Муркаш районӗнчи Шомикри иртернат-ҫурт директорӗ пулнӑ ҫынна суд тенкелӗ ҫине лартнӑ. Ӑна РФ Пуҫиле кодексӗн 160-мӗш статйин 3-мӗш пайӗпе тата 187-мӗш статйин 1-мӗш пайӗпе айӑпланӑ.

Экс-директор интернатра пурӑнакан ҫынсен пенсийӗн пӗр пайӗпе усӑ курнӑ, вӗсем валли тавар туяннӑ пек туса суя килӗшӳсем тунӑ. Хӗрарӑм ватӑсене 420 пин ытла тенкӗлӗх шар кӑтартнӑ. Пӗтӗмпе вӑл 114 ҫынна улталанӑ.

Хӗрарӑма тӗрмене хупса хумасӑр 3 ҫуллӑха ирӗкрен хӑтарнӑ. 100 пин тенкӗ штраф хурса панӑ.

yandex.ru/search/?text=чебоксары+36+детский+сад сӑнӳкерчӗкӗ

Шупашкарти Ленин районӗнчи прокуратура хулари 36-мӗш ача пахчи япӑхса кайни пирки халӑх тетелӗнче ҫырни тӑрӑх пӗлнӗ те тӗрӗслев ирттернӗ.

1950 тата 1975 ҫулсенче туса лартнӑ корпуссенчен тӑракан ача пахчинче, чӑн та, тӗплӗ юсава ҫурта хута янӑранпа та ирттермен иккен. Кӑлтӑк ача пахчи патне пымалли ҫул япӑхса кайнинченех пуҫланнӑ. Вӑл темиҫе ҫул каяллах шӑтӑк-путӑкланса пӗтнӗ пулин те вӗренӳ учрежденийӗн ертӳҫисем кун пирки яваплисене пӗлтермен, кӑлтӑка пӗтерме ҫине тӑман-мӗн. Шалта вара стена та, урай та, мачча та, чӳрече рамисем те япӑхса пӗтнӗ. Унсӑр пуҫне кантӑк ваннӑ вырӑнсем те пулнӑ.

Прокуратура кӑлтӑка пӗтерме ыйтса хула администрацине хут ҫырса панӑ.

Ултавҫӑсен капкӑнне темле майпа та ҫакланакан пур. Шупашкар хулинче пурӑнакан 22 султи хӗр патне почта уйрӑмӗнче тесе шӑнкӑравланӑ та посылкӑна илме епле меллӗрех тесе кӑсӑкланнӑ. Тата меллӗрех пултӑр тесен ятарлӑ каҫӑпа иртсе приложенире регистрациленме сӗннӗ. Хер темиҫе хутчен те пароль ҫырса пӑхнӑ, регистрациленме май килмен.

Темиҫе минутран хӗр патне урӑх ҫын шӑнкӑравланӑ. Вӑл ӑна унччен Украинӑри аферистсемпе калаҫни, халӗ вӗсем унӑн даннӑйӗсемпе усӑ курса асӑннӑ ҫӗршыва пулӑшассине пӗлтернӗ. Ун пек ан пултӑр тесен хӑш-пӗр ӗҫ пурнӑҫлама ыйтнӑ. Ҫав шутра видеоҫыхӑнупа вшшӗ-амӑшӗн хваттерӗнче шырав ирттерме, пухса пынӑ укҫана кӑтартма, вӗсене тӗрлӗ счет ҫине куҫарма, микрозайм илсе ӑна та куҫарса пама.

forum.na-svyazi.ru сӑнӳкерчӗкӗ

Шупашкарти ҫамрӑк стоматолог 3 миллиона яхӑн тенкӗсӗр тӑрса юлнӑ.

25-ри хӗр-стоматолог патне «Раҫҫӗй Почтинчен» текен ҫын шӑнкӑравланӑ. Вӑл ӑна йӑнӑшпа налук уведомленийӗ ярса панине пӗлтернӗ, патшалӑх пулӑшӑвӗсен порталӗнче мессенджер урлӑ регистрациленсе йӑнӑша тӳрлетме ыйтнӑ.

Стоматолог ултавҫӑсем ҫынсене шӑнман пӑрпа лартса ямалли ҫӗр тӗрлӗ меслет пӗлнине тӗшмӗртнӗ пулин те хӑйӗн патне шӑнкӑравлакан каланине итленӗ.

Кӗҫех ун патне патшалӑх пулӑшӑвӗсен порталне Украинӑри номерпе кӗни пирки хыпрлакан ҫыру электрон почтӑпа ҫитсе выртнӑ. Пӑлханса ӳкнӗ хӗрарӑм электрон ҫырура кӑтартнӑ «техслужба» номерӗпе шӑнкӑравланӑ та ӑна кредит илсе укҫана шанчӑклӑ счет ҫине куҫарса яма ӳкӗте кӗртнӗ. Пӗр кунта мар, темиҫе куна тӑсӑлнӑ ҫак пӑтӑрмах.

Стоматолог ҫапла майпа кредит илнӗ укҫана та (ӑна вӑл автомобиль салука хывса илнӗ), хӑй пухнине те, пурӗ 2,9 миллион тенке ултавҫӑсене куҫарса панӑ.

Улатӑр хулинче ӗнер ирхине уйрӑм ҫуртра пушар тухнӑ. Вут-ҫулӑм кухньӑра алхаснӑ, вал пӳрт ҫиивиттине кӑштах сиенлетнӗ.

Пушара сӳнтерме пырса ҫитнӗ специалистсем 83 ҫулти кинемее пӳртрен тухма пулӑшнӑ. Ватӑ ҫын шар курман.

