|
Хулара
 cheb-centr.soc.cap.ru сӑнӳкерчӗк Шупашкарта пурӑнакан Ира Моссур ӗнер 86 ҫул тултарнӑ. Кун пирки хулари халӑхӑн социаллӑ ыйтӑвӗсене тивӗҫтерекен комплекслӑ центр пӗлтернӗ. Ира Сергеевна Сарӑту облаҫӗнчи Степное ялӗнче ҫуралнӑ. Мӑшӑрӗпе икӗ ача ҫуратса ӳстернӗ. Вӗсенчен пӗри, Александр Александрович, — Раҫҫейӗн тава тивӗҫлӗ летчикӗ. Ира Моссурӑн хӗрӗ Шупашкарти «Элара» заводра кадрсен пайӗн пуҫлӑхӗнче 30 ҫул ытла ӗҫленӗ. Виҫӗ ҫул каялла вӑл амӑшне Шупашкара илсе килнӗ. Халӗ хӗрарӑма социаллӑ ӗҫчен пулӑшса тӑрать. Шупашкара кинемей тӑван килӗ вырӑннех хурать. Хыпар ҫӑлкуҫӗ:
|
|
Хулара
 cheb-centr.soc.cap.ru сӑнӳкерчӗкӗ Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗ коллективра тӑрӑшакансем хӑйсене лайӑх туйччӑр тесе самай тӑрӑшать. Халӗ унта социаллӑ ӗҫченсемпе занятисен ярӑмне ирттерме тытӑннӑ. «Ҫынсем ӗҫре ывӑнса ҫитнине эпир аван ӑнланатпӑр. Социаллӑ ӗҫченсене вара пушшех те ҫӑмӑл мар. Вӗсем хӑйсем пӑхса пулӑшакан ватӑсемпе сусӑрсен ыратӑвне чӗре витӗр кӑлараҫҫӗ», — каласа кӑтартнӑ центр директорӗ Светлана Милкина. Ҫавна май паян учрежденире Республикӑри хӗрарӑмсен канашӗпе пӗрле мероприяти ирттернӗ. Асӑннӑ канашӑн пайташӗсем кун пек мероприятие ҫак эрнере тата ирттерӗҫ. Хыпар ҫӑлкуҫӗ:
|
|
Хулара
 Вера Иванова сӑнӳкерчӗкӗ Шупашкарти халӑхӑн социаллӑ ыйтӑвӗсене тивӗҫтерекен комплекслӑ центрта пурӑнакан ватӑсен ҫӳҫне тӳлевсӗр каснӑ. Центрӑн стационар уйрӑмӗн заведующийӗ Олеся Рубцова пӗлтернӗ тӑрӑх, парикмахерские хӑш-пӗр ватӑ хӑй тӗллӗн те каять-ха, анчах пурте унта утса ҫитеймеҫҫӗ. Пулас парикмахерсене хулари «Аспект» вӗрентӳпе меслетлӗх центрӗнчен чӗнсе илеҫҫӗ. «Парикмахерсем центра килсен яланах ҫӳҫ кастарса юлатӑп. Тӗкӗр ҫине пӑхатӑп та пит ҫамрӑкланса кайнӑнах туйӑнать», — хавхаланса каланӑ Тамара Арланова ятлӑ ватӑ. Хыпар ҫӑлкуҫӗ:
|
|
Хулара
 Шупашкарти троллейбуссем ҫинче валидаторсем вырнаҫтарнине эсир асӑрханӑ пулӗ. Чӑваш Енри ҫул укҫине аллӑн мар укҫапа илекен регионти оператор, пӗрлехи транспорт карти (ЕТК), асӑрханӑ тӑрӑх, хӑш-пӗр валидатор йӗркеллӗ ӗҫлемен иккен. Ҫавна май ҫынсен банк картти ҫинчи укҫа ҫийӗнчех тытӑнса юлман. Хале ҫав укҫана тытса юлӗҫ. Хыпар ҫӑлкуҫӗ:
|
|
Хулара
 cap.ru сӑнӳкерчӗкӗ Кӑҫалхи нарӑс уйӑхӗн 21-мӗшӗнченпе Шупашкарпа Ҫӗнӗ Шупашкар хулисене 61-мӗш номерлӗ маршрутпа ҫыхӑнтарчӗҫ. Республикӑн Транспорт министерствинче пӗлтернӗ тӑрӑх, унтанпа вӑл 71 пин пассажира турттарма ӗлкернӗ. Асӑннӑ ведомствӑн ертӳҫи Максим Петров ҫӗнӗ маршрут епле ӗҫленине тӗрӗслеме хӑй ҫула тухнӑ. Максим Петров журналистсемпе калаҫнӑ чухне республика Элтеперне ырласа хӑварнӑ: 2020 ҫултанпа 221 ҫӗне троллейбус, 47 автобус туяннине пӗлтернӗ. Министерство ертӳҫи пӗтӗмлетнӗ тӑрӑх, ку маршрут питех те кирлӗ. Хыпар ҫӑлкуҫӗ:
|
|
Хулара
