|
Культура
 culture.cap.ru сӑнӳкерчӗкӗ Чӑваш патшалах ҫамрӑксен театрӗнче ҫӗнӗ режиссёрпа паллаштарнӑ. Александр Грибоедовӑн «Горе от ума» пьеси тӑрӑх лартакан спектакле Даниил Филиппович режиссёр тата Вадим Дубовик хореограф-постановщик лартӗҫ . Даниил Ильясович ӗнер артистсемпе паллашнӑ, ҫывӑх вӑхӑтра вӑл вӗсене ҫӗнӗ спектакльте выляма суйласа илӗ те коллектив репетици ирттерме тытӑнӗ. «Горе от ума» спектакльпе театр 93-мӗш сезона уҫасшӑн. Спектакле Александр Грибоедов ҫуралнӑранпа 230 ҫул ҫитнине халаллӗҫ. Даниил Филиппович Белоруҫ Республикинчен. Минскри ӑста - драма театрӗн режиссёр, писатель, сценарист, клипмейкер. Вӑл ГИТИСри режиссер факультетӗнче вӗреннӗ. Унӑн ӗҫӗсене Китайри, Беларуҫри, Казахстанри, Узбекистанри тата Раҫҫейӗн тӗрле ҫӗршывӗнчи хулари сцена ҫинче кӑтартаҫҫӗ. Хыпар ҫӑлкуҫӗ:
|
|
Сывлӑх
 www.cap.ru сӑнӳкерчӗкӗ Патӑрьел районӗнчи Шӑнкӑртам ялӗнче физкультурӑпа сывлӑх комплексӗ ҫӗклеҫҫӗ. Вырӑнти администрацире пӗлтернӗ тӑрӑх, строительство графикпа килӗшӳллӗн пулса пырать. Ӗҫе пурнӑҫлаканни «Строитель ПЛЮС» организаци. Халӗ унта никӗс яма тытӑнасшӑн. Физкультурӑпа сывлӑх комплексӗ 2987 тӑваткал метр лаптӑкӗш пулӗ. Проектпа пӑхса хӑварнӑ тӑрӑх, унта тренажер, фитнес, аэробика залӗсем, универсаллӑ вӑйӑ залӗ тата ытти пулӗ. ФОКа 2026 ҫулхи чӳк уйӑхӗнче туса пӗтермелле. Хыпар ҫӑлкуҫӗ:
|
|
Культура
 www.cap.ru сӑнӳкерчӗкӗ Ачасене хӳтӗлемелли пӗтӗм тӗнчери куна халалласа Шупашкарта республикӑмӑрӑн тӗп вырӑнӗсемпе паллаштаракан тӳлевсӗр экскурси ирттерӗҫ. Ӑна хулари музейпа туризм центрӗ йӗркелет. Маршрут Шупашкарти Арбатпа (Ехрем хуҫа бульварӗпе), Хӗрле лапампа, Ҫеҫпӗл урамӗпе, Консантин Иванов урамӗпет тата скверӗпе иртӗ. Экскрусие хутшӑнакансем ҫавӑн пекех Амӑшӗн палӑкӗ патне ҫитсе чарӑнӗҫ. Экскурси ҫу уйӑхӗн 31-мӗшӗнче тата ҫӗртме уйӑхӗн 1-мӗшӗнче 120 тата 17 сехетсенче иртӗ. Унта ҫыранас тесен +7 (8352) 23-20-31, +7 (8352) 23-20-34 телефонсемпе шӑнкӑравламалла. Хыпар ҫӑлкуҫӗ:
|
|
Пӑтӑрмахсем
 ШӖМ тунӑ сӑн Шупашкарти Короленко урамӗнчи хваттерте икӗ каччӑ чутах тӗтемпе наркӑмӑшланман. Вӗсем каҫхине питӗ вӑйлӑ ҫывӑрнӑ: газ плити ҫинче вара кастрюль мӑкӑрланнӑ. Каччӑсем алӑкран шакканине те, ӑна болгаркӑпа ҫӗмӗрнине те илтмен. Чӳречерен тӗтӗм тухнине кӳрши асӑрханӑ. Алӑкран шакканӑ — никам та уҫман. Вара вӑл 112 номерпе шӑнкӑравланӑ. Ҫӑлавҫӑсем алӑка ҫӗмӗрсе кӗнӗ чухен те каччӑсем ҫывӑрнӑ. «Эу! Вӑранӑр! Ҫунатпӑр!» тесен ҫеҫ вӑраннӑ. Малтанах мӗн пулса иртнине ӑнланман, кайран ҫӑлавҫӑсене тав тунӑ. Каччӑсем каҫхине газ плити ҫине апат пӗҫерме лартнӑ та хӑйсем ҫывӑрма выртнӑ иккен. Хыпар ҫӑлкуҫӗ:
|
|
Республикӑра
 cap.ru сайтри сӑн Чӑваш Республикинчи амӑшӗн капиталне 2030 ҫулхи раштавӑн 31-мӗшӗччен пама йышӑннӑ. Ку ыйтӑва ЧР Министрсен Кабинечӗн ларӑвӗнче сӳтсе явнӑ. Унччен ку пулӑшу мери 2026 ҫулхи раштавӑн 31-мӗшӗччен вӑйра пулнӑ. Кӑҫалхи кӑрлачӑн 1-мӗшӗнчен республикӑри амӑшӗн капиталӗ 200 пин тенкӗпе танлашать. Палӑртмалла: республикӑри амӑшӗн капиталне 2012 ҫултанпа пама тытӑннӑ. Ун чухне вӑл 100 тенкӗе танлашнӑ. Ку таранччен амӑшӗн капиталне 17487 ҫемье тивӗҫнӗ. Хыпар ҫӑлкуҫӗ:
|
|
Ял пурнӑҫӗ
 mintrud.cap.ru сӑнӳкерчӗкӗ Вӑрмар районӗнчи Мӑнҫырма ялӗнче пурӑнакан арҫын патшалӑх укҫипе сурӑх туяннӑ. Хушма хуҫалӑха аталантарма тесе социаллӑ контракта вӑл кӑҫалхи нарӑс уйӑхӗн 25-мӗшӗнче алӑ пуснӑ. Укҫапа Владимир Матвеев дорпер ӑратлӑ сурӑх туяннӑ. Ӑна аш валли усраҫҫӗ. Специалистсем ӗнентерне тӑрӑх, ку ӑрат пысӑк тухӑҫлӑ, лайӑх ӳсет. «Социаллӑ контаркт мар пулсан хам тӗллӗн ун чухлӗ сурӑх туянайман пулӑттӑм», - тет иккен хушма хуҫалахра тар тӑкма хавхаланнӑ арҫын. Хыпар ҫӑлкуҫӗ:
|
|
Хулара
 cheb-centr.soc.cap.ru сӑнӳкерчӗкӗ Шупашкар хулинчи халӑхӑн социаллӑ ыйтӑвӗсене твиӗҫтерекен комплекслӑ центрӑн пай заведующийӗ ӗҫлесе сипленме вӗренсе килнӗ. Марина Петрова заведующи «Старость в радость» (чӑв. Ватлӑх савӑнма) ыркӑмӑллӑх фончӗ йӗркеленӗ икӗ кунлӑх курсра пӗлӗвне туптанӑ. Заняти «Внимание и забота» (чӑв. Тимлӗх тата тӑрӑшу) обществӑра иртнӗ. Хушма професси пӗлӗве паракан программа «Частые вопросы эрготерапии. Эрготерапия в системе социального обслуживания» (чӑв. Эрготерапинчи час-час тӗл пулакан ыйтусем. Социаллӑ пулӑшу сферинчи эрготерапи). Веренӳ 72 сехет теори занятийӗнчен тата 2 кунла практикаран тӑнӑ. Программа обучения была направлена на углубление знаний и навыков Программа обучения была направлена на углубление знаний и навыков в области эрготерапии, что особенно важно для специалистов, работающих в сфере социального обслуживания Хыпар ҫӑлкуҫӗ:
|
|
Спорт
 "Контактри" сӑн Тӗнче класлӑ спорт мастерӗн Мальвина Петрова тин кӑна Хусанти марафонра ҫӗнтерни пирки пӗлтернӗччӗ. Спортсменка ав тепӗр ылтӑн медаль те ҫӗнсе илме ӗлкӗрнӗ! Вӑл Чулхулара иртнӗ «Чуп, паттӑр» ыр кӑмӑллӑх ҫурма марафонӗнче финиша чи пӗрремӗш ҫитнӗ. Мальвина дистанцие 1 сехет те 27 минут та 17 ҫеккунтра чупса тухнӑ. Палӑртса хӑварар: Мальвина – 3 ача амӑшӗ, вӗсене чӑн чӑвашла ят панӑ: Пинерпи, Асамат тата Савир. Хыпар ҫӑлкуҫӗ:
|
|
Культура
 К.В.Иванов ячӗллӗ Чӑваш патшалӑх академи драма театрӗ 40 ҫул иртсен «Нарспи» спектакле сцена ҫине тепӗр хут кӑларма палӑртнӑ. Ахальтен мар. Кӑҫал поэма авторӗ Константин Иванов ҫуралнӑранпа 130 ҫул ҫитет. Премьера авӑн уйӑхӗн 26-мӗшӗнче пулӗ. Ӑна Чӑваш Республикин Элтеперӗн гранчӗпе лартаҫҫӗ. Спектакль режиссерӗ – Адыгейӑра ҫуралнӑ, ГИТИСра вӗреннӗ Данна Афаунова. Вӑл унччен Ингушетири, Тутарстанри театрсенче спектакльсем лартнӑ. Хыпар ҫӑлкуҫӗ:
|
|
Республикӑра
 ШӖМ тунӑ сӑн Красноармейски округӗнчи Вӑрманкас ялӗнче 84 ҫулти кинемей ҫухалнӑ. Вӑл ӑс-тӑнпа арпашать, туяпа аран ҫӳрет. Хӑш чухне канӑҫсӑрлансан килтен аякка кайма пултарать. Малтан кинемее тӑванӗсем хӑйсемех шыранӑ, анчах тупайман. Ҫур ҫӗр иртни 2 сехетре полицирен пулӑшу ыйтма тивнӗ. Малтан оперативниксем тавралӑхра шыранӑ. Кайран вырӑна Артем Артемьев кинолог нимӗҫ овчаркипе Арчипе килнӗ. Йытӑ йӗр ҫине ӳкнӗ те ҫухрӑм ҫурӑ кайса кинемее тупнӑ. Ватӑскере хӑратас мар тесе кинолог йытта ун ҫывӑхне яман. Кинемее киле мӑнукӗсем ҫавӑтса кайнӑ. Хыпар ҫӑлкуҫӗ:
|
+13.3 °C