|
Хулара
 gksod.ru сайтри сӑн Шупашкарта 12 ҫулти хӗрача укҫа ӗҫлесе илес тенӗ. Анчах вӑл ку преступлени пулнине ӑнланман. Хӑй каланӑ тӑрӑх, тупӑш тумалли меле вӑл мессенджерта тупнӑ. Палламан ҫынсем ӑна 71 ҫулти арҫынран 800 пин тенкӗ кайса илме хушнӑ. Лешне хайхискерсем арӑмӗ аварие лекнӗ, ӑна сиплеме укҫа кирлӗ тесе суйнӑ. Хӗрача укҫана кайса илнӗ, 790 пин тенкине ҫав палламан ҫынсене куҫарса панӑ, 10 пин тенкине хӑйӗн валли хӑварнӑ. Ачана кӗҫех тытса чарнӑ. Полици пӗлтернӗ тӑрӑх, ашшӗ-амӑшӗн арҫынна кӳнӗ тӑкака саплаштарма тивӗ. Хыпар ҫӑлкуҫӗ:
|
|
Хулара
 forum.na-svyazi.ru сайтри сӑн Шупашкарти Хевеш урамӗнчи ҫурт ҫине тепӗр мурал пулӗ. Ӑна ҫамрӑк ӳнерҫӗ Ксения Кокель ӳкерет. Хевеш урамӗнчи 30-мӗш ҫурт ҫине унччен Андриян Николаевӑн сӑнне ӳкернӗ. Вӑл – Николай Овчиниковӑн «Салам, Ҫӗр» ӳкерчӗкӗн репродукцийӗ. Халӗ вара Ксения Кокель ҫав ҫуртӑн тепӗр енчи стени ҫине ӳкерет. Унӑн ӗҫе «Манӑн ҫурт – манӑн крепоҫ» ятлӑ. Ксения Атӑлҫи федераци тӑрӑхӗнчи «ФормART» стрит-арт фестивальне хутшӑнать, унта пирӗн республика чысне хӳтӗлет. Унӑн графитие ҫӗртме уйӑхӗ вӗҫӗччен туса пӗтермелле. Хыпар ҫӑлкуҫӗ:
|
|
Хулара
 cheb-centr.soc.cap.ru сӑнӳкерчӗкӗ Шупашкарта пурӑнакан Галина Кузьмина ҫӗтӗк-ҫатӑкран кавир ҫыхать. Ҫак ал ӗҫӗпе вӑл унчченех кӑсӑкланнӑ. Тӑватӑ ҫул каялла ватӑ ҫын суккӑрланса юлнӑ. Юратнӑ ӗҫе ватӑ ҫын пӗрех пӑрахман. Вӑхӑта ирттермелле кинемей халӗ те кавир ҫыхать. Юлашки вӑхӑтра Галина Борисовнӑна Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗн социаллӑ ӗҫченӗ Лина Емельянова пулӑшса пырать. Кавирсене ватӑ ҫын тӑванӗсемпе пӗлӗшӗсене парнелет. Хыпар ҫӑлкуҫӗ:
|
|
Хулара
 gksod.ru сайтри сӑн Банк ӗҫченӗсем 87-ри старике палламан ҫынсене укҫа куҫарса парассинчен хӑтарасшӑн пулнӑ – унпа калаҫнӑ, анчах ӳкӗте кӗртеймен. Ултавҫӑсем старике ҫапла суйнӑ: укҫа палламан ҫынсен аллине ан лектӗр тесен ӑна «хӑрушсӑр счет» ҫине куҫармалла. Ватӑскер лешсем каланине икӗ эрне пурнӑҫланӑ. Вӑл банка пынӑ, кредит пайӗн ӗҫченӗсем сисчӗвленӗ, кун пирки полицейскисене те каланӑ. Анчах пенсионера никам та чарайман. Ултавҫӑсем ӑна ҫав тери вӑйлӑ ӗнентерсе лартнӑ. Ҫапла старик темӗнле счетсем ҫине 2 миллион тенкӗ куҫарнӑ. Кредит илнӗ чухне вӑл укҫа дача тума тата ача кӗтекен мӑнукне пулӑшма кирлӗ тесе суйнӑ. Хыпар ҫӑлкуҫӗ:
|
|
Хулара
 ru.m.wikipedia.org сайтри сӑн Ҫӗртме уйӑхӗн 24-мӗшӗнче Шупашкартан Ҫӗнӗ Шупашкара троллейбус ҫӳреме тытӑнӗ. Хальлӗхе – 62-мӗш маршрут. Тепӗр икӗ маршрута ҫулталӑк вӗҫлениччен уҫассине пӗлтернӗ. Линире 18 троллейбус ҫӳрӗ. Интервал мӗн чухлӗ пулни хальлӗхе паллӑ мар. Тепӗр 3 транспорт резервра пулӗ. Пӗр троллейбуса 90 пассажир вырнаҫмалла: 33 лармалли вырӑн тата 57 тӑмалли вырӑн. Троллейбуссенче кондиционерсем, пассажирсене шутлакан датчиксем, информацие кӑтартакан табло пур. Кунашкаллисемпе сусӑрсене ҫӳреме меллӗ. Кӳмепе кӗме те лайӑх. Хыпар ҫӑлкуҫӗ:
