Юпа уйӑхӗн 27-мӗшпе 28-мӗшӗсенче Питӗр хулинче Википедин вырӑс уйрӑмӗн пӗрремӗш конференцийӗ иртрӗ. Ҫак конференцине Николай Плотников та хутшӑнчӗ. Конференци информаци технологийӗпе механика тата оптика университетӗнче иртрӗ. Пӗрремӗш кунӗнче докладсем вуласа пачӗҫ, вӗсене пӗрле сӳтсе яврӗҫ. Иккӗмӗш кунӗнче ҫавра сӗтелсем иртрӗҫ.

Малалла...

- Паян пирӗн паллӑ кун: литпӗрлешӳ йӗркеленнӗренпе 10 ҫул ҫитрӗ, — пуҫларӗ калаҫӑвне унӑн ертӳҫи Н.Н. Ларионов. Пурне те уявпа саламланӑ хыҫҫӑн вӑл малашнехи тӗллевсем ҫинче чарӑнса тӑчӗ. Пӗрремӗшӗ — “Шевле ҫути” иккӗмӗш кӗнекине кӑларасси. Ӑна тума малтанах материал пухмалла, укҫа-тенкӗ шырамалла, пулӑшу ыйтса ҫырупа тухмалла — йышӑнчӗҫ шевлеҫӗсем. Редколлеги членӗсене суйласа хӑварчӗҫ.

Унтан А.Ф. Ермилов (Юман) Шупашкарти ҫыравҫӑсен ӗҫӗ-хӗлӗпе паллаштарчӗ, ӗмӗт-шухӑшне уҫса пачӗ.

Шевлеҫӗсем “Канаш” хаҫатӑн литература страници пирки те сӑмах хускатрӗҫ. “Унта ҫӗнӗрен сӑвӑ-калав пичетлеме пулать. Унччен пичет управленийӗ пире ирӗк паман. Вулакансен ӑс-хакӑлне ӳстерес тесен хаҫатра тӗрлӗ енлӗ хайлавсем пулмалла, – терӗ Николай Николаевич.-Пирӗн ытти хаҫат-журналпа тачӑ ҫыхӑнса ӗҫлеме май пур, хайлавӑрсене ярса пама ан вӑтанӑр”.

Анатолий Дмитриев–Ырьята ҫырулӑх ӑҫне ҫамрӑксем хутшӑнманни канӑҫсӑрлантарать.

- Кампа ӗҫлемелле пирӗн? Кама вӗрентмелле?-терӗ вӑл пӑшӑрханса. - Ҫыравҫӑсемшӗн паян ку чи ҫивӗч ыйтусенчен пӗри. Чӑваш чӗлхине вӗренекен ҫамрӑк хунавсене явӑҫтарма тӑрӑшмалла.

Малалла...

Чӑвашсен наципе культура федераци шайӗнчи автономийӗ ҫумӗнчи ҫамрӑксен юхӑмӗ дискотекӑсен ҫӗнӗ сезонӗ уҫӑлни пирки пӗлтерет!!! Пӗрремӗш дискотека Юпа уйӑхӗн 20-мӗшӗнче «Коммуна» клубра иртӗ. 18 сехет ҫурӑра пуҫланать!

Дискотека программинче эсир интереслӗ конкурссене хутшӑнма, вӗсенче парнесем ҫӗнсе илме пултаратӑр! Дискотекӑра Мускав чӑваш пикисем те пулӗҫ.

Дискотека хыҫҫӑн укҫа тӳлесе каҫхи пайне юлма пулать.

Адрес: Тула метро, Ман Тула урамӗ, 44 ҫурт.

Ытларах ҫак адреспа ыйтса пӗлме пулать – o.a.borisova@mail.ru

Клуба мӗнле ҫитмеллине кунта ӳкерсе кӑтартнӑ — http://kommunaclub.ru/where.page

Хӑвӑр та килӗр, юлташсене те чӗнме ан манса кайӑр!

Дискотекӑна йеркелекенсем сирӗнпе хаваспах тӗл пулӗҫ!

Пушкӑрт ҫӗрӗнчи чӑвашсем кӑҫал авӑн уйӑхӗн 26-мӗшӗнче Авӑркас районӗнче пурӑнакан, "Шуратӑл" литпӗрлешевӗн ертӲҫин Александр Савельев-Сасӑн юбилейӗ иртни пирки пӗлтереҫҫӗ. 75 ҫул тултарнӑ ятпа ӑна саламлаҫҫӗ.

Пирӗн пӗрлӗх те ӑна саламлать, ӗҫӗнче ӑнӑҫу, пурнӑҫӗнче телей сунать!

Шупашкар хулинче ултӑ пин ача валли ача сачӗсенче вырӑн ҫитмест. Кун пирки Шупашкар хула Администрацийӗн вӗрентӳ управленийӗн ертӳҫи Сергей Кудряшов нумай пулмасть пӗлтерчӗ. Хулари ача сачӗсем пурӗ 20 пин ачана йышӑнма пултараҫҫӗ, вӗсене вара халӗ 21 пине яхӑн ача ҫӳрет.

Лару-тӑрӑва лайӑхлатмашкӑн хулари ача-сачӗсене каялла тавӑрма пуҫланӑ. Ҫавӑн пекех пуррисене ҫӗнетсе ача вырӑнӗсене ӳстереҫҫӗ. Хулара ҫавӑн пекех 2009 ҫул валли икӗ ҫӗнӗ ача сачӗ йӗркелеме палӑртнӑ.

