Сайта кӗр | Регистраци | Сайта кӗрсен унпа туллин усӑ курма пулӗ
 +17.3 °C
Ӑшӑ сӑмах — ҫу кунӗ, сивӗ сӑмах — хӗл кунӗ.
[ваттисен сӑмахӗ]
 

Хыпарсем

Ҫул-йӗр

Шупашкарти аэропорт тинех унчченхилле ӗҫлеме тытӑннӑ. Ку хыпара аэровокзал Инстаграмра паян пӗлтернӗ.

Утӑ уйӑхӗн 1-мӗшӗнчен самолетсем Мускава ирпе те, каҫпа та вӗҫме тытӑннӑ. Рейссене пурнӑҫлаканни — «Победа» авиакомпани. Ирхи самолет Мускава Шупашкартан 10 сехет те 10 минутра хускалать, каҫхине — 21 сехет те 45 минутра.

«Smartavia» авиакомпани эрнекунсерен Симферополе вӗҫет. Унӑн самолечӗ 9 сехет те 30 минутра каять. «Nordwind» авиакомпани самолечӗсем тунтикун Шупашкартан 19 сехетре вӗҫсе кайӗҫ, эрнекун — 12 сехетре.

Сочине кӗҫнерникунпа вырсарникун «Победа» илсе ҫурӗ. Шупашкартан унӑн самолечӗ 20 сехетре тапранӗ. Авиакомпани малтанласа ытларикуна палӑртнӑ рейссем ку уйӑхра пулмӗҫ.

«Победа» Шупашкара Питӗрпе те ҫыхӑнтарӗ. Унӑн самолечӗсем ытларикунсерен, кӗснерникунсерен тата шӑматкунсерен вӗҫӗҫ. Шупашкартан 11 сехет те 45 минутра хускалӗҫ.

Хыпар ҫӑлкуҫӗ: https://www.instagram.com/p/CCIgu3bqY-x/
 

Экономика

Чӑваш Енри тата тепӗр предприяти панкрута тухнӑ. Ҫапла вара юлашки икӗ ҫулта ултӑ предприяти тӗлшпе суд ҫавӑн пек йышӑну кӑларнӑ.

Ҫӗртме уйӑхӗн 10-мӗшӗнче Чӑваш Ен Арбитраж сучӗ «Старко» фирма пирки ҫапла йышӑннӑ. Унта конкурс управленийӗ йӗркеленӗ. Конкурс управляющийӗ пулма Владимир Митюхина ҫирӗплетнӗ. Вӑл 2021 ҫулхи ҫӗртме уйӑхӗн 10-мӗшӗччен ӗҫлӗ.

«Старко» фирма Шупашкарти Юханшыв порчӗ ҫывӑхӗнче «Ривьера» тата «Альбатрос» пурӑнмалли комплекссем хӑпартма пуҫланӑ. Анчах хута ярса пӗтереймен.

Асӑннӑ строительствӑна пайҫӑ пулса хутшӑнакансен ятарлӑ реестра кӗме конкурс управляющине ыйтмалла. Ҫакна виҫӗ уйӑхра туса ӗлкӗрмелле.

Ыйтса пӗлмелли телефон номерӗсем: (8352) 31-71-05, 34-67-55.

 

Политика

Етӗрне районӗнче ӗнертенпе ҫӗнӗ пуҫлӑх ӗҫӗ тытӑннӑ. Унӑн кандидатурине ҫӗртме уйӑхӗн 30-мӗшӗнче ҫирӗплетнӗ. Район администрацийӗн пуҫлӑхӗн тилхепине вырӑнти ҫынна, ял хуҫалӑх пуҫлӑхӗнче тӑрӑшнӑ Александр Семенова тыттарнӑ.

Конкурса хутшӑннӑ тепӗр ҫын та — вырӑнтисемех. Вӑл — Алексей Иванов, Гостехнадзор инспекцийӗн Етӗрне районӗнчи аслӑ инспекторӗ — инспекци пуҫлӑхӗ.

