Пӑтӑрмахсем
![]() ПАИ тунӑ сӑн Улатӑр округӗнчи Чуварлей ялӗнче пурӑннӑ ватӑ арҫын аварире вилнӗ. Унӑн машини ҫине микроавтобус пырса кӗнӗ. Авари ҫурла уйӑхӗн 11-мӗшӗнче «Шупашкар – Сӑр» ҫул ҫинче Улатӑр округӗнче пулнӑ. Ока машина ҫине микроавтобус пырса кӗнӗ. Кун хыҫҫӑн ҫӑмӑл машина кювета чӑмнӑ. Унӑн водителӗ, ватӑ арҫын, ҫавӑнтах вилнӗ. Микроавтобус рулӗ умӗнче Тольяттири арҫын пулнӑ. Малтанлӑха палӑртнӑ тӑрӑх, вӑл ҫул ҫинче дистанцие пӑхӑнмасӑр пынӑ. Хыпар ҫӑлкуҫӗ:
|
Пӑтӑрмахсем
![]() Инкеклӗ лару-тӑру министерстви тунӑ сӑн Етӗрне муниципаллӑ округӗнче арҫын путса вилнӗ. Вӑл 33 ҫулта пулнӑ. Унӑн виллине ҫӑлавҫӑсем шыранӑ. Арҫын Ҫимеккасси ҫывӑхӗнчи пӗвере шыва кӗнӗ. Вӑл путни пирки ҫынсем пӗлтернӗ. Арҫынна ӗнер ҫӗрлечченех шыранӑ, паян ирхине ӗҫе малалла тӑснӑ. Паян унӑн виллине тупнӑ. Хыпар ҫӑлкуҫӗ:
|
Пӑтӑрмахсем
![]() Кандинский нейросеть сӑнӳкерчӗкӗ Ҫурла уйӑхӗн 2-мӗшнче Шупашкарта пурӑнакан 85 ҫулти кинемей палламан ҫынна пулӑшма ыйтса улталаннӑ. Ватӑ ҫын банк картти ҫинчен мӑнукне укҫа куҫарса парас тенӗ. Ҫакна тума пӗлмен енне хӑйӗн ҫурчӗ умӗнчи подъезд патӗнче пӗр арҫынран пулӑшу ыйтнӑ. Лешӗ ют ҫын картти ҫинчен малтан хӑйне 40 пин тенкӗ куҫарса янӑ, кайран — кинемейӗн мӑнукӗ патне. Кинемей укҫа ҫухалнине сиссен йӗрке хуралҫисене пӗлтернӗ. Ватӑ ҫынна улталанӑ этем унччен судпа темиҫе хутчен те айӑпланнӑ 43 ҫулти арҫын пулнӑ иккен. Вӑрланӑ укҫана вӑл ҫав каҫах пӗтернӗ. Арҫын тӗлӗшпе пуҫиле ӗҫс пуҫарнӑ. Хыпар ҫӑлкуҫӗ:
|
Пӑтӑрмахсем
![]() cap.ru сӑнӳкерчӗкӗ Ҫурла уйӑхӗн 2-мӗшӗнче 19 сехет те 40 минутра ҫӑлав службине Муркаш муниципаллӑ округӗнче арҫын нӳхрепре тӑпра айне пулни пирки шӑнкӑравласа пӗлтернӗ. Ҫӑлавҫӑсем вырӑна пӗр тӑхтамасӑр ҫитнӗ. Вӗсем ҫакӑнса тӑракан конструкцисене илсе стенана ҫирӗплетсе арҫынна чавса кӑларнӑ. Анчах ҫав тӗле вӑл сывлама пӑрахнӑ. Хыпар ҫӑлкуҫӗ:
|
Пӑтӑрмахсем
![]() tomsk.kp.ru сайтри сӑн Паян шыв ҫинче тепӗр инкек пулнӑ. Каллех ача путса вилнӗ. Ку инкек Етӗрне муниципаллӑ округӗнчи Уйкас Асламас ялӗ ҫывӑхӗнчи пӗвере пулнӑ. «Контактри» халӑх тетелӗнчи «Вести Ядринского района» ушкӑн пӗлтернӗ тӑрӑх, ачан кӗлеткине шывран ҫӑлавҫӑсем кӑларнӑ. Арҫын ача 14 ҫулта пулнӑ. Хыпар ҫӑлкуҫӗ:
|
Пӑтӑрмахсем
