Сайта кӗр | Регистраци | Сайта кӗрсен унпа туллин усӑ курма пулӗ
 +9.3 °C
Пӗр паттӑрӑн ик алли тӑват ҫӗрӗн ҫапӑҫать теҫҫӗ.
[ваттисен сӑмахӗ]
 

Хыпарсем

Раҫҫейре
cap.ru сайтри сӑн
cap.ru сайтри сӑн

РФ Президенчӗ Владимир Путин Чӑваш Енри виҫӗ ҫынна Крым кӗпернӗ тунӑ ҫӗрте хастар ӗҫленӗшӗн чысланӑ. Кун пирки ЧР влаҫ органӗсен сайтӗнче пӗлтернӗ.

Пуш уйӑхӗн 18-мӗшӗнче Владимир Путин Чӑваш Енри виҫӗ ҫынна чысланӑ. Дмитрий Гаврилов электросварщик III степень «Тӑван ҫӗршыв умӗнчи тава тивӗҫлӗ ӗҫсемшӗн» ордена тивӗҫнӗ. Александр Акимов монтажнике Хисеп орденне панӑ. Производство енӗпе ӗҫлекен директорӑн ҫумне Николай Горлова II степень «Тӑван ҫӗршыв умӗнчи тава тивӗҫлӗ ӗҫсемшӗн» ордена тивӗҫнӗ.

Сӑмах май, Крым кӗперне тунӑ ҫӗре 15 пин инженерпа рабочи хутшӑннӑ. Кӗпере 2015 ҫулта тума тытӑннӑ, вӑл 19 ҫухрӑм тӑршшӗ.

Хыпар ҫӑлкуҫӗ: https://pg21.ru/news/63260
 

Хулара
www.instagram.com/pressa_gcheb сайтри сӑн
www.instagram.com/pressa_gcheb сайтри сӑн

Тӗнчере коронавирус сарӑлнӑ май унран хӳтӗленмелли мерӑсем йышӑнаҫҫӗ. Шупашкарта троллейбуссене дезинфекцилеме пуҫланӑ.

Роспотребнадзор транспортсене хлор извеҫӗн виҫӗ процентлӑ ирӗлчӗкӗпе кунне икӗ хутран кая мар дезинфекцилемелле.

Шупашкарти троллейбус управленийӗ те ҫакна пурнӑҫлать. Вӑл кунне 198 троллейбуса маршрута кӑларать. Вӗсем 190 пин ытла пассажира илсе ҫӳреҫҫӗ. Транспорта хлор ирӗлчӗкӗнче йӗпетнӗ татӑкпа сӑтӑрса тухаҫҫӗ, сирпӗтеҫҫӗ. Пӗр троллейбуса тасатма 3 литр ирӗлчӗк кирлӗ.

Троллейбуссене пандеми пуҫланиччен те дезинфекциленӗ-мӗн, анчах халӗ ӑна ҫынсем маска тӑхӑнса пурнӑҫлаҫҫӗ.

 

Пӑтӑрмахсем
pravdapfo.ru сайтри сӑн
pravdapfo.ru сайтри сӑн

Паян, пуш уйӑхӗн 20-мӗшӗнче, кӑнтӑрла Шупашкарта харпӑр ҫуртра пушар тухнӑ. Шел те, унта ҫынсем шар курнӑ, инкексӗр пулман.

Пушар Иккӗмӗш Путепровод урамӗнчи ҫуртра алхаснӑ. Ҫав самантра килте кинемей икӗ мӑнукӗпе пулнӑ. Ачасем – 2-ре тата 4 ҫулта. Ҫулӑм алхасма тытӑнсан ҫӑлавҫӑсем, тухтӑрсем ҫитнӗ. Шел те, кинемейпе мӑнукӗсене ҫӑлма май килмен.