Етӗрне район администрацийӗн пуҫлӑхӗ пулнӑ Андрей Софронова ӗҫрен кӑларассине Чӑваш халӑх сайчӗ ҫу уйӑхӗн 25-мӗшӗнче пӗлтернӗччӗ. Аса илтерер: Софронова хӑй ирӗкӗпе заявлени ҫырма Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев хистенӗ. Асӑннӑ пуҫлӑхӑн ӗҫрен кайма тивни вӑл тӑрӑхра кӑшӑлвируспа чирлекенсем йышлӑ пулнипе ҫыхӑннӑ имӗш.

 

Персона

Паян, утӑ уйӑхӗн 2-мӗшӗнче, Чӑваш патшалӑх оперӑпа балет театрӗн тӗп художникӗ Валентин Федоров хӑйӗн 60 ҫулхи юбилейне паллӑ тӑвать.

Валентин Федоров Йӗпреҫ поселокӗнче 1960 ҫулхи утӑ уйӑхӗн 2-мӗшӗнче ҫуралнӑ. Тӑван поселокри 1-мӗш шкулта вӗреннӗ, 1978 ҫулта Шупашкарти художество училищине пӗтернӗ. 1990 ҫулта вӑл Мускаври МХАТри шкул-студире спектаклӗн тулаш формине йӗркелес, сцена художникӗ-технологӗ пулас ӑсталӑха алла илнӗ. Малтан вӑл К.В. Иванов ячӗллӗ Чӑваш патшалӑх академи драма театрӗнче художникӗ-постановщикӗ пулса ӗҫлет. 1989 ҫултанпа Оперӑпа балет театрӗнче тӗп художникра тӑрӑшма тытӑннӑ. 2017-2018 ҫулсенче унта директор пулса ӗҫленӗ, халӗ каллех тӗп художникра тӑрӑшать.

Валентин Федоров – Чӑваш Республикин тава тивӗҫлӗ художникӗ. Ӑна Тӑван ҫӗршыв умӗнчи тава тивӗҫлӗ ӗҫсемшӗн II степеньлӗ орден медалӗпе чысланӑ.

 

Республикӑра

Чӑваш Енри ачасем ҫуллахи канӑва уйлӑхсенче ирттереймӗҫ. Каярах, тен, уҫӗҫ-и те, анчах хальлӗхе вӗсен апла май ҫук. Республикӑн премьер-министрӗ Алла Салаева пӗлтернӗ тӑрӑх, ӗнер Йӑлӑмри икӗ уйлӑха: «Росинкӑна» тата «Волна» ятлисене —тӗрӗсленӗ. Йышра Роспотребнадзор, прокуратура, вӗренӳ тата спорт министрӗсем, Шупашкар хула администрацийӗн ӗҫченӗсем пулнӑ.

Премьер-министр Инстаграмра ҫырнӑ тӑрӑх, уйлӑхсене юсаса ҫӗнетнӗ, ҫӗнӗ спорт оборудованийӗ туяннӑ, вожатӑйсене пухса хатӗрленӗ. Апла пулин те оперштабӑн ҫитес ларӑвӗнче уйлӑхсене уҫма чарас ыйтӑва хускатассине пӗлтернӗ Алла Салаева. Сӑлтавӗ — кӑшӑлвирус лӑпланманни. Ку хыпара вуланисен хушшинче: «Эсир ухмаха ернӗ-им? Ялта ача-пӑча аплипе чупать», — тесе кӑмалсӑрланакан та тупӑннӑ.

 

Пӑтӑрмахсем
«Про Город» сайтран илнӗ сӑн
«Про Город» сайтран илнӗ сӑн

Паян, утӑ уйӑхӗн 1-мӗшӗнче, 15 сехетре Шупашкарти «Хӗвеллӗ» микрорайонта 11 ҫулти велосипедиста ҫапса кайнӑ.