Хыпар ҫӑлкуҫӗ

Ҫитес ҫулхи Республика Кунӗнчи мероприятисем Шупашкарта тата Республикӑн Муркашпа Йӗпреҫ районӗсенче иртӗҫ. Кун пирки нумай пулмасть Н.В. Фёдоров Хушу алӑ пусса ҫирӗплетнӗ. Муркашпа Йӗпреҫ районӗсене ыттисенчен лайӑхрах аталаннӑ пирки суйласа илнӗ.

Хыпар ҫӑлкуҫӗ

Юпа уйӑхӗн 22-мӗшӗнче Чӑваш патшалӑх вӗрентӳ институтӗнче Тӑван ен культурине вӗрентекен вӗрентӳҫӗсем валли курс пуҫланать. Икӗ эрне тӑсӑлӗ. Курсра ҫак предмета вӗрентмелли методикӑна сӳтсе явӗҫ, каласа парӗҫ.

Курс пирки вӗрентӳ институчӗн 216 пӳлӗмне кӗрсе пӗлме пулать.

Иртнӗ кану кунӗсенче Пӑрачкавӑн тӗп лапамӗнче спортсменсем «Пӑрачкав хыпарӗ» («Порецкие вести») хаҫат парнишӗн тупӑшма пухӑнчӗҫ. Ку ӑмӑртӑва авӑн уйӑхӗн 15-мӗшӗнчех ирттерме палӑртнӑ пулин те халӗ тин пурнӑҫлама май тупӑннӑ. Ҫанталӑкӗ те ку канмалли кунсенче ӑшӑ та уяр тӑчӗ.

Пухӑннӑ спортсменсене район пуҫлӑхӗн ӗҫӗсене туса пыракан Е. Лебедев, унӑн пӗрремӗш ҫумӗ С. Галкин, Пӑрачкав ял тӑрӑхӗн пуҫлӑхӗ А. Барыкин, хаҫатӑн тӗп редакторӗ Г. Карпов ӑшӑ сӑмахсемпе саламларӗҫ.

Малти вырӑна йышӑннӑ ӑмӑртуҫӑсене хаҫат ҫине тӳллевсӗр ҫырӑнтарчӗҫ, партесемпе тивӗҫтерчӗҫ.

Хыпар ҫӑлкуҫӗ

«Тантӑш» таҫатӑн, «Теттепе» «Самант» журналӑн сайчӗ уҫӑлчӗ. Хыпарсемпе статьясем рубрикӑсем тӑрӑх йӗркеленӗ. Вӗсене пӗтӗмӗшле е уйрӑмӑн вулама май пур.

«Тантӑшӑн» рубрикисем: Шкул пурнӑҫӗ, Ҫунатлӑ ҫамрӑклӑх, Спорт, Ӑшӑ саламсем, Конкурссем, т.ыт.те

«Самантӑн» рубрикисем:

Хуплашкари сӑнӳкерчӗк, Ыйтӑм, Поликлиника, Юрату антологийӗ, т.ыт.те

«Тетте» рубрикисем:

Пирӗн пултарулӑх, Сӑвӑҫсем - ачасене, Савӑнӑҫ урокӗ, Чӑвашла-вырӑсла-акӑлчанла, т.ыт.те

Ку хаҫатсемпе журналсене пурне те «Тантӑш» редакцийӗ кӑларать. Тӗп редакторӗ Г.Е. Платонова. Ҫыхӑнмалли электронлӑ адресӗ: tantas@list.ru. Ҫырӑнас килсен (Чӑваш Ен тулашӗнче те ҫрӑнма май пур) ҫак страницӑпа паллашӑр.

Хаҫат адресӗ: http://www.tst.smi21.ru

Ӗнер, авӑн уйӑхӗн 26-мӗшӗнче, Европӑри Чӗлхесен кунӗнче Чӑваш патшалӑх гуманитари ӑслӑлӑхӗсен институтӗнче «Чӑваш чӗлхи аталанӑвӗн ҫивӗч ыйтӑвӗсем» конференци иртрӗ.

Конференци 10 сехетре А.П. Хусанкай уҫнипе пуҫланчӗ. Чи малтан, докладҫӑсене сӑмах париччен, Кириллова Н.М. паллӑ чӑваш ҫыннисен сӑввисене вуласа пачӗ.

Чи пӗрремӗш доклада ЧПГӐИн ӑслӑлӑх ӗҫтешӗ, филологи тухтӑрӗ Егоров Н.И. вуласа пачӗ. Вӑл паянхи чӑваш чӗлхи пирки каласа пачӗ. Ун хыҫҫӑн сӑмах Скворцов М.И. илчӗ, сӑмахсарсене хатӗрлесси пирки каласа пачӗ. Абрамов В.А. доклачӗ хыҫҫӑн вара лару-тӑру ытла япӑхланса кайманни палӑрчӗ. Малалла докладҫӑсем кӑсӑк технологисем ҫинчен каласа пачӗҫ — интертетелти сайтсем, кодлӑхсемпе шрифтсем, тӗрӗс ҫырнине тӗрӗслемелли мел, Медиавики пирки. Ҫавӑн пекех итлекенсем онимсем, библиографи списокӗ, литература чӗлхи, реклама, чарӑнусен чӑвашла ячӗсем пирки те нумай пӗлчӗҫ.

Малалла...