 cap.ru сайтри сӑн Шупашкарти пӗтӗм ветерана, Тӑван ҫӗршывӑн Аслӑ вӑрҫине хутшӑннисене, хулан хисеплӗ ҫыннин ятне парӗҫ. Хальхи вӑхӑтра Шупашкарта 17 ветеран пурӑнать. «Шупашкар хулин хисеплӗ ҫынни» ята Ҫӗнтерӳ пулнӑранпа 80 ҫул ҫитнине уявланӑ чухне, ҫу уйӑхӗн 9-мӗшӗнче, чыслӗҫ. Ҫак ята тивӗҫнисен йышӗнче – 101 ҫулти Иван Григорьев, 100 ҫулти Зинаида Канова, 99 ҫулти Михаил Сорокин. Вӗсемсӗр пуҫне тепӗр 14 ветеран ҫак хисеплӗ ята тивӗҫӗ. Хыпар ҫӑлкуҫӗ:
|
|
Хулара
 cap.ru сӑнӳкерчӗкӗ Шупашкарӑн туризм карттине пичетлесе кӑларнӑ. Кун пирки Туризма аталантармалли агентство пӗлтернӗ. Асӑннӑ кӑларӑмра хулари мӗнпур паллӑ вырӑнсене тата туристсен тӗп маршручӗсене кӑтартнӑ. Унпа паллашсан кӑсӑклӑ вырӑнсем пирки пӗлме май килӗ. Пирӗн республика туристсене илӗртмессипе нумай ӗҫлеҫҫӗ. Чӑваш Енпе ытти тӑрӑхри ҫынсем те килсе ҫӳреҫҫӗ. Хыпар ҫӑлкуҫӗ:
|
|
Хулара
 cheb-centr.soc.cap.ru/press-centr сӑнӳкерчӗкӗ Шупашкарта пурӑнакан 92 ҫулти Галина Маскевич темиҫе ҫул каялла кӗнеке пичетлесе кӑларнӑ. Галина Фёдоровнӑна пӗлтӗрхи утӑ уйӑхӗнченпе Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗн социаллӑ ӗҫченӗ Анна Христофорова пӑхса тӑрать. Чӗмпӗр облаҫӗнче ҫуралнӑ хӗрарӑм Канашри педагогика училищинче веренне, кайран вӑл Ҫӗпӗре тухса кайнӑ. Унта педагогика институтӗнче куҫӑнсӑр майпа вӗреннӗ. Унтах вырӑнти каччӑпа паллашна, унпа вӗсем Чӑваш Ене куҫса килнӗ. Хӗрарӑм Варнарти ял хуҫалӑх техникумӗнче преподавательте ӗсленӗ, литература кружокне ертсе пынӑ. Тава тивӗҫлӗ канӑва тухса вӑл Шупашкарти ача пахчисенчен пӗринче (унта чирле ачасем ҫӳренӗ) 72 ҫула ҫитиччен тӑрӑшнӑ. 2017 ҫулта кинемей «Исповедь души» кӗнеке кун ҫути кӑтартнӑ. Ӑна пичетлеме унӑн веренекенӗсем пулнисем пулӑшнӑ. Хыпар ҫӑлкуҫӗ:
|
|
Хулара
 cheb-centr.soc.cap.ru сӑнӳкерчӗкӗ Шупашкар хулинче пурӑнакан ватӑсене киле пырсах ҫӳҫ касаҫҫӗ. Кунта сӑмах хулари халӑхӑн социаллӑ ыйтӑвӗсене тивӗҫтерекен комплекслвӑ центрен социаллӑ ӗҫченӗсем пӑхса пулашакан кинемейсем пирки пырать. Пуш уйӑхӗн 8-мӗшӗ умӗн кинемейсене хитрелетекеннисем — центрӑн социаллӑ ӗҫченӗсем. Людмила Захарова, Елена Трофимова тата Ольга Филиппова социаллӑ ӗҫченсен алли пур ӗҫе те тытса тума ӑста. Ватӑсем килтех ҫӳҫ касма май пурришӗн савӑнаҫҫӗ, тав тӑваҫҫӗ. «Эпӗ Ольга Филипповӑна тав тӑвасшӑн. Ниҫта кайса ҫӳремесӗр хитре пулса тӑтӑм», — ӑшӑ кӑмӑлпа тав тунӑ, сӑмахран, Анна Ташманова ватӑ хӑйне пулашса пыракан социаллӑ ӗҫчене. Хыпар ҫӑлкуҫӗ:
|
|
Хулара
 "На связи" форумри сӑн Шупашкарти медицина колледжӗҫ вӗрентекенне сӗтев илнӗшӗн айӑпласшӑн. Виҫӗ эпизодпа пуҫиле ӗҫ пуҫарнӑ. Следстви палӑртнӑ тӑрӑх, вӑл 2024 ҫулхи пуш-ака, уйӑхӗсенче 3 студентран 3-шер тӗнкӗ илнӗ, ҫапла ют чӗлхе предмечӗпе зачет лартса панӑ. Пуҫилӗ ӗҫе тишкерсе пӗтернӗ, тӗп хулари Мускав районӗн судне пӑхса тухма панӑ. Хыпар ҫӑлкуҫӗ:
|
+13.3 °C