|
Хулара
 kalin.cap.ru сӑнӳкерчӗкӗ Шупашкар хула администрацийӗ гаражсене сӳтессине пӗлтернӗ. Вӗсене ҫитес эрнере сӳтме тытӑнӗҫ. Списока 20 гараж лекнӗ. Вӗсем пурте хулари Калинин районӗнче вырнаҫнӑ. Ҫывӑх кунсенче Николаев урамӗнчи 18а ҫурт адреспа вырнаҫнӑ 17 гаража сӳтӗҫ, Гагарин урамӗнчи 36-мӗш, Кадыков урамӗнчи 21, Трактор тӑвакансен проспектӗнчи 5-мӗш ҫурт адреспа вырнаҫнӑ гаражсене. Хыпар ҫӑлкуҫӗ:
|
|
Политика
 chuvash.izbirkom.ru сӑнӳкерчӗкӗ Пирӗн республикӑра Чапаевпа Николаев ячӗллӗ суйлав участокӗсем туса хунӑ. Ҫын ячӗпе хисепленекеннисем — пурӗ пилӗк участок. Ҫапла тума муниципалитетсен пуҫлӑхӗсем ыйтнӑ-мӗн. Шупашкарти 1937-мӗш номерлӗ участок малашне Граждан вӑрҫин паттӑрӗн, Шупашкарта ҫуралнӑ Василий Чапаев ячӗпе хисепленет, Сӗнтӗрвӑрри муниципаллӑ округӗнчи Шуршӑлти 1130-мӗш округ — икӗ хут СССР Геройӗн Андриян Николаев ячӗпе. Тата тепӗр виҫӗ участока ятарлӑ ҫар операцийӗнче пуҫ хунисен ятне панӑ. Улатӑр тӑрӑхӗнчи 117-мӗш участока Александр Старчков ячӗллӗ, Шупашкар тӑрӑхӗнчи 1744-мӗш участок — Дмитрий Семенов ячӗллӗ, Елчӗк тӑрӑхӗнчи 2402-мӗш участок — Николай Петров ячӗллӗ. Кашни участокрах ятарлӑ стендсем йӗркеленӗ. Хыпар ҫӑлкуҫӗ:
|
|
Культура
 t.me/chuvashenkalasat каналта вырнаҫтарнӑ сӑнӳкерчӗк Ҫӗршыв хӳтӗлевҫин кунӗ тӗлне республикӑри культура учрежденийӗсем ятарлӑ программа хатӗрленӗ. Паян Чӑваш академи драма театрӗнче 18 сехет те 30 минутра «Инкеклӗ телей» спектакль кӑтартӗҫ. Нарӑсӑн 23-мӗшӗнче Ҫамрӑксен театрӗнче «Аттепе — театра» акци иртет, Пукане театрӗнче Д. Андроновӑн «Жди меня» постановкине курма май килӗ, Вырӑс драма театрӗнче — «Повесть о настоящем человеке» спектакле, Чӑваш патшалӑх филармонийӗнче «Двенадцать стульев» мюзикла. Хыпар ҫӑлкуҫӗ:
|
|
Республикӑра
 https://t.me/civilsk каналти сӑн РФ Президенчӗ Владимир Путин Чӑваш Ене ҫитнӗ. Халӗ вӑл Ҫӗрпӳ хулинче. Ҫапла пӗлтерет «Новости Цивильск» телеграм-канал. 12 сехет те 35 минутсенче Президентӑн «Аурус» автомобильсен кортежне Шупашкарта Суту-илӳпе курав центрӗ ҫывӑхӗнчен иртсе кайнине асӑрханӑ. Машинӑсем Ҫӗрпӳ еннелле кайнӑ. Вӗсем Ҫӗрпӳри пӗр урампа пынине ҫынсем видео ӳкернӗ. Телеграм-канал пӗлтернӗ тӑрӑх, Владимир Путин Рынкӑ салинче нумай ачаллӑ ҫемье патӗнче те пулӗ. Хыпар ҫӑлкуҫӗ:
