Сайта кӗр | Регистраци | Сайта кӗрсен унпа туллин усӑ курма пулӗ
 +26.3 °C
Выртакан чул мӑкланать, ҫӳрекен чул якалать.
[ваттисен сӑмахӗ]
 

Хыпарсем

Спорт
"Советская Чувашия" тунӑ сӑн
"Советская Чувашия" тунӑ сӑн

Авӑн уйӑхӗн 19-мӗшӗнче Пӗтӗм Раҫҫейри «Нацисен кросӗ» иртет. Вӑл республикӑри 26 вырӑнта пулӗ. Тӗп мероприяти, паллах, Шупашкарта иртӗ.

Старта тухакансем 1 пин тата 2 пин метрлӑ дистанцисене чупӗҫ. Программа хускану тунинчен пуҫланӗ. Малтан тӳре-шара 1 пин метра чупӗ. Вӗсем 12 сехетре старта тухӗҫ. Унтан 2001-2002 ҫулсенче ҫуралнӑ хӗрсем тата аслӑрах хӗрарӑмсем чупӗҫ. Вӗсем хыҫҫӑн 2001-2002 ҫулсенче ҫуралнӑ каччӑсем тата вӗсенчен аслӑрах арҫынсем старта тухӗҫ.

Заявкӑсене паянччен йышӑннӑ. Номерсене Ардалион Игнатьев ячӗллӗ спорт хатӗрленӗвӗн центрӗнче парӗҫ.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Авӑн уйӑхӗн 15-мӗшӗнче ирхи 3 сехет те 23 минутра «Волгоград – Саратов» ҫул синче Чӑваш Енре пурӑннӑ икӗ ҫыннӑн пурнӑҫӗ татӑлнӑ. Авари Волгоград облаҫӗнче пулнӑ.

«Митцубиси Лансер» руле умӗнче 31 ҫулти арҫын пулнӑ. Вӑл – Чӑваш Енрен. Вӑл, шел те, вилнӗ. Тепӗр ҫыннӑн та, 33-ри арҫыннӑн, пурнӑҫӗ татӑлнӑ. Волгоградра пурӑннӑ 70 ҫулти старикӑн та ҫав аварире чӗри тапма пӑрахнӑ.

«Фольксваген Пассат» машинӑри тӑватӑ ҫын аманнӑ.

 

Политика

Паян Чӑваш Ен Правительствинче кадрсемпе ҫыхӑннӑ темиҫе йышӑну пулса иртнӗ.

Пӗрремӗшӗнчен, республикӑн промышленность тата энергетика министрӗн тивӗҫӗсене пурнӑҫланӑ Сергей Лекарева ӗҫрен хӑтарнӑ.

Министр пулма республика Элтеперӗн тивӗҫӗсене вӑхӑтлӑх пурнӑҫлакан Олег Николаев министр пулма Евгений Герасимова шаннӑ. Хушӑва республикӑн влаҫ органӗсен официаллӑ порталӗнче вырнаҫтарнӑ.

Тепӗр йышӑну та пур унта. Маларах асӑннӑ Сергей Лекаревпах ҫыхӑннӑ вӑл. Ӑна промышленность тата энергетика министрӗн ҫумӗ пулма шаннӑ.

 

Ҫурт-йӗр

Патӑрьел район прокуратури тӑлӑх ыйтӑвӗпе тӗрӗслев ирттернӗ. Надзор органӗнчен хӗр хӑй пулӑшу ыйтнӑ-ха. Вӑл ӑнлантарнӑ тӑрӑх, ҫурт-йӗр черетне ӑна 2015 ҫултах тӑратнӑ. Унтанпа Пӑлара шыв нумай юхса иртнӗ, лав вырӑнтан хускалман. Прокуратура тӗрӗслевӗ те ҫавнах ҫирӗплетнӗ. Вырӑнти тӳре-шара тӑлӑха пулӑшас тесе тӑпӑртатса тӑни сисӗнмен.

