Пӑтӑрмахсем
![]() Кандинский нейросеть сӑнӳкӗрчӗкӗ Кӑҫалхи ҫурла уйӑхӗнче Ҫӗрпӳ районӗнчи пӗр арҫын полицие хӑйӗн паспортне вӑрланӑ тата микрофинанс организацийӗнче ун ячӗпе кредит илнӗ тесе евитленӗ. Пакунлисем тӗрӗслев ирттернӗ те ҫав арҫын кредит учрежденийӗнче 45 пин тенкӗ илнине палӑртнӑ. Эрех ӗҫнӗ хыҫҫӑн кивҫен илнине те, паспортне ӑҫта хунине те манса кайнӑ. Кайран аса илнӗ те анчах кредит тӳлес килменрен йӗрке хуралҫисене паспорта такам вӑрланӑ тесе суйса пӗлтернӗ. Суякан арҫынна суд 200 сехет ӗҫлеттерсе юсантарма йышӑннӑ. Хыпар ҫӑлкуҫӗ:
|
Пӑтӑрмахсем
![]() Кандинский нейросеть сӑнӳкерчӗкӗ Сӗнтӗрвӑрри хулинчи Ломоносов урамӗнчи 8А ҫуртран пуҫласа Котовсий урамӗнчи 41-мӗш ҫурт патне ҫитиччен ҫутӑ пулман. Кун пирки вырӑнтисем тӗнче тетелӗнче хыпарланӑ. Ҫакна прокуратура асӑрханӑ та тӗрӗслев ирттернӗ. Йӗркене пӑснине палӑртнӑ хыҫҫӑн надзор органӗ муниципалитет органне асархаттару хучӗ ҫырса панӑ, кӑлтӑка пӗтерме хушнӑ. Ҫавӑн хыҫҫӑн урама ҫутӑпа тивӗҫтернӗ. Хыпар ҫӑлкуҫӗ:
|
Пӑтӑрмахсем
![]() 21.мвд.рф сайтри сӑнӳкерчӗк Шупашкарта пӗр ҫамрӑк Иван Яковлев проспектӗнчи видеосӑнав камерине ватнӑ. Полици ӗҫченӗсем ушкӑнри мӗн пур яша тупса палӑртнӑ. Камерӑна ватаканни Красноармейски районӗнчи 16 ҫулти ҫамрӑк пулнӑ. Вӑл Шупашкарти техникумсенчен пӗринче пӗрремӗш курсра вӗреннӗ. Унччен яш йӗрке хуралҫисен куҫӗ тӗлне лекмен. Халӗ ун тӗлӗшпе административлӑ ӗҫ пуҫарнӑ. Каччӑн ашшӗне ывӑлне тивӗҫлипе воспитани паманшӑн явап тыттарнӑ. Хыпар ҫӑлкуҫӗ:
|
Пӑтӑрмахсем
![]() Инкеклӗ лару-тӑру министерстви тунӑ сӑн Паян ирхи 9 сехетре Шупашкар округӗнчи Хыркасы ялӗнче вырӑнти администраци ҫурчӗ ҫуннӑ. Ҫулӑм пӗтӗм зданире сарӑлнӑ. Ҫӑлавҫӑсем пушара ҫур сехетрен сӳнтернӗ. Вырӑна пӗтӗмпе 6 пушар машини ҫитнӗ. Ҫулӑм 100 тӑваткал метр лаптӑка сиенлетнӗ. Шалти отделка самаях шар курнӑ. Малтанлӑха пӗлтернӗ тӑрӑх, пушар электросеть авариллӗ режимра ӗҫленипе тухнӑ. Хыпар ҫӑлкуҫӗ:
|
Пӑтӑрмахсем
![]() Инкеклӗ лару-тӑру министерстви тунӑ сӑн Ӗнер Комсомольскинче аш-какая тирпейлекен «Триумф-Агро» предприятире пушар пулнӑ. Кун пирки пушарнӑйсене ирхи 7 сехетре пӗлтернӗ. 1600 тӑваткал метра яхӑн ангар ҫуннӑ. Унта аш-какая тирпейленӗ. Инкек вӑхӑтӗнче 7 ҫын ӗҫ вырӑнӗнче пулнӑ. Вӗсенчен 6-шӗ хӑйсемех урама тухнӑ. Теприне ҫӑлавҫӑсем илсе тухнӑ. Пушарта холодильник, 6 тонна аш-какай, 1 тонна тырӑ ҫунса кайнӑ. Цехӑн шалти отделки сиенленнӗ. Халӗ пушар мӗнрен тухнине тӗпчеҫҫӗ. Хыпар ҫӑлкуҫӗ:
|
Пӑтӑрмахсем
![]() ШӖМ тунӑ сӑн Паян Шупашкарта 8 ҫулти арҫын ачана 41-мӗш маршрутпа ҫӳрекен автобус ШӖМ ҫурчӗ умӗнче ҫапса хӑварнӑ. Ача темиҫе метр вирхӗнсе кайнӑ. Ку 16 сехет те 35 минутра пулнӑ. Ача светофор симӗс ҫутнӑ вӑхӑтра ҫул урлӑ каҫма тӑнӑ. Кӳлмек еннелле вирхӗнсе пыракан автобус чарӑнман. Телее, арҫын ача чӗрех юлнӑ. Хӗллехи тум хӳтӗленӗ ӑна. 2-мӗш класра вӗренекенскере ыран ирччен пульницӑра сӑнӗҫ. Хыпар ҫӑлкуҫӗ:
|
Пӑтӑрмахсем
![]() ШӖМ тунӑ сӑн Ӗнер 14 сехет те 45 минутра Шупашкарти Николаев урамӗнчи 46-мӗш ҫурт ҫывӑхӗнче йывӑр тиевлӗ машина 87 ҫулти кинемее таптанӑ. Ватӑскер йывӑр сурансене пула кайран реанимацире вилнӗ. Ҫакӑ паллӑ: водитель урӑ пулнӑ. Кӑҫал ӑна ҫул-йӗр правилисене пӑснӑшӑн явап тыттарман. Халӗ Патшалӑх автоинспекцийӗ ку тӗслӗх тӗлӗшпе тӗрӗслев ирттерет. Хыпар ҫӑлкуҫӗ:
|
Пӑтӑрмахсем
![]() Чеб.ру сайтри сӑн Пӗлтӗр юпа уйӑхӗнче «Ҫӗмӗрле – Вӑрнар» перегонра пуйӑс ҫынна таптаса кайнӑ. Машинист чарӑнма хӑтланнӑ, анчах ҫынна таптаса каяссинчен пӑрӑнайман. Чукун ҫул ҫинче пулнӑ арҫын вилмеллех аманнӑ. Унӑн ывӑлӗ кун хыҫҫӑн питӗ куляннӑ. Ҫавна май Чӑваш транспорт прокуратури кӑмӑл-сипет тӗлӗшӗнчен сиен кӳнӗшӗн компенсаци илме суда тавӑҫ тӑратнӑ. Ҫӗмӗрле районӗн сучӗ тавӑҫа пӑхса тухнӑ, «РДЖ»-на 90 пин тенке яхӑн тӳлеттерме йышӑннӑ. Ку – кӑмӑл-сипет тӗлӗшӗнчен сиен кӳнӗшӗн тата пытарнӑшӑн. Хыпар ҫӑлкуҫӗ:
|
Пӑтӑрмахсем
![]() Кандинский нейросеть сӑнӳкерчӗкӗ Пӑрачкав ялӗнчи Ульянов урамӗнче пурӑнакансем машина тепри ҫине пырса кӗнӗ. Пӑтӑрмах раштав уйӑхӗн 5-мӗшӗнче пулса иртнӗ. «Шевроле Нива» автомобиль ҫултан тухса кайса «Хендай» машина ҫине пырса кӗнӗ. Хамӑр ҫӗршывра туса кӑларнӑ машина рулӗ умӗнче 80 ҫулти водитель пулнӑ. Инкеке асӑрханӑ ҫын водитель патне чупса пынӑ. Ӑна япӑххине кура вӑл васкавлӑ пулӑшу машинине чӗнсе илнӗ. Автомобилистӑн ҫул ҫинче инсульт пулнӑ иккен, ӑна васкавлӑн пульницӑна илсе кайнӑ. Ҫав вӑхӑтрах патшалӑхӗн автоинспекцийӗн ӗҫченӗсем чирленӗ вӑхӑтра руль умне ларма юраманнине аса илтереҫҫӗ. Хыпар ҫӑлкуҫӗ:
|
Пӑтӑрмахсем
![]() Элӗк районӗнчи Анатри Хурасанти арҫын почтальона вӗлернӗ те унӑн укҫине пуҫтарса чикнӗ. Хӗрарӑм ҫухалнӑ хыҫҫӑн тӗрӗслев пуҫарнӑ. Вӑл пӗрмай пӗр арҫынпа калаҫнине палӑртнӑ. Хӑй ҫуралнӑ кун та ҫав ҫынпа калаҫнӑ иккен. Анчах 51 ҫулти арҫын туннӑ, эп ӑна пӗр ялтан тепӗр яла ҫитерсе ятӑм ҫеҫ тесе турткаланнӑ. Тӗрӗссипе, иикӗш хушшинче тавлашу сиксе тухнӑ. Вӑл ӑна кӗленчепе пуҫӗнчен ҫапнӑ, хӗрарӑм тӗнне ҫухатнӑ. Унтан ӑна машинӑран туртса кӑларнӑ та пӑвса вӗлернӗ. Вилене вӑрманти ҫырмана пенӗ, ҫулҫӑпа тата туратпа хупланӑ. Машинӑра хӗрарӑмӑн сумки тӑрса юлнӑ, унта ялти ватӑсене памалли 200 пин тенкӗ пулнӑ. Ӑна арҫын кӑларса илнӗ. Пуҫиле ӗҫе суда ярса панӑ. Хыпар ҫӑлкуҫӗ:
|
Шупашкарта ҫывӑх вӑхӑтра (03.04.2025 15:00) пӗлӗтлӗ ҫанталӑк, атмосфера пусӑмӗ 747 - 749 мм, 8 - 10 градус ӑшӑ пулӗ, ҫил 5-7 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.
| Воронцова Галина Михайловна, медицина ӑслӑхӗсен докторӗ ҫуралнӑ. | ||
| Раман Иринкки, ҫамрӑк чӑваш ҫыравҫи ҫуралнӑ. | ||
![]() | Пулӑм хуш... |