«Чеб.ру» сайтри сӑн

Шупашкарта кӗҫех троллейбус-гармошка ҫула тухасси пирки пӗлтернӗччӗ ӗнтӗ. Халӗ вӑл тӗрӗслеве тухнӑ.

Кунашкал троллейбус Шупашкарта – пӗрремӗш. Ӑна хальлӗхе, утӑ уйӑхӗн 1-мӗшӗччен, 60-мӗш маршрут ҫинче курма пулать. Унӑн маршручӗ – Ҫӗнӗ Шупашкарти «Химтехникум» - Шупашкарти «Университет».

Унччен ку троллейбуса Ӗпхӳре, Курскра, Екатеринбургра тӗрӗсленӗ. Ӑна МАЗ-216 ҫумӗнче туса кӑларнӑ. Салона пӗтӗмпе 150 пассажир кӗрет. Лармалли вырӑнсем – 44. Салонра кондиционерсем, кӑмакасем, камерӑсем тата гаджетсене зарядка тумалли хатӗрсем пур.