«Контактри» сӑн

Ҫӗнӗ Шупашкарта ретротехника фестивалӗ иртнӗ. Унта ҫынсем 20 регионтан килсе ҫитнӗ.

Фестиваль «Кивӗ клаксон» ятлӑ. Унта XX ӗмӗрти машинӑсемпе мотоциклсене, мопедсемпе велосипедсене курма май пулнӑ. Сӑмах май, мероприятие кӑҫалхипе иккӗмӗш хут йӗркеленӗ. Кӑҫал «Авто Акатуй» та иртнӗ. СССРти костюмсен конкурсне те йӗркеленӗ, ҫӗнтерӳҫӗсене чысланӑ.

Фестиваль концертпа вӗҫленнӗ.

cap.ru сайтри сӑн

Шупашкарта Республика кунӗнче кӑҫал та Фейерверксен фестивалӗ пулмӗ. Вӑл уяв программинче ҫук. Фестиваль пӗлтӗр те иртмен.

Фестиваль пӗрремӗш хут 2008 ҫулхи ҫу уйӑхӗн 9-11-мӗшӗсенче пулнӑ. Кайран ӑна Республика кунӗнче ирттерме тытӑннӑ. Вӑл ҫӗртме уйӑхӗн 23-24-мӗшӗсенче иртнӗ. Пӗлтӗр вара фестивале хӑрушсӑрлӑха пула йӗркелемен. Кӑҫал та ҫаплах.

Аса илтерер: уявра Шупашкара Раҫҫейри паллӑ юрӑҫ Татьяна Куртукава килет. Кунсӑр пуҫне Зыкина ячӗллӗ «Раҫҫей» ансамбль юрӑ-ташӑпа савӑнтарӗ.

https://cheb-centr.soc.cap.ru/ сӑнӳкерчӗкӗ

Шупашкарта пурӑнакан ватӑсем пенсие тухса ҫӗнӗ ӑсталаха та ним мар алла илме пултараҫҫӗ. Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта вӗсене ҫӗвӗҫ пулма та хӑнӑхтараҫҫӗ.

«Манӑн социаллӑ центр» клубра пырса ҫӳрекен 68 ҫулти Татьяна Панфилова хӑйне валли халат ҫӗлесе тӑхӑннӑ. Ку ӑсталӑха ӑна центрти ӗҫ инструкторӗ Ирина Ковеза хӑнӑхтарнӑ.

Татьяна Викторовна каласа кӑтартнӑ тӑрӑх, унччен ҫӗвӗ ӗҫӗпе аппаланса курман. «Хӑрамасан тата юнашар ылтӑн алӑлла ӑста пулсан тем те вӗренме пулать иккен», - хавхаланса каласа кӑтартнӑ ҫитмӗл ҫула ҫывхарса пыракан хӗрарӑм.

«Чеб.ру» сайтри сӑн

Шупашкарти Мӑшӑрлану керменне, Мускав проспектӗнчи 38-мӗш ҫуртӑн 1-мӗш корпусӗнче вырнаҫнӑскере, юсаса ҫӗнетӗҫ. Проект экспертиза витӗр тухнӑ.

Холлра, фойере, кӗнӗ ҫӗрте, пӗрремӗш хутри санузелсенче, иккӗмӗш хутри регистраци залӗнче тӗплӗ юсав тата ахаль юсав тӑвӗҫ.

Сӑмах май, унччен Шупашкарта Мӑшӑрлану керменӗ Володарски (халӗ Воробьев композиторсен) урамӗнче пулнӑ. Ӑна 1966 ҫулта уҫнӑ. Хальхи Мӑшӑрлану керменӗ 1992 ҫулта ӗҫлеме тытӑннӑ.

«Старость в радость» (чӑв. Ватлӑх савӑнма) ыркӑмӑллӑх фончӗ Чӑваш Енри пӗчӗк тупӑшлӑ пӗччен пурӑнакан ватӑсемпе сусӑрсене хальхинче апат-ҫимӗҫ туянма электрон сертификатсем уйӑрса панӑ. Кашнине — 5-шер пин тенкӗлӗх. Шупашкарта ун пек пулӑшупа 68 ҫын усӑ курӗ.

Сертификатпа тавара «Пятерочка» лавккасенче туянма юрать. Анчах эрех-сӑра, пирус туянмалла мар, куллен кирлӗ апат-ҫимӗҫ илмелле. Фонд сӗннине шута илсе. Лавккана ҫитме пултаракан ватӑсем хӑйсем кайса илеҫҫӗ, каяйманнисене социаллӑ центр ӗҫченӗсем туянса килне леҫсе параҫҫӗ.

«Тӗлӗнмелле савӑнтӑм. Кун чухлӗ апат-ҫимӗҫ хӑҫанччен ҫитӗ», — савӑнса тав тунӑ Шупашкарта пурӑнакан Елена Орлова иккӗмӗш ушкӑнри сусӑр.

Регина Антонова тунӑ сӑн

Шупашкарта Энгельс тата Чапаев урамӗсенче кӗнеке йышӑнмалли шкапсем вырнаҫтарнӑ.

