|
Хулара
 Ӗмӗрӗпе ӗҫлесе пурӑнма хӑнӑхнӑ ҫын ахаль ларасшӑн мар. Вӑйӗ ҫитмесен те унӑн пахчара акса лартас килет. Кун пек чухне Шупашкарти ватӑсене халӑхӑн социаллӑ ыйтӑвӗсене тивӗҫтерекен комплекслӗ центрӗн социаллӑ ӗҫченӗсем пулӑшса пыраҫҫӗ. «Пахчана пушӑ вырттарас килмест. Юрать мана Елена Трофимова социаллӑ ӗҫчен пулӑшса пырать», — тав тӑвать тава тивӗҫлӗ канури Федосия Парфёнова. Зинаида Прокопьева вара Ольга Филиппова пулӑшса пынишӗн савӑнать. Хыпар ҫӑлкуҫӗ:
|
|
Хулара
 cap.ru сайтри сӑн Шупашкарти апатлану технологийӗпе коммерци техникумӗнче поварсен хушшинче «Профессире чи лайӑххи» конкурс иртнӗ. Республикари ултӑ кулинар тупӑшса хӑйсен ӑсталӑхне кӑтартнӑ: пулӑран, аш-какайран апат-ҫимӗҫ пӗҫернӗ, десерт хатӗрленӗ. Чи маттурри – Александр Гониашвили. Василий Лашманов тата Екатерина Адамова призерсем пулса тӑнӑ. Александр Чӑваш Ен чысне Раҫҫей шайӗнче хӳтӗлӗ, «Чӑваш ланчӗ» телепроекта хутшӑнӗ. Хыпар ҫӑлкуҫӗ:
|
|
Хулара
 Чӑваш патшалӑх ҫамрӑксен театрӗн сӑнӳкерчӗкӗ Шупашкарта урамра кино кӑтартма тытӑннӑ. Чӑваш патшалӑх ҫамрӑксен театрӗн «Ҫеҫпӗл» кинозалӗ кинона урамра кӑтартать. Ҫӑвӑн малтанхи уйӑхне Тӑван ҫӗршывӑн аслӑ вӑрҫинче ҫӗнтернӗренпе 80 ҫул ҫитнине халаллӗҫ. Ҫӗртме уйӑхӗн 4-мӗшӗнче «Отряд Светлячков» фильм кӑтартнӑ. Тӳлевсӗр черетлӗ кинона ҫӗртме уйӑхӗн 18-мӗшӗнче курма май килӗ. Ун чухне «Пять сыновей Марии» кинона йыхравлаҫҫӗ. Енчен ҫанталӑк начар пулсан, ҫумӑр ҫусан кинона пӗчӗк залта кӑтартӗҫ. Хыпар ҫӑлкуҫӗ:
|
|
Хулара
 «Лиза Алерт» шыравпа ҫӑлав отрячӗн архивӗнчи сӑн Ҫӗнӗ Шупашкарта 71 ҫулти хӗрарӑм ҫухалнӑ. Ӑна «Лиза Алерт» шыравпа ҫӑлав отрячӗн хастарӗсем шыраҫҫӗ. Любовь Васильевна Ларкина (Артемьева) килтен ҫӗртмен 3-мӗшӗнче тухса кайнӑ. Вӑл ӑҫталла ҫул тытни паллӑ мар. Хӗрарӑм 160 сантиметр ҫӳллӗш, вӑтам пӳ-силлӗ, ҫӳҫӗ хура, куҫӗ хӑмӑр. Килтен кайнӑ чухне мӗн тӑхӑнни паллӑ мар. Вӑл ӑс-тӑн арпашӑннипе аптӑрать. Ӑна курнисене ҫак номерсемпе шӑнкӑравлама ыйтаҫҫӗ: 8 800 700-54-52 (Раҫҫейре тӳлевсӗр) е 89876687081 (Виктория Искрич). Хыпар ҫӑлкуҫӗ:
|
|
Хулара
 Шупашкарта иртекен «Симӗс ылтӑн» фестивале паллӑ «Мираж» ушкӑн килӗ. Концерт утӑн 19-мӗшӗнче пулӗ. Вӑл – 18 ҫултан аслӑраххисем валли. Ҫавӑн пекех Хусанти «Хитобои», Мускаври The Beatlove тата «Ракеты», Минскри Trubetskoy трио тата ытти артист килӗ. Хӑнасем фермер продукцине тутанса пӑхма пултарӗҫ. Ҫавӑн пекех Раҫҫей хӑмлинчен вӗретнӗ сӑра дегустацийӗ пулӗ. Фестиваль утӑн 12-мӗшӗнче пуланса утӑн 19-мӗшӗнче вӗҫленӗ. Хыпар ҫӑлкуҫӗ:
|
|
Хулара
 «Контактри» сӑн Шупашкарти «Суту-илӳ ҫурчӗ» чарӑнура ҫӗнӗ йышши павильон кӗҫех ӗҫлеме тытӑнӗ. Вал хулари ытти павильонран уйрӑлса тӑрать. Мӗнпе? Панорамлӑ кантӑк ҫинче хула сӑнӗсене курма пулать. Тӑррине ҫирӗп тонировка кантӑкӗнчен тунӑ. Кунсӑр пуҫне телефона заряд тумалли USB-разъём пур. Транспорт хӑҫан килнине кӑтартакан табло та вырнаҫтарнӑ. Хӑрушсӑрлӑх пирки те манман: видеосӑнав пур. Ку павильона хулана Шупашкарти электроаппарат завочӗ парнеленӗ. Хыпар ҫӑлкуҫӗ:
|
|
Хулара
 Вера Иванова сӑнӳкерчӗкӗ Паян Шупашкарти халӑхӑн социаллӑ ыйтӑвӗсене тивӗҫтерекен комплекслӑ центрта ачасен сывлӑхне ҫирӗплетмелли кӑнтӑрлахи уйлӑх уҫӑлнӑ. Лагерь ытти ҫулти пекех 4 сменӑпа ӗҫлӗ. Кашни смени 21 кунтан тӑрӗ. Ачасене каникул ҫитнӗ тата лагерьти смегна пуҫланнӑ ятпа центрӑн директорӗн ҫуме Альбина Данилова ВННИРан гендиректорӗ Сергей Антонов саламланӑ. Асӑннӑ организаципе тата «АБС Электро» ыркӑмӑллӑх фончӗпе социаллӑ учреждени тахҫантанпах туслӑ. Хальхинче те хӑнасем пушӑ алӑпа килмен, кашни ача валли парне хатӗрленӗ. Унсӑр пуҫне вӗсем аниматорсене те илсе килнӗ. Хавасла ертӳҫӗсем ачасене юрлаттарса ташлаттарнӑ, чунтан савӑнтарттарнӑ. Супӑнь кӑпӑкӗнчен йӗркеленӗ шоу тата еплерех хавас иртнӗ! Хыпар ҫӑлкуҫӗ:
|
|
Хулара
 «Контактри» сӑн Шупашкарти «Элара» савут умне тӗрлӗ кӳлепе вырнаҫтарасси ырӑ йӑлана кӗнӗ. Халӗ вара унта пӗртӑван Стругацкисен «Понедельник начинается в субботу» повеҫӗ тӑрӑх хатӗрленӗ инсталляцие туса лартнӑ. Питӗ илемлӗ фотозона пулса тухнӑ. Чӑх ури ҫинче тӑракан ҫурт умӗнче Яка карчӑк та пур. Аса илтерер: унччен саут умӗнче жираф вырнаҫтарнӑччӗ. Хыпар ҫӑлкуҫӗ:
|
|
Хулара
 «Химпром» архивӗнчи сӑн Ҫӗнӗ Шупашкарти 55-мӗш маршрутпа ҫӳрекен троллейбуса Леонид Шевницын ятне панӑ. Вӑл «Химпром» директорӗ пулнӑ. Ку маршрут – ҫӗнӗ. Кӑҫал «Химпром» йӗркеленнӗренпе 65 ҫул ҫитет. Ҫавна май Леонид Шевницын ячӗллӗ 55-мӗш троллейбуса маршрут ҫине кӑларма йышӑннӑ. Ун ҫинче унӑн портречӗ пулӗ. Троллейбус Ҫӗнӗ Шупашкарти тӗп урамсемпе тата тата иртнӗ ӗмӗрӗн 70-мӗш ҫулӗсенче «Химпромӑн» производствӑри ӑнӑҫӑвӗсене халалласа йӗркеленӗ 10-мӗш Пилӗкҫуллӑх урамӗпе кайӗ. Хыпар ҫӑлкуҫӗ:
|
|
Хулара
 cheb-centr.soc.cap.ru сӑнӳкерчӗкӗ Шупашкар хулинчи халӑхӑн социаллӑ ыйтӑвӗсене твиӗҫтерекен комплекслӑ центрӑн пай заведующийӗ ӗҫлесе сипленме вӗренсе килнӗ. Марина Петрова заведующи «Старость в радость» (чӑв. Ватлӑх савӑнма) ыркӑмӑллӑх фончӗ йӗркеленӗ икӗ кунлӑх курсра пӗлӗвне туптанӑ. Заняти «Внимание и забота» (чӑв. Тимлӗх тата тӑрӑшу) обществӑра иртнӗ. Хушма професси пӗлӗве паракан программа «Частые вопросы эрготерапии. Эрготерапия в системе социального обслуживания» (чӑв. Эрготерапинчи час-час тӗл пулакан ыйтусем. Социаллӑ пулӑшу сферинчи эрготерапи). Веренӳ 72 сехет теори занятийӗнчен тата 2 кунла практикаран тӑнӑ. Программа обучения была направлена на углубление знаний и навыков Программа обучения была направлена на углубление знаний и навыков в области эрготерапии, что особенно важно для специалистов, работающих в сфере социального обслуживания Хыпар ҫӑлкуҫӗ:
|
-2.7 °C