|
Экономика
 cap.ru сӑнӳкерчӗкӗ Чӑваш Енре чипс тума тытӑнасси пирки 2021 ҫултах калаҫма пуҫланӑ. Паян Патӑрьел округӗнчи Тури Туҫа ялӗнче чипс туса кӑларакан производствӑна уҫнӑ. Ку проекта Валерий Кузнецов фермер пурнӑҫланӑ. Вӑл ку цеха хута яма 60 миллион тенкӗлӗх инвестици хывнӑ. Чипса тунӑ ҫӗрте Раҫҫейри селекцири «Варяг» ҫӗрулми сорчӗпе усӑ кураҫҫӗ. 1 сехетре 400 кг ҫӗрулмирен 100 кг чипс тӑваҫҫӗ. Ӑна «Чебо» ят панӑ. Хальлӗхе паприка тата симӗс сухан тутипе кӑлараҫҫӗ. Малашне бекон, тӑвар, тӑватӑ сыр тутисене кӗртесшӗн. Чипс кӗҫех сутлӑха тухӗ. Лавкка-партнерсене курттӑмӑн ярӗҫ. Чи малтанах - райпо лавккаисене. Хыпар ҫӑлкуҫӗ:
|
|
Республикӑра
 chrio.rchuv.ru сайтри сӑн «Хавал» ушкӑн ЧР Вӗренӳ институчӗпе, И.Я.Яковлев ячӗллӗ ЧППУпа пӗрле шкул ачисен хушшинче «Хавал» ӑслӑлӑхпа практика конференцине ирттерет. Унта 5-11-мӗш класра вӗренекенсем хутшӑнма пултараҫҫӗ. Конференци ЧППУра раштав уйӑхӗн 2-мӗшӗнче иртӗ, 10 сехетре пуҫланать. 4 секци ӗҫлӗ: обществӑпа гуманитари ӑслӑлӑхӗсен секцийӗ, Ҫут ҫанталӑк тата техника ӑслӑлӑхӗсен секцийӗ, тӑван тавралӑх секцийӗ, пултарулӑх секцийӗ.Конкурса хутшӑнакансен чӳк уйӑхӗн 27-мӗшӗччен https://forms.gle/UVy1caDtAJEmHCod9 ссылкӑпа кӗрсе регистрациленмелле, ӗҫсене al.blinov@gmail.com эл. почтӑна ярса памалла. Ҫыхӑнмалли телефон: +7-902-328-50-51. Хыпар ҫӑлкуҫӗ:
|
|
Пӑтӑрмахсем
 ШӖМ тунӑ сӑн Ӗнер А-151 автоҫул ҫинче, Патӑрьел муниципаллӑ округӗнче, 21 сехет те 40 минутра авари пулнӑ. Аварире 48 ҫулти хӗрарӑмӑн пурнӑҫӗ татӑлнӑ. Малтанлӑха пӗлтернӗ тӑрӑх, «Калина» рулӗ умӗнче ларнӑ хӗрарӑм руле итлеттереймесӗр кювета чӑмнӑ та йывӑҫа пырса тӑрӑннӑ. Вӑл хӑрушсӑрлӑх пиҫиххипе ҫыхӑнман пулнӑ. Правана вара кӑҫал кӑрлач уйӑхӗнче кӑна илнӗ. Хыпар ҫӑлкуҫӗ:
|
|
Персона
 Ӗнер Чӑваш патшалӑх академи драма театрӗнче СССР халӑх артистки Вера Кузьмина ҫуралнӑранпа 100 ҫул ҫитнине халалланӑ астӑвӑм каҫӗ иртнӗ. Унта хутшӑннӑ республика Элтеперӗ Олег Николаев вӑл хӑй те Вера Кузьмина пекех чӑваш пулнишӗн савӑннине палӑртса хӑварнӑ. «Вера Кузьминична пире пуян эткерлӗх парса хӑварчӗ. Вӑл хӑйӗн пунӑҫне чӑваш ӳнерне, чӑваш культурине, чӗлхине, хӑйневевӗрлӗхне упраса хӑварассине халалланӑ. Вера Кузьмина ячӗ наци театрӗсене пӗрлештерет», — мӑнаҫланса каланӑ Олег Николаев. Хыпар ҫӑлкуҫӗ:
|
|
Спорт
 cap.ru сӑнӳкерчӗкӗ Ку эрнере канмалли кун, чӳк уйӑхӗн 18-мӗшӗнче, бассейнсене, катоксене, тренажер залӗсене тата ытти спорт сооруженине тӳлевсӗр кӗртӗҫ. Респуликӑра каллех Сывлӑхпа спорт кунӗ иртӗ. Сӑмах май, ӑна 2014 ҫултанпа кашни уйӑхра ирттереҫҫӗ. Информацие тӗплӗнрех спорт сооруженийӗсен, спорт комплексӗсен сайтӗнче пӗлме пулать. Кӑҫал ҫулталӑк вӗҫлениччен Сывлӑхпа спорт кунӗ тепӗр хутчен иртмелле. Ӑна раштав уйӑхӗн 16-мӗшне планласа хунӑ. Хыпар ҫӑлкуҫӗ:
|
|
Пӑтӑрмахсем
