|
Пӑтӑрмахсем
 smotrim.ru сайтри сӑн Ҫӗнӗ Шупашкарта ача хӑна ҫуртӗнчи чӳречерен ӳкнӗ. Ҫакна ҫынсем курса «Про Город» хаҫата пӗлтернӗ. Информацие ШӖМ те ҫирӗплетнӗ. Ку пӑтӑрмах ӗнер, утӑ уйӑхӗн 12-мӗшӗнче, пулса иртнӗ. Ача виҫҫӗмӗш хутран ӳкнӗ. Телее, чӗрех. Ӑна васкавлӑ медпулӑшупа пульницӑна илсе кайнӑ. Ҫакӑ паллӑ: ҫак ача Мускавран командӑпа Ҫӗнӗ Шупашкара ӑмӑртӑва килнӗ. Хыпар ҫӑлкуҫӗ:
|
|
Ҫул-йӗр
 t.me/pro_cheby сӑнӳкерчӗкӗ Чӑваш Енри ҫулсем ҫине камерӑсем татах та вырнаҫтарнӑ. Вӗсем ҫул-йӗр правилисене пӑсакансене тупса палӑртма май параҫҫӗ. Камерӑсем пуртан водительсем йӗркене пӑхӑнма тӑрӑшаҫҫӗ. Нумаях пумасть ҫӗнӗрен 7 ҫӗрте камерӑсем вырнаҫтарса тухнӑ. Вӗсем ҫак вырӑнсенче: Элӗк районӗнчи «Тури Хурасан» чарӑну патӗнче; М-7 ҫул ҫинче — Лапсар тӗлӗнче, Ҫӗрпӳ районӗнчи «Хӗрлӗту» чарӑнура, Куславкка районӗнче харӑсах икӗ комплекс: Энтри Пасар тата Ҫӑкалӑх тӗлӗнче; «Сӑр» ҫул ҫинче — Етӗрне районӗнчи «Уйкас Асламас» тата «Автанҫырми» чарӑнусенче. Хыпар ҫӑлкуҫӗ:
|
|
Республикӑра
 noav.ru сайтри сӑн Чӑваш Енре васкавлӑ медпулӑшу водителӗсене уйӑхсерен хушса тӳлеме тытӑнӗҫ. Ҫӗнӗ пулӑшӑва кӑҫалхи кӑрлач уйӑхӗн 1-мӗшӗнчен пама йышӑннӑ. Водительсене уйӑхсерен 4,5 пин тенкӗ хушса тӳлӗҫ. Аса илтерер: кӑҫал пуш уйӑхӗн вӗҫӗнче Шупашкарти васкавлӑ медпулӑшу водителӗсем видео ӳкерсе тӗнче тетелне вырнаҫтарнӑ. Вӗсем пӗчӗк шалу пулсан машина валли запчаҫсене, ытти материала, хӳтӗлев формисене хӑйсем туяннине каланӑ. Кун хыҫҫӑн вӗсене преми пама пӑрахнӑ-мӗн. РФ Следстви комитечӗн пуҫлӑхӗ Александр Бастрыкин ку тӗслӗх тӗлӗшпе тӗрӗслев ирттерме хушнӑ. Темиҫе эрнерен ЧР сывлӑх сыхлавӗн министрӗ Владимир Степанов коллетивпа тӗл пулнӑ. Унта вӑл водительсене тӳлевсем пирки йышӑну тӑвассине кӗтме, служба ҫырӑвӗсем ҫырма хушнӑ. Хыпар ҫӑлкуҫӗ:
|
|
Республикӑра
 cap.ru сайтри сӑн Шӑмӑршӑ районӗнче «Исток» агрофирмӑн сунар вырӑнӗнче тытнӑ хир сыснин Африка мурӗ пулнине палӑртнӑ. Тытнӑ хир сыснине Чӑваш Республикин ветлабораторине тӗрӗслеме ӑсатнӑ. Унӑн Африка мурӗ пулни чӑнах та ҫирӗпленӗ. Ҫавна май Патшалӑх ветеринари служби ҫав вырӑнта карантин йышӑнма хушу проектне хатӗрленӗ. Ӑна йышӑнсан блок-постсем вырнаҫтарӗҫ. Хальхи вӑхӑтра Африка мурне тупнӑ вырӑнта ятарлӑ отряд ӗҫлет. Хыпар ҫӑлкуҫӗ:
|
|
Республикӑра
 mincult12.ru сайтри сӑн Муркаш районӗнчи Амоксар утравӗнче, Атӑл варринче, Мари Элти археологсем шырав ирттернӗ те 11-мӗш ӗмӗрти вилтӑприсене тупнӑ. Ку ӗҫе Мари археологи экспедицийӗ тата нимеҫӗсем пурнӑҫланӑ. Вӗсем вилтӑприсенче алка-эреш, хӗҫ-пӑшал, ӗҫ хатӗрӗ, антропологи материалӗсем тупнӑ. Археологсем палӑртнӑ тӑрӑх, инвентаре тата виле пытарнин йӑли-йӗркине пӑхсан вилтӑприсем марисенни пек. Ҫапах урӑхлараххисем те пур. Аса илтерер: утӑ уйӑхӗн 8-мӗшӗнче кӑнтӑрла Амоксар утравӗ ҫинче пушар тухни курӑннӑ. Хыпар ҫӑлкуҫӗ:
|
|
Вӗренӳ