Малтанлӑха пӗлтернӗ тӑрӑх, ватӑ ҫынпа ачасем сӗрӗмпе наркӑмӑшланса вилнӗ. Халӗ пушар ӑҫтан тухнине тӗпчеҫҫӗ. Вилнӗ ҫынсен тӑванӗсемпе психологсем ӗҫлеҫҫӗ.

 

Пӑтӑрмахсем

Елчӗк районӗнчи Курнавӑш ял тӑрӑхӗн депутачӗ ачана амантнӑ. Ҫавӑншӑн ӑна суд явап тыттарма йышӑннӑ.

Пӑтӑрмах пӗлтӗрхи утӑ уйӑхӗн 26-мӗшӗнче пулса иртнӗ. Тӑрӑм ялӗпе хӑйӗн машинипе вӗҫтерсе пыраканскер 13-ри ачаран иртес тенӗ. Лешӗ велосипедпа ярӑннӑ. Велосипедистран иртсе кайнӑ чух водитель хӑвӑртлӑха чакарман. Кун пирки РФ Следстви комитечӗн Чӑваш Енри управленийӗн пресс-службинче пӗлтереҫҫӗ.

Машина ҫапса кайнӑ ачан сывлӑхне хытах амантнӑ.

Суд депутат тӗлӗшпе ирӗклӗхе 1 ҫуллӑха чакарма йышӑннӑ. Ҫав вӑхӑтра арҫыннӑн ҫуран ҫӳреме тивӗ, мӗншӗн тесен транспорт рулӗ умне ларма юрамасть тесе йышӑннӑ. Следстви управленийӗн пресс-службинче хыпарланӑ тӑрӑх, приговор саккунлӑ вӑя хальлӗхе кӗреймен-ха.

 

Хулара
pravdapfo.ru сайтри сӑн
pravdapfo.ru сайтри сӑн

Ырантан, пуш уйӑхӗн 21-мӗшӗнчен, 20 маршрутпа ҫӳрекен троллейбус ҫулӗ вӑрӑмланӗ. Вӑл Маштехникум таран мар, «Ҫӗнӗ хула» микрорайона ҫитӗ. Кун пирки Шупашкар хула администрацийӗн пуҫлӑхӗ Алексей Ладыков Инсаграмри страницинче пӗлтернӗ.

20-мӗш троллейбус кӑнтӑр-хӗвеланӑҫ тата «Ҫӗнӗ хула» микрорайона ҫыхӑнтарасси пирки унччен пӗлтернӗччӗ. Ун чухне ЧР Элтеперӗн тивӗҫӗсене пурнӑҫлакан Олег Николаев ҫакна акан 1-мӗшӗччен пурнӑҫлама сӗннӗ. Ку ӗҫе ав маларах туса ӗлкӗрнӗ.

20-мӗш троллейбус микрорайонта Прокопьев урамӗ патне ҫитӗ. Троллейбуссен шутне ӳстернӗ, интервал ҫавӑн пекех юлӗ.

 

Вӗренӳ

Чӑваш патшалӑх ял хуҫалӑх академине университет статусне пама пултараҫҫӗ.

Паян, пуш уйӑхӗн 20-мӗшӗнче, Чӑваш Ен Министрсен Кабинечӗн Ертӳҫин ҫумӗ — ял хуҫалӑх министрӗ Сергей Артамонов аслӑ шкулӑн ректорӗпе Андрей Макушевпа тӗл пулнӑ. Енсем аграри аслӑ шкулӗн аталанӑвне сӳтсе явнӑ.

Сергей Артамонов Фейсбукра пӗлтернӗ тӑрӑх, пуш уйӑхӗн 18-мӗшӗнче Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев Раҫҫей ял хуҫалӑх министрӗпе Дмитрий Патрушевпа курнӑҫнӑ. Ҫавӑн чухне ял хуҫалӑх академине университет статусне парас ыйтӑва хускатнӑ.

Сергей Артамонов палӑртнӑ тӑрӑх, аслӑ шкул аграри валли пысӑк шайри специалистсем хатӗрлет. Академи статусӗ улшӑнсан унӑн сумӗ тӗрлӗ шайра тата ӳсӗ.