 ru.freepik.com сӑнӳкерчӗкӗ Шупашкарта пӗр арҫын барта наркотик хутаҫҫине стойка ҫине кӑларса хунӑ. Ӑна йӗрке хуралҫисем тытса чарнӑ. Росгвардин Чӑваш Енри управленийӗн пресс-службинче пӗлтернӗ тӑрӑх, Эгер бульварӗнчи спорт-барсенчен пӗринче пӑтӑрмах пирки асӑрхаттаракан кнопка ӗҫлесе кайнӑ. Вырӑнта йӗрке хуралҫисене ӑнлантарса панӑ тӑрӑх, пӗр арҫын бар стойки ҫине хӑйӗн япалисене кӑларса хунӑ, ҫав шутра шурӑ порошоклӑ пӗчӗк хутаҫ пулнӑ. 45-ри арҫынна полицине лартса кайнӑ. Экспертиза палӑртнӑ тӑрӑх, хутаҫра наркотик пулнӑ. Хыпар ҫӑлкуҫӗ:
|
|
Персона
 culture.cap.ru cӑнӳкерчӗкӗ Чӑваш Республкинача-пӑчапа ҫамрӑксен вулавӑшӗ СССР халӑх артситки ҫуралнӑранпа 100 ҫул итнине халалласа онлайн-квиз ирттернӗ. Асӑннӑ квиз юпа уйӑхӗн 2-мӗшӗнчен пуҫласа чӳк уйӑхӗн 12-мӗшӗччен пынӑ. Унта хутшӑнакансем хӑйсен пултарулӑхне тӗрӗслеме, Вера Кузьмина ҫинчен пӗлнине кӑтартса пама тивнӗ. Онлайн-квиза 19 муниципаллӑ округри 1551 ача хутшӑннӑ. Вӗсем Улатӑр, Элӗк, Патӑрьел, Вӑрнар, Йӗпреҫ, Канаш, Куславкка, Комсомольски, Хӗрлӗ Чутай, Сӗнтӗрвӑрри, Муркаш, Вӑрмар, Ҫӗрпӳ, Шупашкар, Шӑмӑршӑ, Ҫӗмӗрле, Етӗрне, Елчӗк, Тӑвай муниципаллӑ округӗсенчен тата 6 хуларан: Канаш, Ҫӗнӗ Шупашкар, Ҫӗрпӳ, Шупашкар, Ҫӗмӗре, Етӗрне. Хыпар ҫӑлкуҫӗ:
|
|
Культура
 culture.cap.ru сӑнӳкерчӗкӗ Чӳк уйӑхӗн 24-мӗшӗнче Чӑваш наци музейӗ Раҫҫей этнографи музейӗнче упранакан япаласен куравне уҫӗ. «Сохраненная красота: раритеты чувашской культуры из собрания Российского этнографического музея» (чӑв. Упраса хӑварнӑ илем: Раҫҫей этнографи музейӗн пуххинче чӑваш культурин раритечӗсем) ят панӑ куравра XVIII-XIX ӗмӗрсенчи чӑвашсен япалисемпе паллашма май килӗ. Питӗре каймасӑрах. Асӑннӑ этнографи музейӗнче чӑваш коллекцийӗнче 6 пине яхӑн япаларан тӑрать иккен. Вӑл Чӑваш наци музейӗнчинчен те маларах йӗркеленме пуҫланӑ. Туй тутӑрӗсене, сӑмахран, III Александрӑн Вырӑс музейӗн этнографи пайне 1902 ҫултах Хусанти университечӗн профессорӗ Иван Смирнов панӑ. Хыпар ҫӑлкуҫӗ:
|
|
Культура
 Ҫак кунсенче Ҫеҫпӗл Мишши ячӗллӗ Чӑваш патшалӑх ҫамрӑксен театрӗнче «СеспельФЕСТ» фестиваль пырать. Вӑл чӳк уйӑхӗн 14-мӗшӗнче уҫӑлнӑ. Регионсем хушшинчи ҫав мероприяти Иосиф Дмитриев (Трер) ячӗллӗ. Фестивалӗн пӗрремӗш кунӗнче Мари Элти Ҫамрӑксен театрӗ Иван Гончаров романӗ тӑрӑх лартнӑ «Обломов. Теперь или никогда» спектакле кӑтартнӑ. «Эпир кашни ҫулах фестивале килетпӗр, — тенӗ театрӑн илемлӗх ертӳҫи, РФ искусствӑсен тава тивӗҫлӗ ӗҫченӗ Олег Иркабаев. — Пирӗн спектакле сумлӑ жюри хаклани пирӗншӗн пысӑк чыс». Хыпар ҫӑлкуҫӗ:
|
|
Республикӑра
 ШӖМ тунӑ сӑн Вӑрнар муниципаллӑ округӗнче пурӑнакан 62 ҫулти арҫын полицие пырса хӑйне ҫаратни пирки пӗлтернӗ. Вӑл сывлӑх енчен хавшак, утса ҫӳреймест. Ун патне тимӗр-тӑмӑр пухакансем пырса кӗнӗ. Хайхискерсем кил хуҫи утайманнипе усӑ курса унӑн хут купӑсне, медалӗсене, телефонне, инструменчӗсене вӑрланӑ. Арҫынна уйрӑмах ҫывӑх ҫынни парнеленӗ хут купӑса йӑтса тухса кайни кулянатарнӑ. Вӑрӑсен йӗрне часах тупнӑ. Вӗсенчен пӗри кам пулнине те палӑртнӑ: Канашри 22 ҫулти каччӑ. Вӑл вӑрланӑ япаласене тавӑрса панӑ. Вӑл унччен те судпа айӑпланнӑ. Халӗ ун тӗлӗшпе пуҫиле ӗҫ пуҫарнӑ. Хыпар ҫӑлкуҫӗ:
|
-3.7 °C