Сайта кӗр | Регистраци | Сайта кӗрсен унпа туллин усӑ курма пулӗ
 -9.7 °C
Ҫӑхан куҫне ҫӑхан сӑхмасть.
[ваттисен сӑмахӗ: 2523]
 

Хыпарсем

Персона
Эльвира Тимофеева халӑх тетелӗнчи страницинчен илнӗ сӑнӳкерчӗк
Эльвира Тимофеева халӑх тетелӗнчи страницинчен илнӗ сӑнӳкерчӗк

Чӑваш радиовне итлекенсенчен Эльвира Тимофеевӑна пӗлмен ҫын ҫук та пулӗ. Радиокӑларӑмсене вӑл хӑйӗн илемлӗ сассипе ертсе пырать.

Чӑваш Ен Элтеперӗн хушӑвӗпе Эльвира Тимофеевӑна «Чӑваш Республикин культурӑн тава тивӗҫлӗ ӗҫченӗ» хисеплӗ ят пама йышӑннӑ. Вӑл документа Олег Николаев Элтепер паян, утӑ уйӑхӗн 25-мӗшӗнче, алӑ пуснӑ.

Эльвира Владимировна – «Чӑваш Ен» патшалӑх телерадиокомпанийӗн радиовещани пайӗн пуҫлӑхӗ тата телевиденипе радиовещанин информаци тата тематика программисен службин пуҫлӑхӗн ҫумӗ.

 

Республикӑра
"Лиза Алерт" сайтри сӑн
"Лиза Алерт" сайтри сӑн

Элӗк округӗнчи Питӗшкассинче пурӑнакан 74 ҫулти арҫынна виҫҫӗмӗш кун шыраҫҫӗ. Петр Егорович Васильев килтен утӑ уйӑхӗн 23-мӗшӗнче тухса кайнӑ. Ӑна медпулӑшу кирлӗ.

Вӑл килтен мӗнле тухса кайни паллӑ мар. «Лиза Алерт» шыравҫисем водительсене тимлӗ сӑнама ыйтаҫҫӗ. Тен, видеорегистратор ҫине пӗччен утакан старик лекнӗ?

Мӗн те пулин пӗлсен ҫак номерсемпе шӑнкӑравлама ыйтаҫҫӗ: 8 800 700-54-52, Елена (Касатка) 89520203557, Наталия (Симба) 89196666680.

 

Спорт
"Контактри" сӑн
"Контактри" сӑн

Пирӗн ентеш Мускаври футбол командинче выляса паларнӑ. Сӑмах - Ксения Корнилова пирки. Вӑл Шупашкарти «Спартак» спорт шкулӗнче ӑсталӑхне туптать.

Команда 15 ҫул тултарман хӗрсен хушшинче тупӑшнӑ. Ксенийӑн команди Мускав облаҫӗн командине 3:1 шутпа ҫӗнтерса мала тухнӑ.

Палӑртмалла: Ксения футболпа тахҫанах кӑсӑкланать. Вӑл Дмитрий Терентьев тренер патӗнче ӑсталӑхне туптать.

Хыпар ҫӑлкуҫӗ: https://vk.com/wall-194537172_15802
 

Ял пурнӑҫӗ
"Контактри" сӑн
"Контактри" сӑн

Йӗпреҫ муниципаллӑ округӗнчи Хурамал ялӗнче пурӑнакан Николай Квасов кил-ҫуртне чӑн-чӑн юмаха ҫавӑрнӑ. Мӗн тери илемлӗ! Унӑн килӗ умӗнчен чарӑнса тӑмасӑр иртме ҫук.

Николай Квасов - 76 ҫулта. Кил-ҫуртне илемлетнӗ эрешсене, кӳлепесене вӑл йывӑҫран касса кӑларнӑ.

Хыпар ҫӑлкуҫӗ: https://vk.com/wall-194537172_15816
 

Культура
minec.cap.ru сӑнӳкерчӗкӗ
minec.cap.ru сӑнӳкерчӗкӗ

Чӑваш Ене кӑҫал туристсем ытларах килессе шанаҫҫӗ.

