cap.ru сайтри сӑн

Чернобыльти АЭСри аварие пӗтернӗ ҫӗре хутшӑннӑ Иван Алексеева «Вилекенсене ҫӑлнӑшӑн» медаль пама йышӑннӑ. Хушӑва РФ Президенчӗ Владимир Путин алӑ пусса ҫирӗплетнӗ.

Анчах, шел те, Етӗрне округӗнче пурӑннӑ Иван Алексеев 2000 ҫулта вилнӗ. Медале унӑн йӑмӑкне панӑ.

Сӑмах май, кӑҫалхи ака уйӑхӗ тӗлне республикӑра 723 чернобылец пурӑннӑ. Тӑватӑ ҫул каяллахипе танлаштарсан, 311 ҫын сахалрах.

"Лиза Алерт" архивӗнчи сӑн

Вӑрнар округӗнче пурӑнакан хӗрарӑм кӗтӳ пӑхма кайсан ҫухалнӑ. Ӑна тӑватӑ кун шыранӑ.

Нина Степановна Зубова ҫухални пирки юпа уйӑхӗн 17-мӗшӗнче пӗлтернӗ. Ун патне тӑванӗсем шӑнкӑравласа ҫитеймен. Тивӗҫлӗ канури хӗрарӑма полицейскисем, нимеҫӗсем шыранӑ.

Тӑваттӑмӗш кунхине вӑл хӑйех ҫул тупса сукмак ҫине тухнӑ. Унта ӑна водитель асӑрханӑ та киле илсе ҫитернӗ.

Кинемей кайран ҫапла каласа кӑтартнӑ: пӗрремӗш кун вӑл сунарҫӑ пӳртӗнче ҫӗр каҫнӑ, кайран – вӑрманта. Вӑл ӑна шыранӑ ҫынсен сассисене илтнӗ. Анчах урипе аптӑранӑран вӗсем патне ҫитеймен. Халӗ хӗрарӑм пульницӑра.

freepik сайтри сӑн

Республикӑра «Ӳсӗр водитель» рейд вӑхӑтӗнче 60 ытла ӳсӗр водителе тытса чарнӑ. Пиллӗкӗшӗн тӗлӗшпе пуҫиле ӗҫ пуҫарнӑ.

Рейдра ҫул-йӗр инспекторӗсене ахаль ҫынсем тӗ пулӑшнӑ. Акӑ тӗслӗхрен юпа уйӑхӗн 19-мӗшӗнче ҫынсем Шупашкарти Иван Яковлев проспектӗнче йӗркене пӑсакан водителе асӑрханӑ. Вӑл хирӗҫ ҫулпа та пынӑ. Ӑна Пичет ҫурчӗ ҫывӑхӗнче тытса чарнӑ. Унӑн права та пулман.

freepik.com сайтри сӑн

Юпа уйӑхӗн 17-мӗшӗнче Чӑваш лини уйрӑмӗн пайен ӗҫченӗсем Атӑл ҫинче, Шупашкар шыв управӗ ҫывӑхӗнче, рейд ирттернӗ. Вӗсем браконьера тытса чарнӑ.

Арҫын, 1987 ҫулта ҫуралнӑскер, Мари Элтен. Вӑл саккуна пӑсса юраман хатӗрпе пулӑ тытнӑ. Полицейскисем унран 19 пулӑ тата хатӗр-хӗтӗре туртса илнӗ.

Халӗ ку тӗлӗшпе тӗрӗслев иртет, пуҫиле ӗҫ пуҫарасси пирки шутлаҫҫӗ. Хальлӗхе арҫыннӑн полици уйрӑмне пырса хӑй пуррине паллӑ туса каймалла.

«Чеб. Медиа» архивӗнчи сӑн

Кӗҫех республикӑра теплоход сезонӗ вӗҫленӗ. Юлашки теплоход чӳк уйӑхӗн 23-мӗшӗнче килсе чарӑнӗ. Кӑҫалхи кӑтарту, вара халех паллӑ: республикӑна туристсем килес енӗпе рекорд пулнӑ.

Кӑҫалхи сезонра 720 круиз теплохочӗ 102 пин ытла турист килнӗ. Ӗнер икӗ теплоход чарӑннӑ. Чӳк уйӑхӗнче тепӗр 3-шӗ килмелле.

Сӑмах май, пӗлтӗр республикӑна теплоходсемпе 89 пин турист килсе курнӑ.

Ҫӑлкуҫ: cap.ru

Эрнекун Муркаш муниципаллӑ округӗнчи Ильинка вӑтам шкулӗнче Б.И. Гузовский ячӗллӗ ҫӗнелнӗ музей уҫӑлнӑ. Хӗрлӗ хӑйӑва Чӑваш Республикин ҫутҫанталӑк пурлӑхӗсемпе экологи министрӗн ҫумӗ Елена Дымза, Муркаш муниципаллӑ округӗн пуҫлӑхӗ Алексей Матросов тата шкул директорӗ Надежда Иванова каснӑ.

Хӑнасем валли пӗрремӗш экскурсие «Вӑрман тусӗсем» шкул лестничествинче вӗренекен ачасем ирттернӗ. Вӗсем музейри экспонатсем пирки каласа панӑ, вӑрман пирки хӑйсем мӗн пӗлнине уҫса панӑ.