|
|
Ҫутҫанталӑк
 Синоптиксем пӗлтернӗ тӑрӑх, ҫитес вӑхӑтра пире хӗвеллӗ кунсем кӗтеҫҫӗ. Вӗсем ҫуркуннене виҫӗ пая уйӑраҫҫӗ: ҫутӑ, шыв тата симӗс курӑк ҫуркуннисем. Пушӑн 8-мӗшӗччен пирӗн пата шӑпах пӗрремӗшӗ килӗ. Эппин, ҫӗрлесерен сивӗрех пулӗ, кӑнтӑрласерен хӗвел ӑшши туйӑнӗ. Ҫитес эрнере хӗвеллӗ кунсем тӑрӗҫ, ҫил лӑпкӑ вӗрӗ. Каҫсерен сывлӑш 15-20 градус таран сивӗнӗ. Малтанлӑха пӗлтернӗ тӑрӑх, ҫакнашкал ҫанталӑк пуш уйӑхӗн 8-мӗшӗччен тӑрӗ. Хыпар ҫӑлкуҫӗ:
|
|
Ял хуҫалӑхӗ
 agro.cap.ru сӑнӳкерчӗкӗ Пирӗн республикӑра чӑваш продукцине сутакан пӗрремӗш агромаркет уҫма палӑртнине эпир унччен пӗлтернӗччӗ-ха. Нумаях пулмасть ҫак ыйтупа Чӑваш Енӗн Ял хуҫалӑх министерствинче канашлу иртнӗ. Проекта «Каскад» суту-илӳ центрӗн нуль хутӗнче уҫма палӑртнӑ. Ӑна кӑҫалхи ҫулӑн иккӗмӗш кварталӗнче чӑн-чӑн агромаркета ҫавӑрасшӑн. «Пехет» агромаркетра обществӑлла апатлану точкисем тӑваттӑ пулӗҫ, 8 павильон, 76 фермер вырӑнӗ ӗҫлӗҫ. Унсӑр пуҫне тӗрлӗ тапхӑрта туса илекен продукцие сутма вырӑн пӑхса хӑварӗҫ. Хыпар ҫӑлкуҫӗ:
|
|
Чӑвашлӑх
 chuvdram.ru сӑнӳкерчӗкӗ Чӑваш патшалӑх академи драма театрӗнче кӑтартакан «Вӗри юнлӑ ҫемҫе чун» спектакле театра юратакансем унчченех кайса курма ӗлкӗрнӗ пулӗ-ха. Эпӗ вара ӗнер ҫеҫ ҫитсе килтӗм. Вӑл спектакле курма маларах мӗншӗн кайманни тӗрлӗ сӑлтавпа ҫыхӑннӑ. Аса илтерем: спектакле Иоаким Максимов-Кошкинский пьеси тӑрӑх СССР халӑх артисчӗ Валерий Яковлев лартнӑ. Тӳрех палӑртам: кайнишӗн пӗртте ӳкӗнмерӗм. Куракансем сцена ҫинчи артистсенчен кӑшт кӑна йышлӑрах пулнин сӑлтавне вара пӗлеймерӗм. Те пурте курса ӗлкӗрнӗ, те ялти клубра хӑй тӗллӗн вӗреннӗ артистсен шайӗнчи камитсене кӑмӑллать халӑх. Спектакле, ман шутпа, кашни чӑвашӑнах кайса курмалла. Хӑйӗн-ывӑл хӗрӗпе чӑвашла калаҫман ашшӗ-амӑшне чи малтан кӑтартмалла пек туйӑнчӗ. Тата — ӳсекен ӑрӑва. Чӑваш ывӑл-хӗрне. Чӗмпӗрти чӑваш шкулӗнче вӗреннӗ мухтавлӑ Константин Иванов, Иоаким Максимов-Кошкинский, Фёдоров Павлов йышшисем тӑван халӑхӗн литературине, театрне тата профессилле музыкине пуҫарса яма пултарнӑ. Малтанласа ҫав ӗмӗт юмахӑн туйӑннӑ-тӑр такамшӑн. Анчах вӗри юнлӑ та хӗрӳ ҫамрӑксем ӗненнӗ, шаннӑ, ӗҫленӗ. Вак халӑхӑн пӗтмелле мар тесе тапаҫланнӑ вӗсем. |