«Чӑваш Ене килекенсен шучӗ ҫулран ҫул ӳссе пырать. Пӗлтӗрхипе танлаштарсан паянхи куна ку кӑтарту 30 процент ӳснӗ. 2023 ҫулта пирӗн республика 800 пине яхӑн ҫынна йышӑннӑ. 91 пин хӑна 659 теплоходпа килнӗ. Кӑҫал 750-760 пӑрахут килессе шанатпӑр», — тенӗ регион ертӳҫи Олег Николаев.

Чӑваш Енре юханшыв туризмӗ анлӑ сарӑлса пырать. Ҫулталӑк каялла пирӗн тӑрӑха «Метеор 120Р» кисле чарӑннӑ. Халӗ вӑл Шупашкара Чулхулапа, Чикмепе, Хусанпа тата Чӗмпӗрпе ҫыхӑнтарать. Унсӑр пуҫне Ҫынсем «Валдайпа» ҫӳреҫҫӗ. Билетсене икӗ эрне маларахах туянса пӗтереҫҫӗ.

 

Сывлӑх

Шупашкарти пӗр поликлиникӑра пушар тухнӑ. Вут-ҫулӑм Энгельс урамӗнчи поликлиникӑн 3-мӗш хутӗнче алхасма тытӑннӑ.

Пушар утӑ уйӑхӗн 24-мӗшӗнче 21 сехетре тухнӑ. Инкек вырӑнне пушар сӳнтерекен машинӑсем, васкавлӑ пулӑшу машини тата полицейскисем пырса ҫитнӗ.

Пушара сӳнтерекенсем виҫҫӗмӗш хута вӑрӑм картлашкапа хӑпарнӑ. Вут-ҫулӑма часах сӳнтернӗ.

Хыпар ҫӑлкуҫӗ: https://pg21.ru/news/98570
 

Тӗнчере

Шупашкарти 42 ҫулти Роман Эн («Про Город Чебоксары» хаҫата вӑл хӑйӗнпе ҫавӑн пек паллаштарнӑ, хӑйӗн тулли ятне каламан) Кӑнтӑр Америка тӑрӑх велоиспедпа курса ҫӳрет.

Роман — инженер-электрик. Вӑл Шупашкарти машиностроительство техникумӗнче тата И. Н. Ульянов ячӗллӗ ЧПУра вӗреннӗ. Халӗ арҫын Чилире.

Велоҫулҫӳреве 2022 ҫулти раштав уйӑхӗнче тухса кайнӑ. Ун чухне вӑл Мускавран Венесуэлӑна вӗҫсе кайнӑ, лере велосипед туяннӑ.

Ҫулҫӳрев вӑхӑтӗнче вӑл велосипедпа 14,5 пин ытла километр кайнӑ, кунне 50 километртан пуҫласа 200 киломтер таран ҫӗнет. Паянхи кун тӗлне Кӑнтӑр Америкӑри ултӑ ҫӗршывра пулнӑ.

Ҫул ҫинче вӑл палаткӑра ҫывӑрма тӑрӑшать, ӑна лартма май килмесен хотселсенче те хӑна ҫурчӗсенче ҫӗр каҫать. Уйӑхсерен вӑл 35 пин тенкӗ тӑкаклать. Эрех ӗҫсе, пирус туртса укҫа пӗтермест.

Шупашкар арҫынни сӑнанӑ тӑрӑх, Кӑнтӑр Америкӑри ҫынсем пирӗн патрисемпе танлаштарсан сӑпйалӑ пурӑнаҫҫӗ пулин те ӑшӑ кӑмӑллӑрах.

Хыпар ҫӑлкуҫӗ: https://pg21.ru/news/98551
 

Республикӑра
Кандинский нейросеть сӑнӳкерчӗкӗ
Кандинский нейросеть сӑнӳкерчӗкӗ

Чӑваш Енре хысна тытӑмӗнчи организацисенче ӗҫлекенсен шалӑвне ӳстерме бюджетран 900 миллион ытла тенкӗ укҫа уйӑрнӑ.

Ӗҫ укҫи ӳснине сывлӑх сыхлавӗнче, вӗрентӳре, культурӑра тата социаллӑ политикӑра ӗҫлекен 38 пине яхӑн ҫын туйса илӗ.