 "Ҫыхӑнура" форумри сӑн Шупашкарти 4-мӗш гимнази валли директор пӗлтӗрхи авӑн уйӑхӗнченпех шыраҫҫӗ. Унтанпа Шупашкар хула администрацийӗн вӗренӳ управленийӗ виҫӗ конкурс ирттернӗ. Анчах виҫҫӗшӗ те пулса ҫитеймен. Мӗншӗн тесен 2 заявкӑран сахалрах килнӗ. Палӑртмалла: гимназире юлашкинчен директорта ӗҫленӗ Андрей Михайлов пӗлтӗрхи авӑн уйӑхӗнче отставкӑна кайнӑ. Хальхи вӑхӑтра директор тивӗҫӗсене Фея Захарова пурнӑҫлать. Хыпар ҫӑлкуҫӗ:
|
|
Персона
 vk.kugesionline пабликран илнӗ сӑнӳкерчӗк И.Н. Ульянов ячӗллӗ Чӑваш патшалӑх университечӗн преподавателӗ, профессор, техника наукисен докторӗ, Геннадий Свинцов пурнӑҫран уйрӑлса кайнӑ. Геннадий Петрович 75 ҫулта пулнӑ. Вӑл Шупашкар районӗнчи Кӳкеҫре ҫуралнӑ. Эпир маларах асӑннӑ аслӑ шкулта Кӳкеҫ ҫынни 1972 ҫултанпа ӗҫленӗ. 1980 ҫулта техника наукисен кандидачӗ ята хӳтӗленӗ, унтан ӑна преподаватель пулма шаннӑ. Малтан ассистентра тӑрӑшнӑ, тепӗр виҫӗ ҫултан кафедра доцентӗнче ӗҫлеме пуҫланӑ. Геннадий Свинцов ӗҫленӗ те, хӑйӗн пӗлӗвне те пӗрмай тарӑнлатса-анлӑлатса пынӑ. Вӑл тӗрлӗ наградӑна тивӗҫнӗ. Хыпар ҫӑлкуҫӗ:
|
|
Сывлӑх
 t.me/ntrk21nactv видеовӗнчен илнӗ сӑнӳкерчӗк Чӑваш Енре чирлӗ ҫынсене вертолётпа та больницӑсене илсе ҫитерни пирки эпир пӗлтернӗччӗ-ха. Санитари авиацийӗ валли ятарлӑ лапамсем кирлӗ. Ҫулталӑк вӗҫлениччен ун пеккисене Патӑрьелте тата Етӗрнере тумалла. Ҫын пурнӑҫне ҫӑлса хӑварассинче тепӗр чухне кашни ҫеккунт хаклӑ. Тухтӑрсем патне вӑхӑтра илсе ҫитерме хӑш чухне вертолётсем пулӑшаҫҫӗ. Ун пек тӗслӗхсенчен пӗри пирки Софья Савнеш ӗнер пӗлтернӗччӗ. Аса илтерер: Хӗрлӗ Чутай районӗнчи 70 ҫулти арҫынӑн кӑкӑрӗ тӗлӗнче ыратма пуҫласан ӑна васкавлӑ медпулӑшупа Ҫӗмӗрлери медицина центрне илсе кайнӑ. Унти тухтӑрсем тӗрӗсленӗ хыҫҫӑн пациентӑн миокард инфаркчӗ пулни палӑрнӑ. Кун хыҫҫӑн ватӑ ҫынна Республикӑн клиника пульницине коронографи операцийӗ тума вертолётпа ӑсатнӑ. Хыпар ҫӑлкуҫӗ:
|
|
Сывлӑх
 cheb-centr.soc.cap.ru сӑнӳкерчӗкӗ Шупашкар хулинчи ӳрӗк ватӑсен ватӑсен ватӑлма та вӑхӑт ҫук. Вӗсенчен хӑшӗсем Шупашкар хулинчи халӑхӑн соцаллӑ ыйтӑвӗсене тивӗҫтерекен центрӗнчи Ӑс-тӑн арпашасран пулӑшакан центра (вырӑсла ӑна Центр профилактики когнитивных расстройств теҫҫӗ) ҫӳреҫҫӗ. 76 ҫулти Эльвира Зеленцова (сӑнӳкерчӗкре — сытӑм енче, кӗрен футболкӑпа) центра пӗр вӑхӑт ҫӳренӗ, кайран пӑрахнӑ, халӗ вӑл каллех кунта кӑмӑлтан ҫӳрет. Кинемей каланӑ тӑрӑх, ватӑсене психолог занятийӗсем уйрӑмах килӗшеҫҫӗ. Вӗсем кашни тӗлпулӑва кӑсӑклӑ йӗркелеме тӑрӑшаҫҫӗ, занятисен формачӗ те тӗрлӗрен. Хыпар ҫӑлкуҫӗ:
|
|
Раҫҫейре
 rosdrevo.ru сӑнӳкерчӗкӗ Муркаш районӗнчи Ильинкӑри ватӑ юманшӑн сасӑлама Чӑваш халӑх сайчӗ унччен чӗнсе каланӑччӗ-ха. Аса илтерер: 372 ҫул кашласа ларакан чӑваш юманӗ «Раҫҫейри ҫулталӑк йывӑҫҫи» конкурса (ӑна 2017 ҫулта ирттерме тытӑннӑ) хутшӑнать. 2020 ҫулта вӑл иккӗмӗш вырӑн йышӑннӑ. Ҫав йывӑҫ ҫутҫанталӑкӑн хаклӑ объекчӗ шутланать, вӑл культурӑпа истори тата ӑслӑлӑх пӗлтерӗшӗллӗ. Асӑннӑ йывӑҫа Раҫҫейри ватӑ йывӑҫсен наци реестрне кӗртнӗ, «Йывӑҫ – чӗрӗ ҫутҫанталӑкӑн палӑкӗ» пӗтӗм ҫӗршыври ят панӑ. Конкурс https://rosdrevo.ru сайтра пырать. Чӑваш юманӗн конкурсри номерӗ — 42-мӗш. Хыпар ҫӑлкуҫӗ:
|
-4.7 °C