cap.ru сайтри сӑн

ЧР Элтеперӗ Олег Николаев каллех «тӳрӗ лини» ирттерме палӑртнӑ. Хальхинче вӑл чӳк уйӑхӗн 28-мӗшӗнче каҫхи 6 сехетре пулӗ.

Ӑна Элтеперӗн телеграм-каналӗнче, «Контактри» унӑн страницинче, «Чӑваш Республики» сообществӑра, Наци телекуравӗпе курма, Наци радиовӗпе тата «Тӑван радиопа» итлеме май пулӗ. Ыйтусене Патшалӑх пулӑшӑвӗсен порталӗ урлӑ яма, пост-анонс айӗнче комментари хӑварма юрать.

Сӑмах май, юлашки хутчен «тӳрӗ лини» ҫурла уйӑхӗн 29-мӗшӗнче иртнӗ.

culture.ru сайтри сӑн

Ҫитес ҫул Тӑван ҫӗршывӑн Аслӑ вӑрҫи пӗтнӗренпе 80 ҫул ҫитнӗ май вӑрҫӑ ачисене укҫан хавхалантарассине ЧР Элтеперӗ Олег Николаев пӗлтернӗччӗ. Халӗ мӗн чухлӗ укҫа парасси паллӑ.

Ҫитес ҫул республикӑри 42 пине яхӑн вӑрҫӑ ачи 2-шер пин тенке тивӗҫӗ. Ҫак тӗллевпе хыснаран 83,7 миллион тенкӗ уйӑрӗҫ.

Сӑмах май, ҫак категорие кӗрекен ҫынсем валли уйрӑм тӳлев ҫук. Республикӑри 818 вӑрҫӑ ачин комманаллӑ тӑкакӗсен 25 процентне саплаштараҫҫӗ.

Чӳк уйӑхӗн 12-мӗшӗнче Чӑваш наци музейӗнче республикӑн Культура, национальноҫсен ӗҫӗсен, архив ӗҫӗн министерствин коллегийӗн ларӑвӗ иртнӗ.

Мероприятие коллеги членӗсем, министерствӑн структура подразделенийӗсен ертӳҫисем, районсемпе хуласен администрацийӗсен культура пайӗсен пуҫлӑхӗсем хутшӑннӑ. Ларӑва культура министрӗ Светлана Каликова уҫнӑ.

Вӑл «Чӑваш Республикин культурӑн тава тивӗҫлӗ ӗҫченӗ» ята тивӗҫнисене саламланӑ. Ҫав йыша — Шупашкар муниципаллӑ округӗн Тӗп культура центрӗн хормейстерӗ Наталия Арсентьева; Шупашкарти «Ҫӗнтерӳ» мемориал комплексӗн «Ветеран» халӑх хорӗн хормейстерӗ Светлана Муллина; Комсомольски округӗнчи тӗп клуб тытӑмӗн халӑх театрӗн режиссёрӗ Марина Шумилкина.

kprf121.ru сайтри сӑн

Чӑваш Енри коммунистсем Хӗрлӗ Чутай округӗнчи Хурапыр ялӗнче Сталин бюстне вырнаҫтарнӑ. Ӑна Тӑван ҫӗршывӑн Аслӑ вӑрҫине хутшӑннӑ, Хӗрлӗ Ҫӑлтӑр орден кавалерӗн Ефим Николаевич Дадюковӑн килӗ умне лартнӑ.

Бюста Николай Шемякин скульптор Дадюков мӑнукӗн укҫипе хатӗрленӗ. Округри коммунистсем те пулӑшу кӳнӗ.

Сӑмах май, Сталинӑн тепӗр бюсчӗ Канаш округӗнчи Вӑтапуҫ ялӗнче пур. Вӑл Шемякин килӗ умӗнче вырнаҫнӑ.

Атӑл леш енче упа амипе ҫурине асӑрханӑ. Вӗсене сунар инспекторӗсем ӳкерсе илнӗ.