Бюджетниксен шалӑвне ӳстерес йышӑнӑва уйӑхри вӑтам ӗҫ укҫин виҫине 44,4 пин тенке ҫитерме палӑртнипе тунӑ. Ку вӑл 2023 ҫулхинчен 13,4 процент ӳснине пӗлтерет.

Хыпар ҫӑлкуҫӗ: https://t.me/mintrud_21/6336
 

Республикӑра
Кандинский нейросеть сӑнӳкерчӗкӗ
Кандинский нейросеть сӑнӳкерчӗкӗ

Чӑваш Енре кимӗ туса кӑларма тытӑнасшӑн. Кун пек йышӑнӑва республика Правительствин нумаях пулмасть иртнӗ ларӑвӗнче сӳтсе явнӑ. Шупашкар муниципаллӑ округӗнчи Шӑмӑршӑ ялӗнче ҫӗнӗ производство комплексӗ уҫасшӑн.

Асӑннӑ комплекса туса лартма ял хуҫалӑх тӗллевӗллӗ ҫӗре производство объекчӗ валли куҫарнӑ. Кун пирки Чӑваш Енӗн Экономика аталанӑвӗн министерствин пресс-службинче пӗлтернӗ.

Министр тивӗҫне пурнӑҫлакан Дмитрий Бельцов пӗлтернӗ тӑрӑх, Шӑмӑршӑра ҫӑмӑл моторлӑ кимӗсем тата ҫӑмӑл прицепсем туса кӑларма пуҫлӗҫ. Унсӑр пуҫне унта ҫӗвӗ цехӗ уҫӗҫ, прицепсем валли тентсем ҫӗлеме тытӑнӗҫ.

Проекта 150 миллион тенке яхӑн хывӗҫ. Производствӑна 2027 ҫулхи кӗркунне тӗлне хута ярасшӑн. Унта 200-е яхӑн ҫын валли ӗҫ вырӑнӗ тупӗ.

 

Хулара
"Контактри" сӑн
"Контактри" сӑн

Шупашкарта икӗ ҫамрӑк каччӑ ӳсӗр водителе тытса чарма пулӑшнӑ.

Степан Мытарев тата Антон Васильев машинӑпа пынӑ чухне «Фольксваген Транспортер» водителӗ ҫул ҫинче йӗркеллех пыманнине асӑрханӑ. Хайхискер ҫул хӗресленекен вырӑнта чарӑнсан ҫак икӗ каччӑ ӑна полицейскисем ҫитиччен тытса тӑнӑ.

Палӑртмалла: Степан Мытаревпа Антон Васильев нумаях пулмасть салтакран таврӑннӑ.

Хыпар ҫӑлкуҫӗ: https://vk.com/wall-191629825_69039
 

Страницӑсем: 1 ... 140, 141, 142, 143, 144, 145, 146, 147, 148, 149, [150], 151, 152, 153, 154, 155, 156, 157, 158, 159, 160, ... 3837
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (25.02.2025 03:00) тӗтреллӗ ҫанталӑк, атмосфера пусӑмӗ 757 - 759 мм, -9 - -11 градус сивӗ пулӗ, ҫил 1-3 м/ҫ хӑвӑртлӑхпа ҫурҫӗр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Çывăх çынсемпе, туссемпе е ĕçтешсемпе хутшăнура йывăрлăхсем пулма пултараççĕ. Сăлтавĕ - элек. Килĕшÿ нумай вăхăтлăха çухалĕ. Уява е тĕлпулăва такамăн гĕрсĕр шÿчĕ пăсĕ. Тен, сăлтавĕ сирĕнре те пулĕ.

Нарӑс, 25

1913
112
Пилеш Герасим Дмитриевич чӑваш драматургӗ, ҫыравҫи, сӑвӑҫи, Чӑваш АССРӗн тава тивӗҫлӗ культура ӗҫченӗ ҫуралнӑ.
1969
56
Гурий Вантер, чӑваш фольклорне пухаканни, тӗпчевҫӗ, сӑвӑҫ вилнӗ.
1970
55
Рунгш Петр Андреевич, патшалӑх ӗҫченӗ ҫут тӗнчерен уйрӑлса кайнӑ.
Пулӑм хуш...Пулӑм хуш...