|
Культура
 culture.cap.ru сӑнӳкерчӗкӗ Ҫеҫпӗл Мишши ячӗллӗ Чӑваш патшалӑх ҫамрӑксен театрӗн «Куккук куҫҫулӗ» спектаклбне Наци театрӗсен «Туганлык – 2024» пӗтӗм тӗнчери VIII фестивалӗнче кӑтартӗҫ. Мероприяти Ӗпхӳре иртӗ. Фестивале ҫӗршыври пысӑк театрсем хутшӑнӗҫ. Унта сумлӑ режиссёрсен ӗҫӗсемпе паллашма май килӗ. Драма фантазине Юхма Мишшин мифологилле романӗпе Раҫҫей тата Калмӑк Республикин искусствӑсен тава тивӗҫлӗ ӗсченӗ Борис Манджиев 2022 ҫулта лартнӑ. Театр ӳнерӗн «Чӗнтӗрлӗ чаршав» республикӑри XXIII конкурсӗнче вӑл «Чи лайӑх спектакль» номинацире ҫӗнтернӗ. Авторсен коллективне 2022 ҫулта Чӑваш Енӗн литературӑпа ӳнер премине панӑ. Хыпар ҫӑлкуҫӗ:
|
|
Вӗренӳ
 chrio.rchuv.ru сайтри сӑн Республикӑра «Ҫулталӑкри вӗрентекене» палӑртнӑ. Кӑҫал ку ята Ҫӗнӗ Шупашкарти 18-мӗш лицейра историпе обществознани предмечӗсене вӗрентекен Артем Максимвов тивӗҫнӗ. Ҫӗнтерӳҫӗсене ӗнер, ҫу уйӑхӗн 14-мӗшӗнче, К.В.Иванов ячӗллӗ Чӑваш патшалӑх академи драма театрӗнче чысланӑ. Вӗрентекенсене 11 номинацире палӑртнӑ. Ҫӗнтерӳҫӗ Чӑваш Ен чысне Раҫҫей шайӗнче хӳтӗлӗ. Артем Максимов – 32 ҫулта. Вӑл Ҫӗнӗ Шупашкарти 6-мӗш гимназирен вӗренсе тухнӑ, унтан И.Я.Яковлев ячӗллӗ Чӑваш патшалӑх педагогика университечӗн истори факультетне пӗтернӗ. Вӑл вӗренӳ тытӑмӗнче 10 ҫул ӗҫлет. Хыпар ҫӑлкуҫӗ:
|
|
Политика
 Наци телерадиокомпанийӗн директорне Алексей Гурьянова ӗҫрен кӑларни пирки ӗнер кӑна пӗлтернӗччӗ. Ӗнерех, ҫу уйӑхӗн 14-мӗшӗнче, ЧР Элтеперӗ тепӗр хушӑва алӑ пуснӑ – Алексей Гурьянов ЧР цифра министрӗн ҫумӗ пулса тӑнӑ. Вӑл массӑллӑ коммуникацисен тата МИХ тытӑмӗнче патшалӑх политикишӗн яваплӑ пулӗ. Халӗ ЧР цифра министрӗн Михаил Степановӑн икӗ ҫум: Екатерина Грабко тата Алексей Гурьянов. Аса илтерер: унччен Алина Федорова министр ҫумӗ пулнӑ. Вӑл унта 4 уйӑх ӗҫленӗ. Хыпар ҫӑлкуҫӗ:
|
|
Культура
 culture.cap.ru сӑнӳкерчӗкӗ Паян, ҫу уйӑхӗн 15-мӗшӗнче, Чӑваш патшалӑх юӑпа ташӑ ансамблӗ хӑйӗн черетлӗ кнцет сезонне хупӗ. Концерт Чӑваш патшалӑх филармонийӗнче иртӗ, 18 сехет те 30 минутра пуҫланӗ. Концерт программинче – илемлӗ вокалпа хореографи композицийӗсем пулӗҫ. Вӗсем ансамблӗн ылтӑн фондӗнчен: «Пирӗн пата хӑнана килӗр», «Эпир Шупашкарта пуҫтарӑнтӑмӑр», «Пирӗн никӗс – атте килӗ», «Асамат юррисем» (Светлана Асамат юррисем). Чӑваш музыкин классикӗсен илемлетнӗ хайлавӗсемпе пӗрлех хальхи вӑхӑтри авторсен кӗвви-ҫемми те янӑрӗ. Хыпар ҫӑлкуҫӗ:
|
|
Ял пурнӑҫӗ
 dskd24.com сайтри сӑн Канаш муниципаллӑ округӗнчи Маяк ялӗнче пурӑнакансем хӑйсен пуҫарӑвӗпе ҫул сарнӑ. Сӑмах - Шоссе урамӗнчен пуҫласа масар ҫине илсе ҫитерекен ҫул пирки. Ҫул сарма 1 миллион ытла тенкӗ кирлӗ пулнӑ. Укҫана регионти тата вырӑнти хыснасенчен уйӑрнӑ. Ҫавӑн пекех халӑх укҫи пулнӑ. Халӗ Маяк ялӗнче масар ҫине лачака ҫӑрмасӑрах ҫитме пулать. Палӑртмалла: кӑҫал Канаш округӗнче 47 проект пурнӑҫланать. Хыпар ҫӑлкуҫӗ:
|
|
Пӑтӑрмахсем
 Пхукет полицийӗн сӑнӳкерчӗкӗ Чӑваш Енри 23 ҫулти хӗр Таиландра вилнӗ. Унта вӑл машина айне пулнӑ. Ҫу уйӑхӗн 13-мӗшӗнче хӗр «Bypass Rd.» ҫул урлӑ каҫма тӑнӑ. Инкек Пхукет утравӗ ҫинчи Селфи музейӗ тӗлӗнче пулнӑ. «Пхукет хыпарӗ» сайтра пӗлтернӗ тӑрӑх, инкек ҫурҫӗр иртни 2 сехет те 17 минутра пулса иртнӗ. Малтанласа шухӑшланӑ тӑрӑх, хӗр ҫул ҫине кӗтмен ҫӗртен сиксе тухнӑ, водитель машинӑна чарса ӗлкӗреймен. Инкек вырӑнне ҫӑлавҫӑсем пырса ҫитнӗ ҫӗре ентешӗмӗр вилсе кайнӑ. Хыпар ҫӑлкуҫӗ:
|
|
Политика
 Чӑваш патшалӑх академи юрӑпа ташӑ ансамбльне директор кирлӗ. Кун пирки республикӑн Культура, наци ӗҫӗсен тата архив ӗҫӗн министерстви пӗлтернӗ. Пуҫлӑх пуканне йышӑнас кӑмӑллӑ ҫыннӑн аслӑ пӗлӳллӗ (экономика, юридици, культура тата ӳнер, педагогика, техника) пулмалла, ертсе пыракан должноҫра 5 ҫултан кая мар тӑрӑшни кирлӗ. Документсене паянтан, ҫу уйӑхӗн 14-мӗшӗнчен, пуҫласа ҫу уйӑхӗн 27-мӗшӗччен йышӑнӗҫ. Хыпар ҫӑлкуҫӗ:
|
|
Культура
 vk.com/mincult21 сӑнӳкерчӗкӗ Чӑваш Енӗн Культура министерствине «Культура пурнӑҫӗ» организаци правленийӗн председателӗнчен Любовь Бичуговаран тав хучӗ килнӗ. Ҫырура Чӑваш патшалӑх филармонийӗн вокалисчӗсене Владимира Ашмарина тата Сергей Кузнецова тав тунӑ. Вӗсене Патриотизм юррисен фестивальне хутшӑннӑшӑн тав тунӑ. Фестиваль ака уйӑхӗн 17-19-мӗшӗсенче иртнӗ. Ака уйӑхӗн 17-мӗшӗнче концерт Ярославльте, ака уйӑхӗн 18-мӗшӗнче Аслӑ Новгородра, ака уйӑхӗн 19-мӗшӗнче Тихвинта иртнӗ. Хыпар ҫӑлкуҫӗ:
|
|
Республикӑра
 m.ru24.net сайтри сӑн Шупашкарта кӑҫал та сӑра фестивалӗ иртӗ. Вӑл «Раҫҫейри симӗс ылтӑн» ятлӑ. Йалана кӗнӗ тӑрӑх, сӑра фестивалӗ тӗп хулара Юханшыв портӗнче иртӗ. Хальхи вӑхӑтра Шупашкар хула администрацийӗ тата ЧР Ял хуҫалӑх министерстви ҫак пысӑк та пӗлтерӗшлӗ мероприятие хатӗрленме пуҫланӑ. ЧР Элтеперӗ Олег Николаев каланӑ тӑрӑх, пӗлтӗр фестиваль сӑра вӗретекен 50 ытла компание пӗрлештернӗ, 45 пин хӑнана пуҫтарнӑ. Фестивальте 55 пин литр сӑра сутӑннӑ. «Ӗҫӗ цифрӑсенче кӑна мар. Эпир Чӑваш Ен хӑмла ӳстерекен чи лайӑх регион пулнине тепӗр хут ҫирӗплететпӗр», - тенӗ Олег Николаев. Хыпар ҫӑлкуҫӗ:
|
|
Политика
 Паянтан Алексей Гурьянов Наци телерадиокомпанийӗн директорӗ мар. Хушӑва ЧР Элтеперӗ Олег Николаев алӑ пуснӑ. Алексей Гурьянов ку должноҫре 2022 ҫулхи авӑн уйӑхӗн 1-мӗшӗнченпе ӗҫленӗ. Унччен 7 ҫул вӑл Шупашкар хула администрацийӗн ҫыхӑну тата информаципе аналитика ӗҫӗн пайӗнче тӑрӑшнӑ. Унӑн ашшӗ Юрий Гурьянов – ЮТВ телеканал директорӗ. «Чеб.ру» портал пӗлтернӗ тӑрӑх, 35 ҫулти Алексей Гурьянов ҫывӑх вӑхӑтра ЧР цифра министрӗн ҫумӗ пулма пултарать. Хыпар ҫӑлкуҫӗ:
|
+24.3 °C