|
Персона
 Владимир Живов страницинчен илнӗ сӑнӳкерчӗк Чӑваш Енре ҫуралнӑ Антон Макаров — пултаруллӑ художник. Ку сӑнукерчӗкре унӑн «Молодая Чувашка» (чӑв. Ҫамрӑк чӑваш хӗрӗ) ӗҫӗпе паллашма пулать. Антон Владимирович Шупашкарти ӳнер училищинчен тата Питӗрти И.Е. Репин ячӗллӗ живопись, скульптура тата архитектура академи институтӗнчен вӗренсе тухнӑ. Темиҫе ҫул Питӗрти А.Л. Штиглиц ячӗллӗ патшалӑх ӳнерпе промышленность академийӗнче пӗтӗмӗшле живопись кафедринче аслӑ преподаватель пулса тӑрӑшнӑ. Питӗрте пурӑнакан Владимир Живов чӑваш халӑх тетелӗнчи хӑйӗн страницинчен пӗлтернӗ тӑрӑх, художник регион, ҫӗршыв тата тӗнче шайӗнчи куравсене темиҫе хут та хутшӑннӑ. 2010 ҫулта ӑна Раҫҫӗйӗн художниксен союзӗн ылтӑн медалӗпе чысланӑ. Хыпар ҫӑлкуҫӗ:
|
|
Чӑвашлӑх
 Владимир Живов старницинчен илнӗ сӑнӳкерчӗк Питӗрте пурӑнакан чӑвашсем Кӗр сӑрине пуҫтарӑнӗҫ. Уява чӳк уйӑхӗн 23-мӗшӗнче Питӗрти Loft Stori залӗнче ирттерӗҫ. Хӑнасене 14 сехет те 30 минута пыма чӗнеҫҫӗ. Уяв каҫӗ 15 сехетре пуҫланӗ. Вал 18 сехет те 30 минтучен пырӗ. Унта чӑваш юрри-ташши, чӗлхи янӑрӗ, авалхи ырӑ йӑла-йӗркене аса илӗҫ. Хыпар ҫӑлкуҫӗ:
|
|
Политика
 cap.ru сӑнӳкерчӗкӗ Канаш хулин пуҫлӑхӗ Виталий Михайлов отставкӑна кайни пирки пӗлтернӗччӗ. Вӑл темиҫе кун маларах хӑйӗн ҫумӗпе Валерий Черновпа паллаштарнӑ. Шӑпах вӑл халӗ хулапа пӗрлештернӗ Канаш округӗн пуҫлӑхӗ пулса тӑнӑ. Сӑмах май, ку пукан ҫине икӗ ҫынран пӗри ларма пултарнӑ: Валерий Чернов е Наталия Суркова. Валерий Чернов вырӑнти хӑйтытӑмлӑх органӗсенче 23 ҫул ӗҫленӗ. Хыпар ҫӑлкуҫӗ:
|
|
Персона
 Чӑваш патшалӑх филармонийӗн сӑнӳкерчӗкӗ Чӑваш патшалах филармонийӗн артисчӗ, «Ҫавал» ансамблӗн солисчӗ Александр Ильин чӳк уйӑхӗн 18-мӗшӗнче 45 ҫул тултарнӑ. Йӗпреҫ районӗнчи Туҫа ялӗнче ҫуралнӑскер мӗн ачаранпах халӑх юррипе ӳснӗ. Александр Ильинӑн ашшӗ-амӑше те — пултарулӑх ҫыннисем. Амӑшӗ вырӑнти культура ҫуртӗнче директор пулса ӗҫлет, ашшӗ — хуткупӑсҫӑ. «Ҫавал» ансамбльте юрланисӗр пуҫне вӑл шӑхличпе вылять, сӑрнайпа, палнайпа тата параппанпа калать, ташша ӑста. Солистӑн мӑшӑрӗ — Чӑваш Республикин тава тивӗҫлӗ артисчӗ Любовь Ильина. Вӑл та ансамбльте юрлать. Ильинсен хӗрӗ Настя тата ывӑлӗ Коля Шупашкарти Ф.П. Павлов ячӗллӗ музыка училищинче тата Чӑваш культурӑпа ӳнер институтӗнче вӗренеҫҫӗ. Хыпар ҫӑлкуҫӗ:
|
|
Персона
 "Контактри" сӑн Улатӑрта пурӑнакан Любовь Давыдова 20 ҫул вӗтӗ шӑрҫапа тӗрлӗ япала ӑсталать. Ку – унӑн чун киленӗҫӗ. Унӑн килӗнче сад ешерет. Любовь Давыдова ӑна хӑйӗн аллипе ӑсталать. Вӗтӗ шӑрҫаран ӑсталанӑскерсем чӑннипех те йывӑҫсем пек. Хыпар ҫӑлкуҫӗ:
|
|
Персона