Хӗре хӳтӗлесе прокуратура суда тавӑҫпа тухнӑ. Унтисем те килсӗр-ҫуртсӑр тӑлӑха пулӑшмаллах тесе йышӑннӑ. Суд йышӑнӑвӗ хальлӗхе саккунлӑ вӑя кӗрсе ӗлкӗреймен-ха. Ӑна вырӑнти тӳре-шара епле пурнӑҫланине прокуратура хӑй тӗрӗслесе тӑма шантарать.

 

Сывлӑх

Паян Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев Республикӑн ача-пӑча клиника пульницинче пулнӑ.

Вӑл сывлӑх сыхлав минситрӗпе Владимир Степановпа тата пульницӑн тӗп врачӗпе Анатолий Павловпа реабилитаци оборудованиллӗ ҫӗнӗ сиплевпе диагностика корпусӗ тӑвас ыйтӑва сӳтсе явнӑ. Ку проекта республикӑн социаллӑ пурнӑҫӗпе экономика аталанӑвӗн пилӗк ҫуллӑх программине кӗртсе хӑварнӑ. Проектпа килӗшӳллӗн ҫавӑн пекех вертолет лапамӗ тӑвасшӑн.

Аса илтерер: ҫак уйӑхра пирӗн республикӑри санитари авиацийӗ ӗҫлеме тытӑнчӗ. Республикӑн аякри районӗсенчи йывӑр чирлӗ ҫынсене васкавлӑ операцине унпа Шупашкарти пульницӑсене илсе килеҫҫӗ.

 

Экономика

Чӑваш Ен тӑваттӑмӗш ҫул ӗнтӗ укҫа-тенкӗ тытассин пахалӑхӗпе Раҫҫейри малта пыракан регионсен шутне кӗрет. Республикӑн Финанс министерстви пӗлтернӗ тӑрӑх, иртнӗ ҫул регионсем епле ӗҫленине ҫӗршывӑн Финанс министерстви пӗтӗмлетнӗ.

Иртнӗ ҫула тишкерсе специалистсем 7 енӗн 81 кӑтартӑвне хакланӑ. Сӑмахран, бюджета планланине тата ӑна епле тултарнине, парӑмпа епле татӑлнине, патшалӑх пурлӑхӗпе епле усӑ курнине. Мӗнпур кӑтартӑва тишкернӗ хыҫҫӑн Чӑваш Ен укҫа-тенке тытма пӗлекен регионсен йышне кӗнине пӗтӗмлетнӗ.

 

Персона

Ӗнер, чӑваш халӑх поэчӗ Стихван Шавли ҫуралнӑранпа 110 ҫул ҫитнӗ кун, Шупашкарти Литература музейӗнче ҫыравҫӑн тӑванӗсемпе тӗл пулу иртнӗ. Кун пирки Чӑваш Енри профессионал писательсен союзӗн правленийӗн ертӳҫи Лидия Филиппова ҫыравҫӑсен мессенджерсенчен пӗринчи ушкӑнӗнче пӗлтернӗ.

Литература музейӗнче Степан Антонович Шумковӑн (Стихван Шавлин) хӗрӗ Ольга Степановна (сӑнӳкерчӗкре вӑл иккӗмӗш ретре, варринче, хӗрлӗ костюмпа тӑрать), мӑнукӗсем Николай тата Степан Кругликовсем пуҫтарӑннӑ. Лидия Филиппова хыпарланӑ тӑрӑх, Степан Юрьевич Кругликов (вӑл сулахай енче тӑрать) Швейцаринче ӗҫлесе пурӑнать.

 

Республикӑра
Александр Андреев депутат
Александр Андреев депутат

Чӑваш Ен Патшалӑх Канашӗн хӑш-пӗр депутачӗ Чӑваш автономи облаҫне йӗркеленӗренпе 100 ҫҫитнине халалласа кӑларнӑ юбилей медальне тивӗҫнӗ. Вӗсене авӑн уйӑхӗн 15-мӗшӗнче чысланӑ.

Ӗнер республикӑн Патшалӑх Канашӗн 43-мӗш сессийӗ ӗҫленӗ. Унта Чӑваш Ен Элтеперӗ тивӗҫӗсене вӑхӑтлӑх пурнӑҫлакан Олег Николаев та хутшӑннӑ. Хӑйӗн сӑмахӗнче вӑл суйлава хутшӑннӑ республика ҫыннисене тав сӑмахӗ каланӑ, ҫитес пилӗк ҫула палӑртнӑ тӗллевсене пурнӑҫламалли пирки асӑнса хӑварнӑ.