Хӗвеллӗ бульварта «Фольксваген Поло» велосипедпа пыракан арҫын ача ҫине пырса кӗнӗ. Юрать, 11 ҫулти ача вӑйлах аманман. Унӑн пуҫӗ, чӗркуҫҫи ҫинче кӑштах сурансем пур.

Вырӑна ҫитнӗ васкавлӑ медпулӑшу тухтӑрӗсем ачан пӗрремӗш пулӑшу панӑ. Патшалӑх автоинспекцийӗн ӗҫченӗсем ӗҫ-пуҫа уҫӑмлатаҫҫӗ

Хыпар ҫӑлкуҫӗ: https://pg21.ru/auto/65302
 

Ҫутҫанталӑк
forum.na-svyazi.ru сайтри сӑн
forum.na-svyazi.ru сайтри сӑн

Ҫӗртме уйӑхӗ шӑрӑхах пулмарӗ. Ку уйӑх еплерех пулӗ-ши? Синоптиксем мӗн пӗлтернине тишкерер.

Хальлӗхе пӗлтернӗ тӑрӑх, утӑ уйӑхӗнче ҫумӑр нормӑран сахал ҫӑвӗ. Ҫитес кунсенчех Чӑваш Енре 30 градус шӑрӑх хуҫаланма тытӑнӗ. Уйӑхӑн иккӗмӗш декадинче те шӑрӑх пулӗ. Виҫҫӗмӗш декадӑра та хӗвел хӗртсе пӑхӗ. Апла уйӑхӗпех шӑрӑх пулӗ. Синоптиксем каланӑ тӑрӑх, хушӑран термометр 35 градусран та ытларах кӑтартма пултарӗ.

Ҫапах кашни кунах шӑрӑхра нушаланма тивмӗ. Кӑштах уҫӑрах кунсем те пулӗҫ паллах.

 

Сывлӑх

Иртсе кайнӑ талӑкра пирӗн республикӑра кӑшӑлвируслӑ тепӗр 58 ҫынна тупса палӑртнӑ. Паян ирзи 10 сехет те 30 минут тӗлне кӑшӑлвирус диагнозӗллӗ 20 ҫынна пульницӑран кӑларнӑ. Ҫапла вара пандеми пуҫланнӑранпа 2920 ҫын чирлесе сывалнӑ.

COVID-19 Чӑваш Енри 32 ҫын пурнӑҫне татнӑ. Вилекенсен ҫулне, вӗсем миҫерине мӗншӗн пӗлтерменнине Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев Инстаграмра уҫӑмлатнӑ. «Вилнисен тӑванӗсене хисепленӗрен эпир пурнӑҫран уйрӑлнисен ҫулне, ытти чир-чӗрне, вӗсем кам пулнине кӑтартмастпӑр», — тенӗ Олег Николаев.

Маларах вилекенсен ҫулне, вӗсем епле чир-чӗрпе чирленине ҫыратчӗҫ. Халӗ республикӑн Сывлӑх сыхлав министерстви кун пирки хыпарлама пӑрахрӗ.

 

Политика

Чӑваш Ен Элтеперӗ пулас ӗмӗтлисен шучӗ кунсерен нумайланса пырать. Паян тата тепӗр икӗ кандидат ЧР Тӗп суйлав комиссийӗнче пулнӑ.

Александр Андреева (ҫӳлти сӑнӳкерчӗкре сылтӑмри) «Раҫҫей Федерацийӗнчи коммунистсен партийӗн» республикӑри уйрӑмӗ тӑратнӑ. Александр Андреев – Кӳкеҫ ҫынни. Вӑл Чӑваш Ен Патшалӑх Канашӗн депутачӗ, социаллӑ политика тата наци ыйтӑвӗсем енӗпе ӗҫлекен комитечӗн ертӳҫин ҫумӗ.

