|
Пӑтӑрмахсем
 chuvashia.sledcom.ru сӑнӳкерчӗкӗ Сӗнтӗрвӑрри районӗнче 60 ҫулти хӗрарӑма 37 ҫулти ывӑлӗ вӗлернине Чӑваш халӑх сайчӗ пӗлтернӗччӗ. Аса илтерер: хӗрарӑм виллине тупнӑ хыҫҫӑн тӗпчевҫӗсем ҫакна палӑртнӑ: кӑҫалхи пуш уйӑхӗн 15-мӗшӗнче Шупашкарта пурӑнакан 37 ҫулти арҫын Сӗнтӗрвӑрри районӗнче амӑшӗ патӗнче пулнӑ. Хайхискерсем вӑрҫӑнса кайнӑ. Ывӑлӗ амӑшне пӑвса вӗлернӗ. Малтан вӑл ӑна питӗнчен икӗ хутчен ҫапнӑ, амӑшӗ персе ансан пӑвса лартнӑ. Пуҫиле ӗҫе халӗ суда ярса панӑ. Хыпар ҫӑлкуҫӗ:
|
|
Персона
 culture.cap.ru сӑнӳкерчӗкӗ Ҫӗртме уйӑхӗн 28-мӗшӗнче Чӑваш патшалӑх филармонийӗн директорӗ, Чӑваш Енӗн культурӑн тава тивӗҫлӗ ӗҫченӗ Максим Матросов 50 ҫул тултарнӑ. Филармонире палӑртнӑ тӑрӑх, Максим Юрьевича пула Чӑваш Енӗн культура пурнӑҫӗ ҫӑлкуҫ пек тапса тӑрать, асра юлмалла пултарулӑх пулӑмӗсемпе пуян. Максим Матросов И.Н. Ульянов ячӗллӗ Чӑваш патшалӑх университетӗнче тата аспирантурӑра вӗреннӗ. Тӗрлӗ ҫулта вӑл Чӑваш Енӗн патшалӑх телерадиокомпанийӗнче корреспондент, Шупашкар хула администрацийӗнче ҫамрӑксен тата культура енӗпе специалистра, Чӑваш Енӗн Президенчӗн Администрацийӗн информаципе аналитка пайӗнче тӑрӑшӑ, Чӑваш Енӗн туризм тата культура центрӗнче (халӗ Чӑваш Енри труизма аталантарс енӗпе ӗҫлекен агентство) директорӗ пулнӑ. Филармони директорӗ пулма ӑна 2021 ҫулта шаннӑ. Хыпар ҫӑлкуҫӗ:
|
|
Хулара
 Шупашкарта 74 ҫулти кинемей ҫухалнӑ. Ӑна «Лиза Алерт» хастарӗсем те шыраҫҫӗ. Ильвира Грингорьевна Карзакова (Убакова) килтен ҫӗртме уйӑхӗн 27-мӗшӗнче тухса кайнӑ. Ҫакӑ паллӑ: ӑна медпулӑшу кирлӗ. Кинемей ҫӳллех мар – 160 сантиметр, куҫӗ кӑвак, ҫӳҫӗ кӑвакарнӑ. Килтен кайнӑ чухне кӗрен халат, тӗттӗм нуски хӗрлӗ тапочкӑ тӑхӑннӑ пулнӑ. Ун пирки мӗн те пулин пӗлетӗр тӗк ҫак номерсемпе шӑнкӑравлама ыйтаҫҫӗ: 8(800)700-54-52 е 112. Хыпар ҫӑлкуҫӗ:
|
|
Персона
 Ӗнер, ҫӗртме уйӑхӗн 28-мӗшӗнче, Чӑваш Енӗн Элтеперӗ патшалӑх наградисене парасси ҫинчен калакан черетлӗ хушӑва алӑ пуснӑ. «Чӑваш Республикин культурӑн тава тивӗҫлӗ ӗҫченӗ» ята Ольга Тимофеева тивӗҫнӗ. Хушури кӗске информаци тӑрӑх хакласан, Ольга Александровна – «Сыны Отечества» (чӑв. Тӑван ҫӗршывӑн ывӑлӗсем) офицерсен юлташлӑхӗн регионти общество организацийӗн пайташӗ. Эпир тӗшмӗртнӗ тӑрӑх, кунта сӑмах Ольга Оболенская-Тимофеева пирки пырать. Вӑл Шупашкарта ҫуралнӑ, Мускавра пурӑнать. Ҫав хӗрарӑм концертсемпе хӗрӳ точкӑсенче те пулнӑ. Хыпар ҫӑлкуҫӗ:
|
|
Сывлӑх
 rkod.med.cap.ru сӑнӳкерчӗкӗ Чӑваш Енре онкологи чирӗпе аптӑракансен тата вӗсен тӑванӗсен форумӗ иртӗ. Мероприятие ҫӗртме уйӑхӗн 30-мӗшӗнче Чӑваш патшалӑх ӳнер музейӗнче пуҫтарӑнӗҫ. «Ради жизни» (чӑв. Пурнӑҫшӑн) ят панӑскере АНО «Близкие люди» (чӑв. Ҫывӑх ҫынсем) коммерцилле мар автономи организаци (председателӗ — Е.Н. Хрусцелевская) тата Республикӑн клиника онкологи диспансерӗ ирттереҫҫӗ. Форум тӗллевӗ — врачсене, экспертсене и общество организацийӗсен хастарӗсене онкологи чирӗпе чирлисене тата вӗсен тӑванӗсене информаци тата психологи тӗлӗшӗнчен пулӑшасси, онкочирсем ҫинчен ҫынсене каласа кӑтартасси. Хыпар ҫӑлкуҫӗ:
|
|
Культура
 culture.cap.ru сӑнӳкерчӗкӗ Шупашкарта шыв ҫинчи спектакль кӑтартнӑ. Ун пекки пирӗн патра халиччен пулман. «Карусель сказок» (чӑв. Юмах каруҫҫелӗ) пӗтӗм тӗнчери IV фестиваль тата «Одинаковыми быть нам необязательно» (чӑв. Пурин те пӗр пек пулмасан та) ыттисенчен уйрӑлса тӑракан куракансен VIII фестивалӗ иртнӗ май пирӗн пата Кострома облаҫӗнчи пукане театрӗ те килнӗ. Вӑл «Иван да Марья» шыв ҫинчи спектакле кӑтартнӑ. Асӑннӑ ӗҫ режиссёрӗ тата художник-постановщикӗ — Марина Пудкова. Урамри спектакле, урамри кӑна та мар, шыв ҫинчи спектакле, куракансем кӑмӑлласа йышӑннӑ. Хыпар ҫӑлкуҫӗ:
|
|
Чӑвашлӑх
 cap.ru сӑнӳкерчӗкӗ Мускавра чӑвашсем Акатуя пухӑниччен вӑхӑт нумаях юлмарӗ. Кун пирки унччен пӗлтернӗччӗ. Аса илтерер: вӑл утӑ уйӑхӗн 1-мӗшӗнче иртӗ. Чӑваш Акатуйӗ "Сокольники" паркра 12 сехетре уҫӑлӗ. Уявра Мускав ҫыннисемпе хӑнисене Чӑваш Ен йӑли-йӗркипе паллаштарӗҫ: ташлӗҫ, юрлӗҫ, тӗрлӗҫ, чӑваш апат-ҫимӗҫне тутантарӗҫ. Раҫҫей халӑх артистки Надежда Бабкина та чӑвашсене Акатуя чӗнет. Хыпар ҫӑлкуҫӗ:
|
|
Пӑтӑрмахсем
 ШӖМ тунӑ сӑн Канаш районӗнче иномарка велосипедпа пынӑ арҫынна ҫапса хӑаарнӑ. Шел те, вилмеллех. Авари "Шӑхасан - Нурӑс" ҫул ҫинче ҫӗртме уйӑхӗн 27-мӗшӗнче 13 сехет те 20 минутра пулнӑ. Малтанлӑха пӗлтернӗ тӑрӑх, транспорта хирӗҫ пыракан велосипедист ҫине "Тойота" кӗрсе кайнӑ. Руль умӗнче 39 ҫулти арҫын ларнӑ. Вӑл ӳсӗр пулманни паллӑ. Велосипедист ҫавӑнтах вилнӗ. Патшалӑх автоинспекцийӗ ӗҫ-пуҫа уҫӑмлатать. Хыпар ҫӑлкуҫӗ:
|
|
Пӑтӑрмахсем
 stranabolgariya.ru сӑнӳкерчӗкӗ Пӑрачкав районӗнчи пӗр арҫын машинӑсӑр тӑрса юлнӑ. Йӑлтах — хӑй айӑпне пула. 39 ҫулти арҫын автомобиль рулӗ умне унччен те ӳсӗрле ларнӑ. Кӑҫалхи нарӑс уйӑхӗн 12-мӗшӗнче ҫав этем каллех ӳсӗр пуҫпа ҫула тухнӑ. «Нива Шевроле» машинӑпа вӑл «Шупашкар-Сурски-Мишуково-Ардатов» автоҫулпа пынӑ чухне хирӗҫ килекен транспортпа пырса ҫапӑннӑ. Суд хайхи этеме 2 ҫуллӑха правасӑр хӑварнипех ҫырлахман, машинине конфискациленӗ. Хыпар ҫӑлкуҫӗ:
|
|
Пӑтӑрмахсем
 sli24.ru сӑнӳкерчӗкӗ Шупашкар хулинче пурӑнакан пӗр хӗрарӑм ӗҫе вырнаҫсан та ӗҫсӗрлӗх пособине илсе тӑнӑ. Ӗҫпе тивӗҫтерекен центра вӑл 2022 ҫулхи утӑ уйӑхӗнче учёта тӑнӑ. Унта ҫав ҫулхи раштав уйӑхӗччен тӑнӑ чухне 50 пине яхӑн тенкӗ пособи илсе тӑнӑ. Кӑштахран вӑл ӗҫе вырнаҫнӑ, анчах центра ҫавӑн пирки пӗлтермен. Центртан илсе тӑнӑ пособи, пӗр енчен, ытла пысӑк суммах та мар. Ҫапах ун пек хӑтланма юрамасть. Пӑтӑрмаха прокуратура тупса палӑртнӑ. Вӑлах тӗрӗслев материалӗсене право хуралӗн органӗсене пуҫиле ӗҫ пуҫарма ярса панӑ. Хыпар ҫӑлкуҫӗ:
|
+1.3 °C