Мӗн тӗллевпе тетӗр-и? Эсир унта кирлӗ мар кӗнекесене кайса хума пултаратӑр. Кайран вӗсене ялти вулавӑшсене парӗҫ. Вӗсем ан япӑхланччӑр тесе хутаҫа чикме сӗнеҫҫӗ.

Ҫывӑх вӑхӑтра хулара ҫавӑн йышши 50 шкап вырнаҫтарасшӑн.

cheb-centr.soc.cap.ru сӑнӳкерчӗкӗ

Шупашкарти халӑхӑн социаллӑ ыйтӑвӗсене тивӗҫтерекен комплексла центрен ӗҫчӗнӗсем тӗрлӗ хулара иртекен семинарсене час-часах хутшӑнаҫҫӗ. Унта учреждени директорӗ те, специалсичӗсем те кайса пӗлӗве анлӑлатаҫҫӗ.

Хальхинче ватӑ ҫынсене вӑрах вӑхӑт пӑхакан уйрӑмсен заведующийӗсем Надежда Шикарева тата Надежда Мастерова Санкт-Петербругра вӗренеҫҫӗ. Ватӑ ҫынсене тӗрӗс пӑхма вӗсем Санкт-Петербургри медицинӑпа социаллӑ институтра 4 кун вӗренеҫҫӗ. с

cheb-centr.soc.cap.ru сӑнӳкерчӗкӗ

Ӗнер, ҫӗртме уйӑхӗн 17-мӗшӗнче, Шупашкар хулинчи ватӑсем пӗрле пуҫтарӑнса Йошкар-Олана кайнӑ. Ватӑсене пӗрле пухаканни — халӑхӑн социаллӑ ыйтӑвӗсене тивӗҫтерекен комплекслӑ центр. Унта «Социаллӑ туризм» проект пурнӑҫа кӗнӗ май ватӑсене хамӑр республика тӑрӑх илсе ҫӳреҫҫӗ ҫеҫ мар, кӳршӗллӗ регионсене те илсе кайса кӑтартаҫҫӗ.

Учрежденире ӗҫлекен Валентина Ильина специалист пӗлтернӗ тӑрӑх, ватӑсене Мари Эл тӗп хули питех те килӗшнӗ. «Экскурссовод пулӑшнипе эпир кӳршӗллӗ республикӑмӑрӑн историйӗпе паллашарӑмӑр, Йошкар Ола тӑрӑх киленсе те савӑнса ҫӳрерӗмӗр», — каласа кӑтартнӑ вӑл центрӑн пресс-службине.

cap.ru сӑнӳкерчӗкӗ

Шупашкарта общество транспорчӗн ҫӗнӗ чарӑнӑвне уҫма палӑртаҫҫӗ. Вӑл «Каскад» суту-илу ҫуртне 30-мӗш атвоҫул енчен кӗнӗ ҫӗрте пулӗ.

Вырӑнта туса илекен апат-ҫимӗҫе сутакан агромаркет маларах асӑннӑ суту-илу ҫурчӗн цоколь хутӗнче пулӗ. «Пехет» ят панӑскерте 4,2 пин тӑваткал метр лаптӑк йышӑнӗ. Унта 4 обществӑлла апатлану точки уҫӗҫ, 8 павильон, 76 фермер вырӑнӗ пулӗ.

Агромаркета уҫиччен вӑхӑт нумай та юлман. «Концепцие ҫирӗплетнӗ, подрядчик ӗҫлет, сентерсене вырӑнта тавар туса илекенсене ҫирӗплетсе памалла. Анчах кунта килсе ҫӳрекенсене мелле пултӑр тесен тепӗр ыйтӑва татса памалла: агромаркетпа юнашар общество транспорчӗн ҫӗнӗ чарӑнӑвне уҫмалла», – тенӗ Чӑваш Енӗн Правительство пуҫлӑхӗ Сергей Артамонов.

Чарӑну ятне е «Пехет» агромаркет, е «Каскад» суту-илу сурчӗ тесе ят парӗҫ. Ку ыйтӑва хула администрацийӗнчи ятарлӑ комисси татса парӗ.

ШӖМ тунӑ сӑн

Шупашкарти хваттерте 10 велосипедпа 17 самокат тупнӑ. Кил хуҫи хӗрарӑмӗ тӳрре тухма хӑтланнӑ, вӑл вӗсене урамри ҫынсенчен туяннӑ имӗш. Анчах ку тӗрӗс-и е ҫук-и – тӗрӗслӗҫ.

Хваттере полицейскисем акӑ мӗнле лекнӗ. 46 ҫулти хӗрарӑм полицие велосипед ҫухални ҫинчен пӗлтернӗ. Вӑл ӑна пӗр учреждени умӗнче хӑварнӑ та каялла тухнӑ ҫӗре ним те ҫук. Уголовлӑ шырав ӗҫченӗсем велосипеда пӗр хӗрарӑм «Мазда СХ-7» автомобиле хурса кайнине палӑртнӑ. Вӑл ӑҫта пурӑннине пӗлсе хваттере кӗрсе тӑнӑ. Унта вара велосипедсемпе самокатсем нумай пулнӑ. Ҫав шутра – 46 ҫулти хӗрарӑмӑн транспорчӗ те.