|
Тӗнчере
 Ҫӑлкуҫ: The Washington Post Аляскӑра икӗ упа Krispy Kreme пончиксем кӑларакан американ компанийӗн фургонне кӗрсе ҫӗр ытла пылак ҫимӗҫ ҫисе янӑ. Пылак ҫимӗҫпе вӗсем 20 минута яхӑн апатланнӑ, тесе ҫырать The Washington Post. Хаҫат пӗлтернӗ тӑрӑх, хура упа ами тата унӑн ҫури Анкориджри АЗС ҫывӑхӗнчи ҫӳп-ҫап бакӗсенче апат-ҫимӗҫ шыранӑ. Ҫав вӑхӑтра тискер чӗрчунсене фургонри пончиксен шӑрши илӗртнӗ: унӑн водителӗ автомобиль алӑкӗсене хупма манса ҫывӑхри лавккана кайнӑ пулнӑ. Упасене чи малтан асӑрханӑ АЗС менеджерӗ Шелли Дино каласа панӑ тӑрӑх, тискер чӗрчунсем фургона вырнаҫса ларнӑ та пылак ҫимӗҫе ярӑнтарнӑ. Krispy Kreme-ра каярах ӑнлантарса панӑ тӑрӑх, вӗсем мӗнпурӗ 130 пончикран кая мар ҫисе янӑ. Чи малтанах Динопа фургон водителӗ упасене хӑйсем тӗллӗн хӑратма хӑтланнӑ, анчах вӗсен ӗҫӗ ӑнӑҫман. Ун хыҫҫӑн вара вӗсене пулӑшма инҫех мар вырнаҫнӑ Эльмендорф-Ричардсон ҫар базинчи хурал ҫитнӗ. Вӗсем тискер чӗрчунсене служба автомобилӗнчи сиренипе хӑваласа яма пултарнӑ. Кӑларӑм палӑртнӑ тӑрӑх, ытларах чухне хура упасем талӑкӑн тӗттӗм вӑхӑтӗнче апат шырама тухаҫҫӗ, ҫавӑнпа та кӑнтӑрла вӗсене курма ҫӑмӑлах мар. Хыпар ҫӑлкуҫӗ:
|
|
Персона
 Олег Николаевӑн Телеграм-каналӗнчи сӑн РФ Президенчӗ Владимир Путин Ҫӗмӗрлере пурӑнакан нумай ачаллӑ амӑшне Мария Кудрявцевӑна «Амӑшӗ героиня» ята пама йышӑннӑ. Марийӑпа Иван Кудрявцевсем 11 ачана воспитани параҫҫӗ: 7 ывӑл та 4 хӗр. Аслӑ ывӑлӗ ятарлӑ ҫар операцине хӑйӗн ирӗкӗпе кайнӑ. Ҫак хисеплӗ ята тивӗҫнӗ амӑшӗсене 1 миллион тенкӗ, грамота тата ылтӑнран тунӑ медаль параҫҫӗ. Хыпар ҫӑлкуҫӗ:
|
|
Республикӑра
 t.me/pro_cheby каналтан илнӗ сӑнӳкерчӗк Чӑваш Енре пурӑнакансем уйӑхсерен вӑтамран 47,3 пин тенкӗ укҫа ӗҫлесе илеҫҫӗ. Пӗлтӗрхи кӑрлач-ҫурла уйӑхӗсенчипе танлаштарсан шалу виҫи 19,3 процент ӳснӗ. Унсӑр пуҫне пирӗн республикӑра ӗҫсӗр ҫынсен шучӗ сахалланнӑ. Республикӑри предприяти-организацисенче кадрсем ытларах кирлӗ. Ку цифра 25 процент пысӑкланнӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Паян ир пулттипе, 3 сехет те 40 минутра, Ҫӗнӗ Шупашкар ҫывӑхӗнче вырнӑҫнӑ Ҫӑкалӑхъялӗнче пушар пулнӑ. Кил хуҫи ҫулӑма хӑйех сӳнтерес тесе тӑрӑшнӑ та шар курнӑ: вӑл пиҫсе кайнӑ. Ӑна Шупашкарти васкавлӑ медпулӑшу пульницине илсе ҫитернӗ. Шел те, пушар пӳрте тӗп тунӑ. Юрать-ха, ҫӑлавҫӑсем кӳршӗ ҫурта сыхласа хӑварнӑ. Ирхи 5 сехет тӗлне Тӑвай районӗнчи Йӑнтӑрчӑ ялӗнче йывӑҫ ҫурт ҫунма пуҫланӑ. Унта ҫулӑм пӳрт тӑррине сиенлетнӗ. Халӗ пушар мӗнрен тухнине тӗпчеҫҫӗ. Хыпар ҫӑлкуҫӗ:
|
|
Вӗренӳ
 cap.ru сӑнӳкерчӗкӗ Чӑваш Енре ҫӗнӗ вӗренӳ ҫулӗнче бюджет вырӑнӗсене самай ӳстернӗ. Пин таран. 2023-2024 вӗренӳ ҫулӗсенче абитуриентсене професси пӗлӗвӗ паракан 23 организаципе 12 аслӑ шкула йышӑннӑ. Пӗрремӗш курссем валли пӑхса хӑварнӑ бюджет вырӑнӗсен шутне кӑҫал тепӗр 912 вырӑн хушса 11 522-е ҫитернӗ. Ҫав шутран 4 346-шӗ – аслӑ шкулсенче, 7 176-шӗ — техникумсемпе колледжсенче. Республикӑн вӗренӳ министрӗ Дмитрий Захаров Чӑваш Енӗн Правительство ҫуртӗнчи канашлура пӗлтернӗ тӑрӑх, 2023 ҫулта аслӑ шкулсенче тӗллевлӗ вӗренме кӗмелли 844 вырӑн пӑхса хӑварнӑ. Анчах тӗллевлӗ вырӑнсенчен 402-шне ҫеҫ йышӑннӑ. Хыпар ҫӑлкуҫӗ:
|
|
Чӑвашлӑх
 cap.ru порталтан илнӗ сӑнӳкерчӗк Иван Яковлев ҫуралнӑранпа 175 ҫул ҫитнине халалласа Хусанта ҫавра сӗтел иртӗ. Мероприятие Чӑваш Енӗн Наци вулавӑшӗ, Хусанти федераци университечӗ тата Тутарстанри наци библиотеки авӑн уйӑхӗн 21-22-мӗшӗсенче пӗрле пулса ирттерӗҫ. «Гений места. Технология работы с наследием И.Я. Яковлева в современных архивах, музеях и библиотеках» ятлӑ регионсем хушшинчи ҫавра сӗтел Н.И. Лобачевский ячӗллӗ ӑслӑлӑх вулавӑшӗнче иртӗ. Унта Чӑваш Енӗн культура министрӗн пӗрремӗш ҫумӗ Татьяна Казакова, Тутарстан культура министрӗн пӗрремӗш ҫумӗ Юлия Адгамова, Хусанти федераци университечӗн ӑслӑлӑх енӗпе ӗҫлекен проректорӗ Дмитрий Таюрский, музейсемпе архивсен, вулавӑшсен ӗченӗсем хутшӑнӗҫ. Хыпар ҫӑлкуҫӗ:
|
|
Спорт
 cap.ru сайтри сӑн Иртнӗ шӑматкун Раҫҫейре, ҫав шутра – Чӑваш Енре те, «Наци кросӗ» иртнӗ. Унта мӗн чухлӗ ҫын хутшӑнни паллӑ. Чӑваш Енре 43 пин ҫын старта тухнӑ. Кашни 16-мӗш ҫын – Шупашкарта. Тӗп хулара 2,6 пин ҫын «Наци кросне» хутшӑннӑ. Финиша чи малтан чупса ҫитнисене дипломпа тата парнепе хавхалантарнӑ. Пирӗн республикӑра «Наци кросӗ» 2004 ҫултанпа иртет. Сӑмах май. 2017 ҫулта Чӑваш Енре 61,2 пин ҫын старта тухнӑ. Хыпар ҫӑлкуҫӗ:
|
|
Раҫҫейре
 Сӑнӳкерчӗк: t.me/sdelano_v_chuvashii Иркутск облаҫӗнче бензопӑчкӑсемпе ӗҫлекен ӑстасен Раҫҫей чемпионачӗ иртнӗ. Пирӗн ӑстасем унта чи лайӑххисем пулса тӑнӑ. Пӗтӗмпе 17 команда тупӑшнӑ. Чӑваш Ен чысне Артем Шашков, Сергей Субботин, Андрей Климин тата Галина Климина хӳтӗленӗ. Вӗсем республика шайӗнче иртнӗ ӑмӑртура тупӑшса палӑрнӑ, «Чи лайӑх вӑрман касакан» ята тивӗҫнӗ. Командӑпа ӑмӑртса пирӗннисем малти вырӑна йышӑннӑ. Уйрӑммӑн тупӑшса вара Галина Климина кӗмӗл медале тивӗҫнӗ. Хыпар ҫӑлкуҫӗ:
|
|
Политика
 duma.gov.ru сайтри сӑн 2024 ҫултанпа РФ Патшалӑх Думин депутачӗсем хӑйсен суйлав округӗсенче Раҫҫейре туса кӑларнӑ машинӑсемпе кӑна ҫӳрӗҫ. Ку, паллах, ӗҫпе ҫыхӑнна ҫула пырса тивет. Ку саккуна Патшалӑх Думи ҫак кунсенче йышӑннӑ. Ҫак депутатсем валли машинӑсене регионти влаҫ тара илет. Кайран тӑкака Патшалӑх Думи саплаштарать. Палӑртмалла: пирӗн регионта Патшалӑх Думинчен 3 депутат пур. Вӗсем - Алла Салаева (Пӗрлӗхлӗ Раҫҫей), Анатолий Аксаков (Тӗрӗслӗхшӗн Раҫҫей)тата Ирина Филатова (КПРФ). Хыпар ҫӑлкуҫӗ:
|
|
Республикӑра
 mintrud.cap.ru сӑнӳкерчӗкӗ Ҫӗрпӳ районӗнчи администрацире тӑрӑшакан ИТ-специалист патшалӑх шучӗпе пӗлӗвне анлӑлатнӑ. Цифра аталанӑвӗн тата информаци технологийӗсен секторӗн заведующийӗ Евгений Профоров «Демографи» наци проекчӗпе килӗшӳллӗн вӗреннӗ. 50 ҫултан иртнисене вӗрентсе кӑларнӑшӑн патшалӑх тӳлет. ИТ-специалист Томскри патшалӑх университечӗн регионсем хушшинчи хушма пӗлӳ паракан центрӗнче вӗреннӗ. Арҫын преподавательсене те пысӑка хурса хакланӑ, ӑна вӗренме питех те килӗшнӗ. Хыпар ҫӑлкуҫӗ:
|
-3.7 °C