|
Персона
 cap.ru сайтри сӑн ЧР Патшалӑх Канашӗн депутатне, ликер-эрех савучӗн директорне Олег Мешкова «Чӑваш Республикин тава тивӗҫлӗ промышленноҫ ӗҫченӗ» ят панӑ. Хушӑва ӗнер ЧР Элтеперӗ Олег Николаев пуснӑ. Олег Мешков Шупашкарти лекер-эрех савутне 2017 ҫултанпа ертсе пырать. 2011 ҫултанпа, виҫҫӗмӗш созыв ӗнтӗ, вӑл Патшалӑх Канашӗн депутачӗ шутланать. Унӑн награда сахал мар: «Чӑваш Республики умӗнчи тава тивӗҫлӗ ӗҫсемшӗн» орден медалӗ, Чӑваш Республикин Хисеп грамоти, РФ Ял хуҫалӑх министерствин Хисеп грамоти, Патшалӑх Думин Хисеп грамоти… Хыпар ҫӑлкуҫӗ:
|
|
Сывлӑх
 cap.ru сӑнӳкерчӗкӗ Ӗнер, юпа уйӑхӗн 18-мӗшӗнче, Канаш муниципаллӑ округӗнче виҫӗ ФАП уҫӑлнӑ. Ҫӗнӗ фельдшерпа акушер пункчӗсем Ҫӗнӗ Шелттӗм, Сител тата Кӗҫӗн Тукай ялӗсенче ӗҫлесе кайнӑ. Хӗрлӗ хӑйӑва касма пысӑк шайри тӳре-шара пырса ҫитнӗ, ял ҫыннисем пуҫтарӑннӑ. Кашни ФАПа тума 7 миллион тенкӗ ытла тухса кайнӑ. Ҫӗнӗ пунктсенче прививка тата процедура тумалли пӳлӗмсем, гинеколог пӳлӗмӗсем пур. Хыпар ҫӑлкуҫӗ:
|
|
Республикӑра
 www.cap.ru сӑнӳкерчӗкӗ Чӑваш Енӗн Верховнӑй сучӗн председателӗ пулма Анатолий Петрова ҫирӗплетнӗ. Ӑна тата ытти судьяна федерацин Чӑваш Енри инспекторӗ Григорий Сергеев юпа уйӑхӗн 17-мӗшӗнче удостоверенисем панӑ. Анатолий Петрова тепӗр вӑхӑтлӑха Чӑваш Енӗн Верховнӑй сучӗн председателӗнче хӑварасси ҫинчен калакан Хушӑва Раҫҫей Президенчӗ Владимир Путин авӑн уйӑхӗн 27-мӗшӗнче алӑ пуснӑ. Анатолий Петров суд тытӑмӗнче 1997 ҫултанпа ӗҫлет. 1997-2003 ҫулсенче вӑл Шупашкар хулинчи Калинин районӗнче судра судья пулнӑ, унтан суд председателӗн ҫумӗ пулма шаннӑ. 2003 ҫулта Чӑваш Республикин Верховнӑй сучӗн судйи пулса ӗҫлеме тытӑннӑ. 2013-2017 ҫулсенче унта председателӗн заместителӗнче тӑрӑшнӑ. Кайран ӑна председатель тивӗҫне пурнӑҫлама шаннӑ. Хыпар ҫӑлкуҫӗ:
|
|
Политика
 cap.ru сайтри сӑн Паян Шӑмаршӑ муниципаллӑ округӗн депутачӗсем черетлӗ мар пухӑва пухӑнӗҫ. Округ администрацийӗн пуҫлӑхӗ Александр Чамеев ӗҫрен хайӗн ирӗкӗпе кайма заявлени ҫырнӑ. Пухура шӑпах ӑна пӑхса тухӗҫ. Александр Чамеев ку должноҫре 2020 ҫулхи кӗркунне ӗҫлеме пуҫланӑ. Унччен вӑл район администрацийӗн пуҫлӑхӗн ҫумӗ пулнӑ. Аса илтерер: нумаях пулмасть Ҫӗнӗ Шупашкар хула администрацийӗн пуҫлӑхне Дмитрий Пулатова шанчӑкран тухнӑ тесе должноҫрен кӑларас ыйтӑва пӑхса тухма палӑртнӑ. Хыпар ҫӑлкуҫӗ:
|
|
Ҫурт-йӗр
 cap.ru сӑнӳкерчӗкӗ Шупашкар муниципаллӑ округӗнчи 74 ҫынна Кӳкеҫре ҫӗнӗ хваттер парӗҫ. Хальхи вӑхӑтра вӗсем валли посёлокри Первомайски урамра «Агата» организаци ҫӗнӗ тӑрсах нумай хваттерлӗ ҫурт хӑпартать. Ӗҫе кӑҫал туса пӗтермелле. Ӗҫ-пуҫ епле пынипе вырӑна ҫитсе ӗнер, юпа уйӑхӗн 18-мӗшнче, муниципалитет округӗн пуҫлӑхӗн тивӗҫӗсене вӑхӑтлӑх пурнӑҫлакан Владимир Михайлов паллашнӑ. Ҫӗнӗ хваттерсене кивӗ те ишӗлекен ҫурт-йӗр тесе 2017 ҫулхи кӑрлач уйӑхӗн 1-мӗшӗччен йышӑннӑ ҫуртсенче пурӑнакансене куҫарӗҫ. Хыпар ҫӑлкуҫӗ:
|
|
Пӑтӑрмахсем
