|
Афиша
 cap.ru сӑнӳкерчӗкӗ Утӑ уйӑхӗн 30-мӗшӗнче Шупашкарти кӳлмекре, Анне палӑкӗ умӗнче, иртнӗ ӗмӗрӗн 60-мӗш ҫулӗсенчи евӗр ташӑ каҫӗ пулӗ. Вӑл 17 сехетре пуҫланса 21 сехетре вӗҫленӗ. Мероприятие ҫынсене 1960-мӗш ҫулсенчи тумтирпе кӗтеҫҫӗ. Чи чаплӑ тумлӑ ҫынна парне кӗтет. Ташӑ каҫӗнче сӑн ӳкерӗнмелли зона та пулӗ. Мероприятие килекенсене хаваслӑ юрӑ-кӗвӗ кӗтет. Хыпар ҫӑлкуҫӗ:
|
|
Республикӑра
 Прокуратура архивӗнчи сӑн Кӑҫал нарӑс уйӑхӗнче Улатӑрти хут хапрӑкӗнче платник 4 метр ҫӳллӗшӗнчен бетон урайне персе аннӑ. Вӑл каярахпа, темиҫе эрнерен, пульницӑра вилнӗ. Платник ӳкнӗ чухне ӳсӗр пулни паллӑ. Ӳсӗр арҫынна ӗҫлеме ирӗк панӑ ҫынна, ертӳҫе, явап тыттарнӑ. Утӑ уйӑхӗн 20-мӗшӗнче суд пулнӑ. Ӑна тӗрмене хупмасӑр ҫулталӑк ҫурӑлӑха айӑпланӑ. Ертӳҫӗ хӑйӗн айӑпне йышӑннӑ. Вӑл вилнӗ платникӑн ҫемйине кӑмӑл-сипет тӗлӗшӗнчен сиен кӳнӗшӗн укҫан саплаштарнӑ. Хыпар ҫӑлкуҫӗ:
|
|
Чӑвашлӑх
 cap.ru сӑнӳкерчӗкӗ Утӑ уйӑхӗн 2-3-мӗшӗсенче Чӑваш Енре "Пятница" телеканал "Гастротур" проект валли сюжет ӳкернӗ. Кӗҫех вӑл экран ҫине тухмалла. Кӑларӑма Дмитрий Левицкий ресторатор ертсе пырать. Ӳкерӳ ушкӑнӗ пирӗн патра историпе, культурӑпа тата наци рецепчӗсемпе паллашнӑ. Эфирта ҫавӑн пекех "Чӑваш кӗрӗм", "Ясна" этнокомплекссем пирки курма май пулӗ. Чӑваш Республикинче ӳкернӗ кӑларӑм авӑн уйӑхӗн 17-мӗшӗнче эфира тухӗ. Хыпар ҫӑлкуҫӗ:
|
|
Сывлӑх
 cap.ru сӑнӳкерчӗкӗ Патӑрьелти ача ҫуратмалли уйрӑма хупӗҫ. Малашне вӑл чӗрепе юн тымарӗсен чирӗсемпе аптӑракан пациентсене йышӑнӗ. ЧР Сывлӑх сыхлавӗн министерстви тишкерӳ тунӑ та ҫакӑ палӑрнӑ: Патӑрьел районӗнчи пулас амӑшӗсен 50 проценчӗ Шупашкара ҫуратма каять. Ыттисем вара Канаш хулинче ҫӑмӑлланаҫҫӗ. Кӑшӑлвирус пандемийӗ вӑхӑтӗнче ҫапла йӗрке пулнӑ: йывӑртарах пациентсене Президент пепкелӗх центрне ҫуратма янӑ, ыттисене - Канаша. Патӑрьелти ача ҫуратмалли ҫурта иртнӗ ӗмӗрӗн 80-мӗш ҫулӗсенче хута янӑ. Вӑл хальхи пурнӑҫ ыйтакан условисемпе килӗшсе тӑмасть-мӗн. Ҫавӑнпа унӑн профильне улӑштарма йышӑннӑ. Ҫапах районти пульницӑра ача ҫуратмалли зал ӗҫлӗ. Хыпар ҫӑлкуҫӗ:
|
|
Персона
 cap.ru сӑнӳкерчӗкӗ ЧР промышленноҫпе энергетика министрне Александр Кондратьева Чӑваш Республикин тава тивӗҫлӗ энергетикӗн ятне панӑ. Хушӑва ЧР Элтеперӗ Олег Николаев алӑ пуснӑ. Александр Кондратьев 37 ҫулта. Вӑл промышленноҫпе энергетика министерствинче 2021 ҫулхи пуш уйӑхӗнченпе ӗҫлет. Малтан вӑл министр ҫумӗ пулнӑ. Кайран министр тивӗҫӗсене пурнӑҫланӑ. Пӗлтӗрхи пуш уйӑхӗн 22-мӗшӗнченпе вӑл - министр. Хыпар ҫӑлкуҫӗ:
|
|
Республикӑра
 Ҫулӑм алхаснӑ вырӑн. Ҫӑлкуҫ: pg21.ru Утӑ уйӑхӗн 18-мӗшӗнче юсавсӑр пуйӑса пула «Сӑрҫум» заповедник ҫумӗнчи курӑк ҫунма пуҫланӑ. 12 сехет тӗлӗнче Улатӑр районӗнче чукун ҫулпа тавар тиенӗ тӗтӗм мӑкӑрӑлтаракан пуйӑс иртсе кайнӑ. Вут-хӗм сирпӗтнӗрен чукун ҫул ҫывӑхӗнчи курӑк тивсе илнӗ. Тӑватӑ ҫухрӑм тӑршшӗнче ҫулӑма ҫичӗ вырӑнта тупса палӑртнӑ, вӗсене пӗтерме виҫӗ сехет кирлӗ пулнӑ. Юрать-ха ҫулӑм вӑрман таран ҫитеймен — ӑна сухаласа пӑрахнӑ лаптӑксем тытса чарнӑ. Ҫулӑма алхасма касса пӑрахнӑ ҫамрӑк хунавсем те пулӑшнӑ иккен. Электриксем ҫутӑ линине вӗсенчен иртнӗ, анчах хӑйсем хыҫҫӑн тирпейлесе хӑварман — каснӑ хунавсене ҫавӑнтах пӑрахса хӑварнӑ. Типӗ курӑк ҫинчи ҫулӑма вӑй илме вӗсем питӗ аван пулнӑ. «Сӑрҫум» заповедникри пушарпа кӗрешекенсем кӑҫал чукун ҫул ҫине ҫулӑма сӳнтерме виҫҫӗ ҫитнӗ. «Чукун ҫул ҫинчи турттаракан хатӗрсем улшӑнаҫҫӗ. Час-часах эпир реактивлӑ самолетсем евӗр ҫула касса пыракан ҫӗнӗ локомотивсене куратпӑр, анчах, шел пулин те, хӑшпӗр чухне вут тивертекенсем пуйӑссем те иртеҫҫӗ», — пӗлтернӗ хӑйсен пӑшӑрханӑвне «Сӑрҫум» заповедникре. Хальхи вӑхӑтра Горький чукун ҫулӗпе, тата пушар тухассинчен тимлекен органсемпе пӗрлехи ӗҫ ирттереҫҫӗ. Хыпар ҫӑлкуҫӗ:
|
|
Республикӑра