Хӑнасем те пуш алӑпа килмен: «Сӑрҫум» заповедникӑн директор ҫумӗ йӑвасем илсе килнӗ, теприсем антресоль, виҫмелли вилка, ҫӳллӗше виҫмелли хатӗр, ытти япаласем парнеленӗ.

Кандинский нейросеть сӑнӳкерчӗкӗ

Чӑваш Ен Элтеперӗ Олег Николаев Телегрампи хӑйӗн каналӗнче Ашшӗн кунӗпе саламлакан пост вырнаҫтарнӑ.

«Атте тени вӑл сӑмах анчах мар, вӑл хӑйне уйрӑм яваплӑха, вышкайсӑр пысӑк ӗҫе тата юратӑва палӑртать. Ашшӗ – ҫемье пуҫӗ, ывӑлӗшӗн – ҫирӗплӗх, вӑй тата чыслӑх тӗслӗхӗ, хӗрӗшӗн – наставник тата хӳтӗлевҫӗ.

Хисеплӗ арҫынсем, хаклӑ ашшӗсем, хӑвӑрӑн ҫывӑх ҫыннӑрсемшӗн, тӑванӑрсемшӗн – яланах ҫирӗп тӗрев, ачӑрсемшӗн шанчӑклӑ ҫул кӑтартуҫӑ пулӑр. Кашни кун савӑнӑҫпа, телейпе тултӑр, килӗрте яланах ӑшӑлӑхпа хӑтлӑх хуҫаланччӑр», — тесе саламланӑ республика ертӳҫи.

Пӑрачкавра хӑйне евӗр хитре граффитисем ӳкернӗ. Вӗсем Ульянов тата Кооператив урамӗсем хӗресленекен пасар лапамне илем кӳреҫҫӗ.

Кирпӗч стенасем ҫине вырӑс халӑхӗн тумне тӑхӑннӑ хӗрарӑмсене, арҫынсене сӑнланӑ.

https://ru.freepik.com сӑнӳкерчӗкӗ

Ҫак кунсенче республикӑри икӗ тухтӑра сумлӑ ят пама йышӑннӑ.

Сывлах сыхлас ӗҫре тӑрӑшса ӗҫленӗшӗн Чӑваш Ен Элтеперӗн Олег Николаевӑн хушӑвӗпе Канашри район пульницин педиатри уйрӑмӗнче врач-педиатр пулса ӗҫлекен Валентина Герасимовӑна «Чӑваш Республикин тава тивӗҫлӗ врачӗ» ят панӑ.

Ҫӗрпури район пульницин хирурги уйрӑмӗнче операци медсестри пулса тӑрӑшакан Нина Сергеевӑна «Чӑваш Республикин сывлах сыхлас ӗҫӗн тава тивӗҫлӗ ӗҫченӗ» ят пама йышӑннӑ.

Ҫак сӑн ӳкерчӗкри пӗчӗк хӗр пӗрчи Назира Сангакова халӗ 23 ҫулта. Вӑл тӑван амӑшне шырать. Ашшӗ Назирӑна Таджикистана илсе кайнӑ. Хӗрача ун чухне пӗчӗк пулнӑ, ҫавӑнпа вӑл амӑшне астумасть те.

Назирӑн упӑшки Саша /Раҫҫейре ӑна ҫак ятпа чӗнеҫҫӗ/ интернетра Шупашкарта пурӑнакан Светлана Черновӑпа ҫыхӑннӑ. «Ашшӗ Назирӑна Раҫҫейрен 2001 е 2003 ҫулта илсе кайнӑ. Таджикистанра вӑл ачана хӑйӗн амӑшӗпе хӑварнӑ, хӑй кайран темиҫе хут та авланнӑ, Раҫҫейрех пурӑннӑ. Назира амӑшне вӑл Раҫҫейре юлнине пӗлнӗренпе шыраса тупма ӗмӗтленет. Ҫулсем иртнӗҫемӗн унӑн тунсӑхӗ ӳссе кӑна пырать. Вӑл ӑна питӗ курасшӑн.

Назирӑпа Саша халӗ Раҫҫейре Новосибирскра пурӑнаҫҫӗ. Саша манпа ҫыхӑнсан Назира амӑшне шырани пирки хамӑн страницӑра пост вырнаҫтартӑм. Ман пата унӑн амӑшӗ пекрех хӗрарӑмсен сӑн ӳкерчӗкӗсене ярса паркаларӗҫ. Анчах вӗсенчен пӗри те вӑл пулманни палӑрчӗ. Тӗнчере пӗр пек 7 ҫын пур теҫҫӗ вӗт. Назира сӑнӗпе амӑшӗ пекех. Унӑн пит ҫӑмарти ҫинче пысӑк тур палли пур. Ахӑртнех, амӑшӗ ҫакна астуса юлнӑ. Ҫак сӑн ӳкерчӗкре пӗчӗк Назира мӗнле тумпа - ахӑртнех, ашшӗ ӑна ҫавӑнпах илсе кайнӑ, ҫуркунне пулнӑ-тӑр.

Малалла...