 "Контактри" сӑн Улатӑр округӗнче пурӑнакан Борис Никоновичпа Анастасия Петровна Сюзюкинсем пӗрлешнӗренпе 60 ҫул ҫитнӗ. Мӑшӑр пилӗк ачана кун ҫути парнелесе ура ҫине тӑратнӑ: Василий, Владислав, Наталья, Сергей тата Ирина. Халӗ вӗсем 11 мӑнукпа, 2 кӗҫӗн мӑнукпа савӑнса пурӑнаҫҫӗ. Борис Никоновичпа Анастасия Петровна Патӑрьел районӗнче паллашнӑ. Настя пӗчӗк чухне вӗсене ҫемйипе ҫак района эвакуациленӗ. Сюзюкинсем лесокомбинатра ӗҫленӗ. Вӗсем – вӑрҫӑ ачисем, ӗҫ ветеранӗсем. Хыпар ҫӑлкуҫӗ:
|
|
Персона
 cap.ru сӑнӳкерчӗкӗ Чӑваш Ен Патшалӑх Канашӗн Председателӗ Леонид Черкесов ҫынсене хӑйсен ыйтӑвӗсемпе йышӑннӑ. Ун патне тава тивӗҫлӗ канури Нина Гречко пынӑ. Нина Мануиловна хӑй вӑхӑтӗнче кире спорчӗпе тӗнчери пӗртен-пӗр хӗрарӑм судья пулнӑ. Вӑл ҫак дисциплинӑра тӗнче шайӗнчи тӗнчери арбитр пулнӑ. Хӗрарӑм яланах хастар пулнӑ. Ватӑлнӑ пулин те сӑвӑсемпе юрӑсем ҫырать. «Ҫамрӑксене хӑйсен тӗслӗхӗпе хавхалантаракан хастар ҫынсене пирӗн пулӑшмалла», — тенӗ Леонид Черкесов. Хыпар ҫӑлкуҫӗ:
|
|
Ял пурнӑҫӗ
 cap.ru сӑнӳкерчӗкӗ 2025 ҫулта Чӑваш Енри икӗ яла комплексла аталантарӗҫ. Ятарла программана Красноамрейски тата Патӑрьел ялӗсем кӗнӗ. Красноармейскине комплекслӑ аталантарма 204,9 млн тенкӗ уйӑрма пӑхса хӑварнӑ. Унта, сӑмахран, Ленин урамӗнче культура ҫурчӗ тӑвӗҫ. блокпа модульлӗ котельнӑйсем тума палӑртнӑ. Кӑнтӑр-ӗвелтухӑҫ микрорайонт шыв башни туса лартмалла. Вырӑнти спортшкол валли воспитанниксене ӑмӑртӑва турттарма микроавтобус туянӗҫ. Патӑрьел ялне комплекслӑ аталантармалли проект тӑрӑх 202,3 млн тенкӗ пӑхса хӑварнӑ. Укҫа-тенкӗ культурӑпа кану центрӗн ҫуртне тӗпрен юсама, ун валли оборудовани туянма палӑртнӑ тата паркра интернет ҫыхӑнӑвӗпе тивӗҫтерӗҫ. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ «Россеть Атӑл» – «Чӑвашэнерго» 35 кВ-ран пысӑкранх подстанцисен ӗҫне тишкернӗ. Предприятин Кӑнтӑр производство уйрӑмӗн Тӑвайри подстанцийӗ мала тухнӑ. Иккӗмӗш тата виҫҫӗмӗш вырӑнсене «Первомайская» тата Улатарти подстанцисем йышӑннӑ. Тӑвайри подстанци 4,3 пине яхӑн ҫынна ҫутӑпа тивӗҫтерсе тӑрать. Хыпар ҫӑлкуҫӗ:
|
 cap.ru сӑнӳкерчӗкӗ Чӑваш Енре сӗтел-пукан туса кӑларакан виҫӗ предприяти Мускаври сумлӑ курава хутшанать. «Сӗтел-пукан-2024» чӳк уйӑхен 18-мӗшӗнчен пуҫласа 22-мӗшӗччен ӗҫлет. Кун пек курава Экспоцентрта тӗнчери брендсемпе производительсен, дизайнерсемпе специалистсен ҫӗнӗ коллекцийӗсемпе паллаштарас тӗллевпе йӗркелеҫҫӗ. «Чӑваш Республики» коллективлӑ стендра хӑйсен продукцийӗпе Павел Скокин («Мягкая посадка» бренд), «Вега-Трейд» («Вега» бренд) тата «Информатика М» («Биомебель» бренд) паллаштараҫҫӗ. Хыпар ҫӑлкуҫӗ:
|
+25.3 °C