 smartik.ru сайтри сӑн Ҫӗмӗрлери "Кристал" ТСЖ председательне суд тӑвӗҫ. Вӑл ҫынсен укҫине хайӗн кӗсйине чикнӗ тесе шутлаҫҫӗ. Следстви пӗлтернӗ тӑрӑх, 2021 ҫулхи кӑрлачран пуҫласа 2022 ҫулхи юпа уйӑхӗччен ҫак хӗрарӑм ТСЖ кассинчи укҫа-тенке кӗсйине чиккеленӗ. Ҫапла вӑл 1 миллион ытла тенкӗ илнӗ. Хӗрарӑм хайӗн айӑпне йышӑннӑ. Кассӑран илнӗ укҫана вӑл ҫемье тӗлӗшпе тӑкакланине те тунман. Унӑн пурлӑхне халӗ арест хунӑ. Пуҫиле ӗҫе вара суда пӑхса тухма ярса панӑ. Хыпар ҫӑлкуҫӗ:
|
|
Хулара
 t.me/nikamran каналтан илнӗ сӑнӳкерчӗк Шупашкарта «Юрлакан фонтансен хули» конкурс-фестиваль ирттерме хатӗрленеҫҫӗ. Ӑна Хула кунне халалланӑ. Хитре юрлама пултаракан ҫынсен малтанласа суйлав турне хутшӑнмалла. Вӑл ҫурла уйӑхӗн 5 тата 12-мӗшӗсенче 16 сехетре иртӗ. Телеграмри «Пуринчен малтан. Ҫывӑрса юлмасан» каналта пӗлтернӗ тӑрӑх, суйлав турӗсем «Салют» культура керменӗ ҫумӗнче, Амӑшӗн палӑкӗ ҫумӗнче, Лакрей варманӗнче тата Кадетсен паркӗнче иртӗҫ. Уйрӑмах маттуррисене ӑмӑртӑвӑн 2-мӗш пайне чӗнӗҫ. Чи пултаруллӑ 40 юрӑҫ хӑйӗн пултарулӑхне Хула кунӗнче кӑтартса парӗ. Хыпар ҫӑлкуҫӗ:
|
|
Хулара
 t.me/pro_cheby каналтан илнӗ сӑнӳкерчӗк Шупашкар хулинчи Петров урамӗнчи 7-мӗш ҫуртра ҫын виллине тупнӑ. Асӑннӑ ҫуртри иккӗмӗш подъездра ҫӗрӗк шӑрши кӗнӗрен ҫынсем ятарлӑ службӑсене пӗлтернӗ. Унтисем пырса алӑка ватнӑ. Ҫавӑн чухне вӗсем унта арҫын виллине курнӑ. Асӑннӑ ҫуртра пурӑнакансем пӗлтернӗ тӑрӑх, асӑннӑ хваттертен халӗ те ырӑ мар шӑршӑ кӗрет. Алӑка хӑй вырӑнне лартса хумантан унта килсӗр ҫынсем кӗрсе ҫӳреме тытӑннӑ имӗш. Ҫуртра пурӑнакансем подъездра хлор шӗвекӗ сапаҫҫӗ, анчах ырӑ мар шӑрша пӗрех ҫӗнтереймеҫҫӗ. Хыпар ҫӑлкуҫӗ:
|
|
Пӑтӑрмахсем
 t.me/pro_cheby каналти видеоран илнӗ сӑнӳкерчӗк Шупашкарти йӗрке хуралҫисем ҫын ӳкерсе хӑварнӑ 5 пин укҫана илнӗ хӗрарӑма шыраҫҫӗ. Хӗрарӑм сӑнпа пӑхсан 50-55 ҫулсенче, 160-165 сантиметр ҫуллӗш, ҫӳҫӗ вӑрӑм, сарӑ ҫӳҫне вӗҫӗнче хура тӗспе сӑрланӑ. Хӗрарӑм шурӑ рюкзакпа пулнӑ. Хӗрарӑма палласа илекенсене йӗрке хуралҫисене пӗлтерме ыйтаҫҫӗ. Аса илтерер: ҫын ҫҫхатса хӑварнӑ япалана илни те вӑрлани шутланать. Ҫавӑнпа та ют пурлӑха хапсӑнма кирлӗ мар. Хыпар ҫӑлкуҫӗ:
|
+1.3 °C