-27, ҫӗрелсерен 12-17 градус ӑшӑ тӑрӗ. Ҫумӑр вырӑнӑн-вырӑнӑн кӑна ҫӑвӗ. Эрне тӑршшӗпех атмосфера пусӑмӗ кӑштах пӗчӗкрех пулӗ.

Эрне вӗҫӗнче вара, утӑ уйӑхӗн 18-20-мӗшӗсенче, ҫумӑр ҫума пултарать. Малтанлӑха пӗлтернӗ тӑрах, шӑрӑх ҫанталӑк уйӑх вӗҫӗнче таврӑнӗ.

cap.ru сайтри сӑн

ЧР Сывлӑх сыхлавӗн министерствине ҫӗнӗ ҫын ертсе пырӗ. Министр должноҫне Лариса Тарасовӑна ҫирӗплетнӗ. Вӑл ку тытӑмра 38 ҫул вӑй хурать, вӗсенчен 27-шне – ертӳҫӗ должноҫӗнче.

Лариса Владимировна Хусанта ҫуралнӑ, И.Н.Ульянов ячӗллӗ ЧПУра вӗреннӗ. 2021 ҫулхи пуш уйӑхӗнчен пуҫласа ку таранччен Республикӑри клиника пульницинче гастроэнтерологи уйрӑмӗн заведующийӗ, ЧР Сывлӑх сыхлавӗн тӗп терапевчӗ тата гастроэнтерологӗ пулнӑ, ЧПУн факультет тата госпиталь терапин кафедрине ертсе пынӑ.

Аса илтерер: унчченхи министра Владимир Степанова портфельсӗр вице-премьера лартнӑ. Министр пуканӗ 2 уйӑх пушӑ пулнӑ.

forum.na-svyazi.ru сайтри сӑнӳкерчӗк

Пӗрремӗш каналпа кӑтартакан «Непутёвые заметки с Дмитрием Крыловым» телекӑларӑмра хальхинче Чӑваш Енпе паллаштарнӑ. Каларкама ӳкерекенсем Етӗрне, Канаш тӑрӑхӗсенче, Сӗнтӗвӑрринче, «Ясна» этнокомплексра тата ытти хӑш-пӗр вырӑнта пулнӑ.

Кӑларӑма тимлӗ итленисем хӑш-пӗр факт йӑнӑшӗсене асӑрханӑ-ха. Ҫак йӗркесен авторӗ, сӑмах май каласан, туй хыҫҫӑн тӑватӑ кунта ҫӗнӗ мӑшӑр валли чӑвашсем нимелле пӳрт лартса параҫҫӗ тенине илте юлчӗӗ. Хальхи вӑхӑтра ниме, шел пулин те, манӑҫа тухса пырать.

Апла-и, капла-и, федераци телеканалӗпе республикӑмӑр тата чӑваш йӑли-йӗрки ҫинчен каласа кӑтартни паха.