Паянах саккӑрмӗш кандидата регистрациленӗ. Вӑл – Раҫҫейри либерал-демократсен партийӗн пайташӗ, Чӑваш Ен Патшалӑх Канашӗн депутачӗ, патшалӑх строительстви, вырӑнти хӑй тытӑмлӑх тата депутат этикин енӗпе ӗҫлекен комитечӗн ертӳҫин ҫумӗ Константин Степанов (аялти сӑнӳкерчӗкре сулахайри).

Ҫапла вара республика ертӳҫи пулас ӗмӗтлисен шучӗ сакӑр ҫынна ҫитнӗ. Маларах регистрациленнисем ҫаксем: Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев, «Раҫҫей патриочӗсем» парти пайташӗ Сергей Матвеев, «Раҫҫейри пенсионерсен социаллӑ тӗрӗслӗхшӗн партийӗн» пайташӗ Николай Степанов, Шупашкарта пурӑнакан Юрий Шакеев, Николай Коклейкин тата Андрей Ильдеменов.

Малалла...

 

Сывлӑх

Унчченхи пек пурӑнма, сипленме, канма, курса ҫӳреме кансӗрлекен кӑшӑлвирус пурне те йӑлӑхтарса ҫитерчӗ пулӗ. Ют ҫӗршыва мар, хӑш-пӗр региона та йӑпӑр-япӑр каяймӑн. Карели Республикинче, сӑмахран, чару мерисене ҫак уйӑхӑн 10-мӗшӗччен тӑснӑ. Унти паллӑ парксем, туристсем кӑмӑллакан вырӑнсем ӗҫлеҫҫӗ-ха, анчах хальлӗхе унта туристсен 10-20 ҫынлӑ ушкӑнӗпе ҫеҫ кайма юрать. Кун пирки ҫак йӗркесен авторне Карели Республикин оперштабӗнче уҫӑмлатма май килчӗ.

Ҫав вӑхӑтрах ырӑ хыпар та пур. Паянтан Раҫҫейӗн чылай хулинчен самолетсем Краснодар тӑрӑхне, Крыма вӗҫме тытӑннӑ. Утӑ уйӑхӗн 4-мӗшӗнчен Байкал тӑрӑхне чартер рейссем хутлама тытӑнӗҫ. Ҫакӑн пирки «Российская газета» хаҫата Ростуиизм ертӳҫи Зарина Догузова пӗлтернӗ.

 

Страницӑсем: 1 ... 1537, 1538, 1539, 1540, 1541, 1542, 1543, 1544, 1545, 1546, [1547], 1548, 1549, 1550, 1551, 1552, 1553, 1554, 1555, 1556, 1557, ... 3971
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.08.2025 15:00) пӗлӗтлӗ ҫанталӑк, атмосфера пусӑмӗ 752 - 754 мм, 17 - 19 градус ӑшӑ пулӗ, ҫил 4-6 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ҫурла, 29

1891
134
Назаров Андрей Кузьмич, патшалӑх ӗҫченӗ ҫуралнӑ.
1916
109
Осокина Софья Павловна, пир ҫинче ӳкерекен ӳнерҫӗ ҫуралнӑ.
1937
88
Чернышев Александр Александрович, опера юрӑҫи, Чӑваш АССР тава тивӗҫлӗ артисчӗ ҫуралнӑ.
1963
62
Маттикасси, Хырлӑх, Чӑршӑ тата Чӗрӗп ялсене пӗрлештерсе Вомпӑкасси ялне йӗркеленӗ.
1968
57
Былинкина Лариса Геннадьевна, актриса, Чӑваш Республикин тава тивӗҫлӗ артистки ҫуралнӑ.
2010
15
Игнатьев Михаил Васильевич президент вырӑнне йышӑннӑ.
Пулӑм хуш...Пулӑм хуш...