 

Сывлӑх

Шупашкар районӗнчи Ишлейри участок пульницинчи уйрӑмсен заведующийӗсене штата чакарасси ҫинчен уведомленисем панӑ сӑмах ҫав тӑрӑхра хӑвӑрт сарӑлнӑ. Ҫав хутра хайхисен должноҫӗсене пуш уйӑхӗн 15-мӗш хыҫҫӑн пӗтерессине систернӗ имӗш.

Ҫӗнӗ хыпара илтнисем Ишлей пульницине хупаҫҫӗ тесе пӑлханса кайнӑ. Ку ыйтупа пуш уйӑхӑн 18-мӗшӗнче Ишлейри культура ҫуртне халӑх зал тулли пуҫтарӑннӑ. 200-е яхӑн ҫын пулнӑ. Халӑха пухма районти коммунистсем те ҫине тӑнӑ.

Пухӑва Ишлей ял тӑрӑхӗн пуҫлӑхӗ Евгений Субботин ертсе пынӑ. Ҫынсем ЧР Сывлӑх сыхлав министерствинчен мӗншӗн никам килмен тесе кӑсӑкланнӑ. Пухӑва Шупашкар районӗнчи тӗп пульницӑн тӗп врачӗ Михаил Алексеев хутшӑннӑ. Штата чакарас тенӗ йышӑнӑва пӑрахӑҫланине пӗлтернӗ вӑл. Уйрӑм заведующийӗсем унчченхиллех ӗҫлӗҫ.

 

Политика

Шупашкар район администрацине паянтан ҫӗнӗ пуҫлӑх ертсе пыма тытӑнӗ. Ку должноҫе Николай Хорасев йышӑннӑ.

Аса илтерер: Шупашкар районӗн администрацийӗн пуҫлӑхӗнче тӑрӑшнӑ Владимир Димитриев нарӑс уйӑхӗн 14-мӗшӗнче ӗҫрен кайнӑччӗ. Ӑна Гостехнадзора ертсе пыма шанчӗҫ.

Ӗнер Шупашкар районӗнче Депутатсен пухӑвӗн ларӑвӗ иртнӗ. Унтисем район пуҫлӑхӗ пулнӑ Николай Хорасева администраци пуҫлӑхӗ пулма лартнӑ. Унпа контракта икӗ ҫуллӑха алӑ пуснӑ.

Николай Хорасев Шупашкар районӗнчи Салапайкасси ялӗнче 1969 ҫулта ҫуралнӑ. РФ Шалти ӗсен министерствин Юридици институтӗнче вӗреннӗ. «Химпромра», ШӖМ тытӑмӗнче, Вӑрман-Ҫӗктер ял тӑрӑхӗн пуҫлӑхӗнче ӗҫленӗ. Вӑл «Тӑван ҫӗршыв умӗнчи тава тивӗҫлӗ ӗҫсемшӗн» II степеньлӗ орден медальне тивӗҫнӗ.

 

Республикӑра

Чӑваш Енре пурӑнакансене лӑплантарасшӑн. Республика Элтеперӗн тивӗҫӗсене вӑхӑтлӑх пурнӑҫлакан Олег Николаев хушнипе тӗнче тетелӗнчи «Контактра» халӑх ушкӑнӗнче «Чувашия без паники» (чӑв. Пӑлханман Чӑваш Ен) ушкӑн йӗркеленӗ. Вӑл https://vk.com/bezpaniki21 адреспа вырнаҫнӑ.

Унта коронавируспа ҫыхӑннӑ ҫӗнӗ хыпара пӗлтернипе пӗрех лавккасенче апат-ҫимӗҫ ҫуккине ҫакӑнта https://vk.com/topic-181162659_40661223 хыпарлама пулать; кирлӗ эмел тавраш ҫуккине кунта https://vk.com/topic-181162659_40661235 систермелле; лавккасенче апат-ҫимӗҫ ҫуккине https://vk.com/topic-181162659_40661349 ҫакӑнта пӗлтермелле.