Пушара сӳнтерме 9 ҫын тата 2 техника хутшӑннӑ. Пушар 8 тӑваткал метр лаптӑка сиен кӳнӗ. Малтанласа палӑртнӑ тӑрӑх, пушар апат пӗҫерме лартсан тимсӗр пулнӑран тухнӑ.

Инкеклӗ лару-тӑру министерстви тунӑ сӑн

Тӑвай округӗнчи Чутей ялӗнче 63 ҫулти арҫыннӑн пурнӑҫӗ пушарта татӑлнӑ.

Ку инкек ӗнер ялти Гагарин урамӗнче пулнӑ. Пушар 50 тӑваткал метр лаптӑк ҫинче алхаснӑ. Шел те, кил хуҫи пушартан тухса ӗлкӗреймен.

Малтанлӑха пӗлтернӗ тӑрӑх, ҫулӑм пирус асӑрханмасӑр туртнӑран тухнӑ.

chuvashia.sledcom.ru сӑнӳкерчӗкӗ

Шупашкарти юсанмалли 4-меш колонире ӗҫленӗ специалиста сӗтев илнӗшӗн пуҫиле майпа явап тыттарӗҫ.

Асӑннӑ ҫын кӑҫалхи ҫу уйӑхӗн вӗҫӗнче — ҫӗртме уйӑхӗн пуҫламӑшӗнче колоние карас телефонӗсем, сим-карттӑсем тата тӗрмере усӑ курма юраман ытти япалана туянса илсе кӗртсе пама пулӑшнӑ. Уншӑн ӑна 5 тата 15 пиншер тенкӗ сӗтев панӑ.

Арҫын саккуна пӑснине Айӑплава пурнӑҫа кӗртессипе ӗҫлекен федераци службин хӑрушсӑрлӑх ӗҫченӗсем тата РФ Следстви комитечӗн ӗҫченӗсем тупса палӑртнӑ.

21.мвд.рфсайтри видеоран илнӗ сӑнӳкерчӗк

Паян, ҫӗртме уйӑхӗн 27-мӗшӗнче, ирхи 7 сехет те 30 минутра Шупашкарти Мускав проспектӗнче инкек пулса иртнӗ.

Ҫӗнӗ Шупашкарти 37 ҫулти хӗрарӑм-водитель сулахаялла пӑрӑннӑ чухне тепӗр транспорта ҫул паман. Ҫапла вара хӗрарӑмӑн «Фольксваген Поло» автомобилӗ «Хонда» мотоциклпа ҫапӑннӑ.

Вӑрнар тӑрӑхӗнчи 25 ҫулти водителӗн «А» категориллӗ водитель прави пулман. Анчах ҫакӑ ун ҫине пырса кӗмеллине пӗлтермест-ха.

Шар курнӑ мотоциклиста тухтар пулӑшӑвӗ кирлӗ пулса тухнӑ.

Шупашкарта пурӑнакан 76 ҫулти кинемее килте нумай укҫа упрама юрамасть тесе хӑратнӑ. Пӑтармах вара ҫапларах пуҫланнӑ.

Ун патне палламан арҫын шӑнкӑравласа стационар телефонӗпе усӑ курнишен схаалтарах укса тӳлеттерӗпӗр тесе суйса савӑнтарнӑ. Ҫав сын унран СНИЛ номерне ыйтнӑ. Карчӑк каланӑ. Кӑштахран ун патне Федерацин хӑрушсӑрлӑх службин ӗҫченӗ текен ҫын шӑнкӑравланӑ. Вал ӑна унччен ултавҫӑпа калаҫни, вӑл карчӑкӑн укҫине вӑрлама пултарать тесе пӗлтернӗ. Ан вӑрлатӑр тесен банкри укҫана илмелле тесе каланӑ.

Ватӑ ҫын 10 ҫул пухса пынӑ 470 пин тенке кайса илнӗ. Кӑштахран ӑна килте 100 пин тенкӗрен ытла упрама юрамасть, укҫана Мускаври е Хусанти учреждение ҫитсе декларацилемелле тесе ӗнентернӗ. Карчӑк унта ҫити кайса ҫӳреме йывӑр тесе курьер урлӑ парса яма килӗшнӗ. Лешӗ ӑна талӑкран укҫана тавӑрса пама шантарнӑ.

о: Kia сӑнӳкерчӗке

Шупашкар районӗнчи Ҫӗнӗ Тутаркассинче 32 ҫулти хӗрарӑм хӑйӗн тусӗн машинине чӗрсе пӗтернӗ.

Пӑтӑрмах пӗлтӗрхи кӑрлач уйӑхӗнче пулса иртнӗ. Ҫав кунхине 32 ҫулти хӗрарӑм ӳсӗр пулнӑ. Хӑйӗн хӗр тусӗ пулнӑ хӗрарӑмӑн «Kia Seltos» машинине вӑл посёлокри пӗр урамра асӑрханӑ.

Унччен икӗ хӗрарӑм хушшинче тавлашу сиксе тухнӑ. Вӗсем пӗр арҫынна пайлайман. Кӗвӗҫӗве пула икӗ тус хушшинчен хура кушак каҫса кайнӑ.

Машинӑна курсан хӗрарӑм ал айне лекне япалапа чӗрсе пӗтернӗ. Шӑмӑрлӑх 68 пин тенкӗпе танлашнӑ.

Халӗ ку ӗс тӗлӗшпе суд пулнӑ. Тусне сӑтӑр тунӑ хӗрарӑмӑн тӑкака укҫан саплаштарма тивӗ.