Юбилей медальне Раҫҫей Федерацийӗн коммунистсен партийӗн пайташӗ Александр Андреев тата либерал-демократсен партийӗн пайташӗ Константин Степанов тивӗҫнӗ. Вӗсем республика Элтеперӗн суйлавне те хутшӑннӑччӗ.

 

Республикӑра

Ҫу уйӑхӗн 5-мӗшӗнчен эрех-сӑра сутма чаракан ҫӗнӗ саккун вӑя кӗнине Чӑваш халӑх сайчӗ пӗлтернӗччӗ. Аса илтерер: малашне «ҫуттине» нумай хваттерлӗ ҫуртсенче вырнаҫнӑ лавккасенче сутма ирӗк памӗҫ.

Паян Чӑваш Ен Патшалӑх Канашӗн сессийӗ иртнӗ. Унта 50 тӑваткал метртан пӗчӗкрех заведенисенче эрех сутма чарма йышӑннӑ. Ун пеккисем пирӗн республикӑра вуншар. Олег Таланов депутат, сӑмахран, пурӑнмалли ҫуртсенче эрех сутмалла мар тесе шухӑшлать. Петр Краснов депутат ун пек йӗрке икӗ регионта ҫеҫ: Чечняра тата Ингушетире – тесе каланӑ. Шупашкарти эрех савучӗн хуҫи Олег Мешков 49 тӑваткал метртан пӗчӗкрех пулсан заведение хупма тивӗ-и тесе пӑшӑрханнӑ.

Ҫапах та депутатсем саккуна йышӑннӑ.

 

Культура

ЧР Культура министерстви ыйтнипе архивсене, музейсене, кинотеатрсене тата кинозалсене уҫма ирӗк панине Чӑваш халӑх сайчӗ пӗлтернӗччӗ.

Республикӑн культура, национальноҫсен ӗҫӗсен тата архив ӗҫӗн министрӗ Роза Лизакова театрсемпе концерт организацийӗсен ертӳҫисемпе тӗл пулнӑ. Театрта кӑшӑлвирус ересрен хӑранипе зала ҫуррине ҫеҫ тултарма ирӗк панӑ. Куракансен пӗр-пӗринчен пӗр метртан ҫывӑхарах ларма юрамӗ. Пӗр ҫемьери ҫынсем пулсан юнашар ларма чармӗҫ.

«Организацисем ӗҫлеме тытӑнсан та хӑрушсӑрлӑх мерисене пӑхӑнма тивӗ», – тенӗ министр.

 

Страницӑсем: 1 ... 1425, 1426, 1427, 1428, 1429, 1430, 1431, 1432, 1433, 1434, [1435], 1436, 1437, 1438, 1439, 1440, 1441, 1442, 1443, 1444, 1445, ... 3934
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (10.07.2025 03:00) уяр ҫанталӑк, атмосфера пусӑмӗ 751 - 753 мм, 19 - 21 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертӳлӗхпе калаҫу ӑнӑҫлӑ сыпӑнӑ. Ҫавна май карьера картлашкипе хӑпарма пултаратӑр е шалу ӳсӗ. Официаллӑ учрежденисенчен пулӑшу ыйтма ӑнӑҫлӑ эрне. Коллективра ӗҫтешсемпе ӑнланманлӑх, хирӗҫӳ сиксе тухнӑ тӑк халӗ шӑпах уҫӑ калаҫу йӗркелеме, ыйтусене мирлӗ татса пама лайӑх вӑхӑт.

Утӑ, 10

1928
97
Айзман Станислав Николаевич, актёр тата режиссёр ҫуралнӑ.
1961
64
Медведев Геннадий Павлович, Чӑваш Республикин тава тивӗҫлӗ артисчӗ ҫуралнӑ.
1968
57
Коновалов Николай Дмитриевич, чӑваш журналисчӗ ҫуралнӑ.
Пулӑм хуш...Пулӑм хуш...