|
Республикӑра
 cap.ru сайтри сӑн Патӑрьел округӗнче Ҫемье ҫулталӑкне тата Экологи культурин тата ҫутҫанталӑкпа перекетлӗ усӑ курмалли ҫулталӑка хутшӑннӑ. Мероприятире Пӗтӗм Раҫҫейри ҫемье ҫулӑмне йышӑннӑ. Ӑна Мускаври ВДНХра иртекен «Раҫҫей» курав-форумра ҫутнӑ. Чӑваш Ене ӑна Патӑрьел тӑрӑхӗнчи Аслӑ Арапуҫри Верликовсем илсе килнӗ. Ҫулӑма Патӑрьел тӑрӑхӗнчи кашни ял тӑрӑхӗнчи ҫемьесене панӑ. Уявра ҫамрӑк ҫемьесене ҫурт-йӗр тума е илме социаллӑ тӳлевсем панӑ. Экологи ҫулталӑкне уҫнӑ май вара округра пурнӑҫлама палӑртнӑ проектсене сӳтсе явнӑ. Шыв-шура, вӑрман таврашне, общество вырӑнӗсене тасатма пулӑшнӑ нимеҫӗсене Патӑрьел муниципаллӑ округӗн тав хучӗпе чысланӑ. Хыпар ҫӑлкуҫӗ:
|
|
Спорт
 "Чебмедиа" сайтри сӑн Нарӑс уйӑхӗн 23-мӗшӗнче Шупашкарти кӳлмекре, Мускав кӗперӗпе «Каскад» суту-илӳ ҫурчӗ хушшинче, Чӑваш Енӗн Пӑрлӑ кубокӗ иртӗ. Ӑна ахалех курма пулать. Ӑмӑрту 12 сехетре пуҫланӗ. Унта лашасем тупӑшӗҫ. Куракансене хӗрӳ те манӑҫми ӑмӑрту кӗтет. Кунсӑр пуҫне артистсем юрӑ-ташӑпа савӑнтарӗҫ. Лапамра фудкорт ӗҫлӗ. Хыпар ҫӑлкуҫӗ:
|
|
Республикӑра
 "Чӑваш Ен" тунӑ видео скринӗ Куславкка муниципаллӑ округӗнче прокуратура ҫичӗ ача амӑшне хӳтӗленӗ. Хӗрарӑм ҫурт-йӗр туянма тӑрсан ӑна патшалӑх пулӑшӑвӗ пама хирӗҫленӗ-мӗн. Ведомство тӗрӗслев ирттерсен ҫакна палӑртнӑ: ҫемье ҫурт туняма тӑрсан ЧР Строительство министерстви пӗр хутчен паракан тӳлевпе тивӗҫтерме хирӗҫленӗ. Мӗншӗнне те палӑртнӑ: ҫемьен 121 тӑваткал метрлӑ пурӑнмалли икӗ кӗтес пур. Ку вара нормӑран ытларах. Анчах прокуратура пӗр ҫурчӗ, 61,3 тӑваткал метрли, пурӑнма юрӑхсӑр пулнине палӑртнӑ. Прокуратура нумай ачаллӑ ҫемье ятӗнчен суда тавӑҫ тӑратнӑ. Суд ӑна тивӗҫтернӗ, ҫапла ҫемье сертификата тивӗҫнӗ, хӑтлӑ хваттер туяннӑ. Хыпар ҫӑлкуҫӗ:
|
+11.3 °C