|
|
Хулара
 t.me/chuv_kray каналтан илнӗ сӑнӳкерчӗк Шупашкарти юханшыв портне иелм кӳреҫҫӗ. Портӑн ҫуртне мар-ха. Вӑл ахаль те килӗшӳллӗ. Юханшыв портӗнчи парапета (Атӑл ҫыранӗн хӗрринчи бетон картана) хитрелетесшӗн. Палӑртни пурнӑҫа кӗрсен сӑрӑ тӗслӗ ҫав бетон ӳнерӗн чӑн-чӑн хайлавӗ евӗр пулса тӑрӗ. Юханшыв портӗнче «Чебоксары: порт шести веков» (чӑв. Шупашкар: ултӑ ӗмӗрти порт) 110 метр тӑршшӗ композици йӗркелӗҫ. Асӑннӑ ӗҫе пуҫараканни — Юханшыв порчӗ хӑй. 110 метр тӑршшӗ бетон картана Шупашкарти живопись ӑстисем, пурӗ 5 ҫын, ӳкерсе илемлетӗҫ. Хыпар ҫӑлкуҫӗ:
|
|
Хулара
 "На связи" форумри сӑн Ӗнер Шупашкарти тӗп пляжра водолазсем арҫынна шырани пирки пӗлтернӗччӗ. Вӑл ҫур ҫӗр иртни 1 сехетре шыва чӑмнӑ та ҫухалнӑ. Каярахпа лайӑх хыпар пӗлтернӗ: ҫак 71 ҫулти арҫынна тупнӑ. Вӑл чӗрӗ-сывах. Хайхи арҫын ҫӗрле Атӑл урлӑ ишсе каҫма шутланӑ иккен. Ҫыран хӗрринчен арӑмӗ унӑн япалисене илсе кайнӑ. Арҫын вара леш ҫырана каҫсан ҫула май килекен машинӑна ларса киле ҫитнӗ. Хыпар ҫӑлкуҫӗ:
|
|
Хулара
 Ҫӑлавпа шырав служби тунӑ сӑн Шупашкарти тӗп пляжра ҫӑлавҫӑсем арҫынна шыраҫҫӗ. Ҫӑлавпа шырав служби пӗлтернӗ тӑрӑх, вӑл ҫӗрле шыва кӗнӗ те ҫухалнӑ. Ку ҫур ҫӗр иртни 1 сехетре пулнӑ. Водолазсем ӑна паян ирех шырама тытӑннӑ. Палӑртмалла: ҫак пляжра ҫӗртме уйӑхӗн 13-мӗшӗнче 13 ҫулти хӗрача путса вилнӗ. Ҫӗртмен 16-мӗшӗнче тӗп пляжран инҫех мар шыва кӗрсе 14-ри тата 15 ҫулти арҫын ачасем путнӑ. Вӗсем шыва кӗме юраман вырӑнта чӑмпӑлтатнӑ. Ачасем шыв хӗрринче аслисемсӗр пулнӑ. Хыпар ҫӑлкуҫӗ:
|
|
Хулара
 "На связи" форумри сӑн Ӗнер каҫхи 10 сехет тӗлӗнче Шупашкарта вӑйлӑ ҫумӑр ҫунӑ. Хӑш-пӗр урамра шыв канализацие юхса ӗлкӗреймен. «Радужный» микрорайонта Алентей урамӗнчи 3-мӗш ҫурт ҫывӑхӗнчи тӑвайккинчен тӑпра парковкӑна юхса аннӑ. Максим Горький проспектӗнче ҫул ҫинче шыв тулнӑ. ҪҪХПИ инспекторӗсем «Татнефть» заправка патӗнчи ҫула пӳлнӗ. Хыпар ҫӑлкуҫӗ:
|
|
Хулара
 t.me/chuv_kray каналтан илнӗ сӑнӳкерчӗк Шупашкарти Амӑшӗн палӑкӗ умӗнче виҫӗ пысӑк матрёшка вырнаҫтарнӑ. Вӗсене художниксем илемлетсе пӗтернӗ. Шупашкара йӗркеленӗренпе 555 ҫул ҫитнине халалланӑ парнене Ксения Кокель, Василий Чапай, Яна Иванова художниксем сӑрласа илемлетнӗ. Вӑл матрёшкӑсем Чӑваш Ен хӑнасене тарават тата нумай нациллӗ регион пулнине кӑтартса парать. Хыпар ҫӑлкуҫӗ:
|
-1.7 °C