 ШӖМ видео скринӗ Паян ирхине 5 сехет те 12 минутра Шупашкарти Мир проспектӗнче автовокзала пӑрӑннӑ ҫӗрте ПАЗик 63 ҫулти арҫынна вилмеллех таптаса кайнӑ. Арҫын светофор симӗс ҫутнӑ вӑхӑтра ҫул урлӑ каҫнӑ. ПАЗ водителӗ вара вокзал енне пӑрӑннӑ чухне ӑна асӑрхаман – таптаса кайнӑ. Арҫын васкавлӑ медпулӑшу киличчен вилнӗ. Халӗ тӗрӗслев ирттереҫҫӗ. Хыпар ҫӑлкуҫӗ:
|
|
Пӑтӑрмахсем
 russian.rt.com сайтран илнӗ сӑнӳкерчӗк Шупашкар хулинче пурӑнакан, кунти военкоматра ӗҫлекен 24 ҫулти Александр Моряков вырӑнти тӳре-шара пулӑшманран «RT» МИХран пулӑшу ыйтнӑ. Александр Воркутаран. Унта повар-кондитера вӗренсе тухнӑ хыҫҫӑне малтан ҫара кайнӑ, кайран контрактпа службӑна юлнӑ. Мускав облаҫӗнчи Наро-Фаминскра тата Мурманск хулинче пулнӑ. Украинӑри ятарлӑ ҫар операцине хутшӑннӑ чух вӑл мина ҫине лексе икӗ урасӑр тӑрса юлнӑ. Вӑл Паттӑрлӑх орденне тивӗҫнӗ. Шупашкарта нумай хваттерлӗ ҫуртсенчен пӗринче пӗрремӗш хутра, хваттер туяннӑ. Анчах унта инвалид валли пандус ҫук иккен. Хӑмаран ҫапса туса панӑ. Анчах ун тӑрӑх ҫамрӑк арҫын хӑй тӗллӗн анса хӑпараймасть. Таҫта та ҫырнӑ, комиссисем те пырса пӑхнӑ. Ыйту татӑлман. Ҫавӑнпа вӑл ыйтӑва урӑх шайра хускатма йышӑннӑ. Хыпар ҫӑлкуҫӗ:
|
|
Чӑвашлӑх
 cap.ru сӑнӳкерчӗкӗ Чӑваш Енре «Пурӑн, чӑваш тӗрри» конкурс малалла пырать. Унӑн теми – «Ачаран пӗлекен эреш». Пултарулӑх ӑмӑртӑвне Чӑваш наци музейӗ тата Чӑваш Енри хӗрарӑмсен канашӗ ирттереҫҫӗ. Вӗсем ӑстасене, художниксене тата дизайнерсене чӑваш тӗррине тӗпе хурса ача-пӑча валли хальхи вӑхӑтри тум хатӗрлеме сӗнеҫҫӗ. Паянхи кун тӗлне конкурса Шупашкарти, Элӗк, Йӗпреҫ, Хӗрлӗ Чутай, Сӗнтӗрвӑрри, Етӗрне муниципаллӑ округӗсенчи. Иркутск облаҫӗнчи ӑстасем 17 ӗҫ сӗннӗ. Конкурса пӗр ача пахчи тата 5 шкул хутшӑнма кӑмӑл тунӑ. Ӗҫсене чӳк уйӑхӗн 15-мӗшӗччен йышӑнӗҫ. Хыпар ҫӑлкуҫӗ:
|
|
Ҫутҫанталӑк
 Хӗл ҫитмен-ха, анчах вӑл мӗнле пуласси чылайӑшне халех кӑсӑклантарать. Малтанлӑха синоптиксем пӗлтернӗ тӑрӑх, хӗлле юр нумай пулӗ. Уйрӑмах – раштав уйӑхӗнче. Чӳк уйӑхӗ ӑшӑ килмелле. Ҫапах ун чухне те хӗллехи ҫанталӑк пулнине манмалла мар. Климат хӗлӗ чӳкӗн 1-мӗшӗнче пуҫланмалла. Юпа уйӑхӗнчех ҫӗр юрпа пӗрремӗш хут витӗнӗ. Чӳк уйӑхӗнче темиҫе хутчен те юр ҫӑвӗ. Хӗл чӳк вӗҫӗнче ларӗ. Ун чухне юр хулӑнӑшӗ 10 сантиметра ҫитмелле. Раштав, нарӑс тата пуш нормӑран сивӗрех пулмалла. Кӑрлачпа ака – нормӑпа килӗшӳллӗн. Кӑрлачра юр сахал ҫӑвӗ, пуш уйӑхӗнче вара – нормӑран 1,5 хут нумайрах. Ҫуркунне варринче нӳрӗк дефицичӗ пулӗ ахӑртнех. Юр часах ирӗлессе кӗтмелле мар – нормӑпа килӗшӳллӗн ака варринче кӑна ҫӗр тухӗ. Хыпар ҫӑлкуҫӗ:
|
|
Персона
 Инкеклӗ лару-тӑру министерстви тунӑ сӑн Куславкка муниципаллӑ округӗнчи Тӗрлемес станцийӗнче ӗнер, юпа уйӑхӗн 17-мӗшӗнче, ирхи 7 сехет ҫурӑра ҫурт ҫунма пуҫланӑ. Ҫулӑм шалти отделкӑна сиенлетнӗ, мансардӑна тӗп тунӑ. Инкеклӗ лару-тӑру министерствин ӗҫченӗсем вырӑна ҫитсен пушара кӳршӗ хуралтӑсене куҫма паман. Ҫулӑма сӳнтерсен ҫын виллине тупнӑ. Инкекре 35 ҫулти арҫын вилнӗ. Малтанлӑха пӗлтернӗ тӑрӑх, пушар пирус асӑрханмасӑр туртнӑран тухнӑ. Хыпар ҫӑлкуҫӗ:
|
+4.3 °C