![]() 21.мвд.рф сӑнӳкерчӗкӗ Ҫӗнӗ Шупашкарти Чӑрӑшлӑх ращинчи 6-мӗш рортӑн Астӑвӑм аллейинче пӗр десантник портретне ватнӑ тесе халӑх тетелӗнче маларах пӗлтернӗччӗ-ха. Чӑваш Енӗн Шалти ӗҫсен министерствинче пӗлтернӗ тӑрӑх, йӗрке хуралҫисем тӗрӗсленӗ те портрета ҫын сиенлеменнине палӑртнӑ. Пластикран хатӗрленӗ портрет вӑйлӑ ҫилпе япӑхнӑ. Утӑ уйӑхӗн 25-мӗшӗнче ӑна ращӑра ӗҫлекен хӗрарӑм юсама хӑтланнӑ, анчах май килмен. Халӗ плаката юсама илсе кайнӑ. Ҫӗнетнӗ хыҫҫӑн ӑна каялла вырнаҫтарса хурӗҫ. Хыпар ҫӑлкуҫӗ:
|
Пӑтӑрмахсем
![]() Инкеклӗ лару-тӑру министерстви тунӑ сӑн Паян 16 сехет тӗлӗнче Шупашкар муниципаллӑ округӗнчи Етӗрнекасси ялӗ ҫывӑхӗнчи пӗвере арҫын путса вилнӗ. Вӑл 47 ҫулта пулнӑ. Унӑн виллине ҫыран хӗррине ҫӑлавҫӑсем илсе тухнӑ. Халӗ ӗҫ-пуҫа уҫӑмлатаҫҫӗ. Палӑртмалла: ҫулла пуҫланнӑранпа республикӑра 25 ҫын путса вилнӗ. Вӗсенчен виҫҫӗшӗ - ачасем. Хыпар ҫӑлкуҫӗ:
|
Пӑтӑрмахсем
![]() ҪҪХПИ тунӑ сӑн Паян 16 сехет тӗлӗнче тӳлевлӗ М-12 ҫул ҫинче, Чӑваш Ен чиккинчен инҫех мар, авари пулнӑ. Пӗр машини - чӑваш номерӗллӗ. Унта ГАЗель тата БМВ ҫапӑннӑ. Иномарка - Чӑваш Енри. Машинӑсем вӑйлах ҫапӑннӑ. Малтанлӑха пӗлтернӗ тӑрӑх, аварире икӗ ҫын вилнӗ. Пӗри - иномаркӑри хӗрарӑм, тепри - ГАЗельти пассажир. Хыпар ҫӑлкуҫӗ:
|
Пӑтӑрмахсем
![]() chuvashia.sledcom.ru сӑнӳкерчӗкӗ Шупашкар хулинче пурӑнакан 34 ҫулти арҫын амӑшне вӗлернӗ. Кӑҫалхи ҫу уйӑхӗн 4-мӗшӗнче вӑл ӳсӗр пулнӑ. Амӑшӗпе харкашма тытӑннӑ. 58 ҫулти хӗрарӑма вӑйпитти этем хытах хӗнесе пӗтернӗ. Шар курнине пульницӑна ӑсатнӑ-ха, анчах вӑл унта реанимаци уйрӑмӗнче куҫне ӗмӗрлӗхе хупнӑ. Усал арҫын тӗлӗшпе РФ Пуҫиле кодексӗн 105-мӗш статйин 1-мӗш пайӗпе айӑпласа суд 7 ҫуллӑха хупса хумалла тунӑ. Хыпар ҫӑлкуҫӗ:
|
Пӑтӑрмахсем
![]() Кандинский нейросеть сӑнӳкерчӗкӗ Ҫӗн Шупашкарти карас ҫыхӑнӑвн салонне пӗри вӑрӑ шухӑшӗпе пырса каӗнӗ. Вӑл сутуҫӑна карас телефонне кӑтартма ыйтнӑ. Ҫамрӑк ҫын 25 пин тенкӗ тӑракан смартфон алла кӗрсен унпа лавккаран тухса тарнӑ. Пӑтӑрмах пирки сутуҫӑ йӗрке хуралҫисене пӗлтернӗ. Вӗсем вӑрра 8 минутран тытса чарнӑ. Вӑл юнашар урамра пулнӑ. Телефон та ун ҫумӗнче пулнӑ. Хыпар ҫӑлкуҫӗ:
|
Шупашкарта ҫывӑх вӑхӑтра (04.04.2025 03:00) уяр ҫанталӑк, атмосфера пусӑмӗ 748 - 750 мм, -1 - 1 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр енчен вӗрӗ.
| Васильев Иван Васильевич, ятарлӑ вӗреннӗ пӗрремӗш чӑваш юрӑҫи ҫуралнӑ. | ||
| Аттил Алексей Васильевич, чӑваш сӑвӑҫи ҫуралнӑ. | ||
| Пӑртта Александр Иванович, чӑваш сӑвӑҫи, драматургӗ ҫуралнӑ. | ||
![]() | Пулӑм хуш... |