Упа амипе ҫури, ахӑртнех, ҫимелли шыранӑ е хӗл каҫмалли вырӑн пӑхкаланӑ. Упасем хӗл каҫма кӗркунне вӗҫӗнче е хӗл пуҫламӑшӗнче хатӗрленеҫҫӗ.

Ҫанталӑк ӑшӑ чухне не ҫак чӗрчунсем апат шыраҫҫӗ, сивӗсем пуҫлансан вара шӑтӑк тупса хӗл каҫма выртаҫҫӗ.

«Хочу в Чувашию» каналти видеоран илнӗ сӑнӳкерчӗк

Пӗтӗм тӗнчери 34-мӗш опера фестивалӗ ҫак эрнере, эрнекун, пуҫланӗ.

Шупашкарти оперӑпа балет театрӗн сцени ҫине Мускаври ҫеҫ мар, Китайри артистсем те тухӗҫ.

«Волга Опера» (чӑв. Атӑл Опера) театр анлӑ программа хатӗрленӗ. Фестиваль К. Молчановӑн «Зори здесь тихие» оперипе уҫӑлӗ. Вӑл — премьера.

Cap.ru сӑнӳкерчӗкӗ

Вырӑс драма театрӗ «Всероссийская книга Почета» (чӑв. Пӗтӗм Раҫҫейри Хисеп кӗнеки) 2024 ҫулхи реестра лекнӗ.

Реестра патшалӑх тата муниципалитет влаҫӗсемпе пӗрле 15 ҫул ытла йӗркелесе пыраҫҫӗ иккен. Унта лекни театр Чӑваш Енӗн культура уҫлӑхӗнче тивӗҫлипе ӗҫленине пӗлтерет.

Вырӑс драма театрӗн историйӗ 1922 ҫултанпа пырать.

ҪҪХПИ тунӑ сӑн

Чӳк уйӑхӗн 11-мӗшӗнче Комсомольски округӗнче 26 ҫулти ҫамрӑк арҫын йывӑҫ ҫине пырса тӑрӑнса пурнӑҫран уйрӑлнӑ. Ку инкек каҫхи 10 сехетре пулнӑ.

Арҫын ҫапӑннӑ хыҫҫӑн ҫав вырӑнтах вилнӗ. Васкавлӑ медпулӑшу киличчен вӑл сывлама пӑрахнӑ. Вӑл ӳсӗр пулнӑ-и е ҫук-и – паллӑ мар. Халӗ ӗҫ-пуҫа уҫӑмлатаҫҫӗ.

chgtrk.ru сайтри сӑн

Ҫитес ҫултан республикӑра тӗплӗ юсавшӑн тӳлемелли укҫа виҫи ӳсӗ. Хальлӗхе мӗн чухлӗ ӳсессине пӗлтермен. Строительство министрӗн пӗрремӗш ҫумӗ Владимир Максимов тӗплӗ юсав тума тивӗҫ ҫуртсен инвентаризацине пурнӑҫлӗҫ.

Аса илтерер: кӑҫал кӑрлач уйӑхӗн 1-мӗшӗнчен тӗплӗ юсавшӑн тӳлемелли виҫе 25 процент ӳснӗ. Ҫулталӑк каялла влаҫ инфляцие шута илсен ҫак тӳлевӗн чи пӗчӗк виҫи 13,83 тенкӗпе танлашмаллине пӗлтернӗччӗ.

Федерацин ӗҫ службин сӑнӳкерчӗкӗ

Федерацин ӗҫ служби пӗлтернӗ тӑрӑх, кӑҫал пирӗн ҫӗршывра декретри 14 ытла хӗрарӑм «Демографи» нацпроектпа килӗшӳллӗн вӗренсе тухнӑ.

Ҫамрӑк амӑшӗсем персоналпа ӗҫлекен специалиста, бухгалтера, социаллӑ сферӑри психолог, информресурс енӗпе специалиста, маркетплейссен аналитикне, программиста, графика дизайнера вӗренсе тухаҫҫӗ.