Ҫемье архивӗнчи сӑн

Шупашкарта пурӑнакан 37 ҫулти Александр Сергеевич Дмитриева тӑванӗсем шыраҫҫӗ. Вӗсем каланӑ тӑрӑх, арҫын ҫу уйӑхӗн 5-мӗшӗнче 15 сехетре Атӑл леш енчи «Жемчужная» клуб-усадьбӑна сапбордпа ярӑнма кайнӑ. Каярахпа ҫав вырӑнта унӑн машинине, кроссовкине, япалисене тата сапбордӑн чехолне тупнӑ.

Тӑванӗсем вӑл ҫухални пирки полицие ҫу уйӑхӗн 7-мӗшӗнче пӗлтернӗ. Тепӗр кунхине водолазсем Атӑл акваторине тӗрӗсленӗ, анчах нимӗн те тупайман.

Ун пирки мӗн те пулин пӗлекенсене тӑванӗсем ҫак номерпе шӑнкӑравлама ыйтаҫҫӗ: +7 969 128-88-88.

#Атӑл, #Шупашкар, #шыравсем, #полици