Асӑннӑ ушкӑнра мӗнпур информацие тӗплӗн тӗрӗслеме тата тивӗҫлӗ инстанцие ҫитерме шантарнӑ.

 

Политика
kprf.121 сӑнӳкерчӗкӗ
kprf.121 сӑнӳкерчӗкӗ

Паян, пуш уйӑхӗн 19-мӗшӗнче, Чӑваш Ен Правительствинче черетлӗ хутчен кадр улшӑнӑвӗ пулса иртнӗ. Сӑмахӑмӑр — Ҫутҫанталӑк ресурсӗсен тата экологи министерстви пирки. Иван Исаева (ҫак должноҫе ӑна 2019 ҫулхи чӳк уйӑхӗнче иккӗмӗш хутчен лартнӑччӗ) министр пуканне пушаттарнӑ хыҫҫӑн пысӑк пуҫлӑх тивӗҫне пурнӑҫлама Виктор Косачева ҫирӗплетнӗччӗ. Ку вӑл нарӑс уйӑхӗн 5-мӗшӗнче пулса иртнӗччӗ.

Паян вара министр тивӗҫне пурнӑҫлама Александр Воробьева шаннӑ. Хушӑва республикӑн Элтеперӗн тивӗҫӗсене пурнӑҫлакан Олег Николаев алӑ пуснӑ.

Ҫемҫе пукана йышӑннӑ ҫын — 39 ҫулта. Александр Воробьев «Раҫҫей экологи обществин» регионти уйрӑмне ертсе пырать.

Министр тивӗҫне унччен пурнӑҫланӑ Виктор Косачев хӑйӗн кӑмӑлӗпе ӗҫрен кайнӑ.

 

Страницӑсем: 1 ... 1613, 1614, 1615, 1616, 1617, 1618, 1619, 1620, 1621, 1622, [1623], 1624, 1625, 1626, 1627, 1628, 1629, 1630, 1631, 1632, 1633, ... 3970
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.08.2025 03:00) сайра пӗлӗтлӗ ҫанталӑк, атмосфера пусӑмӗ 749 - 751 мм, 8 - 10 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ҫурла, 28

1895
130
Мокеев Матвей Васильевич, патшалӑх тата общество ӗҫӗн паллӑ ӗҫченӗ ҫурланӑ.
1923
102
Теплов Пётр Николаевич, патшалӑх тата общество ӗҫӗпе ӗҫлекен ҫуралнӑ.
1928
97
Алексеев Иван Алексеевич, Чӑваш Республикин тава тивӗҫлӗ вӑрманҫи ҫуралнӑ.
1928
97
Денисов Петр Владимирович, истори ӑслӑлӑхӗсен докторӗ, профессор, этнолог ҫуралнӑ.
1932
93
Чумакова Тамара Ивановна, паллӑ чӑваш юрӑҫи ҫуралнӑ.
1937
88
Козлова Раиса Порфирьевна, паллӑ библиотекарь ҫуралнӑ.
1943
82
Гудошникова Людмила Яковлевна, техника ӑслӑлӑхӗсен кандидачӗ, химик-технолог ҫуралнӑ.
1946
79
Сизов Валентин Петрович, РСФСР тава тивӗҫлӗ артисчӗ ҫуралнӑ
1946
79
Акимов Александр Петрович, техника ӑслӑлӑхӗсен докторӗ, профессор ҫуралнӑ.
1958
67
Григорьев Леонид Максимович, «Чӑашметалл» АУО тӗп директорӗ ҫуралнӑ.
1958
67
Тимӗр-бетон конструкцисен 9-мӗш Шупашкар савутне (ЖБК №9) никӗсленӗ.
1959
66
Сосновка посёлока Шупашкар хула чиккине кӗртнӗ.
Пулӑм хуш...Пулӑм хуш...